Reagon Bajrami e LDK-së: Rama vazhdon punën, Kurti ta blejë biletën drejt Oslos

Kryetari aktual i Prishtinës, Përparim Rama triumfoi sërish sipas rezultateve të Exit Poll-it dhe atyre preliminare të KQZ-së.

Lajmit i është gëzuar deputetja e kësaj partie, Hykmete Bajrami e cila tha se Përparim Rama e vazhdon punën ndërsa Albin Kurti “mund ta blejë biletën dhe ta vizitojë familjen e tij në Oslo”.

“Po pra, fitoi Prishtina, fitoi Kosova, fitoi Lidhja Demokratike e Kosovës!

Përparim Rama vazhdon punën e Albin Kurti mund ta blejë biletën dhe ta vizitojë familjen e tij në Oslo!

Urime, Prishtinë”, ka shkruar deputetja

58% për momentin Faton Peci, kaq % janë të numëruara

Janë numëruar 10% të votave në Mitrovicë.

Faton Peci është i pari me 58%.

Arian Tahiri ka 41%.

Rezultatet e para të KQZ-së, garë e ngushtë në Vushtrri mes Ferit Idrizit e Sylejman Mehollit

Komisioni Qendror i Zgjedhjeve ka nisur të publikojë rezultatet e para për zgjedhjet e sotme.

Në Vushtrri deri tash janë numëruar gjashtë kuti, ku gara është tejet e ngushtë mes dy kandidatëve.

Aktualisht i pari renditet Ferit Idrizi i PDK-së me 51.35%, kurse i dyti Sylejman Meholli me 48.65%.

Exit Polli: Alban Hyseni fiton në Gjilan

Alban Hyseni i VV-së, ka fituar në Gjilan sipas EXIT POLL-it të realizuar në TV Dukagjini

Rezultatet e këtij EXIT POLL-i të prezantuar në TV Dukagjini.

Nis numërimi i votave në 18 komuna: Ja ku mund t’i përcillni në kohë reale

Publikimi i votave në 18 komunat që kanë shkuar në balotazh ka nisur.

Rubrika për numërim është hapur në uebfaqen e KQZ-së.

Në këtë link mund t’i ndiqni në kohë real:

KLIKO KËTU.

KQZ nis publikimin e rezultateve, këto janë votat e para në Prishtinë

Komisioni Qendror i Zgjedhjeve ka nisur të publikojë rezultatet e para për zgjedhjet e sotme.

Në Prishtinë deri tash janë numëruar katër kuti, ku prin Përparim Rama me 52.90%.

Hajrulla Çeku ndërkohë ka 47.10%.

Exit Poll-i: Garë e ngushtë në Mitrovicë, ky është fituesi

Baton Haxhiu në Exit Pollin e tij e ka shpallur fitues Arian Tahirin, kandidatin e PDK-së për Komunën e Mitrovicës së Jugut.

Në bazë të këtij exit poll-i, Tahiri fiton me 50.9 për qind të votave, teksa Faton Peci 49,1 për qind.

EXIT-POLL-i i UBO-s: Këta janë fituesit e balotazhit

Kompania UBO Consulting ka publikuar EXIT-POLL-et për balotazhin e 9 nëntorit.

UBO Consulting ka realizuar EXIT-POLL-e në tri komuna.

Sipas matjeve të UBO-s, fitues në balotazh në Prishtinë ka dalë kandidati i Lidhjes Demokratike të Kosovës, Përparim Rama me 54.1 %, i cili ka lënë pas Hajrulla Çekun me 45.9%.

Në Prizren sipas kësaj kompanie fitues ka dalë Shaqir Totaj me 56.8%, kurse në Gjakovë fitues është parashikuar Ardian Gjini me 58.3%.

Lajmi në përditësim…

EXIT-POLL Përparim Rama fiton në Prishtinë

Kandidati i LDK-së për Kryetar të Prishtinës, Përparim Rama, ka fituar garën ndaj Hajrulla Çekut të VV-së, sipas tri exit-polleve.

Sipas exit-pollit të UBO Consulting, të publikuar në RTV Dukagjini, Rama ka marrë 54.1 për qind, ndërsa Çeku 45.9 për qind.

Sipas atij të Albanian Post, të publikuar në T7, Rama ka 52.8 për qind, ndërsa Çeku 47.20 për qind.

Sipas atij të PIPOS, i publikuar në Klan Kosova, Rama53.62 për qind, ndërsa Çeku 46.38 për qind.

LVV-ja i reagon LDK-së për incidentin që ndodhi tek shkolla “Faik Konica”

Lëvizja Vetëvendosje – Dega në Prishtinë ka reaguar pas një incidenti të ndodhur paraditen e së dielës në qendrën e votimit të vendosur në shkollën “Faik Konica” në kryeqytet.

Sipas Vetëvendosjes, rreth orës 10:30, është vërejtur një person, i identifikuar si Art Merkoja – aktivist i Lidhjes Demokratike të Kosovës dhe zyrtar në kabinetin e kryetarit aktual të Prishtinës – i cili, sipas këtij subjekti, mbante një distinktiv me logon e LDK-së brenda hapësirës së qendrës së votimit.

Në reagimin e Vetëvendosjes thuhet se: “shfaqja e zyrtarëve partiakë me emblema të subjektit politik në qendrat e votimit paraqet shkelje të rregullave zgjedhore dhe ushtron presion mbi votuesit”. Ky subjekt politik thekson se veprimet e tilla bien ndesh me Rregullat Zgjedhore të miratuara nga Komisioni Qendror i Zgjedhjeve (KQZ), me nenin 37 të Ligjit për Zgjedhjet e Përgjithshme dhe me nenin 8 të Rregullores Zgjedhore 07/2024. Vetëvendosje ka kërkuar që Lidhja Demokratike e Kosovës të distancohet nga çdo shkelje ligjore dhe të mos mbrojë zyrtarët që, sipas saj, kanë vepruar në kundërshtim me ligjin. “Vënia në mbrojtje të shkelësve të ligjit, e aq më shumë të zyrtarëve të saj, tregon qartë për qëllimin e këtij subjekti për presion ndaj votuesve”, thuhet në reagim.

Në fund, Vetëvendosje thekson se mbetet e përkushtuar në mbrojtjen e demokracisë, të drejtës për votë të lirë dhe në denoncimin e çdo shkeljeje që cenon integritetin e procesit zgjedhor.