Behrami: Vetëm diaspora është me Albin Kurtin, populli në Kosovë është kundër tij

Artan Behrami, analist ka thënë në “Pressing” të T7, se Albin Kurti e ka pas diasporës, por jo edhe popullin brenda në Kosovë.

Ai ka thënë se nuk e takon asnjë kategori shoqërore në Kosovë që është i kënaqur me Qeverinë e Albin Kurtit.

Sipas tij, opozita duhet ta thyejë narracfionin që “Kurti do t’i fitojë zgjedhjet”, ai tha se populli do ta ndëshkojë Kurtin.

“Kosova është në dysh e ndarë, ne e kemi një Kosovë jashtë që është jashtë trupit tonë diaspora, që e ka rregullune vëllai im në Luksenburg edhe sigurinë shëndetësore, jetësor. Por ti i ke qytetarët që janë brenda janë të mllefosur me këtë qeveri. Nuk takon taksist, mjek, ushtar, polic, nuk takon njeri normal që është i kënaqur me këtë Qeveri. Edhe ata kanë me ndëshku Albin Kurtin, edhe ky narracioni që është kriju që Albin Kurti fiton duhet me u thy nga partitë politike”.

“Ai e ka pas vetëm diasporën, e ka kundër shumicën e qytetarëve e bashkësinë ndërkombëtare”, ka thënë Behrami.

Qindra serb bllokojnë kufirin me Kosovën

Kryetari i të ashtuquajturit asociacion i qytetarëve të Qarkut të Mitrovicës për Kosovë, Rasha Rojeviq, ka njoftuar se nesër (6 shtator) do të fillojë bllokada shumëditore e pikave kufitare drejt Kosovës.

Rojeviq tha për agjencinë Beta se bllokada do të organizohet nga shoqatat vendase të qytetarëve nga Kosova dhe se katër nga pesë kalimet nga drejtimi i Serbisë qendrore dhe Malit të Zi do të bllokohen.

“Bllokada do të fillojë nesër në orën 18:00 dhe do të zgjasë derisa të tërhiqen forcat policore të Kosovës nga veriu i Kosovës… Gjithashtu kërkojmë që KFOR-i të marrë kontrollin e veriut të Kosovës”, tha ai.

Sipas tij, bllokadat do të zgjasin derisa të plotësohen të gjitha kërkesat e qytetarëve.

“Ne do të bllokojmë vendkalimet Bërnjak, Jarinje dhe Merdare nga ana e Serbisë qendrore, dhe kalimin Kulla në rrugën Pejë-Rozhaje nga ana e Malit të Zi. Vendkalimi në Konçul nuk do të bllokohet tani për tani. Do të lejojmë vetëm automjete spitalore si dhe të gjitha automjetet dhe pasagjerët e tjerë me dokumente serbe nëse dokumentet serbe nuk janë të vlefshme në Kosovë, atëherë dokumentet e Kosovës nuk mund të jenë të vlefshme as në Serbinë qendrore”, tha Rojeviq, duke shtuar se do të jenë të paktën 400 persona që marrin pjesë në bllokadë në çdo vendkalim.

Ministria e Punëve të Jashtme dhe Diasporës në Kosovë u ka bërë thirrje të gjithë shtetasve të Republikës së Kosovës, përfshirë pjesëtarët e mërgatës, që kanë planifikuar apo janë duke planifikuar kalimin tranzit përmes territorit të Serbisë, të shmangin të gjitha hyrjet dhe daljet në vendkalimet kufitare mes Kosovës dhe Serbisë.

Kjo thirrje vjen pas paralajmërimeve të të ashtuquajturit “Këshill Organizativ për Bllokada” në Serbi, i cili ka bërë të ditur se më 6 shtator 2024 planifikohen bllokada të rrugëve që çojnë drejt vendkalimeve kufitare me Republikën e Kosovës, njoftoi MPJD.

Huqja e Kurtit në zgjidhjen e ekuacionit matematikor në Llap bëhet edhe lajm ndërkombëtar

Kryeministri i Kosovës, Albin Kurti, i kërkoi falje publike nxënësve për gabimin që bëri gjatë zgjidhjes së një problemi matematikor gjatë inaugurimit të një shkolle të mërkurën, ka shkruar mediumi “Politco” për kryeministrin Kurti.

Mediumi thotë se komentet e Kurtit erdhën pasi një video e incidentit me algjebrën u bë virale në rrjetet sociale.

Më poshtë artikulli i mediumit për kërkimfaljen e Kurtit:

Kryeministri i Kosovës, Albin Kurti, i kërkoi falje publike nxënësve për gabimin që bëri gjatë zgjidhjes së një problemi matematikor gjatë inaugurimit të një shkolle të mërkurën.

“Ju falënderoj për mikpritjen e ngrohtë në ndërtesën tuaj të re shkollore. Gëzimi juaj sot më bëri të ndiej mungesën e bankave shkollore,” shkroi Kurti në një postim në Facebook të mërkurën në mbrëmje. “Por duhet të them që tani jam i lumtur që nuk isha nxënës në atë moment, sepse nuk do të kisha marrë një notë kaluese.”

Komentet e Kurtit erdhën pasi një video e incidentit me algjebrën u bë virale në rrjetet sociale. Në klip, Kurti u kap duke zgjidhur lehtësisht një ekuacion matematikor para një klase gjatë hapjes së një shkolle të re në Podujevë, në verilindje të Kosovës.

Pasi Kurti përfundoi me vetëbesim zgjidhjen e problemit matematikor, të gjithë në dhomë e duartrokitën, madje edhe Ministrja e Arsimit, Arbërie Nagavci, u bashkua me duartrokitjet.

Por kishte një problem: Kurti kishte dhënë përgjigjen e gabuar. Ups!

Përdoruesit e rrjeteve sociale vunë re shpejt gabimin në zgjidhjen e Kurtit, i cili duhej të ishte x=0 në vend të x=5.

Duke reflektuar mbi gabimin, Kurti shtoi: “Po të kisha menduar për një moment më gjatë, do ta kuptoja që përgjigjja e saktë ishte x=0, por në atë rast nuk besoj se do të kisha guximin të merrja shkumësin dhe të shkruaja në tabelën tuaj. Më falni. Zgjidhja e asaj ekuacioni, siç e dini ju më mirë se kryeministri juaj, është x=0.”

Bllokimi i pikave kufitare me Kosovën nga serbët, vjen kundër-përgjigja nga Policia e Kosovës

Në Serbi kanë paralajmëruar se nesër (6 shtator) do të fillojë bllokada shumëditore e pikave kufitare drejt Kosovës. Sipas deklarimeve do të bllokohen vendkalimet Bërnjak, Jarinje dhe Merdare nga ana e Serbisë qendrore, dhe kalimin Kulla në rrugën Pejë-Rozhaje nga ana e Malit të Zi. Vendkalimi në Konçul nuk do të bllokohet tani për tani.

Lidhur me këtë, nga Policia e Kosovës, në veri, kanë thënë se, si çdo herë, edhe tani kanë plan veprimi.

Zëvendësdrejtori i Policës për rajonin e veriut, Veton Elshani, tha se PK ka planet operacionale dhe nuk e zë diçka në befasi.

“Gjithmonë kur kemi informacione se diçka mund të ndodhë ne kemi planet operacionale nuk na zë diçka në befasi në rast se kemi bllokim të pikave kufitare …”, tha Elshani për Gazetën Express.

Ministria e Punëve të Jashtme dhe Diasporës në Kosovë u ka bërë thirrje të gjithë shtetasve të Republikës së Kosovës, përfshirë pjesëtarët e mërgatës, që kanë planifikuar apo janë duke planifikuar kalimin tranzit përmes territorit të Serbisë, të shmangin të gjitha hyrjet dhe daljet në vendkalimet kufitare mes Kosovës dhe Serbisë.

Kjo thirrje vjen pas paralajmërimeve të të ashtuquajturit “Këshill Organizativ për Bllokada” në Serbi, i cili ka bërë të ditur se më 6 shtator 2024 planifikohen bllokada të rrugëve që çojnë drejt vendkalimeve kufitare me Republikën e Kosovës, njoftoi MPJD.

“Ministria e Shëndetësisë bleu 8 milionë euro barna nga Serbia”

Deputetja e Kuvendit të Kosovës nga radhët e Aleancës për Ardhmërinë e Kosovës (AAK), Time Kadrijaj, ka thënë se deputetë, ministra e zyrtarë të Lëvizjes Vetëvendosje, edhe kur “rrejnë nuk skuqen”.

Kadrijaj përmes një postimi në llogarinë e saj në Facebook, ka akuzuar ministrin e Shëndetësisë, Arben Vitia, për blerjen e barnave në Serbi.

“Këta të Lëvizjes Vetëvendosje edhe kur rrejnë nuk skuqen. E kur të ju del rrena prap se kanë dert se këta janë VV. Shumë me bindje folke në Kuvend ministri Vitia, ministri i tri mandateve e me zero rezultate, se këta nuk bajnë kompromise e që nuk blejnë barna në Serbi”.

“E tash këto 8 milionë për dy vjet, çka janë Arben. Bile keni ble edhe pse keni thanë që keni ndal importin e mallrave nga Serbia. Hajde mashtrues hajde!”, ka thënë Kadrijaj.

Nagavci i jep ‘merita’ Kurtit për gabimin: Tash dimë më shumë për ekuacionet me një të panjohur

Arbërie Nagavci, ministre e Arsimit, Shkencës, Teknologjisë dhe Inovacionit, është pyetur në lidhje me gabimin e kryeministrit Albin Kurti në një detyrë në matematikë gjatë vizitës në një shkollë në Podujevë.

Moderatori Fidan Jupolli e pyeti nëse e kishte vërejtur gabimin e Kurtit.

Përmes një shakaje, Nagavci tha se “cilin gabim”.

“Cilin gabim? Nuk gabon kryeministri. Përtej satirës, ishte një atmosferë tepër e mirë e inaugurimit të dy shkollave të reja për nxënësit” – tha ajo.

“Konsideroj që është një gjë shumë e mirë që u diskutua kaq shumë për matematikën. E mira e gjihtë kësaj është se për ekuacionet me një të panjohur, tashmë dimë shumë më shumë” – tha ajo.

Nesër varroset i riu nga Mitrovica, që jetonte në Francë

Nesër në Mitrovicë do të varroset i riu Leonard Gashi

Ai u aksidentua rëndë para dy javësh dhe për pasojë ra në koma tre ditore.

Ai vdiq pasi nuk arriti t’u mbijetojë lëndimeve.

I ndjeri jetonte në Francë.

Trupi i pajetë është sjellë në vendlindje ndërsa ceremonia e varrimit bëhet nesër në varrezat e Shipolit.

“Kurrë s’u ngina me ty”, Koci i emocionuar tregon momentin kur nëna e kishte identifikuar trupin e Faton Hajrizit

Policia kërkon ndihmën e qytetarëve për identifikimin e këtyre personave, kërkohen për vjedhje të rëndë

Drejtoria Rajonale e Policisë në Ferizaj, në bazë të autorizimit nga Prokuroria Themelore në Ferizaj për publikimin e fotografive të personave në kërkim, lëshon kërkesë për bashkëpunim me qytetarët me qëllim identifikimin, vendndodhjen dhe kapjen e personave të dyshuar,  të cilët dyshohen se kanë kryer ‘’Vjedhje të rëndë ’’ që ka ndodhur me datën 31.08.2024 rreth orës 12:00 në një lokal afarist në Ferizaj.

Deri më tani të dyshuarit e kësaj ngjarje nuk janë identifikuar dhe policia rajonale e Ferizajt kërkon nga qytetarët që kushdo që ka ndonjë informacion rreth identitentit të tyre, të lajmërojnë policinë.

Shtëpia e Bardhë ka një paralajmërim për Putinin

Presidenti rus Vladimir Putin duhet të ndalojë së foluri për zgjedhjet e ardhshme presidenciale në SHBA, tha këtë të enjte zëdhënësi i Sigurisë Kombëtare të Shtëpisë së Bardhë, John Kirby.

“Putini duhet të ndalojë së foluri për zgjedhjet tona. Ai nuk duhet të favorizojë askënd në asnjë mënyrë,” tha Kirby, sipas Reuters.

Më herët këtë mëngjes, Putin tha se Rusia do të mbështesë kandidaten demokrate Kamala Harris në zgjedhjet presidenciale të nëntorit në SHBA.

Duke folur në seancën plenare të Forumit Ekonomik Lindor në Vladivostok, Putin vuri në dukje se Kamala Harris ka një “qeshje infektive”, duke përmendur këtë si arsyen e mbështetjes ruse për të, dhe jo për kundërshtarin e saj republikan, Donald Trump.