Ismet Kryeziu nga Instituti i Kosovës për Demokraci (IKD) ka ngritur shqetësimin se vendi tash e tre muaj ndodhet pa Kuvend funksional, çka po sjell pasoja të drejtpërdrejta për qytetarët.
Sipas tij, për shkak të kësaj bllokade institucionale, Kosova nuk po arrin të përfitojë nga fondet e Planit të Rritjes së Bashkimit Evropian.
“882 milione euro te bllokuara per shkak te nje Kuvendi qe nuk po behet. Dem i interesave te ngushta partiake”, ka shkruar Kryeziu në një postim në Facebook.
Plani i Rritjes së BE-së për Ballkanin Perëndimor parasheh disbursimin e këtyre fondeve, por ato mund të kalojnë vetëm pasi të ratifikohen marrëveshjet përkatëse në Kuvendin e Kosovës.
Pa funksionalizimin e tij, procesi mbetet i bllokuar.
Naim Murseli, i akuzuari kryesor për vrasjen e Liridona Ademajt, ka marrë në pyetje vëllain e tashmë të ndjeres, Leonard Ademaj, i cili po dëshmon në seancën gjyqësore të së hënës.
Murseli ka pyetur Leonard Ademajn nëse motra e tij është ankuar në raport me të përgjatë 12 viteve martesë, shkruan Insajderi.
Ademaj ka thënë se disa muaj para se të ndodhte tragjedia, familja e tij ishte njoftuar për një aferë tradhtie nga ana e Naim Murselin me një të afërme të saj.
Murseli ka pyetur edhe se në çfarë ore kishte qenë në morg bashkë me Kushtrim Kokallën, por që Ademaj ka thënë se s’e di saktë orën.
Pjesë nga intervistimi:
Naim Murseli: E kam një pyetje për Leonardin. Për 12 vjet martesë, a ju është ankuar ndonjëherë motra juaj për mua apo për raportin tonë?
Leonardi: Jo nuk është anku. Përveç që para disa muajve para se të ndodhte… Është prekur shumë për një aferë tradhtie e Naimit me të afërmen e saj… por që ajo vetë e kishte zgjidhë këtë dhe ne nuk e kemi kundërshtuar qëndrimet e saj.
Liridon Ademaj, vëllai i Liridona Ademajt që dyshohet se u vra mizorisht nga bashkëshorti i saj, Naim Murseli, ka dëshmuar sot para trupit gjykues në Gjykatën Themelore në Prishtinë.
Ai rrëfeu momentin e rëndë kur mori lajmin për vrasjen e motrës.
“Kam qenë në lokal në fshatin tim duke punuar. Më ka thirrur bashkëshortja në telefon dhe më ka thënë: E paskan vra Liridonën. Si kishte shumë njerëz në lokal, nuk e dëgjova mirë a ishte fjala për motrën time Liridonën apo për djalin e axhës, po ashtu Liridon. Pastaj nuk vonoi shumë dhe erdhi thirrja e dytë, më tha: Hajde në shtëpi, se e kanë vra motrën tënde, Liridonën”, tha Ademaj raporton Insajderi.
Ai shtoi se menjëherë kishte shkuar në shtëpi me vrap, kishte marrë prindërit dhe i kishte çuar në spitalin e Gjakovës për t’u dhënë qetësues.
Më pas, bashkë me ta ishin nisur drejt QKUK-së.
Naim Murseli është paraqitur në seancë, pasi që pas ekzaminimeve psikiatrike, ka rezultuar se ky i fundit është në gjendje të rregullt mendore dhe mund të vijojë seancat e mëtejme gjyqësore.
Nën masa te rrepta sigurie u sollën në Gjykatën Themelore në Prishtinë Naim Murseli, Granit Plava, Kushtrim Kokalla dhe Tom Dodaj, të akuzuar për vrasjen e Liridona Ademajt
Edhe Leonard Ademaj, vëllai i Liridona Ademajt, arriti në seancën gjyqësore. Ai pritet të dëshmojë për këtë rast.
Seanca e sotme gjyqësore është caktuar të fillojë në orën 09:00.
Një ushtar i Forcës së Sigurisë së Kosovës ka shkaktuar skandal duke mos u kthyer nga një trajnim zyrtar në Shtetet e Bashkuara të Amerikës.
Burime të ATV-së bëjnë të ditur se ushtari ishte pjesë e një grupi të FSK-së që po qëndronte në SHBA për trajnim. Mirëpo, por ai është ndarë nga pjesa tjetër e grupit dhe ka vendosur të qëndrojë ilegalisht tek familjarëtbe tij në Amerikë.
Sipas të njëjtave burimeve, atij ju është kthyer vetëm një uniformë nga trajnimi. Dyshohet se vendimi i tij lidhet me kushtet e vështira ekonomike dhe dëshirën për një jetë më të mirë në SHBA.
Ky veprim ka ngjallur reagime të ashpra dhe shqetësime në opinion, pasi paraqet jo vetëm një shkelje të rëndë disiplinore, por edhe dëmton imazhin e institucioneve të sigurisë në vend.
Rasti rikujton ngjarje të ngjashme nga periudha pas luftës, kur disa boksierë të ekipit të Aziz Salihut nuk u kthyen më në Kosovë pas një turneu ndërkombëtar të mbajtur në Angli.
Vetë ministri Ejup Maqedonci nuk është përgjigjur në pyetjen e gazetarit nëse ky lajm është i vërtetë.
Emisari Amerikan, Richard Grenell, i ka quajtur “manipulim të fjalëve të Donald Trump”, fjalët e Presidentes së Kosovës, Vjosa Osmanit, referuar presidentit amerikan se “javët e fundit” e ka parandaluar një konflikt mes Kosovës dhe Serbisë.
Grenell tha se “është absurde” të pretendohet se ka pasur diçka të re – dhe se fjalët e Trump i referohen kohës së Marrëveshjes së Uashingtonit.
“Turp për Vjosa Osmanin që manipuloi fjalët e Presidentit Donald Trump.
Donald Trump u nominua për Çmimin Nobel për Paqen për punën e tij në paqen dhe normalizimin ekonomik midis Kosovës dhe Serbisë në vitet 2019 dhe 2020 – përmes nënshkrimit të Marrëveshjes së Uashingtonit nga Trump në Zyrën Ovale në Shtëpinë e Bardhë.
Osmani nuk ishte pjesë e asaj marrëveshjeje. Dhe të pretendosh sikur kishte diçka të re është absurde”, tha Grenell në “X”.
Mes paralajmërimeve për një konflikt të mundshëm të madh me Rusinë, Gjermania do të presë një nga stërvitjet ushtarake më të rëndësishme të NATO-s në vitet e fundit, në fund të shtatorit.
Hamburgu do të presë “Red Storm Bravo” nga 25 deri më 27 shtator, një stërvitje tre-ditore, ditë e natë, që simulon reagimin e shpejtë të Aleancës ndaj një sulmi të mundshëm rus në krahun lindor të NATO-s.
Disa vlerësime thonë se deri në 800,000 njerëz do të marrin pjesë në stërvitje. Ushtarët do të praktikojnë lëvizjen e trupave nëpër qytet, duke ofruar ndihmë mjekësore dhe duke evakuuar të plagosurit në kushte reale. Rrugët e Hamburgut do të mbushen me konvoje ushtarake, automjete transporti, spitale të lëvizshme dhe helikopterë, ndërsa qyteti do të luajë një rol kyç si një qendër logjistike në rast të një konflikti.
“Kërcënimi është real. Ne tashmë po shohim sulme ndaj infrastrukturës sonë”, paralajmëron Kapiteni i Bundeswehr-it Kurt Leonards, duke përmendur raste të sabotimit industrial, spiunazhit dhe vrasjeve të planifikuara.
I vendosur në Gjermaninë veriore, Hamburgu ka një nga portet më të mëdha në Evropë, një infrastrukturë të zhvilluar transporti dhe qasje të drejtpërdrejtë në rrugët baltike. Në rast lufte, ai do të bëhej porta kryesore për furnizimet dhe vendosjen e forcave aleate në Poloni dhe shtetet Baltike. Afërsia e tij me Skandinavinë dhe Evropën Lindore e bën atë një pikë kyçe për reagimin e shpejtë ushtarak të NATO-s.
Një raport i ri i Bundeswehr-it thotë konkretisht se Rusia nën Vladimir Putinin po përgatitet për luftë kundër NATO-s. Presidenti lituanez Gitanas Nausëda paralajmëron se një sulm i ri rus mund të ndodhë brenda 4-5 vitesh, ndërsa komuniteti i inteligjencës lituaneze vlerëson se Rusia përfaqëson një kërcënim afatgjatë për sigurinë e të gjithë Aleancës së Atlantikut të Veriut.
Në të njëjtën kohë, jeta e përditshme në Gjermani po ndryshon. Industria ushtarake po shënon të ardhura rekord, me Rheinmetall që pritet të gjenerojë një xhiro prej 10 miliardë eurosh në vitin 2024. Gjithnjë e më shumë studime shkencore po shqyrtojnë skenarë për shpërthimin e Luftës së Tretë Botërore, ndërsa qytetarët po përjetojnë një ndjenjë gjithnjë e më të theksuar pasigurie dhe frike, raporton Spiegel, transmeton A2 Televizion.
Thirrjet në linjën e ndihmës psikologjike të Gjermanisë arritën në 1.3 milion vitin e kaluar, shumë prej të cilave përmendën luftën dhe paqëndrueshmërinë globale si burim ankthi. Disa po përgatiten për më të keqen, të tjerë po ikin nga vendi dhe të tjerë po u kërkojnë politikanëve të sigurojnë paqen ndërsa ka ende kohë.
Hamburgu do të bëhet skena e ushtrimeve ushtarake në vjeshtë, por edhe një simbol i një realiteti të ri në të cilin Gjermania duket gjithnjë e më shumë si një vend që beson se lufta është një e kaluar e largët. Kolonat ushtarake, paralajmërimet për kërcënime dhe frika midis qytetarëve thonë një gjë: koha e sigurisë që merrej si e mirëqenë po kalon ngadalë në histori.
Anita Muçaj – Haradinaj ka ndarë historinë e njohjes së saj me ish-kryeministrin e Kosovës, Ramush Haradinaj, në një intervistë për emisionin “S’e Luan Topi”.
Ajo tregoi se takimi i tyre i parë ndodhi gjatë një interviste, ku Ramushi ishte i ftuar.
Gjatë asaj interviste, ai e pyeti me një ton të njohur: “Goca e kujt je ti?” dhe Anita duke menduar se kishin një njohje familjare, iu përgjigj: “Jam goca e Mustafës”.
Ky takim ishte fillimi i një njohjeje që do të zhvillohej më tej
Spikerja e lajmeve theksoi se Haradinaj e tërhiqte për shkak të karakterit të tij të veçantë, një kombinim i pjekurisë dhe shpirtit aventurier.
“Mua më pëlqen gjithçka që është e vështirë, më pëlqen të sfidohem”, shtoi Anita, duke nënvizuar se Ramushi nuk ishte një njeri i zakonshëm, por dikush që nuk mund ta parashikojë.
Përveç kësaj, zbuloi edhe një anë më të panjohur të Haradinajt – atë personale dhe intime, që zakonisht nuk shfaqet në jetën publike të një lideri politik. Edhe pse nuk dha shumë detaje, e përshkroi këtë anë si të rrallë dhe të çmuar, duke shtuar se Ramushi është shumë romantik dhe se ia sjell mëngjesin në shtrat.
