Vila e Deputetit të Kosovës, nga radhët e VV-së, Mefail Bajqinovcit, qe gjendet afër Bjeshkëve të Bajgorës, është dëmtuar ditën e sotme.
Burimet e IndeksOnline mësojnë se ajo është dëmtuar nga një shpërthim, e që dyshohet të jetë eksploziv.
Pas marrjes së informatës, Policia është nisur për në vendngjarje.
Sot janë bërë saktësisht një vit prej se ndodhi sulmi terrorist në Banjskë.
Nga ky sulm i vrarë mbeti rreshteri policor Afrim Bunjaku, i cili u përball ndër të parët me grupit e armatosur e terrorist serb.
365 ditë më pas, “Heroi i Kosovës” kujtohet me krenari nga të gjithë për sakrificën e tij, në shërbim të mbrojtjes së atdheut.
Në vazhdim ju sjellim disa pamje ekskluzive të siguruar nga Klan Kosova, të rreshterit Afrim Bunjaku, në veri, saktësisht nga Zveçani.
Aty tregohen disa nga aktivitetet e Bunjakut, bashkë me kolegët e tij për t’iu ofruar siguri të gjithë qytetarëve.
Ministri i Shëndetësisë, Arben Vitia, është parë ulur në një kafene me politikanin serb, Aleksandar Arsenjeviq, në veri të vendit. Ka edhe pamje nga ky takim.
Por, dy protagnistët në video, kanë dhënë versione të ndryshme se si kanë përfunduar në kafene bashkë e për çfarë kanë folur. Të dy thonë se takimi ka ndodhur vitin e kaluar, në tetor apo nëntor.
Ministri i Shëndetësisë, Arben Vitia, ka thënë se politikani serb i është ulur në tavolinë.
“Në fund të tetorit të vitit të kaluar…Aty ka ardh unë se kam njoftë, veç ka ardh është prezantu e pas atij prezantimi në njërën nga këto organizimet nga ambasadat kur ka qenë ai ka ardhë edhe më ka përshëndetë. Jemi taku ka ardh në rrugë aty ka qenë kemi bo muhabet se sa është e rëndësishme kjo pjesa e shëndetësisë dhe sa është e rëndësishme me u prevenue kanceri i gjirit te gratë. Asnjëherë privatisht vetëm unë dhe ai, këtë ta them me përgjegjësi të plotë nuk jemi takuar”, ka deklaruar Vitia.
Ai ka mohuar se është takuar i vetëm me Arsenjeviq.
“Aty kanë qenë së paku edhe dy veta të tjerë ku kemi qenë afër mamogramit mobil dhe jam ulë në kafe qaty ka ardhë edhe u ulë me mua dhe kemi bisedu qato tema që i thash. Për besë është e pamundshme eventualisht kur ka shku dikush me bo pagesën ose diqka, sepse jam i sigurt, jam qind për qind i sigurt se aty kam qenë me shefin e kabinetit dhe ka qenë edhe një person tjetër tash mos gabofsha nga Komuna e Mitrovicës së Veriut”, ka deklaruar Vitia.
E Arsenjeviq ka dhënë version tjetër. Sipas tij, Vitia ka kërkuar që të ulen e të bisedojnë.
“Po unë nuk mund të vendosi për çështje të shëndetësisë asgjë kështu që kjo nuk ka qenë në gusht por vitin e kaluar në tetor, nëntor, tetor, para një viti, ka qenë kur ai ka ardhur me skenerin mobil për mamografi. Vetëm jemi ulur të pimë një kafe private, ka kërkuar të ulemi pasi njihemi më herët, tema e diskutimit nuk ka qenë as shëndetësia, e asgjë, thjeshtë ka pas dëshirë të pimë kafe. Unë kam qenë mikpritës i mirë vetëm kemi pirë kafe”, ka thënë ai.
Politikani serb ka thënë se Vitinë e konsideron “të vetmin normal në qeveri”.
“Ministrin Vitia e konsideroj të vetmin normal në qeveri, kështu që atë bisedë ka qenë me siguri e karakterit privat, kemi folur për çështje normale”, ka thënë Arsenjeviq.
Arsenjeviq para dy javësh u arrestua nga Policia e Kosovës meqë u fishkelleu Kryeministrit Albin Kurti dhe ministrave tjerë që po vizitonin bizneset shqiptare në veri.
Arbenita, vajza e Heroit Afrim Bunjaku, ka thënë se është e vështirë për një fëmije t’i imagjinoj ëndrrat kur i mungon “krahu më i fort, babai”.
Në Akademinë Përkujtimore në njëvjetorin e rënies së babait të saj, ajo ka theksuar se amanet për familjen Bunjaku janë përkushtimi dhe dashuria për atdhe.
“Është e vështirë të imagjinosh ëndrrat e fëmijës kur i mungon krahu më i fort i tij e që është babai. E vështirë që të vazhdohet jeta pa pranin e tij, por krenaria e madhe që kemi për babin, trimin tonë të pa trembur, na bënë të vazhdojmë përpara duke kujtuar që u bë hero për vendin tonë. Ku dashuria dhe përkushtimi për atdheun janë amanet i yni. Një vit pa ty babi heroi i Kosovës, një vit me plotë sfida, një mungesë që shkon e rritet e asgjë nuk e përmbush boshllëkun që ka lënë brenda nesh. Ishe dhe do të mbetsh gjithmonë krenari e familjes dhe shtetit tonë”, u shpreh ajo.
Muj Bunjaku, vëllai i heroit të Kosovës, Afrim Bunjaku, tha se bashkërisht duhet të ruhet çdo pëllëmbë e territorit të Kosovës. Kështu ka thënë dërgohet edhe amaneti i Afrimit në vend.
“Me 24 shtator 2023 grupet terroriste serbe tentuan të hynin në pjesën veriore të Kosovës, por Afrimi me shokët e tij, tha jo në territorin e Kosovës nuk ka vend për terroristë. Për ne është dhimbje e madhe humbja e të dashurit tonë, por jemi krenar që patëm kësi vëllai trim. Duhet të bashkohemi të gjithë ta ruajmë çdo pëllëmbë të Kosovës ta dërgojmë amanetin e Afrimit deri në fund, sepse ai thoshte kjo është tokë e jona dhe duhet ta mbrojmë”, u shpreh ai.
Sot u raportua për një incident që ka ndodhur pranë shkollës së mesme teknike “Fehmi Agani” në Klinë, ku një person ka shtënë me armë zjarri në drejtim të një personi tjetër.
Sipas informacioneve të para, i dyshuari menjëherë pas gjuajtjes me armë kishte ikur nga vendi i ngjarjes, për tu arrestuar më pas nga Policia e Kosovës.
Ani pse motivi i këtij rasti ende nuk dihet, bëhet e ditur se i dyshuari i cili është arrestuar nga Policia është një i mitur.
Zëdhënësi i Prokurorisë së Pejës, Shkodran Nikçi, ka konfirmuar për Sinjalin se i mituri është ndaluar për 24-orë nën dyshimin për tentim vrasje.
“I dyshuari është i moshës së mitur dhe është ndaluar për 24 orë, nën dyshimin se ka kryer veprën penale ‘Vrasje në tentativë’”, ka thënë Nikçi.
Ka ndërruar jetë infermieri nga Gjakova, Edmond Arapi, i cili tash e 39 vite punonte në Spitalin e Përgjithshëm “Isa Grezda” në Gjakovë, shkruan Gazeta Sinjali.
Lajmi për vdekjen e tij është bërë i ditur nga spitali “Isa Grezda”.
“Spitali i Përgjithshëm në Gjakovë shpreh ngushëllimet më të sinqerta familjes, të afërmve, kolegëve të tij”, shkruhet mes tjerash në njoftim.
Infermieri Edmond Arapi ka qenë i angazhuar edhe në Federatën Sindikale të Shëndetësisë.
Varrimi i tij do të bëhet sot në orën 15:00, në varrezat e qytetit në Gjakovë.
Kryeministri Albin Kurti ka thënë se dëshiron që ura kryesore mbi lumin Ibër të jetë një urë normale.
Në një intervistë për Financial Times, ai ka theksuar se Evropa kishte rrëzuar më parë muret, e sipas tij, nuk është në rregull që të ketë këmbëngulje për një urë të mbyllur.
“Ne duam një urë normale. Një urë normale është një urë e hapur, të vetmit që gëzojnë një urë të mbyllur janë ata që ende ëndërrojnë ndarjen e Kosovës”, tha ai.
“Evropa rrëzoi muret. Nuk është në rregull të këmbëngulësh për një urë të mbyllur”, tha Kurti për Financial Times-in.
Një incident ka ndodhur sot në afërsi të shkollës së mesme teknike “Fehmi Agani” në Klinë, ku ka pasur të shtëna me armë raporton, Gazeta Sinjali.
Sipas informacioneve të para, një person ka gjuajtur në drejtim të një tjetri, por akoma nuk dihet nëse ka të plagosur.
Sinjali merr vesh se Policia e ka arrestuar personin e dyshuar dhe rasti tashmë është proceduar.
Akoma s’dihet motivi dhe rrethanat e rastit.
Sinjali do të iu mbajë të informuar.
Kryeministri i Kosovës, Albin Kurti ka thënë se rënia e Afrim Bunjakut është dëshmi që Kosova edhe i del zot vetes edhe ngadhënjen në çdo betejë.
Sipas tij, Kosova nuk ka burime të brendshme që e cenojnë sigurinë apo stabilitetin e të cilat nuk mund t’i kontrollojnë.
Kurti theksoi se anembanë Kosovës në çdo cep është shteti i Kosovës, ku sherbehet me nder e përkushtim.
“Dëshmorët janë dëshmi e orëve të historisë. Në orët e hershme të mëngjesit të 24 shtatorit para një viti Rreshteri i Policisë së Kosovës, Afrim Bunjaku, ra heroikisht në mbrojtje të kushtetutshmërisë e të ligjshmërisë, në mbrojtje të sovranitetit shtetëror dhe të integritetit territorial, në mbrojtje të rendit publik, të paqes e të sigurisë dhe kësisoj lartësoi shtetin e Kosovës edhe për popullin e Kosovës, por edhe për opinionin publik ndërkombëtar.”
“Rënia e Afrim Bunjakut është dëshmi që Kosova edhe i del zot vetes edhe ngadhënjen në çdo betejë. Sot që po flasim, Kosova nuk ka burime të brendshme që e cenojnë sigurinë apo stabilitetin e të cilat ne nuk arrijmë t’i kontrollojmë apo menaxhojmë. Anembanë Kosovës në çdo cep është shteti i Kosovës, shteti i Republikës demokratike dhe të pavarur të Kosovës, të cilës i shërbejmë me nder dhe me përkushtim.” – ka shkruar Kurti.
Më tej, Kurti njoftoi se numri i policëve me kadetë të rinj po rritet, teksa përmendi edhe policët që ishin në betejë bashkë me Afrim Bunjakun, nuk lejuan që kufoma e Afrim Bunjakut, trupi i pajetë i heroit, të bie në duart e forcave armike
“Numri i policëve me kadetë të rinj po rritet, morali i policisë sonë, edhe i ushtrisë tonë, kurrë s’ka qenë më i lartë. Andaj kjo sakrificë, ky flijim i rreshterit të policisë, heroit të Kosovës, Afrim Bunjaku ia ka vlejtur fort për policinë, për shtetin dhe për gjeneratat e ardhshme. Duke rënë Afrim Bunjaku, nuk kanë rënë edhe shumë policë të tjerë, dhe, ata policë të cilët ishin në betejë bashkë me të nuk lejuan që kufoma e Afrim Bunjakut, trupi i pajetë i heroit tonë, të bie në duart e forcave armike. E forcat të cilat ishin të financuara e të dirigjuara nga Serbia me paramilitarë të cilët kishin shumë më tepër armatim sesa Afrim Bunjaku me shokë, ikën me turp, i lanë të vrarët e të plagosurit e tyre dhe sot fshihen nëpër Serbi, sepse e dinë që e kanë humbur betejën njëherë e përgjithmonë me shtetin tonë dhe popullin tonë liridashës.” – ka shkruar Kurti në Facebook.
“Me këtë rast duhet theksuar që Serbia është përgjegjëse andaj Serbia duhet të japë përgjegjësi, e në këtë pikë ne kërkojmë mbështetjen, ndihmën, përkrahjen, e faktorëve ndërkombëtarë.” – përfundoi ai.
Afrim Bunjaku duke patrulluar në rrugët e Zveçanit.
Video e publikuar nga Tëvë1, momenti pak para sul*mit të 24 shtatorit në Banjskë, Zveçan.
