Konjufca: Disa nga ndërkombëtarët kanë mbetur në premtimin që ia kanë dhënë Serbisë për një “Zajednicë”

Kryeparlamentari Glauk Konjufca tha se disa prej faktorëve ndërkombëtarë kanë mbetur shumë prapa, siç tha ai, në premtimin që ia kanë dhënë Serbisë për një “Zajednicë”.

Konjufca u shpreh se “Zajednica” është goxha projekt i vdekur, dukë thënë se për Serbinë ajo është një shtet në Kosovë, e për Kosovën, sipas tij, është dashur të jetë një mekanizëm joqeveritar.

“Disa prej faktorëve ndërkombëtarë kanë mbetur shumë prapa, para 11 vjetësh, në Kosovë. Kanë mbetur në atë premtimin që ia kanë dhënë Serbisë, se këtu do të bëhet një Zajednicë, edhe sjellja që unë e shoh mbi urë, ka lidhje me këtë qëndrim”.

“Zajednica është goxha projekt i vdekur. Është mënyra se si e ka kuptuar Kosova dhe se si e ka kuptuar Serbia: për Serbinë ajo është një shtet në Kosovë, për Kosovën ish dashtë me qenë një mekanizëm joqeveritar”, tha ai në emisionin “DPT TE FIDANI” në Klan Kosova.

Kryeparlamentari gjithashtu ka komentuar edhe deklarimet e ambasadorit amerikan në lidhje me “instrumentalizimin e policisë”.

“Policia është institucion i shtetit dhe ky institucion i shtetit është për garantimin e sundimit të ligjit me sa e di unë. Për të pasur zbatim të ligjit, duhet me u sfidu, ata të cilët e kundërshtojnë këtë zbatim të ligjit dhe kjo nuk duhet të realizohet në kuptimin etnik, ka serbë atje të strukturave paralele që e sfidojnë Kosovën dhe sundimin e ligjit, por në qytetet e tjera ka edhe shqiptarë, që janë të etnisë shqiptare, që mund të bëjnë krim të organizuar, mund ta shkelin ligjin, e sfidojnë policinë dhe policia reagon”.

“Në asnjë moment nuk mendoj që çfarëdo ndërhyrje e policisë së Kosovës në pjesën e veriut të Kosovës është instrumentalizim i policisë për të dëmtuar dikë në baza etnike“, është shprehur ai.

Konjufca: Kur ka ushtarë mbi urë, nënkupton një lloj kufiri

Nesër varroset mërgimtari që vdiq tragjikisht në Slloveni

Familja Berisha ka njoftuar se ceremonia e varrimit të Qendrim Berisha do të bëhet më datë 4 shtator (nesër) në orën 18:00 në varrezat e fshatit Majac të Podujevës.

“Ju njoftojmë se ceremonia e vorrimi të djalit, vëllaut, nipit dhe familjarit tonë Qendrim (Menduh) Berisha do të bëhet me datë 4. shtator 2024 (e merkurë) në ora 18:00 ne varrezat e fshatit Majac te Podujevës”, thuhet në njoftim.

Ndërkohë që e pamja është 3 ditë, nga e enjtja më datë 5 shtator e deri të shtunën datë 7 shtator 2024, në Fushë-Kosovë, Rruga Fehmi Lladrovci.

Qëndrim Berisha humbi jetën aksidentalisht në vendin e tij të punës në Slloveni.

Gjykata merr vendim për të dyshuarit në gjuajtjen me armë në mes dy grupev në Prishtinë

Nga një muaj paraburgim është vendosur ndaj pesë të dyshuarëve të përfshirë në rastin e përleshjes mes grupeve “Sekiraqët” dhe “Capat”, ku mbeti një i vrarë në Aktash të Prishtinës ditë më parë.

Bëhet e ditur se kjo u vendosë në seancën e sotme që u zhvillua rreth orës 14:00 në hapësirat e Qendrës Klinike dhe Universitare të Kosovës.

Nga një muaj paraburgim është vendosur ndaj S.S., K.G., R.Ll., F.A., dhe V.A.

Të dielën e 1 gushtit të këtij viti në Aktash u shkrepën rreth 100 plumba, ku mbeti i vrarë një person. Të përfshirë në këtë përleshje me armë ishin grupet “Sekiraqët” dhe “Capat”.

Konjufca për hapjen e Urës së Ibrit: Është domosdoshmëri, s’më duket se përbën kërcënim të sigurisë

Kryetari i Kuvendi të Kosovës, Glauk Konjufca sot në emisionin “DPT TE FIDANI” në Klan Kosova ka folur në lidhje me hapjen e Urës së Ibrit, duke e quajtur domosdoshmëri.

Aksionet e fundit në veri, Kurti pret në takim…

Kryeministri Albin Kurti e ka pritur sot në një takim ambasadorin e Mbretërisë së Bashkuar në Kosovë Jonathan Hargreaves.

Ata “diskutuan për marrëdhëniet bilaterale, programet e bashkëpunimit dhe për zhvillimet në vend”, sipas Zyrës së Kryeministrit.

ZKM-ja nuk përmendi mospajtimet e fundit, por tha se kryeministri e falënderoi ambasadorin britanik edhe “për bashkëpunimin në fushën e mbrojtjes”.

“Kryeministri falënderoi ambasadorin Hargreaves për mbështetjen e Mbretërisë së Bashkuar për Doganën e Kosovës me pajisje teknike për luftimin e kontrabandës, si dhe për bashkëpunimin në fushën e mbrojtjes dhe me Forcën e Sigurisë së Kosovës, e cila po trajnon ushtarët e Ukrainës në Mbretërinë e Bashkuar në kuadër të operacionit Interflex dhe ka kryer misione të bashkë-zbarkimit me ushtrinë e Mbretërisë së Bashkuar. Ai gjithashtu veçoi faktin se tash Kosova është pjesë e mekanizmit UK Export Finance, që ofron më shumë mundësi për investime nga investitorët e Mbretërisë së Bashkuar”, thuhet në komunikatën e lëshuar nga zyra e Kurtit.

Autoritetet e Kosovës të premten i mbyllën pesë institucione paralele serbe në veri të vendit, përfshirë komunën paralele të Mitrovicës dhe kjo shkaktoi një reagim të ashpër nga bashkësia ndërkombëtare.

Ambasadori Hargreaves tha se lëvizjet e këtij lloji “kërkojnë konsultim të kujdesshëm me aleatët e palëkundur dhe partnerët e sigurisë, në kontekst të dialogut më të gjerë”. Veprimet e fundit të Qeverisë, ai tha se “rrezikojnë nxitjen e tensioneve dhe t’i prekin më të cenuarit”.

Tetaj: E kemi dëgjuar Thaçin duke thënë se shumë shpejt me ty do ta kryej

Dëshmitari Rrustem Tetaj tha se kur u bë ndryshimi i pozitave në mes Ramush Haradinajt dhe Tahir Zemajt, kishte ndodhur një tension në Zhabel të Dukagjinit.

Ai tha se e kanë dëgjuar Hashim Thaçin në një shator me Tahir Zemajn, duke thënë që ‘shumë shpejt do ta kryej me ty’, raporton “Betimi për Drejtësi“.

Fillimisht, dëshmitari tha se për këto ndryshime nuk ishin pajtuar askush aty duke, përfshirë edhe Tahir Zemajn.

“Aty nuk janë pajtu as Tahiri as nuk janë pajtu Hashim Thaçi.. krejt qëllimi që s’jem pajtu është se Tahiri e lypke dhe të gjithë ne e lypshim se kush është komandant nëse ne jemi komandantë të zonave, nënzonave të UÇK-së e dojshim me e ditë se kënd e kishim komandat të Shtabit të Përgjithshëm. Këta nuk na kanë tregu. Kur thanë ‘këta’ është Hashim Thaçi që ka ardhë dhe atëherë qaty kanë lindë problemet dhe u kanë një shator më tutje, janë hi atje tek telefoni satelitor kanë folë dhe kanë bërë kontakte përmes telefonit satelitor me nuk e di me Shtab të Përgjithshëm, me Ahmet Krasniqin e s’po di”, tha Tetaj.

“Nuk e di se çka kanë folë, por disa zëra janë dëgju dhe ka qenë një tension”, theksoi dëshmitari, duke thënë se kjo ka qenë një situatë e palakmueshme dhe ka pasur mundësi që të ketë pasoja.

Ai tha se në atë takim dëgjohej një zë i pakëndshëm duke përshkruar zërin e Thaçit.

“Aty dëgjohej një zë i pakëndshëm, por ishim tanë dhe duhet ta konfirmoj se aty e kemi ni Hashim Thaçin t’u thanë se shumë shpejt me ty do ta kryej. E tash me kanë, qysh, nuk e di”, tha Tetaj.

Tetaj, gjithashtu u pyet se çfarë do të thoshte me frazën se ‘ka dëgjuar zë të pakëndshëm’.

“E kam pas në mes të Tahirit dhe Hashim Thaçit në lidhje me postin e Komandantit të Shtabit Rajonal të Rrafshit të Dukagjinit. Zëri i tij ishte i nervozum”, tha Tetaj, kurse rreth asaj se a e kishte zërin e ngritur, u përgjigj “jo edhe qaq, por dëgjohej mirë ata dy në mes vete, Tahiri dhe Hashimi por me nervozë kanë folë”, tha Tetaj.

Po ashtu, ai tha se të gjithë atë që kanë qenë aty e kanë dëgjuar këtë fjalë nga Thaçi vetëm në rast që nuk duan të flasin lidhur me këtë.

Përpara kësaj, Tetaj shpjegoi se si erdhi situata deri tek ky tension në Zhabel.

“… është emëru komandant Rajonal të Dukagjinit, me pëlqimin e 14 fshatrave përreth dhe detyrën e zëvendësit e ka pranu Ramush Haradinaj edhe jemi pajtu të gjithë dhe ma s’ka pas kurrfarë divergjence e kurrfarë shqetësimi mes nesh. Mirëpo, prezenca dhe ardhja e Hashim Thaçit një ditë përpara kur ka dëgju, unë në aty atë ditë nuk kam qenë dhe këta e kanë caktu një takim të rregullt në fshatin Zhabel pas datës të emërimit të Tahir Zemajt… edhe për këtë takim jam informu nga Tahir Zemajt”, tha Tetaj.

Dëshmitari tha se ka refuzuar që të shkojë vetë ai në Zhabel, por që sipas tij kishte insistuar Tahir Zemaj. Në atë takim, tha se ua kanë dhënë disa pliko në të cilat secili i ka parë detyrat e veta se në çfarë rangu ishin të caktuar e që kanë qenë të nënshkruara nga Komandanti i Shtabit të Përgjithshëm, por pa emër.

Tetaj tha se nga aty kanë lindur problemet kur kanë parë dokumentet pa emër komandanti dhe kanë refuzuar që t’i nënshkruajnë.

Në këtë takim, Tetaj tha se Ramush Haradinaj e mori detyrën e komandantit të Zonës Operative të Dukagjinit, ndërsa Zemaj si zëvendës i tij.

Ndryshe, Tetaj tha se ka pasur presion që mos të ekzistonte FARK-u. I pyetur se kush po e ushtronte këtë presion, dëshmitari tha se ‘me emër më së shumti është cekur Hashim Thaçi’.

Dëshmitari tha se Tahir Zemaj shpeshherë ka treguar se kanë pasur probleme lidhur me çështjen e FARK-ut dhe fotografinë e Ibrahim Rugovës.

Hamiti kritikon Qeverinë Kurti: Asnjë njohje të re, nën masa, dështuan edhe anëtarësimin në KiE

Zyrtari i LDK-së, Muhamet Hamiti, ka reaguar ndaj Qeverisë së Kosovës, duke thënë se në raportin e Departamentit Amerikan të Shtetit potencohet se ka pasur korrupsion të rëndë qeveritar, ndërkohë që sipas Hamitit, Qeveria po propagandon se s’është e korruptuar.

Hamiti tutje ka shkruar se Qeveria Kurti ka shkelur Kushtetutën dhe se vazhdon të jetë nën sanksione.

Reagimi i plotë:

Qeveria e Vetëvendosjes e ka intensifikuar propagandën.

I thotë vetes Qeveri e pakorruptuar. Departamenti Amerikan i Shtetit ka raportuar për “korrupsion të rëndë qeveritar” (serious government corruption) në Kosovë.

Kjo Qeveri ka bërë më shumë shkelje të Kushtetutës se cilado Qeveri e mëparshme, mbase më shumë se të gjitha bashkë.

Sanksione ndërkombëtare Kosova s’ka pasur. Tash ka, prej qershorit të vitit të kaluar.

Asnjë njohje ndërkombëtare në këto katër vite. Nesër, më 4 shtator, bëhen katër vjet prej njohjes së fundit të Kosovës, që ndodhi kur Vetëvendosje ishte në opozitë. Kosova e mori njohjen nga Shteti i Izraelit më 4 shtator 2020 në kohën kur Qeverinë e Kosovës e drejtonte LDK-ja.

Kosova nuk ia doli të anëtarësohej në Këshillin e Evropës sivjet në pranverë. Qeveria Kurti nuk ia doli t’i bindte aleatët tradicionalë të Kosovës për këtë anëtarësim,

Jemi më larg, jo më afër, integrimeve euro-atlantike se ç’kemi qenë para katër vjetësh.

Krasniqi: “Grupi i Tiranës” brenda VV ka injektuar propagandë anti-SHBA në masa të gjera

Profesori universitar, Milazim Krasniqi, ka shkruar për grupin e zyrtarëve të Lëvizjes Vetëvendosje që janë nga Shqipëria e të cilëve iu është referuar si “grupi i Tiranës”. Kransiqi thotë se bëhet fjalë për tri shtylla kryesore të propagandës që bëhet nga ky grup i zyrtarëve të Lëvizjes Vetëvendosje, që lidhen me Veriun, Shqipërinë dhe raportin me SHBA-në.

Krasniqi ka shkruar se propaganda kundër Asociacionit ka qenë më racionale, megjithatë sipas tij, tashmë ajo është shndërruar në “propagandë gebelsiane kundër qytetarëve serb”. Profesori universitar thotë se një qasje e tillë s’do të kalojë pa pasoja.

Tutje ai ka përmendur edhe premtimin për bashkimin me Shqipërinë. Sipas Krasniqit, propaganda joreale për bashkim me Shqipërinë është shndërruar në propagandë kundër vetë Shqipërisë.

Krasniqi pretendon se “Grupi i Tiranës” ka përpunuar dhe një platformë anti-perëndimore, më së shumti kundër SHBA-së, propagandë të cilën thotë se tashmë e kanë shpërndarë nëpër masa të gjera dhe se sot mund të flitet për histeri antiamerikane në radhët e militantëve të VV-së në Kosovë.

Postimi i plotë:

TRI SHTYLLAT KRYESORE TË PROPAGANDËS SË “GRUPIT TË TIRANËS”

I ashtuquajturi “Grupi i Tiranes” brenda LVV, janë ustallarë të propagandës. Ata persona zakonisht nuk gjenden shumë në medie, as në organe drejtuese, përveç në raste të rralla, në qeveri jo e jo. Falë punës së tyre grupi parlamentar i LVV është homogjen, natyrisht pa identitet. Falë punës së tyre LVV prezentohet në publik si parti me unitet të çeliktë. Me gjasë, fuqia e LVV buron më shumë nga propaganda e tyre, se sa nga lidershipi i Kurtit.

Tri shtylla ka propaganda e përpunuar prej “Grupit të Tiranës”:veriun e Kosovës, Shqipërinë dhe Perëndimin (SHBA-në.)

1. Propaganda kundër Zajednicës një kohë ka qenë brenda një propagande më racionale, por tashmë është shndërruar në propagandë gebelsiane, kundër qytetarëve serbë, si të të tillë. Natyrisht kjo nuk kalon pa pasoja e pa kundërveprim konkret politik e ushtarak të faktorëve ndërkombëtar që operojnë në vend.

2. Propaganda mbi Shqipërinë, ka dështuar me turp. Nga një propagandë joreale për bashkimin kombëtar, ka kohë që është shndërruar në propagandë bizare kundër vetë Shqipërisë, gjoja nën maskën e luftës kundër qeverisë Rama. Pasojat e kësaj propagande kufizojnë me tradhtinë.

3. Në emër të gjoja sovranizmit, propaganda e “Grupit të Tiranës” ka përpunuar një platformë agresive antiperëndimore dhe sidomos antiamerikane, të cilën tashmë e kanë injektuar në masat e gjera. Sot mund të flasim për histeri antiamerikane në radhët e shumë militantëve të LVV në Kosovë.

Rezultatet e propagandës së “Grupit të Tiranës” mund t’i vlerësoni vetë: sanksionet e Bashkimit Evropian kundër Kosovës, presionet e hapta të administratës së SHBA-së kundër qeverisë Kurti, eksodi i shqiptarëve nga Kosova, zbehja e shqiptarizmit në Kosovë.

Megjithatë, nuk jam në gjendje ta them se a u ka rrëshkitë qëllimi i propagandës, në drejtimin nga nuk e kanë projektuar, apo pikërisht ky rezultat ka qenë qëllimi i vërtetë i propagandës. Sidoqoftë, rezultati mbetet i njëjtë

Të shtënat me armë në Prishtinë, deklarohen nga Policia

Gazeta Sinjali raportoi ekskluzivisht pak më parë për disa të shtëna armësh në rrugën “Gazmend Zajmi” në lagjen Aktash në Prishtinë.

Siç mësoi Sinjali, një punëtor i Extreme Pizza-s është sulmuar nga një person.

Lidhur me rastin ka njoftuar edhe Policia e Kosovës, ku zëdhënësja e Policisë për rajonin e Prishtinës, Flora Ahmeti tha se informatën e parë e kanë marrë nga ora 14:30.

Pas marrjes së informatës, Policia tha se ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.

Siç thotë Ahmeti, bazuar në të dhënat fillestare, në këtë rast nuk ka persona të lënduar.

Sinjali siguroi pamje ekskluzive kur i dyshuari nxjerr armën dhe i shkon te vetura punëtorit të Extreme-it, i cili në ato momente del nga automjeti dhe përballet me të dyshuarin.

Siç shihet në pamje, i dyshuari e repeton armën dhe ia vendos në kokë punëtorit – situatë kjo që për pak ka mundur të përfundonte tragjikisht.