“Cufa” i urtë dhe i dashur, viktimë e dhunës – ja si ndodhi ngjarja që tronditi Ferizajin

Isuf Hasani, apo siç njihet nga banorët e Ferizajt si “Cufa”, e i cili është me aftësi të kufizuara, është sulmuar brutalisht para dy ditësh në sheshin e këtij qyteti. Sulmuesi i tij dyshohet se është një i mitur.

Agon Zhinipotokun, i cili tash e gjashtë vite kujdeset për të dhe familjen e tij tha se Cufa është sulmuar edhe më herët, por se ky është rasti më i rëndë.

“I ka nja gjashtë vite që kujdesna për ta, për Cufën dhe nanën e tij që është e sëmurë prej kancerit. Jemi tash si pjesë e familjes. Ka ndodhë edhe raste tjera, por ky është më i rëndë. Ky është person me aftësi të përhershme të kufizume”, ka rrëfyer ai për Reporteri.net.

Gjatë intervistës, në stacionin e Policisë është futur i dyshuari për sulm, i cili e ka pranuar se e ka grushtuar Cufën, me arsyetimin se e ka ngacmuar.

Zhinitpotoku ka thënë se nga frika, Cufa i ka thënë se është rrëzuar në shtëpi. Ai e përshkruan Cufën si njeri të urtë, të dashur e që e duan të gjithë.

“Ka pas gjakderdhje prej hundës. Mavijosjet iu kanë bë tek sot. Prej frikës më ka thanë jam rrëzu. Është një person i rritur jetim. I kanë vdekë katër motra, tre vëllezër dhe babai. Njerëzit e dojnë shumë, e respektojnë e sillen mirë me të”, shtoi ai.

Rasti është konfirmuar edhe nga Policia e Kosovës. Ata kanë nisur procedurat për shikimin e kamerave të sigurisë, për të zbuluar rrethanat e rastit.

“Sot rreth orës 11:00, Policia Rajonale e Ferizajt ka pranuar një informatë përmes rrjeteve sociale lidhur me një incident, ku dyshohet se është sulmuar fizikisht një person me aftësi të kufizuara, i njohur si “Cufa”. Menjëherë pas pranimit të informatës, hetuesit e stacionit policor në Ferizaj, janë angzhuar dhe kanë arritur të identifikojnë një person të dyshuar, i cili është ftuar në stacion për intervistim.

Ngjarja dyshohet se ka ndodhur dy ditë më parë në sheshin e qytetit. Me autorizim të prokurorit të shtetit, policia ka nisur procedurat për shqyrtimin e kamerave të sigurisë me qëllim të sqarimit të rrethanave të rastit”, kanë deklaruar nga Policia.

Ndeshja Shqipëri–Serbi: Ja si mund të pajiseni me bileta për përballjen e 7 qershorit

Për shkak të interesit të jashtëzakonshëm për ndeshjen Shqipëri-Serbi, që do të luhet më 7 qershor. e cila është e vlefshme për kualifikimet e Kampionatit Botëror 2026, Federata e Futbollit të Shqipërisë, njofton se do të ndjekë një procedurë të posaçme për shitjen e biletave, me qëllim menaxhimin sa më efikas të kërkesës së lartë nga tifozët shqiptarë.

Sipas FSHF-së, duke qenë se kërkesat pritet të tejkalojnë kapacitetin e stadiumit, kjo federatë bën me dije se nuk do të ketë shitje të menjëhershme të biletave, por do të ndiqet procedura e mëposhtme:

– Tifozët do të kenë mundësinë të plotësojnë një formular aplikimi elektronik, për të shprehur interesin e tyre për të siguruar bileta. Ky formular do të publikohet nga FSHF më 15 maj 2025.

– Çdo aplikant mund të kërkojë deri në 4 bileta.

– Pas përfundimit të afatit të aplikimeve, do të kryhet një përzgjedhje e rastësishme dhe automatike përmes shortit kompjuterik të aplikantëve, të cilët do të kenë më pas mundësinë për të blerë biletat.

– Të përzgjedhurit do të njoftohen më disa ditë para ndeshjes nëpërmjet adresës së tyre elektronike.

– Pas njoftimit, ata do të marrin një link unik për të kryer pagesën online, në periudhën 30 maj – 2 qershor 2025.

– Pas konfirmimit të pagesës, biletat elektronike do të dërgohen në adresën e regjistruar të emailit.

FSHF thekson se bileta mund të transferohet vetëm një herë. Çdo transferim i mëtejshëm do ta bëjë biletën të pavlefshme.

Bekë Berisha ironizon Albulena Haxhiun: “Dylbere Fatimja – Epizoda e 15

Bekë Berisha nga Aleanca për Ardhmërinë e Kosovës, ka ironizuar me insistimin e VV-së që Albulena Haxhiu të jetë sërish kandidate e tyre për kryeparlamentare.

Ai madje në facebook, ka përdorur frazën e njohur ”Dylbere Fatimja”, duke i atribuuar këtë emër Haxhiut, për tentativën e saj për t’u bërë kryetare e Kuvendit të Ksoovës, ne seancën e 15-të, transmeton klankosova.tv.

”Nesër prej orës 10 në rrolin e përpjekjes
Dylbere Fatimja epizoda e 15
Shikim të këndshëm”.

Zhvillime të reja nga zgjedhjet në Shqipëri – ja si qëndron rezultati deri tani

Procesi i numërimit të votave në Shqipëri për zgjedhjet parlamentare të 11 majit po vazhdon me ritëm të shpejtë, teksa deri më tani janë numëruar 60% e qendrave të votimit, përkatësisht 3192 nga gjithsej 5225, shkruan Gazeta Sinjali.

Sipas të dhënave paraprake të publikuara nga Komisioni Qendror i Zgjedhjeve, Partia Socialiste e udhëhequr nga kryeministri Edi Rama kryeson me 52.7% të votave, që përkthehet në 83 mandate – një shumicë e mjaftueshme për të siguruar një mandat të katërt radhazi në qeverisje.

Në anën tjetër, Partia Demokratike dhe aleatët e saj kanë marrë 34% të votave, duke siguruar 51 mandate, që përbën një rënie të ndjeshme krahasuar me rezultatin e zgjedhjeve të vitit 2021, ku siguruan 63 vende në Kuvend.

Një tjetër zhvillim i rëndësishëm është përmbysja e rezultatit në disa nga bastionet tradicionale të opozitës, si Dibra dhe Lezha, ku Partia Socialiste po kryeson për herë të parë pas shumë vitesh.

Ndër forcat e tjera politike:

• Partia Socialdemokrate: 3.7%, 3 mandate
• Koalicioni “Nisma Shqipëria Bëhet”: 3.5%, 1 mandat
• Partia Mundësia: 2.8%, 1 mandat
• Lëvizja Bashkë: 1.3%, 1 mandat

Partitë më të vogla si Koalicioni Euroatlantik, Koalicioni Djathtas për Zhvillim, Aleanca Demokracia e Re, Aleanca Kombëtare Shqiptare dhe Lëvizja Atdheu nuk kanë arritur të sigurojnë përfaqësim.

Ishte i dehur, ish-banori i kërkon Loredanës t’ia kthejë gjysmën e parave që ia dha për ditëlindje

Ditëlindja e 26-të e Loredanës ishte e organizuar në çdo detaj.

Të ftuar ishin edhe ish-banorët më të cilët Lori ka qëndruar gjatë, shkruan Indeksonline.

Një postim që mori vëmendje ishte ai i Xenit, i cili në formë shakaje kërkoi t’ia kthente të hollat Loredana.

“Na i kthe gjysmën e lekëve se kemi hedh shumë nga pija”, shkroi ai./Indeksonline/

“A jeni more normal…”, shpërthen shoqja e Rinës, pas tragjedisë

Pas ngjarjes tragjike që tronditi opinionin publik, ku stilisti i njohur Festim Isufi humbi jetën të premten, një valë reagimesh ka pushtuar rrjetet sociale.

Teksa shumëkush ka shprehur dhimbje për humbjen e parakohshme të tij, disa komente të rënda dhe akuza janë drejtuar ndaj partneres së tij, Rina, e cila mbeti e plagosur në atë që dyshohet të ketë qenë një konflikt tragjik mes tyre.

Në mbrojtje të saj ka dalë shoqja Gresa Gashi e cila përmes një postimi në Instagram ka shpërthyer ndaj komenteve të ashpra që qarkullojnë online.

“A jeni more normal, çfarë populli i mbrapshtë!”, shkruan ajo me revoltë, duke theksuar se e ndjen për obligim të sqarojë se komentet e pamëshirshme mund ta shtyjnë edhe Rinën drejt depresionit.

Sipas saj, Rina ka qenë e vetmja mbështetje për Festimin në periudhën e fundit të jetës së tij, si në aspektin moral ashtu edhe financiar, në një kohë ku ai po përballej me sfida të mëdha personale.

“Rina është mundu me mish e shpirt në çdo situatë për burrin e saj,” thotë Gresa, duke e përshkruar mikeshën si një vajzë të brishtë që reflekton vetëm të mira.

“E jep maksimumin Rina, fati deshti ndryshe,” përfundon ajo me dhimbje.

FSHF del me informacione për biletat e ndeshjes Shqipëri – Serbi, ndryshojnë procedurat

Për shkak të interesit të jashtëzakonshëm për ndeshjen Shqipëri-Serbi, e vlefshme për kualifikueset e Kampionatit Botëror 2026, Federata e Futbollit njofton se do të ndjekë një procedurë të posaçme për shitjen e biletave, me qëllim menaxhimin sa më efikas të kërkesës së lartë nga tifozët shqiptarë.

Duke qenë se kërkesat pritet të tejkalojnë kapacitetin e stadiumit, FSHF bën me dije se nuk do të ketë shitje të menjëhershme të biletave, por do të ndiqet procedura e mëposhtme:

– Tifozët do të kenë mundësinë të plotësojnë një formular aplikimi elektronik, për të shprehur interesin e tyre për të siguruar bileta. Ky formular do të publikohet nga FSHF më 15 maj 2025.

– Çdo aplikant mund të kërkojë deri në 4 bileta.

– Pas përfundimit të afatit të aplikimeve, do të kryhet një përzgjedhje e rastësishme dhe automatike përmes shortit kompjuterik të aplikantëve, të cilët do të kenë më pas mundësinë për të blerë biletat.

– Të përzgjedhurit do të njoftohen më disa ditë para ndeshjes nëpërmjet adresës së tyre elektronike.

– Pas njoftimit, ata do të marrin një link unik për të kryer pagesën online, në periudhën 30 maj – 2 qershor 2025.

– Pas konfirmimit të pagesës, biletat elektronike do të dërgohen në adresën e regjistruar të emailit.

FSHF thekson se bileta mund të transferohet vetëm një herë. Çdo transferim i mëtejshëm do ta bëjë biletën të pavlefshme.

“Qeveria mund të ndikojë në uljen e faturave duke i subvencionuar konsumatorët”

Zyra e Rregullatorit për Energji (ZRrE), ka dalë me një komunikatë për media në të cilën thuhet se “vendimet për tarifat janë kompetencë ekskluzive e ZRrE-së”, teksa “qeveria mund të ndikojë në uljen e ndikimit të faturave vetëm përmes mekanizmit të subvencionimit direkt te konsumatorët”.

Ky reagim vije pas takimit me deputetët e LDK-së, pas dërgimit të kërkesës për anulim të vendimit për shtrenjtim të rrymës prej 16.1 për qind.

“Vendimet për tarifat janë kompetencë ekskluzive e ZRrE-së, dhe asnjë institucion tjetër nuk ka mandat ligjor për të anuluar apo shtyrë vendimet e ZRrE”, thuhet në komunikatë.

“Qeveria mund të ndikojë në uljen e ndikimit të faturave vetëm përmes mekanizmit të subvencionimit direkt te konsumatoret, por kjo nuk përbën vendimmarrje rregullative”, vijon ZRrE.

Njoftimi i plotë:

Sonte…’ – Egli Tako paralajmëron diçka dhe rrjeti shpërthen

Kaq mjafton që Egli Tako të ‘ndezë’ rrjetin, ashtu siç bëri sot pasdite.

Përmes një selfie në makinë, ajo ka folur me disa prej fjalëve virale të Gjestit.

“Ku? Çka? Pse? Sonte…”, është shprehur ajo duke mos treguar më shumë se çka do të ndodhë.

Prive By Liberta Spahiu përmes rubrikës javore “E vërtetë, e pavërtetë” zbuloi arsyet e ardhjes së Eglit në Prishtinë javën e shkuar që lidhen me projektet muzikore.

Një prej tyre është në bashkëpunim me një këngëtare shumë të njohur të cilës në një farë forme mund të themi që Egli po i beson rrugëtimin artistik.

Edhe Abdixhiku i përgjigjet pozitivisht ftesës së Osmanit për takim

Kryetari i Lidhjes Demokratike të Kosovës (LDK), Lumir Abdixhiku, do të marrë pjesë në takimin konsultativ të ftuar nga presidentja Vjosa Osmani këtë të enjte, në lidhje me situatën e krijuar në Kuvendin e Kosovës, shkruan Gazeta Sinjali.

Lajmin e ka konfirmuar për Gazetën Sinjali zëdhënësi i LDK-së, Besian Mustafa, i cili tha: “Po e kemi pranuar ftesën dhe kryetari Abdixhiku do të merr pjesë në takim.”

Pjesëmarrjen në takim e kanë konfirmuar deri më tani edhe Partia Demokratike e Kosovës (PDK) dhe Aleanca për Ardhmërinë e Kosovës (AAK).

Sipas njoftimit nga presidenca, presidentja Osmani do të nisë më 15 maj një seri konsultimesh politike me partitë për çështjen e konstituimit të Kuvendit, ndërsa ftesat për takimet e para janë dërguar dhe aktualisht po priten konfirmimet.