Sa komuna fituan partitë politike në balotazh?

Në shumicën e komunave të Kosovës tashmë ka përfunduar numërimi i votave për zgjedhjet lokale.

Sipas rezultateve të publikuara nga Komisioni Qendror i Zgjedhjeve (KQZ), Lëvizja Vetëvendosje ka arritur të fitojë në komunat e Mitrovicës, Gjilanit, Fushë Kosovës dhe Obiliqit.

Partia Demokratike e Kosovës (PDK) ka siguruar fitore në tri komuna: Prizren, Vushtrri dhe Kaçanik, pas balotazhit.

Ndërkohë, Lidhja Demokratike e Kosovës (LDK) ka dalë fituese në Prishtinë, Pejë, Viti, Dragash dhe Junik.

Aleanca për Ardhmërinë e Kosovës (AAK) ka fituar në komunat e Gjakovës, Suharekës, Klinës dhe Rahovecit.

Zgjedhjet lokale, vjen reagimi i Kurtit

Kryetari i Vetëvendosjes, Albin Kurti tha se partia me të cilën ai udhëheq ka fituar në shtatë komuna në zgjedhjet lokale të vitit 2025.

Ai, në një paraqitje për media nga selia e Lëvizjes Vetëvendosje në Prishtinë, tha se fitorja në shtatë komuna është një sukses për LVV-në.

“Lëvizja Vetëvendosje është hera e katërt që merr pjesë në zgjedhjet lokale. Herën e parë në vitin 2013 kemi fituar një komunë, herën e dytë në vitin 2017 kemi fituar tri komuna, herën e tretë në vitin 2021 kemi fituar në katër komuna dhe në bazë të të dhënave që kemi marrë nga komisionerët tanë, kësaj radhe kemi fituar shtatë komuna. Ky është një sukses i Lëvizjes Vetëvendosje”, tha ai.

“Ne po i presim ende rezultatet nga komunat e tjera, mirëpo tash më duhet të shkojë me nxitim në tubimin festiv një herë në Fushë Kosovë, pastaj në Obiliq, e në fund në Mitrovicë”, u shpreh Kurti.

Mitrovica me kryetar të ri, Arian Tahiri e uron Pecin për fitoren

Kandidati i Partisë Demokratike të Kosovës për Komunën e Mitrovicës, Arian Tahiri, ka uruar kundër-kandidatin e tij, Faton Pecin, për fitoren në këtë komunë.

Tahiri ka pranuar humbjen, teksa ka uruar Pecin për fitoren.

“Nuk kam pasur komunikim, por do ta uroj atë edhe gjithë qytetarët e Mitrovicës. E uroj Faton Pecin përmes kësaj telefonate”, ka thënë Tahiri në një lidhje telefonike në Debat Plus, raporton Paparaci.

Përkundër se pranoi humbjen, Tahiri tha se ekipe të partisë janë duke përgatitur ankesa për parregullsitë në ditën e zgjedhjeve në këtë komunë.

Përfundon numërimi i votave për Prishtinën – Kaq vota ka më shumë Rama se Hajrulla Çeku

Përparim Rama, ka dalë fitues në garën për komunën e Prishtinës, duke siguruar 51.54% të votave, apo 46,935 vota gjithsej, shkruan Insajderi.

Në anën tjetër, kandidati i Lëvizjes Vetëvendosje, Hajrulla Çeku, ka marrë 48.46% të votave, që përkthehet në 44,126 vota.

Dallimi mes dy kandidatëve është 2,809 vota, me ç’rast Rama ka arritur të ruajë kryeqytetin për LDK-në pas një gare të ngushtë dhe të tensionuar.

Mbyllet numërimi i votave në Gjilan, fitore bindëse e këtij kandidati

Numërimi i votave në Gjilan ka përfunduar, dhe kandidati i Lëvizjes Vetëvendosje, Alban Hyseni, ka dalë bindshëm para rivalit të tij nga LDK, Arbër Ismajli.

Rezultati final preliminar:

Alban Hyseni (VV) – 61.06% / 22,269 vota

• Arbër Ismajli (LDK) – 38.94% / 14,203 vota

Numërohen mbi 90 për qind të votave, Peci drejt fitores

Komisioni Qendror i Zgjedhjeve ka numëruar 92,38 për qind të votave në Komunën e Mitrovicës së Jugut.

Kandidati i Lëvizjes Vetëvendosje, Faton Peci, siç duket po shkon drejt fitores. Peci ka marrë 16,393 vota apo 53,67 për qind të tyre.

Ndërkaq kandidati i PDK’së, Arian Tahiri, ka marrë 14,149 vota apo 46,33 për qind të tyre.

Në bazë të rezultatit aktual, Peci është para Tahirit me mbi dy mijë vota. /Insajderi.org/

Xhafer Gashi jep dorëheqje nga të gjitha funksionet në LDK

Xhafer Gashi ka dhënë dorëheqje nga të gjitha funksionet e tij në LDK.

“Falënderoj secilin prej juve edhe shumë të tjerë që s’janë prezentë këtu. Meqenëse jemi mundu me organizu, ndoshta nuk ia kemi dalë për arsye se dikun na kanë vjedhë”, ka deklaruar Gashi.

“Unë si kryetar i degës së LDK-së në Obiliq, e marr përgjegjësinë për humbjen dhe jap dorëheqje nga Këshilli i Përgjithshëm, nga kryesia e Lidhjes Demokratike dhe nga kryetar i nëndegës”.

Numërohen mbi 50 për qind të votave në Mitrovicë, Faton Peci drejt fitorës

Komisioni Qendror i Zgjedhjeve ka procesuar mbi 50 për qind të votave në Komunën e Mitrovicës së Jugut.

Në bazë të rezultatit aktual, Faton Peci i LVV’së po prin me 8,336 vota apo 52,94 për qind të tyre.

Ndërkaq, Arian Tahiri i PDK’së ka marrë 7,411 vota apo 47,06 për qind të tyre.

Në bazë të këtij rezultati, Peci po prin me 925 vota. /Insajderi.org/

KQZ publikon rezultatet e para për Fushë Kosovë – kjo parti po prin bindshëm

Komisioni Qendror i Zgjedhjeve, ka nisur tashmë të publikojë rezultatet e para nga raundi i dytë i zgjedhjeve.

Në komunën e Fushë Kosovës,, atje ku po garojnë Besnik Osmani nga LDK, dhe Valon Prebreza nga VV, janë dhënë 11,86%)

Nga këto të dhëna, Prebreza  ka marrë 59,17%%, ndërsa Osmani për momentin ka 40,83%.

Për përditësimet e fundit, linku KËTU:

Numërohen mbi 20% e votave në Prishtinë, garë e ngushtë mes Përparim Ramës e Hajrulla Çekut

Në Komunën e Prishtinës janë numër mbi 20 përqind e votave, përkatësisht nga rreth 60 vendvotime.

Nga numërimi i deritashëm, Përparim Rama po prin me 51.13 % apo 8 mijë e 963 vota.

Hajrulla Çeku ka 48.87% apo 8 mijë e 568 vota.