Kongresisti amerikan i reagon Vuçiqit: Kosova nuk kthehet mbrapa, je në anën e gabuar të historisë

Kongresisti amerikan, Ritchie Torres, ka reaguar ndaj fjalimit të presidentit të Serbisë, Aleksandar Vuçiq, ku ky i fundit shpalosi disa kërkesa për Kosovën.

Ai përmes një postimi në platformën “X” (ish-Twitter), ka rikonfirmuar mbështetjen e tij për Kosovën, duke theksuar se Vuçiq është “në anën e gabuar të historisë”.

Torres ka kritikuar kërkesat e Vuçiqit për Kosovën, të cilat përfshijnë kthimin në një status ku Kosova do të hiqte dorë nga sovraniteti i saj.

Sipas Torres, një kthim i tillë nuk do të ndodhë kurrë, pasi Kosova është dhe do të mbetet shtet i pavarur, me mbështetjen e fuqishme të Shteteve të Bashkuara të Amerikës.

“Serbia po kërkon që Kosova të dorëzojë sovranitetin e saj dhe të kthehet në “status quo ante”. Nuk do të ketë një rikthim të tillë. Kosova është një vend i pavarur dhe do të mbetet i tillë në përjetësi, e ndihmuar nga miku i saj më i madh: Shtetet e Bashkuara të Amerikës. Historia është në anën e pavarësisë së Kosovës. Aleksander Vuçiq është në anën e gabuar të historisë”, ka shtuar Torrres në X.

“Policia e Kosovës është sanksionuar nga SHBA-ja

Ish-drejtori i Policisë së Kosovës, Rashit Qalaj ka thënë se policia veçse është sanksionuar nga Shtetet e Bashkuara të Amerikës.

Qalaj u shpreh se këtë e thotë për faktin që sipas tij, nuk është duke marr më pjesë në trajnime të FBI-së dhe PK-së i janë ndalur edhe trajnimet në Gjermani.

“As një parti politike, as kush, as një politikan, pavarësisht a është i pozitës apo i opozitës nuk duhet të ketë tendenca të përzierjes në punët operacionale të policisë. Mund të them që PK-ja veç është sanksionuar nga ShBA-ja me qenë se ka vite që askush më nuk shkon në trajnime në FBI”.

“Me sa kam informata janë ndalur edhe trajnimet në Gjermani e kështu me radhë, prandaj këto janë masat që janë duke u marr fatkeqësisht ndaj Policisë së Kosovës”, ka thënë Qalaj.

Ai gjithashtu tha se ka një kohë të gjatë që është duke u diskutuar ndikimi direkt i Ministrisë së Punëve të Brendshme dhe i qeverisë në punët operacionale të Policisë së Kosovës.

“Ka një kohë bukur të gjatë, ka dy tri-vite që ne jemi duke folur vazhdimisht mbi ndikimin direkt të Ministrisë së Brendshme dhe qeverisë së Kosovës në punët operacionale të Policisë së Kosovës”.

“Në vazhdimësi e kemi ngritur këtë çështje në qoftë në seancat e Kuvendit, qoftë në mbledhjen e Komisionit për Siguri dhe Mbrojtje, mendoj që Policia e Kosovës duhet të punoj e pa varur nga aspekti operacional ashtu që përcakton edhe ligji i policisë dhe po ashtu Policia e Kosovës të mbështet sa më shumë edhe me buxhet por edhe me përkrahje nga qeveria dhe populli i Kosovës”, ka thënë ai./EO

Deputetja e VV-së zbulon ëndrrën e fëmijërisë: ‘Kam dashur të bëhem mësuese’

Deputetja e Vetëvendosjes, Adelina Granica në emisionin “Hambar” ka folur edhe rreth ëndrrës së saj kur ishte fëmijë.

Ajo ka thënë se kur ishte e vogël ëndërra e saj ishte të bëhet mësuese, raporton Gazeta10.

 

 

“Si shumë fëmijë të tjerë edhe un kam pasur ëndrra, ëndrra ime ishte të bëhem mësuese përkatësisht në arsimin parafillor më ka pëlqy me u kyq, arsyeja pse kam dashur të bëhem mësuese është sepse kontakti i parë pas familjes kanë qenë mësuesit tanë ka ndikuar shumë në formësimin tonë si fëmijë, mënyra se si janë përkujdesur për ne sikur të jemi fëmijët e tyre, prandaj kjo ka qenë arsyeja që unë kam dashur të bëhem mësuese”, tha ajo në Kanal10.

Parlamentari serb: Vuçiq shpalli kapitullimin në Kosovë

Deputeti opozitar në Parlamentin e Serbisë, Zdravko Ponosh, ka reaguar pas konferencës që mbajti presidenti serb Aleksander Vuçiq nga ku prezantoi disa “masa” për Kosovën.

Ponosh ka thënë se me paraqitjen e tij ai e shpalli kapitullimin në Kosovë, e jo “okupimin e Kosovës”.

Sipas tij të gjitha institucionet në veri, në të cilat Vuçiq dëshiron t’i kthejë serbët, ai vetë ia ka dorëzuar Prishtinës.

“Ajo që Vuçiq ka shpallur sonte është një tregim krejtësisht i pakuptimtë. Ajo ka ardhur nga kampi i Vuçiqit, kështu që nuk e di se me kë ai po debaton”, tha Zdravko Ponosh për “Danas“, duke komentuar vendimin e Vuçiqit për të mos shpallur pushtimin e një pjese të “territorit të Serbisë” dhe duke shtuar se presidenti i Serbisë me këtë paraqitje shpalli kapitullim, e jo ​​pushtimin.

Deputeti serb tha gjithçka që Vuçiq e tha sonte e kishte thënë edhe më parë.

“Thjesht nuk e di pse ka pritur 72 orë për të thënë se nuk ka zgjidhje të mirë për serbët në Kosovë. Ne e dinim këtë edhe pa skaduar ato 72 orë”, thotë Ponosh.

Duke folur për kërkesat për kthimin e institucioneve serbe në Kosovë, deputeti serb pohon se ato paraprakisht i ka dorëzuar vetë Vuçiq.

VV nis “fushatën zgjedhore” me veriun – VIDEO

Lëvizja Vetëvendosje ka filluar “fushatën zgjedhore” me një video që tregon aksionet e kryera në veri të vendit.

Në faqen zyrtare të kësaj partie është shpërndarë një video ku shihet kryeministri Albin Kurti bashkë me ministra atje. Video është shoqëruar me një audio nga një fjalim i Kurti në vitin 2015, nga Manifestimi i Lëvizjes Vetëvendosje kundër “‘Zajednicës’ dhe marrëveshjes për demarkacionin me Malin e Zi”.

Në video janë përfshirë pamjet nga vizita e kësaj jave e Kurtit në veri, ku shihet teksa kalon mbi Urën e Ibrit dhe duke biseduar me karabinierët, si dhe duke vënë gurthemele. Shihet edhe Kurti duke bërë homazhe tek vendi ku ka rënë heroi Afrim Bunjaku, pamje të qytetarëve në liqenin e Ujmanit e të bizneseve të hapura së fundi.

“Ndryshimet e mëdha fillojnë me guxim. Qytetarët e Republikës tonë dhe qeveria e tyre kanë treguar guxim dhe përkushtim, kanë treguar se si bashkë arrihet dhe fitohet ajo që synojmë e që është e domosdoshme për të gjithë”, thuhet në postimin e VV’së.

Rrusta e PSD-së: Kurti e ka bërë veriun të duket si problem i bandave kriminale

Read More Rrusta e PSD-së: Kurti e ka bërë veriun të duket si problem i bandave kriminale

Haziri: Arsyetimet e Vuçiqit po gjejnë solidaritet te dështimet e Kurtit

Prizren: Vdes një person në vendin e punës, ra nga kati i tretë

Bajqinovci: Koha kur Vuçiqi kishte ndikim mbi veriun e Kosovës ka përfunduar

Deputeti i Vetëvendosjes, Mefail Bajqinovci, ka reaguar për kërcënimin e presidentit serb Aleksander Vuçiq.

Bajçinovci përmes një postimi në facebook u shprehë se kërcënimi i Vuçiqit për 72 orë është një përpjekje për të ushtruar presion mbi QUINT-in, me shpresën që ky presion të përçohet mbi Kosovën.

Ai u shprehë se ka përfunduar koha kur Vuçiqi kishte ndikim mbi veriun e Kosovës.

“Kërcënimi i Vuçiqit për 72 orë është një përpjekje për të ushtruar presion mbi QUINT-in, me shpresën që ky presion të përçohet mbi Kosovën. Mirëpo, koha kur Vuçiqi kishte ndikim mbi veriun e Kosovës ka përfunduar. Mbyllja e institucioneve ilegale serbe dhe forcimi i sundimit të ligjit në këtë pjesë të vendit, dëshmojnë qartë se Kosova është e pathyeshme në ruajtjen e integritetit të saj territorial dhe në ndërtimin e një të ardhmeje të sigurt për të gjithë qytetarët”, ka shkruar ai.

Abdixhiku viziton Vitinë: Na pret fushatë e bukur përpara