Dibran Hoxha i’a thotë në sy Haradinajt: Ju me orë e keni pritë Listen Serbe për me formu Qeverinë

Daut Haradinaj nga Aleanca për Ardhmërinë e Kosovës (AAK), është i ftuar të enjten në “Pressing” të T7.

Ai ka folur edhe për kryeministrin e Kosovës, Albin Kurti, të cilin AAK-ja e akuzon si “bashkëpunëtor të Serbisë”.

Gjatë diskutimit, analisti Dibran Hoxha i tha Haradinajt se mund në të ardhmen të dëshmohet kushtëzimi i Listës Serbe për Mimoza Kusari-Lila.

Por, ai ka shtuar se edhe AAK-ja e kishte pritur 6-7 orë Listën Serbe për ta formuar Qeverinë.

“Po dalim në kontradikta që vështirë po i ka edhe AAK-ja me i arguemntu, për shembull kur thotë AAK-ja për Listën Serbe, kushtëzimi mundet me vlejt dhe mundet me u dëshmu në të ardhmen për Mimoza Kusari-Lilën dhe Albin Kurtin, mundet. Por, mundet me dalë më voë prër juve që e keni prit 6-7 orë për me bë Qeverinë”, ka thënë Hoxha.

Më pas, Haradinaj tha e nuk është gjëja e njëjtë, pasi në atë kohë Milan Radojçiq nuk ka qenë në listë të zezë të SHBA-ve e as i akuzuar për terrorizëm.

“Nuk ka qenë në listë të zezë dhe nuk ka qenë i akuzuar për terrorizëm”, ka deklaruar Haradinaj.

Kandidatja e SHBA-së për presidente, Harris ‘i gëzohet’ vrasjes së liderit të Hamasit

Zëvendëspresidentja e SHBA-së, Kamala Harris, është deklaruar pas vrasjes së liderit të Hamasit.

“Çdo terrorist që vret amerikanët, kërcënon popullin amerikan ose kërcënon trupat tona apo interesat tona, le ta dijë këtë, ne do t’ju sjellim gjithmonë para drejtësisë”, ka thënë ajo, njofton Skynews.

Harris ka potencuar se Izraeli e ka “të drejtën për të mbrojtur veten” dhe kërcënimi që Hamasi paraqet për vendin duhet “të eliminohet”.

Ajo po ashtu ka theksuar se vdekja e Sinwar-it ka qenë “përparim i qartë drejt këtij qëllimi”.

“Hamasi është shkatërruar dhe lidershipi i tij është eliminuar. Ky moment na jep një mundësi për t’i dhënë fund luftës në Gaza”, ka thënë Harris, teksa ka shtuar se duhet të përfundojë me sigurimin e Izraelit, lirimin e pengjeve, përfundimin e vuajtjeve në Gaza dhe palestinezët duke realizuar “të drejtën e tyre për dinjitet”.

“Është koha që e nesërmja të fillojë pa Hamasin në pushtet. Ne nuk do të heqim dorë nga këto synime dhe unë gjithmonë do të punoj për të krijuar një të ardhme paqeje, dinjiteti dhe sigurie për të gjithë”, ka potencuar Harris.

Paralajmërohet arrestimi i tre ministrave së qeverisë Kurti

Daut Haradinaj nga Aleanca për Ardhmërinë e Kosovës, ka akuzuar Qeverinë e Albin Kurtit për abuzim me paranë publike.

Ka thënë se vetëm një ministër ka 1 milion e 700 mijë euro për shpenzime jashtë shtetit.

Haradinaj ka shprehur bindje se tre ministra do të arrestohen dhe nuk po “i merr gjumi”, shkak i veprave të tyre.

“I kanë qindra miliona shpenzime, paga, mëditje, udhëtime jashtë shtetit, turizma poshtë e naltë. Vetmë një ministër i ka 1 milion e 700 mijë shpenzime jashtë shtetit. Nuk e them me emër sepse besoj që ka me u arrestu shpejt e ka me u burgos, jo vetëm për këtë temë, por edhe për shumë tema tjera. Minimum 3-4 minitra janë në hetime, dhe çdo ditë pritet arrestimi i tyre. Jo, një por unë jam i bindur 3. Ata zotëritë e dinë sepse nuk po i merr gjumi natën dhe për shkak të veprave të veta”, ka thënë Haradinaj në t7.

Arrestohen dy persona në Mitrovicë, dyshohen për vrasjen në Gjermani

Mbrëmjen e sotme, AKI në bashkëpunim me Fast Kosova ka kryer një aksion të suksesshëm në Mitrovicë, ku ka arrestuar dy persona.

Burime të IndeksOnline bëjnë të ditur se personat e arrestuar dyshohen për veprën penale “vrasje” të ndodhur në Gjermani.

Të dy të arrestuarit ishin në kërkim ndërkombëtarë.

Ky është moti për nesër

Vransirat mbeten edhe ditën e premte mbi vend, më të përqendruara nga pjesë perëndimore të vendit, ku pasdite nuk duhet përjashtuar mundësi për ndonjë rrebesh shiu.

Nga pjesë lindore priten intervale më të gjata me diell. Temperaturat minimale zbresin në 7C e 9C, ndërsa maksimalet shkojnë deri në 18C e 20C.

Vransira e intervale me diell ndërrohen ditën e shtunë, derisa nga pjesë perëndimore të vendit, nuk duhet përjashtuar mundësitë për ndonjë rigë shiu.

Nga dita e diel, në përgjithësi paraqitet situatë më e qëndrueshme, kryesisht me kthjellime e diell.

Temperaturat maksimale luhaten ndërmjet 16C e 19C, derisa minimalet ndërmjet 4C e 8C. Frynë erë juglindore e lehtë dhe mesatare 5-10m/s.

SHIKO EDHE:

Meteorologët paralajmërojnë dimër më të ftohtë se ai i vitit të kaluar

Nushi: Kurti për lëshimet në CEFTA rriti pensionet 20%, për ‘Zajednicën’ ndoshta pagat 100%

Anëtari i Partisë Socialdemokrate të Kosovës, Nol Nushi ka thënë kryeministri i Kosovës, Albin Kurti ka lëshuar pe dhe ka ndryshuar nga ç’do qëndrim që e ka dhënë.

Nushi ka thënë se këtë po e bënë pasi nuk po dëshiron të hyjë në zgjedhje duke u përplasur me ndërkombëtarët.

Kurti nuk po dëshiron të hyjë në zgjedhje duke u përplasë më ndërkombëtarët, kjo ka mi kushtu Kosovës. Paramendoni më hy në zgjedhje i përjashtuar prej CEFTA-s e i izoluar komplet. I bëri do lëshime, me këtë rast përfituan do pensionistë me një rritje prej 20%, nuk e di çka kemi me përfituar kur ta bënë ‘Zajednciën”, me siguri është tu e ruajt rritjen e pagave 100%”, tha Nushi.

Ministri Aliu publikon pamje me dron të rrugës Prishtinë-Podujevë, por kur pritet të përfundoj?

Ministri i Infrastrukturës, Liburn Aliu, ka publikuar pamje me dron të rrugës në ndërtim Prishtinë-Podujevë.

Aliu për punimet e kësaj rruge tha se ka progres të dukshëm.

Por, ai s’tregoi se kur pritet përfundimi i tyre.

“Na kanë vonuar punët e mbrapshta, por nuk na kanë ndalur”, tha ai.

SHIKO EDHE:

Ja kur pritet të përfundoj rruga Prishtinë-Podujevë

Ja kur pritet të përfundoj rruga Prishtinë – Mitrovicë

Si Baba Vanga edhe Nostradamus kanë bërë të njëjtin parashikim shqetësues për vitin 2025

Mes tyre është bullgarja e verbër Baba Vanga, e cila megjithëse vdiq në 1996, besohet se ka parashikuar disa ngjarje botërore si sulmet e 11 Shtatorit, vdekja e princeshës Diana, apo zgjedhja e Barack Obama si president i SHBA.

Ndërsa astrologu francez Nostradamus, i cili jetoi në shekullin e 16-besohet se ka parashikuar ngritjen e Adolf Hitler në pushtet, zjarrin e madh të Londrës dhe shpërthimet shfarosëse në Hiroshima e Nagasaki shkruan rrjeti britanik Unilad.

Ata raportohet se kanë dhënë parashikime dhe për vitin 2025, për të cilin Nostradamus ka pasur vizione të “një perandorie nënujore që i bashkohet civilizimit dhe të një kulti të errët që merr pushtetin botëror”.

Ndërsa Baba Vanga besohet se ka thënë se “telepatia do të bëhet diçka reale”, duke nisur nga muajt në vijim.

Një parashikim të përbashkët për këtë periudhë nga të dyja personazhet është një luftë që “do të shpërthejë në Evropë”.

Nostradamus ka thënë se ‘ata nga tokat e Evropes’ do të përfshihen në luftëra mizore,’ duke shtuar në mënyrë misterioze se: “Sëmundjet e lashta do të jenë armiku më i keq”.

Baba Vanga ka bërë një parashikim të zymtë për 2025, duke thënë se konflikti në Evropë do të vrasë shumë njerëz.

Por gjithsesi dy parashikuesit preferonin të jepnin vetëm ogure tragjedie prandaj jo çdo gjë e raportuar duhet të merret për bazë.

Nuk dihet si i vinin vizionet parashikuesve të vjetër por Baba Vanga ka folur shpesh për shfaqje të alienëve në evente të ndjekura sportive.

Ndersa Nostradamus ka thënë më parë se qytete të rëndësishme do të fundosen nga uji, dhe një lider i ri qe do të shfaqet, do të shpallë “Rendin e Ri Botëror”, çka në fakt ngjason shumë me ide të teorive të konspiracionit që konsdierohen si të pavërteta nga pushteti.

Një tjetër parashikim i Baba Vanga është se piloti i Forula 1, Lewis Hamilton do të fitojë  titullin e tetë, edhe pse kur Baba Vanga vdiq, Hamilton ishte vetëm 11 vjeç./UniladNews/

Kryeministri serb akuzon Kurtin se po i bllokon me qëllim kamionët me mallra serbe

Kryeministri i Serbisë, Millosh Vuçeviq ka deklaruar sot se kryeministri Albin Kurti po bën gjithçka për të vështirësuar hyrjen e mallrave serbe në Kosovë.

Inspektimet e detajuara të kamionëve me mallra serbe që tashmë po hyjnë nëpër pikën doganore të Merdarës, kreu i ekzekutivit serb po i quan të panevojshme.

“Fatkeqësisht, gjithçka po shkon shumë keq. Kurti u pajtua, firmosi, por në çdo mënyrë në thelb minimizon dhe vepron në mënyrë destruktive. Ata po bëjnë inspektime të gjata të panevojshme, duke e komplikuar administratën vetëm për t’i bërë njerëzit nervozë dhe për të bërë të pakuptimta gjithçka që pretendohet se është rënë dakord”, tha Vuçeviq.

Ai theksoi se Kurti po shkakton si në lidhje me CEFTA-n ashtu edhe me mallrat serbe, në mënyrë që më vonë të lavdërohet për tërheqje nga këto vendime.

Vuçeviq është i bindur se Kurti nuk do të lejojë hyrjen e mallrave serbe përmes Jarinjes dhe Bërnjakut dhe se, sipas tij, do të arsyetohet me mos ardhjen e skanerëve.

“Ai po bën gjithçka për të bërë jetën sa më të vështirë për serbët në Kosovë”, u shpreh kryeministri serb.

Shefi i qeverisë serbe përmendi edhe aksionin e djeshëm policor në veri, ku u mbyll objekti që funksiononte si komunë paralele serbe e Skenderajt.

“U takofsh me çikën tënde…” – Fjalët prekëse të vëllait të Donjeta Pajazitajt pas vdekjes së babait

Babai i Donjeta Pajazitajt, Halil Pajazitaj, është ndarë nga jeta në moshën 72-vjeçare, raporton Sinjali.

Lajmin e kanë bërë të ditur familjarët, të cilët kanë njoftuar se 72-vjeçari ka vdekur pasi ishte përballur me një sëmundje gjatë një kohe jo shumë të gjatë.

Një reagim emocionues në rrjetet sociale e ka bërë vëllai i Donjeta Pajazitajt, Shkëlqim Pajazitaj.

“Bab, Allahu t’pastë çu n’xhehnet, e takoft me çikën tënde”, ka shkruar ai në Facebook.

Ndërkaq, varrimi i të ndjerit do të bëhet nesër në fshatin Strellc të Deçanit, në ora 14:00.