Olluri i reagon Gërvallës pas debatit me Krakin: Ti je nxitesja e gjuhës ofenduese kundër mediave

Gazetari, Parim Olluri i ka reaguar diplomatës së detyrë, Donika Gërvalla, e cila reagoi pas përplasjes së të parit me deputetin e VV-së, Nezir Krarin në një studoi televizive, ku përveç debatit të ashpër transpemtimi u ndërpre për shkak të indikacioneve për sulm fizik, raporton GazetaDemos.

Gërvalla ‘eskaloi’ në ofendimi në këtë reagim, duke thënë; “Televizion rrugaç.. Moderator rrugaç. “Analist” mercenar rrugaç. Por me prof. Nezir Krakin kot e keni. As nuk mateni e as nuk ia dilni dot. Në mes të llumit tuaj shkëlqen dija dhe dinjiteti i tij. Marre ju koftë!”.

Për këtë gjuhë të përdorur, Olluri deklaroi se vetë ministrja në detyrë është nxitja dhe promotorja e gjuhës ofenduese kundër mediave në Kosovë.

“Gjuha fyese dhe shpifese e eksponenteve te pushtetit kunder gazetareve beri qe debati te eskalonte. Shpreh keqardhje ndaj publikut qe nuk meritonte te shihte pamje te tilla. Debati eskaloi dhe perfundoi ne menyren qe nuk do te deshiroja.

Sa i perket postimit te kryediplomates ne detyre, Donika Gervalles, qe s’paska lene gje te zeze pa thene, ajo vec e paska konfirmuar edhe njehere qe eshte nxitesja dhe promotorja e gjuhes ofenduese kunder mediave”, tha ai.

Vrasja e 37 vjeçarit nga Gjilani- Sot merret vendimi final ndaj dy të akuzuarve

Sot pritet aktgjykimi për rastin e vrasjes tinëzare të Sokol Osmanit në Gjilan

Në Gjykatën Themelore të Gjilanit është paraparë që sot të përmbyllet procesi gjyqësor për rastin e vrasjes së 37-vjeçarit Sokol Osmani, i cili u vra në mënyrë tinëzare në nëntor të vitit 2024 në qytetin e Gjilanit.

Pas disa muajsh seanca gjyqësore dhe dëgjimi të të gjithë dëshmitarëve, sot pritet të shpallet aktgjykimi ndaj dy të pandehurve në këtë rast, Valmir Salihu dhe Florian Mitev, të cilët po mbahen në paraburgim që nga vetëdorëzimi i tyre para autoriteteve pas një periudhe të gjatë kërkimi nga Policia e Kosovës..

Gjatë shqyrtimit gjyqësor, dëshmitarët kanë dhënë deklaratat e tyre për rrethanat e ngjarjes tragjike që tronditi opinionin publik në nëntor të vitit të kaluar. Prokuroria ka ngritur aktakuzë ndaj të pandehurve për vrasje të rëndë, ndërsa mbrojtja ka kërkuar lirimin e tyre me arsyetimin se nuk ekziston bazë e mjaftueshme provuese.

Familja Osmani ka qenë e pranishme në seancat kryesore dhe ka kërkuar drejtësi për djalin e tyre të vetëm, Sokol Osmanin, duke theksuar se humbja e tij ka lënë një boshllëk të madh në familje dhe komunitet.

Aktgjykimi pritet të shpallet gjatë ditës së sotme në orën 13:00, pas shqyrtimit përfundimtar të provave dhe deklarimeve nga gjykata.

Kërquki reagon pas ofendimeve të Donika Gërvallës, e cila e quajti rrugaç

Moderatori dhe autori i emisionit “Pressing”, Leonard Kërquki, ka reaguar pas situatës së fundit në emisionin e tij, për të cilin reagoi edhe ministrja në detyrë, Donika Gërvalla-Schwarz.

Kërquki kërkoi falje për atë çfarë ndodhi gjatë emisionit, duke thënë se ndjen keqardhje.

“Ndjej thellësisht keqardhje për situatën e krijuar sonte ne “Pressing”. As nuk ishte e nxitur, e aq me pak e dëshiruar prej anës time. Te gjithë mysafiret janë njoftuar për panelistët që i kanë në studio qysh në mesditë. Ashtu sikurse për temën e debatit: pretendimet e PDK’së për keqpërdorimin e votave në Mitrovicë. Zhvillimi i debatit pastaj është edhe në dorën e të ftuarve, poaq sa në timen. Sonte, shkoi keq dhe ndjej keqardhje”, thuhet në reagimin e Kërqukit në Facebook.

Përpos kërkim faljes, Kërquki nuk u mor me ofendimet e Gërvallës. Ai tha se nuk bie në nivelin e ministres në detyrë.

“Tash që po e shkruaj këtë sqarim po shoh qe Ministrja Donika Gërvalla më paska quajt rrugaç. Njëjtë sikur edhe televizionin!!! Zonja Gërvalla para disa muajsh, me kërkesën e saj, ka ardhur pikërisht në emisionin tim. E kam trajtuar denjësisht sikurse çdo të ftuar tjetër. Te njëjtën hapësirë sikurse ajo e ka pasur në javën vendimtare të zgjedhjeve edhe Faton Peci, si kandidat për Kryetar të Mitrovicës. Te njëjtën hapësirë do ta kenë edhe në të ardhmen; “Pressing” nuk është platforma ime personale, por e publikut qe i drejtohet. Sa për ofendimin qe e bën zonja Gervalla, personalisht nuk e ndjej të nevojshëm t’i përgjigjem. Ky është niveli i saj – dhe në atë nivel nuk dua të bie.

Gjatë emisionit të mbrëmshëm ku po zhvillohej debati për votimin në Mitrovicë, analisti Parim Olluri ishte fjalosur me deputetin Nezir Kraki.

Minstrja Gërvalla kishte reaguar pas përfundimit të emisionit, duke i cilësuar si “rrugaç” moderatorin Kërquki, televizionin T7 dhe Ollurin.

Gërvalla sulmon T7 dhe analistët duke i dalë krah Krakit: Në mes të llumit tuaj shkëlqen dija dhe dinjiteti i tij

Verifikimi i votave në Mitrovicë pritet të përfundojë sot, ky është rezultati nga përditësimi i fundit i KQZ-së

Komisioni Qendror i Zgjedhjeve ka njoftuar se procesi i verifikimit të rezultateve në Mitrovicë të Jugut, pritet të përfundojë sot. Ky proces është duke vazhduar.

Në përditësimin e fundit të KQZ për të rezultateve për Mitrovicën, bëhet e ditur se është bërë verifikimi i 69 vendvotimeve në Qendrën Komunale të Numërimit.

Nga rezultatet e deritashme, dallimi mes kandidatëve është rreth 554 vota.

Faton Peci i Vetëvendosjes renditet i pari me 51,27%, apo 11,218 Vota, ndërsa Arian Tahiri i PDK’së ka 48,73%, apo 10,664 Vota.

Partia Demokratike e Kosovës ka njoftuar të mërkurën se ka dorëzuar ankesë në Panelin Zgjedhor për Ankesa dhe Parashtresa, lidhur me situatën në Qendrën Komunale të Numërimit në Mitrovicë të Jugut.

Nga kjo parti kanë kërkuar rivotim në këtë komunë.

Procesi u ndërpre mbrëmjen e së hënës pas raportimeve për keqpërdorime të mundshme, ndërkaq dje gjatë ditës, Prokuroria Themelore në Mitrovicë urdhëroi Komisionin Komunal Zgjedhor që të rifillojë procesin e numërimit të fletëvotimeve në Qendrën Komunale në komunën e Mitrovicës së Jugut.

Valon Preteni, zëdhënës i Prokurorisë Themelore në Mitrovicë ka konfirmuar për gazetën online Reporteri.net se dy policë do të jenë prezent në qendrën e numërimit, gjatë gjithë kohës së procesit.

Tensione në rritje: Flota amerikane vendoset në Karaibe, Maduro sfidon Trumpin: Jemi gati për çdo luftë

Marina amerikane ka njoftuar se anija luftarake USS Gerald R Ford, e konsideruar si aeroplanmbajtësja më e re dhe më e madhe në botë, ka hyrë në zonën e përgjegjësisë së Komandës Jugore të SHBA-së, e cila mbulon Amerikën Latine dhe Karaibet.

Vendosja e anijes dhe grupit të sulmit që ajo drejton – i cili përfshin dhjetëra avionë dhe anije shkatërruese – ishte njoftuar gati tre javë më parë.

Ndërkohë, regjimi i presidentit venezuelian, Nicolás Maduro, njoftoi atë që e quajti një “vendosje masive” të forcave tokësore, detare, ajrore, lumore dhe raketore, si dhe milicisë civile, për t’iu kundërvënë pranisë detare amerikane në bregdetin e saj.

Transporti amerikan bashkohet me anije të tjera luftarake, një nëndetëse me energji bërthamore dhe një avion të bazuar në Porto Riko, duke formuar praninë më të madhe ushtarake amerikane në rajon në dekada – e parë si më e madhja që nga pushtimi i Panamasë në vitin 1989.

Presidenti amerikan, Donald Trump është përpjekur të justifikojë forcimin masiv ushtarak si pjesë të “luftës së tij kundër drogës”, duke synuar trafikantët që dyshohet se kontrabandojnë narkotikë përmes ujërave të Karaibeve dhe Paqësorit. Kjo fushatë ka përfshirë sulme ajrore ndaj anijeve që deri më tani kanë vrarë të paktën 76 persona në ujërat e Amerikës së Jugut që nga shtatori.

Sean Parnell, zëdhënësi kryesor i Pentagonit, tha në një deklaratë të lëshuar nga marina amerikane se mbërritja e USS Gerald R Ford, me “më shumë se 4,000 marinarë dhe dhjetëra avionë taktikë në bord”, do të “forcojë aftësinë e SHBA-së për të zbuluar, monitoruar dhe ndërprerë aktorët dhe aktivitetet e paligjshme” në rajon.

“Këto forca do të rrisin dhe shtojnë aftësitë ekzistuese për të ndërprerë trafikimin e narkotikëve dhe për të degraduar dhe çmontuar organizatat kriminale transnacionale”, shtoi ai.

Maduro ka akuzuar SHBA-në për “fabrikim të një lufte të re” dhe tha se vendosja detare përfaqëson “kërcënimin më të madh me të cilin është përballur kontinenti ynë në 100 vitet e fundit”.

Të martën, përpara se marina amerikane të konfirmonte mbërritjen e transportuesit detar, regjimi venezuelian njoftoi një fazë të re të vendosjes së tij ushtarake kundër asaj që e quajti “kërcënime imperiale” të SHBA-së, me televizionin shtetëror që transmetoi pamje të udhëheqësve ushtarakë që mbanin fjalime në disa shtete.

“Qyp atje!”, Nezir Kraki reagon pas debatit të nxehtë me Parim Ollurin

Një debat i tensionuar në një emision televiziv gati sa nuk ka përfunduar në përleshje fizike mes deputetit të Lëvizjes Vetëvendosje, Nezir Kraki, dhe analistit Parim Olluri.

Debati i cili u shnëdrrua në përplasje verbale mes dyve ka kaluar kufijtë e debatit politik, duke krijuar një atmosferë të nxehtë që kërkoi ndërhyrjen e stafit për të shmangur incidentin.

Pas emisionit, deputeti Kraki ka reaguar në rrjetet sociale, duke publikuar një fotografi me ministrin në detyrë Faton Peci dhe duke shprehur hapur qëndrimin e tij:

“Për Mitrovicën, për Kosovën, kundër bandave dhe komitave me zagarë.

Qyp atje!”, ka shkruar ai në Facebook.

Përditësohen rezultatet e Mitrovicës pas verifikimit të votave në QKN, kjo është diferenca në vota mes Faton Pecit e Arian Tahirit

Komisioni Qendror i Zgjedhjeve ka përditësuar rezultatet për Mitrovicën nga verifikimi i 40 vendvotimeve në Qendrën Komunale të Numërimit.

Nga rezultatet e deritashme, dallimi mes kandidatëve është rreth 400 vota.

Faton Peci i Vetëvendosjes renditet i pari me 51.50% apo 6 mijë e 889 vota, ndërsa Arian Tahiri i PDK’së ka 48.50% apo 6 mijë e 487 vota.

Verifikimi po vazhdon, teksa si process pritet të përmbyllet nesër./Reporteri.net

Gërvalla sulmon T7 dhe analistët duke i dalë krah Krakit: Në mes të llumit tuaj shkëlqen dija dhe dinjiteti i tij

Kryetarja e Listës “Guxo”, Donika Gërvalla ka reaguar pas përplasjes së ashpër të Nezir Krakit me gazetarin Parim Olluri.

Anipse Kraki iu drejtua Ollurit me termin “zagar”, Gërvalla ka zgjedhur ta lartësojë figurën e “profesorit” duke ofenduar Televizionin T7 dhe moderatorin, Leonard Kerquki.

“Televizion rrugaç.. Moderator rrugaç. “Analist” mercenar rrugaç. Por me prof. Nezir Krakin kot e keni. As nuk mateni e as nuk ia dilni dot. Në mes të llumit tuaj shkëlqen dija dhe dinjiteti i tij. Marre ju koftë!”, ka shkruar Gërvalla

Abdixhiku: S’e kam problem bashkëpunimin me asnjë shqiptar që e do Republikën e Kosovës

Deputeti i LDK-së, njëherësh kryetar i kësaj partie, tha se nuk e ka problem të bashkëpunojë me asnjë shqiptar që e do Republikën e Kosovës.

Në Rubikon të Klan Kosovës, ai u pyet nëse mund të ketë bashkëpunim me Nismën e Fatmir Limajt.

“Na jepni kohë. Nuk kam lajme sot për juve. Natyrisht se nuk përjashtoj asnjë bashkëpunim me askënd që beson në vlerat e LDK-së, ose mund të kemi një rrugë të përbashkët. Duhet analizuar të gjitha çështjet. Fillimisht unë duhet të bëj konsultime brenda partisë. Unë personalisht nuk e kam problem të bashkëpunoj me asnjë shqiptar që e do Republikën e Kosovës, dhe këtë mendësi dua ta ballafaqoj. Me dëshirë do të doja të kisha shumicën veç vet, por nuk e kam”, deklaroi kreu i LDK-së.

Lushtaku: “Šasha”, mercenare e agjendave serbo-greke të Kurtit dhe Mihalit

Mërgim Lushtaku nga PDK i ka reaguar deklaratës së deputetes, Adriana Matoshi.

Lushtaku deklaroi që fyerjet e deputetes “Šasha”, mercenare e agjendave serbo-greke të Kurtit dhe Mihalit, janë pjesë e një spini medial për ta larguar vëmendjen nga krimet e pushtetit.

I plotë:

Fyerjet e deputetes “Šasha”, mercenare e agjendave serbo-greke të Kurtit dhe Mihalit, janë pjesë e një spini medial për ta larguar vëmendjen nga krimet e pushtetit.

1. Vjedhja e miliona eurove nga rezervat shtetërore, ku janë përfshirë Rozeta Hajdari dhe vetë Albin Kurti.

2. Manipulimi i votave me “Trenin e Kurtit” në Mitrovicë, për të deformuar vullnetin e qytetarëve.

Ndërsa këto skandale shpërthejnë, pushteti dërgon mercenarë për të ofenduar dhe mashtruar publikun.

Shtet i plaçkitur. Pushtet i kapur. Moral i rënë.