Policia kërkon ndihmën e qytetarëve për identifikimin e këtyre personave, kërkohen për vjedhje të rëndë

Drejtoria Rajonale e Policisë në Ferizaj, në bazë të autorizimit nga Prokuroria Themelore në Ferizaj për publikimin e fotografive të personave në kërkim, lëshon kërkesë për bashkëpunim me qytetarët me qëllim identifikimin, vendndodhjen dhe kapjen e personave të dyshuar,  të cilët dyshohen se kanë kryer ‘’Vjedhje të rëndë ’’ që ka ndodhur me datën 31.08.2024 rreth orës 12:00 në një lokal afarist në Ferizaj.

Deri më tani të dyshuarit e kësaj ngjarje nuk janë identifikuar dhe policia rajonale e Ferizajt kërkon nga qytetarët që kushdo që ka ndonjë informacion rreth identitentit të tyre, të lajmërojnë policinë.

Shtëpia e Bardhë ka një paralajmërim për Putinin

Presidenti rus Vladimir Putin duhet të ndalojë së foluri për zgjedhjet e ardhshme presidenciale në SHBA, tha këtë të enjte zëdhënësi i Sigurisë Kombëtare të Shtëpisë së Bardhë, John Kirby.

“Putini duhet të ndalojë së foluri për zgjedhjet tona. Ai nuk duhet të favorizojë askënd në asnjë mënyrë,” tha Kirby, sipas Reuters.

Më herët këtë mëngjes, Putin tha se Rusia do të mbështesë kandidaten demokrate Kamala Harris në zgjedhjet presidenciale të nëntorit në SHBA.

Duke folur në seancën plenare të Forumit Ekonomik Lindor në Vladivostok, Putin vuri në dukje se Kamala Harris ka një “qeshje infektive”, duke përmendur këtë si arsyen e mbështetjes ruse për të, dhe jo për kundërshtarin e saj republikan, Donald Trump.

Si gjithnjë, Stano: Kosova të shmangë veprimet e pakoordinuara, mund të rrisin tensionet në veri

Zëdhënësi i Bashkimit Evropian, Peter Stano ka thënë se janë në kontakt të vazhdueshëm me palët në Kosovë pas aksioneve të fundit të Policisë në veri ku u mbyllën pesë institucione paralele.

Sipas tij, situata në veri është e paqëndrueshme dhe se shqetësimi i tyre është se veprime të tilla të pakoordinuara mund të kontribuojnë në rritjen e tensioneve dhe përshkallëzimin e situatës.

“Bashkimi Evropian është në kontakt të vazhdueshëm me palë të ndryshme në Kosovë, në nivele të ndryshme e formate të ndryshme, dhe po i përcjellim mesazhet dhe pritjet tona qartazi. Nuk do të përsëris se çka kam thënë në reagimin tonë të javës së kaluar, kur aksioni në veri të Kosovës u zhvillua kundër këtyre institucioneve që udhëhiqeshin nga serbët atje. Por thelbi është se kemi një situatë që është tashmë e paqëndrueshme dhe shqetësimi ynë kryesor është, që është edhe mesazhi ynë kryesor për autoritetet në Kosovë: shmangni çfarëdo veprimi/hapi, që janë të pakoordinuar dhe mund të kontribuojnë në rritjen e tensioneve dhe përshkallëzimin e situatës edhe më tej”, ka deklaruar Stano para mediave.

Zëdhënësi i BE-së, Peter Stano ka thënë se të gjitha çështjet duhet të zgjidhen në kuadër të dialogut të lehtësuar nga Bashkimi Evropian.

Një qytetar në Prishtinë sulmohet nga një turmë e qenve endacakë – PAMJE

Ngjarja ka ndodhur rreth orës 9:20 në afërsi të Ortopedisë së Vjetër në Prishtinë, ku qytetari është kafshuar nga 15 qen endacakë.

Dy kalimtarë të rastit kanë ndërhyrë për t’i dhënë ndihmën e parë dhe e kanë dërguar viktimën në Qendrën Emergjente të QKUK-së, ku ai ka marrë trajtim mjekësor me qepje në duar dhe fashim në më shumë se 15 vende në trup.

Në fotografitë e siguruara nga ATV, viktima shihet me plagë tejet të rënda.

Ekskluzive: Arrestohet një kosovar në serbi, ja për çka akuzohet

Një qytetar i Republikës së Kosovës është arrestuar mëngjesin e sotëm nga policia serbe, me të hyrë në Preshevë.

Bëhet fjalë për A.Azemi nga Vitia, të cilit policia serbe i tha se për të ekziston urdhërarrest nën dyshimin se ka planifikuar sulm me bombë në aeroportin e Beogradit.

Në një prononcim për Indeksonline, Azemi deklaroi se nga BIA serbe i thanë se një vit më parë, nga numri i tij i telefonit ishte dërguar një mesazh publik se do të organizojë sulm terrorist në aeroportin “Nikola Tesla”.

Pak pa u bërë ora 7 e mëngjesit të sotëm, Azemi u dërgua për intervistim gjashtë orësh në stacion policor, për t’u liruar më pas, në mungesë të provave.

Azemi pohoi se arsyeja e vizitës së tij ishte rekreative, pasi donte të vizitonte Preshevën për qejf, dhe se asnjëherë nuk ka pasur ndonjë problem me shtetin apo ligjin.

“Rreth orës 6, 6 e gjysmë, saktë nuk e di, kam kalu kufirin për në Preshevë. E kam kalu kontrollin e pasaportës nga shteti i Kosovës dhe kam viju në pikën kufitare serbe ku edhe është shfaqur problemi. Në atë moment jam largu dhe kam tentu t’iu shmangëm, sepse nuk e kam ditë se ku qëndron problemi e pse po dojnë me më arrestu. Jam ikë dhe jam afru afër policëve të Kosovës, e këta më kanë kthy. Ata më morën e më intervistuan.

Më thanë se kinse kam planifiku sulm. Numri i telefonit i mëparshëm, që e kam pasë para një kohe shumë të gjatë, është identifiku si i imi. Unë e kam pasë atë numër shumë moti, po dikush e ka hapë një e-mail me atë numër dhe e ka bë postimin për sulm. Kush e ka atë numër s’e di veç ata i kanë pa të dhënat dhe kanë ardhë në konstatim se unë e kam. Pas diskutimit dhe mungesës së provave e kuptuan që unë kam numër tjetër dhe nuk jam personi që e ka bërë postimin” tha Azemi.

Azemi deklaroi se nuk iu lejua të marrë kopje të deklaratës, duke shtuar se asgjë personale e tija nuk u konfiskua, njëjtë sikurse edhe nuk u ushtrua dhunë ndaj tij.

Teksa thotë se asnjëherë nuk do të planifikonte një sulm të tillë, Azemi shtoi se nuk i lejuan të marrë avokat mbrojtës dhe se rastin e ka paraqitur edhe në stacionin policor në Viti, me të kthyer në Kosovë.

Indeksonline ka kontaktuar edhe Policinë e Kosovës për të marrë informacione mbi rastin dhe është duke pritur përgjigje lidhur me rastin.

Gërvalla: Ura e Ibrit duhet të hapet, Kosova e përkushtuar ta zbatojë sundimin e ligjit në çdo cep të saj

Për çka biseduan Scholz dhe Vuçiq sot në telefon?

Presidenti serb, Aleksandar Vuçiq, ka bërë me dije se ka biseduar me kancelarin gjerman Olaf Scholz, për çështjet rajonale dhe vazhdimin e bisedimeve në kuadër të procesit të Berlinit.

“Një bisedë e shkëlqyer dhe shumë produktive me kancelarin Scholc për çështje kyçe me interes të përbashkët, duke përfshirë bashkëpunimin ekonomik, stabilitetin rajonal dhe rëndësinë e forcimit të lidhjeve ndërmjet Serbisë dhe Gjermanisë. Shkëmbyem mendime për çështjet rajonale dhe vazhdimin e bisedimeve në kuadër të Procesi të Berlinit”.

Në bisedën telefonike me Scholzin, kryetari i Serbisë thotë se kanë diskutuar edhe për integrimin evropian të Ballkanit Perëndimor.

“Biseduam edhe për nevojën në rritje për intensifikimin e përpjekjeve diplomatike në rajon për zgjidhjen e çështjeve të shumta me rëndësi për ruajtjen e paqes dhe stabilitetit, e veçanërisht për promovimin e lidhjeve ekonomike dhe integrimit evropian të Ballkanit Perëndimor”, shkroi Vuçiq në llogarinë e tij në Instagram.

Agusholli tregon nëse do të largohet nga VV-ja

Deputeti i Lëvizjes Vetëvendosje, Gramos Agusholli, ka hedhur poshtë zërat se do t’i bashkohet ndonjë subjekti tjetër politik apo iniciative në zgjedhjet parlamentare të 9 shkurtit.

I kontaktuar nga IndeksOnline, Agusholli ende nuk ka vendosur nëse do të jetë pjesë e garës për deputet të Kuvendit të Kosovës.

“Gjatë këtij mandati katërvjeçar janë bërë spekulime sikur unë po ndryshoj rradhë, herë duke e ndërruar pozicionin e herë duke e ndëruar ulësen e Kuvendit.  E vërteta është që qeveria po përmbush një mandat të plotë për herë të parë pas shumë vitesh, dhe asnjë lajm se dikush po largohet nga partia nuk ka rezultuar i vërtetë. Jam munduar të jem konsistent në qëndrimet dhe bindjet e mia, dhe asnjëherë nuk kam menduar t’i tradhtoj ata që më kanë besuar votën”, ka thënë ndër të tjera Agusholli.

Më tej, ai thotë se një gjë është e sigurt se deri në përfundim të këtij mandati do të jetë deputet nga radhët e Vetëvendosjes.

“Pastaj, do e shoh si do të vazhdoj. Për momentin, me sa di unë, vetëm kryetari i LVV-së është konfirmuar për listën zgjedhore”, ka shtuar Agusholli

“JO, nuk jam pjesë e asnjë iniciative apo subjekti të ri politik”, ka përfunduar ai.

Policia kërkon ndihmë për identifikimin e këtij personi

Njësiti i hetimeve të stacionit të Lipjanit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e vendodhjes së personit që shihet në fotografi.

I dyshuari Shefik Nexhipi (1956)- shtetas i Maqedonisë së Veriut, kërkohet për përfshirje në veprën – vjedhje e rëndë.

Për çdo informatë që mund të çojë në identifikimin vendodhjes së tij kontaktoni policinë në numrin e telefonit: 192.

Hamza me video tregon punën e bërë në Mitrovicë: Ndryshimin mund ta bëjmë në tërë Kosovën

Kandidati i PDK-së për kryeministër dhe kryetari i Mitrovicës së Jugut, Bedri Hamza, përmes një video të publikuar në profilin e tij në ‘facebook’ ka treguar për investimet që janë bërë në fushën e arsimit.

Hamza ka thënë se është shumë i lumtur për punën e bërë dhe ka thënë se me angazhim dhe përkushtim një ndryshim i ngjashëm mund ta bëjë në tërë Kosovën.

“Çdo investim në arsim është investim në zhvillimin e gjithanshëm të shtetit tonë. Jam i lumtur që përkundër kufizimeve dhe pengesave të shumta, ndryshime rrënjësore kemi bërë edhe në sektorin e arsimit në Mitrovicë.

Ndryshimet që i kemi bërë në Mitrovicë janë një shembull i qartë se me angazhim dhe përkushtim mund t’i bëjmë edhe në tërë Kosovën”, është shprehur Hamza.

Postimi i plotë: