OVL-UÇK i çon letër Grenellit për Specialen: Mos e lini këtë gjykatë të shkruajë një histori të rreme

OVL-UÇK i ka dërguar një letër Amerikës, më saktësisht ambasadorit Richard Grenell, i dërguar i posaçëm i presidentit Donald Trump, për Misione të Veçanta.

Përmes kësaj letre, veteranët kanë shprehur shqetësimin e thellë për Gjykatën Speciale, duke theksuar se ajo kanë humbur qëllimin e tyre.

Sipas OVL-UÇK, ajo që do duhej të ishte një gjykatë drejtësie është shndërruar në një armë politike.

“Po ju shkruajmë nga Organizata e Veteranëve të Ushtrisë Çlirimtare të Kosovës (OVL-UÇK), për të shprehur shqetësimin tonë të thellë dhe në rritje se Dhomat e Specializuara të Kosovës e kanë humbur qëllimin e tyre. Ajo që duhej të ishte një gjykatë drejtësie është shndërruar në një armë politike. Dhe administrata juaj, më shumë se kushdo tjetër, e di se çfarë ndodh kur drejtësia bëhet politike, bëhet represion”, thuhet në letër.

Tutje, OVL-UÇK kërkon nga Grenelli dhe administrata e Trumpit, që kjo gjykatë të mbyllet.

“Ju kërkojmë ta ngrini këtë çështje me administratën tuaj. Taksapaguesi amerikan nuk i dërgoi paratë e tij të fituara me mund në Evropë për të financuar një gjykatë që shkel vetë vlerat për të cilat qëndron Amerika. Presidenti Trump po rishkruan rregullat e ndryshkura të kontrollit politik të gjyqësorit të pavarur dhe sipas rregullave të reja, kjo gjykatë duhet të mbyllet. Është një turp për drejtësinë amerikane dhe për vlerat amerikane”, thuhet më tej në letër.

“Presidenti Trump, administrata e tij dhe ju personalisht e kuptuat diçka që pjesa tjetër e botës e harroi: liria nuk jepet. Liria fitohet. Dhe më e rëndësishmja, liria mbrohet. Ne, veteranët e Ushtrisë Çlirimtare të Kosovës, e mbrojtëm atë liri. Luftuam kundër njërit prej regjimeve më brutale në Evropë. Varrosëm vëllezërit dhe motrat tona. Humbëm shtëpi, gjymtyrë dhe familje. Por kurrë nuk e humbëm besimin tonë në demokraci, në liri, në premtimin e Amerikës se drejtësia dhe liria shkojnë krah për krah. Kur lufta mbaroi, ne nuk u kapëm pas armëve, por i lamë ato. Çarmatimi, çmobilizimi dhe riintegrimi ynë ishin ndër më të suksesshmit në histori. Ne ndihmuam në ndërtimin e një Kosove demokratike. Ne i shndërruam luftëtarët në qytetarë. Ne ndoqëm shembullin e Amerikës sepse besuam në të. Udhëheqësit tanë dhanë dorëheqjen vullnetarisht për të vërtetuar pastërtinë e luftës sonë. Sepse kur drejtësia është e drejtë, e vërteta triumfon. Po Dhomat e Specializuara? Kjo nuk është drejtësi. Kjo është një gjueti shtrigash”.

“Presidenti Trump e di më mirë se kushdo tjetër se kur drejtësia rrëmbehet nga elitat politike, ajo bëhet një mjet për të heshtur patriotët. Kjo është ajo që është bërë kjo gjykatë. Një mjet për të heshtur pikërisht njerëzit që sollën paqen, që ndaluan gjenocidin, që mbrojtën lirinë. Pati dorëheqje të kryeprokurorëve, gjyqtarëve dhe zyrtarëve ligjorë nga kjo gjykatë dhe kjo nuk ishte rastësi. Ishte ndërgjegje. Ata panë se kjo gjykatë ishte bërë një makinë persekutimi politik. U desh një prokuror i korruptuar, në rrethana të errëta, për të ngritur padi. ​​Dhe ju e dini, ju e dini më mirë se ato padi ishin hartuar për të sabotuar iniciativën tuaj të paqes në Zyrën Ovale gjatë mandatit të parë të Presidentit Trump. Një paqe që ishte e arritshme. Ai prokuror u kthye me vrap në Amerikë pasi shkaktoi dëmin e tij, duke shpresuar të manipulonte vullnetin e popullit amerikan. Ai dështoi keqas. Sepse Amerika është ndërtuar mbi shekuj lirie, sundimi të ligjit, madhështie kushtetuese. Po kjo gjykatë? Kjo gjykatë është ndërtuar mbi idetë e burokratëve dhe miqve që mendojnë se drejtësia është një mjet për pushtet, jo një qëllim në vetvete”.

“Presidenti ynë, kryetari ynë i kuvendit dhe deputetët tanë të zgjedhur shkuan atje vullnetarisht. Ata nuk kanë asgjë për të fshehur. Por nuk mund ta mbrosh veten në një sallë gjyqi që është ndërtuar për të shtypur zërin tënd. Kjo nuk është drejtësi. Ky është një gjyq i shëmtuar. I dashur ambasador, ne po ju drejtohemi jo si politikanë, por si veteranë për veteranët. Vëllezër në armë. Mbrojtës të lirisë. Ju kërkojmë ta ngrini këtë çështje me administratën tuaj. Taksapaguesi amerikan nuk i dërgoi paratë e tij të fituara me mund në Evropë për të financuar një gjykatë që shkel vetë vlerat për të cilat qëndron Amerika. Presidenti Trump po rishkruan rregullat e ndryshkura të kontrollit politik të gjyqësorit të pavarur dhe sipas rregullave të reja, kjo gjykatë duhet të mbyllet. Është një turp për drejtësinë amerikane dhe për vlerat amerikane”.

“Ne kërkojmë një shqyrtim të plotë, një audit financiar dhe një hetim të pavarur se si funksionon kjo gjykatë dhe si zyrtarët e saj jetojnë si mbretër, ndërsa luftëtarët tanë të lirisë ulen në qelitë e burgut për të mbrojtur lirinë. Nëse liria ka ndonjë kuptim, nëse drejtësia nuk është vetëm një fjalë, por një parim, atëherë kjo nuk mund të qëndrojë. Ne luftuam kundër Millosheviqit për të ndaluar këtë lloj abuzimi. Dhe do të flasim përsëri. Amerika ishte me ne kur kishte më shumë rëndësi. Dhe tani po kërkojmë përsëri, ju lutem mos e lini këtë gjykatë të shkruajë një histori të rreme. Mos i lini elitat e korruptuara t’i shndërrojnë veteranët në keqbërës. Kjo nuk është vetëm një thirrje për ndihmë. Kjo është një thirrje për të mbrojtur lirinë, përsëri”, përfundon letra e OVL-UÇK-së drejtuar Amerikës.

Kriza me mbeturinat në Prishtinë, Rama jep detaje se kur pritet të rikthehet normaliteti

Kryetari i Komunës së Prishtinës, Përparim Rama, ka reaguar ndaj situatës së fundit me mbeturinat në kryeqytet, duke e cilësuar ndërprerjen e shërbimeve nga Ndërmarrja “Pastrimi” si “kulmin e papërgjegjësisë institucionale dhe një formë të përsëritur të shantazhit”.

Në një postim në facebook, Rama njoftoi se komuna ka mobilizuar të gjitha kapacitetet alternative për të menaxhuar situatën dhe ka theksuar se qytetarët nuk do të mbesin pa shërbime për shkak të, siç tha ai, “kalkulimeve politike të askujt”.

“Qytetarët e Prishtinës nuk meritojnë të përballen me situata që cënojnë shëndetin publik dhe dinjitetin qytetar. Ekipet tona kanë punuar 24 orë gjatë vikendit dhe nga dita e hënë pritet rikthimi i normalitetit”, ka shkruar Rama.

Rama kritikoi ashpër përdorimin e ndërmarrjeve publike si instrument shantazhi për interesa të ngushta politike, duke u zotuar se epoka e sabotimeve dhe keqpërdorimit të parasë publike do të marrë fund.

“Unë nuk jam dhe nuk do të jem pjesë e pazareve politike. Qëndrimi im është i pandryshueshëm – gjithmonë në interes të qytetarëve”, tha Rama.

Kryetari falënderoi qytetarët për mirëkuptimin dhe mobilizimin e tyre në ruajtjen e pastërtisë në qytet, duke theksuar se qytetarët tashmë e kanë kuptuar “skemën e sabotimeve që po bëhen në kurriz të tyre”.

Situata me menaxhimin e mbeturinave ka nxitur reagime të shumta në opinionin publik, teksa qytetarët janë përballur me grumbullime të mëdha të mbeturinave në shumë pjesë të qytetit. Komuna ka premtuar zgjidhje të qëndrueshme dhe shërbim të denjë për kryeqytetin.

Këto janë kriteret që duhet t’i përmbush Kosova për anëtarësim në Këshillin e Evropës

Alain Berset, sekretari i Përgjithshëm i Këshillit të Evropës, ka treguar kushtet që duhet të përmbushë Kosova për anëtarësim.

Ai ka deklaruar se njëra nga këto kushte është që vendi ta njeh njihni Gjykatën Evropiane për të Drejtat e Njeriut.

“Për t’u bërë pjesë e Këshillit të Evropës duhet të përmbushen disa kritere. Njëri prej kushteve është të bëheni anëtare e Konventës Evropiane për të Drejtat e Njeriut, ta njihni Gjykatën Evropiane për të Drejtat e Njeriut, trupën më të rëndësishme të Këshillit të Evropës dhe poashtu të zbatoni të gjitha vendimet e GjEDNj-së”, tha ai në Klan Kosova.

“Mendoj se kjo është në interes të të gjithë qytetarëve, pra shteteve, vendeve anëtare, që ta kenë mundësinë të kenë qasje në Gjykatë dhe të njihen me të gjitha shkeljet e të drejtave të njeriut dhe poashtu t’i adresojnë ato dhe të merren vendime për to”.

“Kjo është njëra, ndërkaq një pikë tjetër është siç e dini përfshirja dhe diskutimet me të gjithë qytetarët që jetojnë në territorin e Kosovës, po ashtu në pjesën veriore. E dini saktësisht disa pika të kushteve të vendosura në tavolinë nga ana e Asamblesë Parlamentare të Këshillit të Evropës që do të jetë një element kyç dhe shumë i rëndësishëm i të gjitha diskutimeve”, ka thënë Berset.

TË NGJASHME

Parlamenti Evropian miraton rezolutën për Kosovën

E dhimbshme: Kjo është 19-vjeçarja që humbi jetën nga vetaksidenti në Pouskë të Prizrenit

Një ngjarje tragjike ka ndodhur në orët e para të mëngjesit të së dielës në fshatin Pouskë të Prizrenit, ku një vajzë e re ka humbur jetën si pasojë e një vetaksidenti.

E ndjera është identifikuar si Dilge Nanovçe, 19-vjeçare, shtetase turke me prejardhje nga Kosova. Ajo ishte duke e drejtuar veturën në momentin kritik, kur për arsye ende të paqarta, ka humbur kontrollin mbi automjetin dhe ka dalë nga rruga.

Në veturë ndodheshin edhe dy persona të tjerë, të cilët kanë pësuar lëndime dhe janë dërguar me urgjencë në spital për trajtim mjekësor. Fatkeqësisht, për 19-vjeçaren nuk pati shpëtim, pasi ajo ndërroi jetë në vendin e ngjarjes.

Sipas të dhënave fillestare, vajza po ngiste veturën pa patentë shoferi dhe pa përvojë të mjaftueshme në vozitje. Automjeti i përfshirë në aksident ishte i tipit Opel Astra me targa vendore, transmeton Gazeta Imazhi.

E rëndë në Shqipëri: Shembet muri rrethues, humbjet jetën një 4 vjeçare

Një ngjarje tragjike ka ndodhur mesditën e së dielës në fshatin Suk 2 të Roskovecit në Shqipëri, ku një vajzë 4-vjeçare ka humbur jetën pasi është zënë poshtë nga shembja e një muri rrethues, shkruan Gazeta Sinjali.

Sipas njoftimit të policisë, ngjarja ka ndodhur rreth orës 12:40, në pronën e shtetasit L. T., babai i viktimës. Muri rrethues i amortizuar i banesës është shembur dhe ka zënë poshtë të miturën, e cila për pasojë ka ndërruar jetë.

E mitura është dërguar në qendrën shëndetësore të Roskovecit, por ka mbërritur pa shenja jete.

“Rreth orës 12:40, në fshatin Suk 2, Roskovec, dyshohet se është shembur një mur rrethues në pronësi të shtetasit L. T., dhe për pasojë ka zënë poshtë vajzën e tij të mitur rreth 4 vjeçe, e cila ka ndërruar jetë. Grupi hetimor po punon për zbardhjen e rrethanave të ngjarjes,” thuhet në njoftimin e policisë.

“E mbaj flamurin kudo” – Spahiu deklarohet pas takimit me Gjuriq në Beograd

Analisti Nexhmedin Spahiu është takuar me ministrin serb Marko Gjuriq gjatë një konference në Beograd, shkruan Insajderi.

Këtë e ka bërë të ditur dje vetë Spahiu.

Ai ka deklaruar se me Gjuriq njihen më shumë se 10 vite.

Ai ka treguar se me ministrin kanë diskutuar për problemet që ekzistojnë në rajonin e Ballkanit si dhe për dialogun mes Kosovës dhe Serbisë.

“Me ministrin kam më tepër se 10 vite që njihemi, komunikojmë, unë ndodhem në një konferencë këtu në Beograd dhe ka marrë vesh që jam këtu prezent dhe më ftoj në takim qëndruam dhe biseduam rreth një orë për sfidat në rajon, për problemet që ekzistojnë në rajonin e Ballkanit, për dialogun për marrëdhëniet Kosovë – Serbi, për marrëdhëniet ndëretnike. Flamurin e Kosovës e mbajë në xhaketë, kjo është edhe kur jam në Beograd edhe në çdo vend tjetër kjo është e natyrshme”, ka deklaruar Spahiu./teve1

Moment tensioni në Tiranë: Ergodani e ‘kap’ Macronin nga gishti, nuk e lëshon

Presidenti turk, Recep Tayyip Erdogan, ka sajuar një “kurth” për t’i kapur njërin prej gishtave homologut të tij francez, Emmanuel Macron, gjatë një shtrëngimi duarsh.

Momenti në fjalë ndodhi pasi presidenti francez ofroi dorën me pëllëmbën poshtë, në një gjest të dukshëm dominues.

Erdogan, nga ana tjetër, u përgjigj duke ‘kapur’ njërin nga gishtat e homologut të tij dhe duke e mbajtur atë për disa sekonda shumë të gjata, duke injoruar të gjitha përpjekjet e Macron për t’u çliruar.

Presidenti francez Emmanuel Macron u përpoq të krijonte epërsi psikologjike duke vendosur dorën e tij mbi dorën e Presidentit Erdogan.

Presidenti Erdogan ia mbajti gishtin Macronit për sekonda dhe nuk e lëshoi.

Pamje:

Dy tërmete në Maqedoninë e Veriut

Mëngjesin e së dielës, rreth orës 05:07 dhe 05:16, janë regjistruar dy tërmete në Maqedoninë e Veriut, me epiqendra në rajonin Peshteni – Ohër – Strugë, afërsisht 100 kilometra në jugperëndim të Shkupit, shkruan Gazeta Sinjali.

Sipas të dhënave të Observatorit Sizmologjik në Shkup, magnituda e tërmeteve ishte ML3.4 dhe ML2.3.

“Sipas të dhënave të deritanishme të cilat disponon observatori, tërmeti i parë është ndjerë në Ohër, Strugë dhe rrethinën e afërt me intensitet prej IV shkallëve sipas shkallës makrosizmike evropiane”, thuhet në njoftimin zyrtar.

Nuk raportohet për dëme materiale apo të lënduar deri më tani. Autoritetet janë duke monitoruar situatën.

Ramush Haradinaj në super formë, mëngjesin e së dielës e nis me vrap në Gërmi

Ish-kryeministri i Kosovës, Ramush Haradinaj, ka zgjedhur ta nisë mëngjesin e së dielës me aktivitet fizik në natyrë. Ai është parë duke vrapuar në parkun e Gërmisë, i veshur sportivisht dhe në formë të shkëlqyer fizike.

Fotografitë e publikuara nga vetë ai në rrjetet sociale, e tregojnë Haradinajn të përqendruar gjatë stërvitjes në natyrë, duke dëshmuar një stil jetese të shëndetshëm dhe disiplinë të lartë fizike.

Ky aktivitet i zakonshëm për Haradinajn, i cili shpeshherë ndan momente të ngjashme në rrjetet sociale, që sigurisht mbetet një shembull pozitiv i përkushtimit ndaj mirëqenies personale.

Kreu i AAK-së vazhdon të mbetet i angazhuar jo vetëm në skenën politike, por edhe në ruajtjen e një forme të admirueshme fizike, shkruan Gazeta Imazhi.

POSTIMI I PLOTË:

Detaje nga aksidenti tragjik në Prizren: Vetura bie nga 9 metra lartësi

Aksidenti i rëndë që ndodhi mëngjesin e së dielës në hyrje të fshatit Pouskë të Prizrenit, ka rezultuar fatal për 19-vjeçaren Dilge Nanovçe, e cila ishte në timon.

LEXO EDHE:

E rëndë: Kjo është 19-vjeçarja që humbi jetën në vetaksidentin tragjik në Pouskë të Prizrenit

Sipas burimeve të Sinjalit, Nanovçe po ngiste veturën Opel Astra me targa vendore, pa patentë shoferi dhe pa përvojë në vozitje. Ajo po udhëtonte në rrugën Pouskë-Opojë, kur në një kthesë të mprehtë prej 180°, për shkak të mospërshtatjes së shpejtësisë me kushtet e rrugës, humbi kontrollin mbi automjetin.

Vetura doli nga rruga në anën e djathtë dhe u rrokullis nga një lartësi prej rreth 9 metrash, duke përfunduar në një pjesë të thepisur të terrenit. Ajo u shkatërrua totalisht nga përplasja, ndërsa tre personat brenda saj u bllokuan në automjetin e rrokullisur.

Në vendin e ngjarjes intervenuan ekipet e zjarrfikësve për nxjerrjen e të lënduarve. Ekipi mjekësor konstatoi vdekjen e vozitëses në vend, ndërsa dy pasagjerët që ishin me të, Fati Gashi, 27 vjeçar dhe Erdall Tumba, 25 vjeçar, u dërguan fillimisht në Spitalin e Prizrenit.Gashi ka pësuar lëndime të lehta, ndërsa Tumba, pas trajtimit fillestar, u transferua në QKUK për kujdes të avancuar.

Prokurorja kujdestare ka urdhëruar që trupi i pajetë të dërgohet në Institutin e Mjekësisë Ligjore për autopsi, ndërsa hetimet për rastin janë duke vazhduar.