Konflikti familjar degjeneron në dhunë, rrahje masive në pikë të mëngjesit

Një rrahje masive është regjistruar mëngjesin e sotëm në fshatin Zallq të Istogut, ku shtatë persona janë përfshirë në një përleshje fizike mes dy familjeve.

Lajmin e ka konfirmuar për Klankosova.tv zëdhënësi i Policisë për rajonin e Pejës, Fadil Gashi, i cili bëri të ditur se personat e përfshirë kanë pësuar lëndime të lehta trupore.

“Personat kanë lëndime të lehta trupore. Ata që të gjithë janë intervistuar nga prokurori dhe me vendim të tij janë liruar në procedurë të rregullt”, deklaroi Gashi për Klankosova.tv.

Sipas informacioneve që ka siguruar Klankosova.tv, motivi i përleshjes dyshohet të ketë qenë prishja e një miqësie mes dy familjeve, çka më pas ka eskaluar në konflikt fizik.

Policia po vazhdon trajtimin e rastit dhe mbetet të shihet nëse ndaj personave të përfshirë do të ngrihen kallëzime përkatëse pas përfundimit të procedurave hetimore.

Haxhi Avdyli kërcënohet me dajak në Facebook: E bën tag Kurtin, thotë se janë cytur nga zyrat e Vetëvendosjes

Detaje ekskluzive: Ky është 20-vjeçari kosovar i vrarë në Suedi, zbulohet historia e konfliktit mes dy familjeve

Vrasja e 20-vjeçarit shqiptar në Suedi ka tronditur familjen. I riu u privua nga jeta me thikë pas një përleshje në qendër të Kristianstad, fundjavën që shkoi.

Tre persona të dyshuar për përfshirje në këtë rast tragjik tashmë janë arrestuar dhe dyshimet e para lidhen me një konflikt mes familjeve të viktimës dhe njërit prej të dyshuarve – të dyja shqiptare, që daton nga viti 2011.

Klankosova.tv ka kontaktuar Policinë Suedeze në këtë rajon, për të marrë informacione të reja, por zyrtari për komunikim nuk e ka dhënë asnjë detaj meqë hetimi po vazhdon.

Megjithatë, Klani ka arritur ta konfirmojë se viktima që u vra të shtunën që lamë pas është Elion Veseli, me prejardhje nga Mitrovica.

Për vdekjen e tij akoma s’kanë njoftuar të afërmit dhe nuk dihet nëse do t’i jepet lamtumira e fundit në Kosovë.

Sipas informacioneve që dihen deri më tash, konflikti  mes dy familjeve ka nisur në vitin 2011 gjatë një turneu futbolli për fëmijë, kur një përplasje mes dy djemve 12-vjeçarë çoi në tensione dhe përleshje mes prindërve.

Që nga ajo kohë, raportimet thonë se mosmarrëveshjet mes familjeve kanë vazhduar ndër vite, me incidente të herëpashershme.

Viktima që humbi jetën të shtunën është vëllai i njërit prej djemve të përfshirë në konfliktin fillestar të vitit 2011, ndërsa një nga të arrestuarit dyshohet të jetë pjesëtar i familjes tjetër të përfshirë në atë ngjarje.

Informacionet e Klanit janë konfirmuar edhe nga raportimet në mediat suede.

Fillimisht, thuhet se në janar 2011, në turneun e futbollit, rreth 30 persona morën pjesë në përleshjen që po përflitet, ku më pas dy burra dhe dy gra u hetuan për dhunë fizike, por çështja nuk përfundoi në gjyq.

Bulletin raporton se “Hasmëritë mes familjeve shqiptare janë një fenomen i njohur, por nuk ka asgjë që tregon se bëhet fjalë për familje kriminale. Disa nga personat e përfshirë gjenden në databazën juridike Verifiera, por me dy përjashtime bëhet fjalë për vepra të vogla penale.”

Një nga këto përjashtime lidhet me faktin se babai i njërit prej djemve 12-vjeçarë ishte dënuar më vonë po atë vit me tre vite burg, pasi në gjendje të dehur kishte thyer një shishe në kokën e një burri tjetër, rast ky që u cilësua si tentim vrasje, transmeton Klankosova.tv

Më vonë, më 30 dhjetor 2014, tutje thuhet se dy djemtë u takuan sërish për ndeshje tjetër dhe dyshohet se pati sërish përplasje.

Madje, është publikuar edhe dëshmia e njërit prej djemve, që Bulletin njofton se ishte i përfshirë njëri prej prindërve të djemve, që më vonë u dënua.

“Ai kishte topin në sulm dhe e kaloi…[NN2]. [NN2] pastaj e kapi për bluze dhe i tha diçka në shqip që e përkthyer në suedisht do të thotë afërsisht ‘q*** nënën tënde’. Kur [NN1] u kthye, [NN2] e goditi. [NN1] reagoi duke e shtyrë [NN2]. Ai nuk bëri më asgjë ndaj [NN2], por gjyqtari ndërhyri dhe i ndau. Pikërisht kur gjithçka u qetësua, erdhi [babai i NN2] dhe e goditi me një grusht të fortë në hundë”, transmeton Klankosova.tv

Babai i njërit prej tyre raportohet se ishte vetë trajner futbolli, por u largua pas një tjetër përleshjeje gjatë një ndeshjeje në Skåne në vitin 2015.

Ndërsa në dhjetor 2023 ndodhi një aksident jashtë Kristianstadit, që çoi në një përleshje të madhe ku dy persona u dërguan në spital dhe tre persona u arrestuan nga policia.

“Policia dyshoi për një “përplasje të qëllimshme” dhe të dy familjet armiqësore u përmendën edhe atëherë.” /Klankosova.tv

Ish-deputet në tri mandate, bashkëpunëtor i Rugovës dhe Dacit – Osmani prezanton aderimin e radhës

I shumëkërkuar për vrasje në Kosovë, arrestohet në Shqipëri

Arrestohet me qëllim ekstradimin në Kosovë Anton Allakaj, i cili rezulton i shpallur në kërkim ndërkombëtar pasi Gjykata e Pejës e ka dënuar me 11 vjet e 6 muaj burgim, për veprën penale “Vrasja”.

Nga dënimi i kanë mbetur për të kryer 9 vjet e 8 muaj.

Në momentin e ndalimit, atij iu gjetën dokumente identifikimi të dyshuara të falsifikuara. Në dokumentet që ai përdorte kishte emrat Naser Muja dhe Ded Dedaj./Abcnews/

Erërat e forta, Komuna thirrje qytetarëve: Kujdes…

Ndërmarrja “Gjelbër” i ka bërë thirrje qytetarëve që të kenë kujdes sot gjatë ditës për shkak erërave të forta.

Në njoftim kërkohet që qytetarët të kenë kujdes gjatë kohës kur lëvizin në parqe, ose dhe kur parkojnë veturat afër pemëve.

Për shkak të erërave të forta dhe kushteve atmosferike të paqëndrueshme, lusim qytetarët të tregojnë kujdes të shtuar gjatë lëvizjes nëpër parqe, hapësira të gjelbëruara dhe gjatë parkimit të veturave pranë pemëve.

Ekipet e GJELBËR janë në terren dhe po monitorojnë situatën vazhdimisht, me qëllim të ruajtjes së sigurisë publike dhe intervenimit aty ku paraqitet nevoja.

Ju faleminderit për mirëkuptimin dhe kujdesin tuaj.

“Zhvillim i papritur”: LDK-ja zyrtarizon koalicionin me këtë parti

Partia e Drejtësisë në zgjedhjet e 7 qershorit do të garojë së bashku me Lidhjen Demokratike të Kosovës.

Kështu është bërë e ditur përmes një komunikate për media nga vetë Partia e Drejtësisë.

Sipas PD-së, Lidhja Demokratike e Kosovës ka dëshmuar gatishmëri për reflektim, hapje dhe bashkim të energjive shtetformuese të vendit.

“Në këtë frymë, konsiderojmë se Lidhja Demokratike e Kosovës ka dëshmuar gatishmëri për reflektim, hapje dhe bashkim të energjive shtetformuese të vendit, duke konfirmuar kapacitetin e saj për ndryshim dhe për marrjen e përgjegjësive të mëdha shtetërore në periudhën që kemi përpara”, thuhet në komunikatë.

KOMUNIKATË PËR MEDIA

Pas zhvillimeve të fundit politike dhe marrëveshjes së arritur për bashkëpunim në kuadër të zgjedhjeve të 7 qershorit 2026, vlerësojmë se ky bashkëpunim përfaqëson një hap të rëndësishëm drejt forcimit të stabilitetit politik, përgjegjësisë shtetërore dhe rikthimit të besimit qytetar në institucionet e Republikës së Kosovës.

Ky nuk është vetëm një bashkim elektoral, por një angazhim për krijimin e një fryme të re bashkëpunimi politik, dialogu institucional dhe mobilizimi të potencialeve më të mira profesionale e kombëtare në shërbim të qytetarëve dhe të shtetit.

Në këtë frymë, konsiderojmë se Lidhja Demokratike e Kosovës ka dëshmuar gatishmëri për reflektim, hapje dhe bashkim të energjive shtetformuese të vendit, duke konfirmuar kapacitetin e saj për ndryshim dhe për marrjen e përgjegjësive të mëdha shtetërore në periudhën që kemi përpara.

Po ashtu, Partia e Drejtësisë ka vendosur që në këto zgjedhje të mbështesë këto procese pozitive dhe të japë kontributin e saj maksimal në funksion të suksesit të përbashkët politik dhe shtetëror.

Kosova ka nevojë për më shumë bashkëpunim, maturi politike, stabilitet institucional dhe vizion të qartë zhvillimor. Qytetarët presin zgjidhje konkrete, përgjegjësi dhe përkushtim serioz ndaj interesit publik.

Në këtë rrugëtim, do të angazhohemi me përkushtim të plotë për t’i shërbyer Republikës së Kosovës dhe qytetarëve të saj.

Prishtinë,

Maj 2026

Rrahje mës vëllezërve në Podujevë, ndërhynë Policia

Një konflikt verbal mes dy vëllezërve në Podujevë ka përfunduar me ndërhyrjen e Policisë dhe ndalimin e të dyve për 48 orë, mëson Sinjali nga burime të afërta me hetimin.

Ngjarja është raportuar më 11 maj 2026 në fshatin Dyz, në rrugën “Ferat Bajoku”.

Sipas informatave, Policia kishte pranuar njoftim për një rast kanosjeje dhe njësitë policore kishin dalë menjëherë në vendngjarje.

Burimet bëjnë të ditur se në lokacion janë hasur H. B. dhe A. B. të cilët janë vëllezër mes vete.

Sipas deklarimeve të tyre, mes tyre kishte pasur fjalosje dhe ofendime, por jo përleshje fizike.

Sinjali mëson se për shkak të problemeve të vazhdueshme dhe konflikteve të përsëritura mes tyre, Policia i ka intervistuar të dy në cilësinë e të dyshuarve.

Me urdhër të Prokurorit kujdestar, rasti është iniciuar si: “Kanosje”, ndërsa të dy vëllezërit janë ndaluar për 48 orë.

“Kam me ju vra krejt” – 17-vjeçari sulmon policët

Një situatë e tensionuar ka eskaluar në Istog, ku një i mitur dyshohet se ka sulmuar zyrtarët policorë dhe i ka kërcënuar me jetë pasi Policia ia konfiskoi kamionetën me dru, mëson Sinjali nga burime të afërta me hetimin.

Ngjarja ka ndodhur më 10 maj 2026 rreth orës 10:00.

Sipas informatave, patrulla policore kishte ndaluar një kamionetë që transportonte dru dhe gjatë kontrollit kishte konstatuar se drejtuesi nuk posedonte patentë shoferi.

Burimet bëjnë të ditur se automjeti dhe lënda drunore janë konfiskuar, pasi nuk posedonin dokumentacionin përkatës për prejardhjen e druve.

Sinjali mëson se pas këtij veprimi, i dyshuari L.M. ishte revoltuar dhe kishte filluar të bëhej agresiv ndaj policëve.

Sipas dëshmitarit okular, ai kishte kërcënuar zyrtarët duke u thënë: “Kam me ju vra krejt se nuk me njihni mu.”

Sinjali mëson se i mituri kishte tentuar të largohej me kamionetë, por kur policët ndërhynë për ta ndalur, ai dyshohet se sulmoi fizikisht njërin nga zyrtarët policorë, duke i shkaktuar lëndime në dorë dhe duke ia dëmtuar uniformën.

Pas arrestimit, i dyshuari është intervistuar dhe me urdhër të Prokurorit është ndaluar për 24 orë.

Ndërkohë, është bërë e ditur se automjeti dhe drutë janë konfiskuar, ndërsa Pylltaria do të verifikojë prejardhjen dhe vendin e prerjes së lëndës drunore.

Qeveria mban mbledhje elektronike, ndan afro milionë euro për…

Qeveria në detyrë e Republikës së Kosovës, ka zhvilluar mbrëmë mbledhje elektronike, në të cilën ka miratuar kërkesën e Komisionit Qendror të Zgjedhjeve (KQZ) për ndarjen e mjeteve buxhetore, në vlerë prej 10,887,186.45 euro (dhjetë milionë e tetëqind e tetëdhjetë e shtatë mijë e njëqind e tetëdhjetë e gjashtë euro e dyzet e pesë centë), për organizimin e zgjedhjeve të parakohshme për Kuvendin e Republikës së Kosovës, të cilat do të mbahen më 07.06.2026.