Familja Rrahmani nga Mitrovica ka marrë lajmin e hidhur për vdekjen e familjarit të tyre.
Ahmet Rrahmani nga fshati Shupkovc ka ndërruar jetë.
I ndjeri ka qenë njëri nga policët më të respektuar në Mitrovicë.
Lajmin për vdekjen e tij e kanë dhënë familjarët e tij.
Postimi i plotë:
Tek Allahu jemi dhe tek ai do të kthehemi,
Dashamir, Miqësi
Sot në orët e vona të mëngjesit ndërroi jetë më i dashuri jonë, Vëllau,(Axha jonë), Ahmet Rrahmani në moshën 52-vje[are,
Axha jonë ishte një puntor dhe i dashur për të gjithë, ai i shërbeu atdheut si Zyrtar Policor i Republikës së Kosovës për më shumë se 20 vjet, i cili e deshi atdheun me çdo kusht,
Xhaxh, In sha Allah, Allahu të ka shpërbly me Xhenetin Firdeus,
Për vendin dhe kohën e funeralit do t’ju njoftojmë me kohë.
Kompania për Distribuimin e Energjisë Elektrike në Kosovë (KEDS) ka njoftuar se të premten, më 13.09.2024, do të kryhen punime të domosdoshme për siguri të sistemit energjetik.
Si rezultat, në disa lokalitete do të ketë ndërprerje të rrymës, më poshtë mund ta shihni orarin sipas rajoneve:
Prishtinë
Punime të domosdoshme për siguri të sistemit
1.
Nga NS 220/10[kV] Drenasi do të ndërprehet:
Dalja10 [kV] J.14 Gllobari 2 (kodi: 16100014) prej orës 09:00 deri në ora 14:00
Vendet: Gllobari, Vërboci dhe Tërsteniku.
Arsyeja: Mirëmbajtje preventive.
2.
Nga NS 220/10 [kV] Drenasi do të ndërprehet:
Dalja 10[kV] Llapushniku (kodi: 16100028) nga ora 10:30 deri në ora 15:00
Vendet: Llapushniku, Orllat, Negroci, Vuqaku, Xhurgjicë, Shkolla LLapushnikut dhe Kleçkë e re.
Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.
3.
Nga TS 35/10kV Mazgit do të ndërprehet:
LP 35kV Koliq (H04) pa tension mbesin daljet 35kV – bizneset Koliq prej orës 10:00 deri në ora 13:00.
Vendet: SH.P.K.-LLC”APOLLONIA” Fabrikë e Tjegullave dhe Europlast- Siqevë: ( TS: Europlast-Siqevë, Apollonia-Llazarevë, Rabit Maloku (Agim Maloku)”Apollonia “SH.P.K)
Arsyeja: Ndërprerje për siguri, ndërrimi i izolatorëve dhe shkarkueseve në LP 35kV.
Pejë
Punime të domosdoshme për siguri të sistemit
1.
Nga NS 110/10[kV] Deçani do të ndërprehet:
Dalja 10 [kV] Ledinat (kodi: 53000001) prej ores 10:00 deri në ora 14:00
Vendet: fshatrat: Baballoq, Beleg, Carabreg i Ulët (një pjesë), Carabreg i Epërm (një pjesë), Dubravë (një pjesë), Gramaqel, Irzniq, Ledina, Llukë e Eperëme (një pjesë) dhe Prekolluk.
Arsyeja: Mirëmbajtje preventive, pastrim i trasesë, degëzimi Baballoq dhe Dubravë.
2.
Nga NS 110/10[kV] Peja 2 do të ndërprehet:
Dalja 10 [kV] Kastrati (kodi: 51000007) nga ora 10:30 deri në ora 15:00
Vendet: fshatrat: Babiq, Dobërdol, Duboqakë (një pjesë), Firaj (një pjesë), Gorazhdecë, Llozhan, Millovancë, Pishtan (një pjesë), Poqestë, Ramun, Strellcë i Ulët, Vragoc, Zhllopek si dhe pjesë e rrugës Tranzit, Ruzhdi Haxhijaj dhe Dardanija 1, 2 dhe 3.
Arsyeja: Mirëmbajtje preventive, pastrimi i trasesë.
3.
Nga TS 110/35/10 kV Peja 1 do të ndërprehet:
Dalja 10kV Vitomirica (kodi: 50000010) prej orës 08:00 deri në ora 13:00
Vendet: Katuni i Ri 2, Instituti Bujqësor, Lagjja Qemanska Vitomiricë, Riki Petrolli, Baliqët, Farma, Domi, Gjeshoviqët, Ozdrimi, Dubova e Madhe, Fierza 5 dhe Dubova e Vogël.
Arsyeja: Ndërprerje për shkaqe sigurie, pastrim traseje, shtrëngim i përçuesve.
Presidentja e vendit, Vjosa Osmani ka folur për kërcënimet e presidentit serb, Aleksandar Vuçiq, i cili tha se nesër mund ta shpallë Kosovën një territor të pushtuar.
Osmani tha se Vuçiqi mund të shpallë çfarë të dojë, por tha se realiteti i përhershëm është se Kosova është dhe do të mbetet përherë shtet i pavarur, sovran, demokratik e që do fqinjësi të mirë me të gjitha shtetet në rajon.
”Shpresoj që këto fjalë të Vuçiqit, që tregojnë mendësinë e tij të vërtetë, që është trashëgimi e Millosheviqit, po dëgjohen nga bota mbarë, në veçanti nga disa që po shpresojnë se ai derisa e mban lëkurën e qengjit, nuk është ujku përbrenda”.
”Në fakt, është i njëjti njëri, që ka qenë ministër i Propagandës së Millosheviqit, që ka menduar vetëm si t’i sulmojë e t’i shkatërrojë të tjerët. Kjo është logjika e vetme që mbizotëron në politikën e Serbisë për momentin dhe shpresoj që sa më parë që ta shohim dhe ta pranojmë këtë realitet, edhe shumë nga miqtë tanë në Evropë, aq më parë dhe aq më shumë do të kontribuojnë për paqen afatgjate në rajonin tonë”, tha Osmani.
Tutje, Osmani e paralajmëroi presidentin serb se çka do që mund të synojë, do të përballet me vendosmërinë e institucioneve të Kosovës.
“Fytyra e vërtetë e Vuçiqit është ajo që i kërcënon shtetet fqinje me okupim. Nuk ka Vuçiq tjetër, nuk ka Vuçiq pro-paqe, por ka Vuçiq që shkakton destabilitet, që do ta kthej rajonin prapa, por assesi nuk do ta lejojmë”.
“Çka do që mund të synojë, do të përballet me vendosmërinë e institucioneve të Kosovës sepse nuk ka kthim mbrapa, nuk lejojmë kthim prapa”, tha ajo në Klan Kosova.
Prokuroria Speciale e Kosovës të mërkurën ka ngirtur aktakuzë kundër 45 personave të grupit terroristë për sulmin në Banjskë.
Në mesin e të akuzuarve figuron edhe emri i Milan Radojçiqi i cili kishte marrë përgjegjësi për drejtimin e grupit sulmues kundër shtetit të Kosovës me 24 shtator të vitit të kaluar në Banjskë të Zveçanit.
Deputeti i PDK-së, Hisen Berisha në emisionin ‘Raport’ në Kanal10 ka thënë se Milan Radojçiqi se fundmi ka nënshkruar kontratë marramendëse të fituar nga Institucionet e Kosovës, raporton Gazeta10.
Ai ka thënë se kontratën do ta publikojë se shpejti në Kuvendin e Kosovës e cila sipas tij, ka vlerë shumë të lartë.
“Kontratën e fundit do ta publikojë në Kuvend të Kosovës. Keni me u shoku çfarë kontrate ka nënshkruar Radojçiqi tani që është në arrati me institucionet e Kosovës”, ka thënë Berisha.
Reshjet e shiut mund të fillojnë sonte gjatë natës në Shqipëri dhe Dukagjin duke u intensifikuar orëve të mëngjesin kur vende-vende priten reshje shiu e rrebeshe shiu me vetëtima dhe bubullimë. Lokalisht priten rrebeshe intensive.
Nesër në Kosovë pritet të mbajë mot me vranësira, por edhe me intervale kohore me diell nganjëherë. Vende-vende, herë pas here priten reshje e rrebeshe lokale shiu me vetëtima dhe bubullimë. Temperaturat shënojnë ulje dhe ajo maksimale pritet deri në 23 gradë Celsius. Nganjëherë mund të ketë erëra të fuqishme nga jugperëndimi.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me vranësira dhe reshje shiu e rrebeshe lokale intensive shiu me vetëtima dhe bubullimë. Temperaturat shënojnë sërish ulje. Normalisht nuk do të ketë reshje pa ndërprerje, por vende-vende parashihen reshje mjaft intensive.
Fundjava na sjellë mot me vranësira të shumta më rrallë ndonjë interval kohor me diell. Temperaturat shënojnë ulje të mëtutjeshme dhe herë pas here priten reshje e rrebeshe shiu, më intensive të dielën. Në majat më larta mund të ketë fjolla bore./MeteoBallkan
Historiani Azdren Shala, ka thënë se në vitin 2011, disa hoxhallarë kanë bërë thirrje të hapura anti-laike dhe anti-kombëtare.
E sipas tij, të njëjtin sistem po e ndjekin edhe “Lëvizja e Deçanit”, ku sipas tij, po thonë se kush kthehet në fenë katolike, bëhet shqiptar dhe kthehet në fenë e të parëve.
“Kjo është e pasaktë dhe e pavërtetë. Ky burri këtu [Belisar Jezerci], ky jeton më shumë në Bruksel dhe më shumë në Kosovë”, tha ai në Rubikon.
Më pas, debati u ashpërsua, teksa Jezerci i ndërhyu Shalës, ky i fundit i tha “mshele gojën, unë po flas”.
Pas fyerjeve të Shalës, Jezerci tha se “nëse edhe një herë ofendon, unë e lëshoj emisionin, nuk është kurrkushi të ofendojë”.
Partitë politike ka kohë që kanë nisur një ‘luftë’ politike për zgjedhjet parlamentare të cilat do të mbahen të dielën e 9 shkurtit.
Për këtë temë është diskutuar në emisionin ‘Politiko’ me Kushtrim Sadikun në Kanal10.
Gazetari i njohur kosovar, Viktor Buzhala ka kritikuar partitë opozitare se kanë ‘fjetur’ gjatë mandatit qeverisës të Albin Kurtit.
Sipas tij, nëse opozita vazhdon me këtë qasje dhe pa ndonjë kauzë të qartë, në zgjedhjet e 9 shkurtit me mirë mos t’i del përpara Albin Kurtit, raporton gazeta10.
“Opozita gjatë këtyre katër vjetëve ka qëndruar thuajse nën hije, nuk ka arritur të këtë një kazus dhe të përçoj një mesazh pse dikush nga ata duhet të votohet dhe është me i mirë se Albin Kurti. Nëse vazhdohet në këtë mënyrë nuk kanë çka i dalin përpara Albin Kurtit, bile ju kisha thënë lene mos hyni fare në zgjedhje le ta votojnë populli veç Albin Kurtin sepse kështu nuk ecet përpara!, ka thënë Buzhala.
Ai ka folur edhe për raportet e përkeqësuar të qeverisë Kurti me aleatet ndërkombëtarë dhe rrezikun për shtimin e sanksioneve ndaj Kosovës.
“Nuk shoh ndonjë rrezik në këtë drejtim”, ka thënë Buzhala.
Deputeti i Lëvizjes Vetëvendosje, Enver Haliti, ka thënë se ura e Ibrit duhet të hapet dhe se Qeveria e Kosovës i ka kryer të gjitha detyrat që i takojnë për një gjë të tillë.
Ai, në “Debat Plus”, tha se Qeveria ka vendosur t’u japë kohë aleatëve ndërkombëtarë që të vendosin se kur është koha e duhur për hapjen e urjes.
“Mendoj që Qeveria ka bërë mirë që u ka dhënë kohë ndërkombëtarëve të tregojnë se kur është momenti i duhur edhe për ta. I kemi parë deklaratat e Osmanit që jep një parashikim që deri kur mund të ndodhë hapja e urës, e ka përmendë fundin e vitit, konsideroj që është e mjaftueshme kjo”, tha ai.
Sipas Halitit, çështja e hapjes së urës nuk duhet të politizohet dhe kurdo që hapet ajo të bëhet pa pompozitet.
Kështu raportojnë media të shumta në Beograd lidhur me konferencën që do të mbajë Aleksandër Vuçiq të premten në orën 18:00.
Danas, Pravda, versioni ballkanik i Russia Today dhe media të tjera serbe, duke cituar burime pranë lidershipit shtetëror serb, theksojnë se ky opsion është mes atyre që po shqyrtohen nga Vuçiq.
”Në tavolinë është opsioni i shpalljes së okupimit të një pjese të territorit të Republikës së Serbisë, që sjell pasoja të shumta, duke përfshirë përgatitjet për kthimin e zonave të okupuara, për shkak të terrorit me të cilin po përballet populli ynë në Kosovë dhe Metohi prej vitesh dhe që është përshkallëzuar ditët e fundit”, raportojnë mediat serbe, citon A2 CNN.
Sipas mediave në Beograd, ambasadori serb në Podgoricë ka takuar kryetarin e kuvendit të Malit të Zi, Andrij Mandiç, për t’ia treguar kërkesat e Vuçiqit.
Mes 6 kushteve që Serbia mund të prezantojë ndaj kosovës pritet që të jetë organizimi i zgjedhjeve në komunat në veri, kthimi i 700 ish policëve të komunitetit serb në detyrë, formimin e Asociacionit si dhe lirimin e të gjithë serbëve të arrestuar, siç pretendohet, për arsye politike.
Gjithashtu një ndër kërkesat është dhe heqja e ndalimit të hyrjes së produkteve nga Serbia.
