Alarm në Zvicër dhe Francë, identifikohen rastet e para me Hantavirus

Pasagjeri i ishte përgjigjur një e-mail nga kompania që menaxhonte anijen, e cila i informonte pasagjerët për incidentin shëndetësor, dhe ishte paraqitur në një spital në Cyrih të Zvicrës, ku po merr trajtim mjekësor.

Ndërkohë edhe autoritetet franceze njoftuan se u identifikua një pacient i cili nuk ishte në anijen MV Hondius, e cila është në karantinë, por ishte në të njëjtin fluturim me një nga pasagjerët.

Në përputhje me Rregulloret Ndërkombëtare të Shëndetit (RND), Organizata Botërore e Shëndetësisë (OBSH) po punon me vendet përkatëse për të mbështetur gjurmimin ndërkombëtar të kontakteve për të siguruar që ata që mund të jenë ekspozuar të monitorohen dhe për të kufizuar çdo përhapje të mëtejshme të sëmundjes.

Zgjedhjet e 7 qershorit, ky është koalicioni i vetëm deri tani

Zëdhënësi i KQZ-së, Valmir Elezi,  për RTV21 ka bërë  të ditur se deri më tani (e mërkurë, 6 maj 2026, ora 12:00), KQZ ka pranuar njoftimin për pjesëmarrje në zgjedhje nga 18 parti politike; mospjesëmarrjen nga 4 të tjera dhe formimin e 1 koalicioni të përbërë nga 2 parti politike.

“Është duke vazhduar periudha për partitë politike të regjistruara në Republikën e Kosovës për ta njoftuar KQZ-në për: pjesëmarrje ose mospjesëmarrje në zgjedhje dhe formim të koalicioneve. Kjo periudhë ka filluar më 1 maj dhe do të përfundojë më 7 maj. Deri më tani (e mërkurë, 6 maj 2026, ora 12:00) KQZ ka pranuar njoftimin për pjesëmarrje në zgjedhje nga 18 parti politike, mospjesëmarrje nga 4 parti politike dhe 1 koalicion i përbërë nga 2 parti politike”,   njoftoi Elezi.

Sipas tij këto obligime vlejnë vetëm për 53 partitë politike që aktualisht janë pjesë e regjistrimit të partive politike të regjistruara në Republikën e Kosovës.

Sipas Elezit, partitë politike që deri në këtë kohë kanë njoftuar pjesëmarrjen në zgjedhje janë: Partia Socialdemokrate; Kosovaki Nevi Romani Partia; Partia Socialdemokrate e Ashkalinjve; Za Slobodu Pravdu i Opstanak; Srpska Lista; Yenilikçi Türk Hareket Partisi; Lidhja Demokratike e Kosovës; Fjala; Lëvizja Përparimtare e Romëve të Kosovës; Partia Rome e Bashkuar e Kosovës – PREBK; Socialdemokratska Unija; Jedinstvena Goranska Partija; Kosova Demokratik Türk Partisi; Aleanca për Ardhmërinë e Kosovës; Nova Demokratska Stranka; Partia Liberale Egjiptiane; Iniciativa e Re Demokratike e Kosovës; dhe Kosovski Savez.

Ai po ashtu ka bërë të ditur se , partitë politike që deri më tani kanë njoftuar mospjesëmarrjen në zgjedhje janë: Partia Demokratike e Unitetit; Balli Kombëtar i Kosovës; Lëvizja Qytetare Vatra; dhe Bashkimi për Ndryshim Anamorava.

Qe  6 ditë nga hapja e afatit për deklarim të koalicioneve, KQZ ka pranuar vetëm njoftimin për formimin e koalicionit nga dy parti boshnjake. Bëhet fjalë për Demokratska Stranka Bošnjaka dhe Demokratska Stranka Vatan, që kanë paraqitur në KQZ koalicionin me emrin “Koalicija VAKAT”.

Sipas KQZ-së, njoftimi nga partitë politike të regjistruara i pjesëmarrjes ose mospjesëmarrjes në zgjedhje dhe formimi i koalicioneve është një proces tjetër nga aplikimi për certifikim i subjekteve të reja politike dhe dorëzimi i listës së kandidatëve për deputetë.

Më tej ai njoftoi se afati për aplikim për certifikim të subjekteve të reja politike ka filluar më 2 maj dhe do të përfundojë më 10 maj.

“Duke filluar nga data 2 maj dhe deri më 10 maj, subjektet e reja politike (koalicionet, nismat qytetare dhe kandidatët e pavarur) duhet të dorëzojnë në KQZ, respektivisht në Zyrën për Regjistrim, Certifikim dhe Kontrollin Financiar, aplikimin për certifikim për pjesëmarrje në zgjedhjet e parakohshme për Kuvendin e Kosovës. Sipas Ligjit për Zgjedhjet e Përgjithshme, partia politike konsiderohet automatikisht e certifikuar, andaj ky proces do të vlejë vetëm për subjektet e reja politike, që në këtë rast janë koalicionet, nismat qytetare dhe kandidatët e pavarur”, tha Elezi.

Ai shtoi se  dorëzimi i listës së kandidatëve për deputetë nga subjektet politike ka filluar më 2 maj dhe do të përfundojë më 12 maj 2026.

“KQZ ka vendosur afatin 11-ditore, nga 2 maj deri më 10 maj 2026, për subjektet politike (partitë politike, koalicionet, nismat qytetare dhe kandidatët e pavarur) për të dorëzuar listën me emrat e kandidatëve për deputetë për t’u certifikuar për të marrë pjesë në zgjedhjet e parakohshme të 7 qershorit. Dorëzimi i listës me emrat e kandidatëve për deputetë, duhet të bëhet përmes platformës elektronike dhe procedura është e ngjashme me zgjedhjet e fundit që u mbajtën në dhjetor të vitit të kaluar”, tha Elezi.

“Përplasjet” me Abdixhikun, Rama zbulon hapur cilën parti do ta mbështesë më 7 qershor

Kryetari i kryeqytetit, Përparim Rama ka dalë me një reagim pas ndryshimeve të fundit në komunën e Prishtinës dhe riformatimit të qeverisjes.

Rama ka konfirmuar ai do të qeverisë në kryeqytet në bashkëqeverisje me PDK-në dhe disa parti të tjera, pak pasi Lidhja Demokratike e Kosovës me të cilën i fitoi mandatet, mohoi një koalicion me Partinë Demokratike të Kosovës.

Rama ka thënë në postimin e tij se “qytetarët nuk jetojnë në parti, jetojnë në komunitet të përbashkët, prandaj ata janë përgjegjësi e përbashkët”.

Ai tha se emërimet nga Lidhja Demokratike e Kosovës(LDK), janë bërë konfirm propozimeve të ardhura nga ”Kolegjiumi” i përbërë nga pesë degët e Prishtinës duke shtuar se paralelisht, janë emëruar edhe përfaqësuesit e partnerëve të koalicionit  AAK, Nisma, Lidhja për Prishtinën dhe PDK, duke reflektuar, sipas Ramës një qasje gjithëpërfshirëse dhe funksionale.

Në fund, Rama ka thënë se në këto zgjedhje do të përkrahë LDK-në siç ka bërë të të kaluarën.

Reagimi i plotë:

Qeverisja është, në thelb, përgjegjësi ndaj qytetarit.

Prandaj, obligimi ynë moral dhe politik është i qartë: të ofrojmë qeverisje që u shërben qytetarëve me përgjegjësi, bashkëpunim dhe respekt të ndërsjellë.
Politika nuk duhet të jetë qëllim në vetvete, por mjet për të realizuar të mirën publike: për qytetarin.

Sot, Prishtina ndodhet para një momenti të rëndësishëm historik dhe zhvillimor. Me projektet madhore që na presin, përfshirë përgatitjet për Lojërat Mesdhetare, ne nuk po ndërtojmë vetëm infrastrukturë moderne, por po ndërtojmë identitetin dhe perspektivën e një Kryeqyteti europian, funksional dhe konkurrues.

Këto procese kërkojnë stabilitet institucional, bashkëpunim dhe vendimmarrje të përgjegjshme.
Në një rend demokratik, dallimet janë të natyrshme dhe legjitime. Por pjekuria politike matet me aftësinë për t’i tejkaluar ato në funksion të interesit të përbashkët.

Qytetarët nuk jetojnë në parti, jetojnë në komunitet të përbashkët, prandaj ata janë përgjegjësi e PËRBASHKËT. Nevojat e tyre nuk janë çështje interpretimi politik, por detyrim për zgjidhje konkrete të menjëhershme.

Jam kundër çdo retorike përçarëse. Ne jemi një POPULL. Një SHTET. Prandaj, duhet vizion i përbashkët, stabilitet dhe veprime të përgjegjshëm institucionale nga secili prej nesh.
Duke vendosur qytetarin në qendër dhe duke qenë të vetëdijshëm se pushteti është shërbim, e jo instrument bllokimi, kemi finalizuar bashkëqeverisjen në Kryeqytet me Aleancën për Ardhmërinë e Kosovës (AAK), Nismën Socialdemokrate, Lidhjen për Prishtinën dhe së fundmi me Partinë Demokratike të Kosovës(PDK).

Në këtë kuadër, emërimet nga Lidhja Demokratike e Kosovës(LDK), janë bërë konfirm propozimeve të ardhura nga ”Kolegjiumi” i përbërë nga pesë degët e Prishtinës, një mekanizëm i themeluar nga vetë LDK, që garanton përfaqësim, balancë dhe legjitimitet të brendshëm. Paralelisht, janë emëruar edhe përfaqësuesit e partnerëve tanë nga AAK, Nisma, Lidhja për Prishtinën dhe PDK, duke reflektuar një qasje gjithëpërfshirëse dhe funksionale.

Kryeqyteti është shembull i bashkëpunimit dhe zhvillimit dhe ashtu do të mbetet!
Shpreh mirënjohje të veçantë për drejtorët e deritanishëm, të cilëve u ka përfunduar mandati, për profesionalizmin dhe kontributin e tyre të çmuar në shërbim të qytetit. Ndërsa drejtorëve të rinj u uroj suksese dhe përgjegjësi të lartë në detyrat që marrin përsipër.

Ashtu siç e kam përkrahur pakusht Lidhjen Demokratike të Kosovës (LDK) në zgjedhjet e kaluara, do ta përkrah edhe në këto zgjedhje, me bindjen se demokracia, stabiliteti institucional dhe kultura shtetformuese duhet të mbrohen dhe të forcohen vazhdimisht. Përgjegjësi, rend, zhvillim dhe shërbim ndaj qytetarit, pa retorikë përçarëse por me vizion të qartë për të ardhmen, kjo është filozofia e së djathtës!

Kosova nuk ka nevojë për më shumë krizë e polarizim, por për institucione funksionale, bashkëpunim dhe vizion për zhvillim. Sepse lidershipi i vërtetë nuk matet me aftësinë për të krijuar tension, por me aftësinë për të bashkuar njerëzit, për të ndërtuar stabilitet institucional, dhe për ta çuar vendin përpara.

 

Rrahje mes pasagjerëve, avioni nga Londra bën ulje emergjente në Prishtinë

Një incident është regjistruar në bordin e një avioni të kompanisë easyJet, ku një përleshje mes pasagjerëve detyroi devijimin e fluturimit dhe uljen emergjente në Kosovë.

Siç raporton “The Sun”, që ka publikuar edhe pamjet nga incidenti, një grua që besohet të jetë shtetase britanike, dyshohet se kishte konsumuar vodka dhe më pas ka shpërthyer në sjellje agresive, duke tentuar të godasë një pasagjer tjetër dhe duke i pështyrë në fytyrë.

Ngjarja ndodhi në fluturimin që ishte nisur nga Gatwick Airport drejt Antalya, por për shkak të situatës së krijuar, avioni u detyrua të bëjë një ulje emergjente në Aeroportin Ndërkombëtar të Prishtinës.

Në pamjet e publikuara shihet edhe ndërhyrja e Policisë së Kosovës, që largon nga avioni dy pasagjerët./Reporteri.net

Vdes një 61 vjeçar në hotel

Një ngjarje e rëndë ka ndodhur paraditen e djeshme në Zveçan, ku një person është gjetur pa shenja jete brenda një hoteli, mëson Sinjali.

Rasti ka ndodhur në rrugën “Nemanjina”, në objektin e njohur si Hoteli “3”, ku emergjenca ka marrë një telefonatë për një person që dyshohej se kishte ndërruar jetë.

Sipas informacioneve, ekipi mjekësor ka dalë menjëherë në vendngjarje dhe rreth orës 11:00 ka konstatuar vdekjen e viktimës, e identifikuar si Hamdi Alia, rreth 61-vjeçar.

Pas njoftimit, në hotel kanë dalë njësitë policore, hetuesia rajonale dhe Prokurori i Shtetit, i cili ka urdhëruar që rasti të iniciohet si “Vdekje e dyshimtë”.

Trupi i pajetë është tërhequr nga Instituti i Mjekësisë Ligjore dhe është dërguar për obduksion.

Rasti mbetet nën hetime.

Dy deputetët e LDK-së që bojkotuan mbledhjen e Kryesisë ku u vendos ‘bashkimi’ me Vjosa Osmanin

Dy anëtarët e Kryesisë së LDK’së, Hykmete Bajrami dhe Avdullah Hoti, kanë bojkotuar mbledhjen ku u votua për bashkëpunimin me ish-Presidenten Vjosa Osmani. Në fotot e mbledhjes të publikuara nga Abdixhiku, ata nuk shihen askund.

Kryesia e LDK’së, në një mbledhje që mbajti me kryetarët e degëve, i dha dritën e gjelbër bashkëpunimit me ish-Presidenten Vjosa Osmani, për të garuar në një listë për zgjedhjet e 7 qershorit.

Por, në mbledhje, munguan dy prej figurave kryesore të kësaj partie, Hykmete Bajrami dhe Avdullah Hoti.

Kreu i LDK’së, Lumir Abdixhiku, publikoi foto nga mbledhja, ku bie në sy mungesa e dyshes.

“Nga takimi i përbashkët i Kryesisë me Degët. Po bashkohemi! Do të bashkohemi! LDK përgjithmonë!”, shkroi Abdixhiku.

Përparim Rama e “rahaton” Isah Mustafën në këtë drejtori

Kryetari i Komunës së Prishtinës, Përparim Rama, ka vazhduar me ndryshime në strukturat drejtuese komunale, në kuadër të ristrukturimit të paralajmëruar në disa drejtori të kryeqytetit.

Sipas burimeve të Sinjalit, drejtoresha për Kulturë, Sibel Halimi, është shkarkuar nga detyra, si pjesë e kësaj vale ndryshimesh në komunë.

Po ashtu, Sinjali mëson se vendin e saj pritet ta zë Isah Mustafa nga Partia Demokratike e Kosovës.

Ky zhvillim vjen në vazhdën e një serie shkarkimesh, ku Rama prej ditësh po vazhdon me atë që po cilësohet si “fshesë” në drejtori të ndryshme, në kuadër të riorganizimit të qeverisjes lokale në Prishtinë.

Ndërkohë, nga këto veprime është distancuar Lidhja Demokratike e Kosovës, partia me të cilën Rama fitoi zgjedhjet në kryeqytet, duke theksuar se këto vendime nuk përfaqësojnë qëndrimin zyrtar dhe vullnetin e saj.

Mungoi në mbledhjen e LDK-së për “bashkimin me Osmanin”, reagon Hoti

As Hykmete Bajrami e as Avdullah Hoti nuk u panë në mesin e anëtarëve të Lidhjes Demokratike të Kosovës (LDK), ku u diskutua rreth bashkimit me Vjosa Osmanin.

Bajrami dhe Hoti janë përmendur si ndër zërat brenda LDK-së që kanë shprehur rezerva ndaj një bashkëpunimi me Osmanin. Megjithatë, arsyet e mungesës së tyre në këtë mbledhje nuk janë bërë të ditura.

Në bazë të fotografive të publikuara nga kryetari i Lidhjes Demokratike të Kosovës (LDK), Lumir Abdixhiku, nga të gjithë anëtarët e Kryesisë, në foto nuk shihen Hykmete Bajrami dhe Avdullah Hoti.

Pas kësaj, Avdullah Hoti ka reaguar me një logo të LDK-së me mbishkrimin “LDK mbi të gjitha”.

Siç mëson Sinjali brenda këtij takimi, bëhet fjalë për një konfigurim të qartë të ndarjes së roleve në nivel shtetëror, ku Vjosa Osmani parashihet si kandidate për Presidente, ndërsa Lumir Abdixhiku do të synojë postin e Kryeministrit.

Po sipas të njëjtave burime, marrëveshja nuk kufizohet vetëm në nivel deklarativ, por shtrihet edhe në arkitekturën konkrete zgjedhore.

Rama “e çon në shtëpi” edhe Sibel Halimin, shkarkohet nga detyra

Kryetari i Komunës së Prishtinës, Përparim Rama, ka vazhduar me ndryshime në strukturat drejtuese komunale, duke konfirmuar raportimin e Sinjalit për ristrukturimin e paralajmëruar në disa drejtori të kryeqytetit.

Në kuadër të këtij ristrukturimi, sipas burimeve të Sinjalit është shkarkuar nga detyra edhe drejtoresha për Kulturë, Sibel Halimi.

Ky veprim vjen në vazhdën e një serie shkarkimesh në komunë, ku Rama prej ditësh po vazhdon me atë që po cilësohet si “fshesë” në drejtori të ndryshme, si pjesë e riorganizimit të qeverisjes lokale në Prishtinë.

Nga veprimi i Ramës është distancuar partia me të cilën ai fitoi garën në kryeqytet në dy palë zgjedhjet e fundit.

Sipas LDK-së, marrëveshja nuk përfaqëson qëndrimin zyrtar dhe vullnetin e kësaj partie.

Haxhi Avdyli: Vjosa Osmani e ka bërë kryeministër Albin Kurtin

Ish-deputeti i Grupit Parlamentar të Lëvizjes Vetëvendosje, Haxhi Avdyli, ka folur sërish për procesin e zgjedhjes së presidentit.

Ai ka treguar se deri në momentet e fundit para kandidimit të Glauk Konjufcës, kishte besuar se bëhej fjalë për një strategji politike të Albin Kurtit.

Sipas tij, kishte menduar se Kurti nuk do ta kandidonte Konjufcën dhe se mund të kërkonte mbështetje nga LDK-ja përmes nënshkrimeve.

“Unë mendoj që deri ditët e fundit kur është kandiduar Glauku, akoma ne e kemi pasur një bindje që Albin Kurti është duke e bërë një politikë, është një taktikë e Albinit. Unë kam menduar që nuk e kandidon as Glaukun dhe shkon i thotë LDK-së “mi jep ato 15 nënshkrime”.

“Konkretisht një ditë apo dy para se të nominohet Glakuku, na është thënë që kandidat do të jetë Glauk Konjufca dhe një kandidat tjetër formal, që më vonë doli që është Fatmirja. Normalisht unë nuk isha i bindur pse nuk po bën Vjosa”, tha ai në Klan Kosova.

Avdyli ka theksuar se një ose dy ditë para nominimit, ishte bërë e ditur se kandidat do të ishte Konjufca, së bashku me një kandidat tjetër formal.

Sipas tij, zakonisht mosnominimi i një figure lidhet me performancë jo të mirë, por në rastin e Osmanit, sipas tij, ajo e kishte përfaqësuar Kosovën në mënyrë shumë të mirë.

“Zakonisht kur dikush nuk nominohet ose shkarkohet, bëhet kur nuk ka punuar mirë, askush në grup parlamentar, por as qytetarët nuk e kam hasur që kanë thënë që kjo nuk po punon mirë, kjo është shkarkuar që lka punuar shumë, e ka prezantuar Kosovën në mënyrën më të mirë të mundshme”, tha ai.

Avdyli ka përshkruar edhe atmosferën në momentin e nominimit, duke thënë se shumë deputetë dukeshin të pakënaqur.

“Në momentet e nominimit unë edhe i kam parë fytyrat e deputetëve që kanë qenë të ngrysura, deputetëve të tjerë, jo të Guxo-s, të gjithë janë ndjerë keq, sepse ata kanë besuar dhe akoma e di që shancat më të mëdha për t’u bërë kryetare e shtetit, me vazhdu, i ka pasur Vjosa Osmani, asnjëri tjetër nuk i ka pasur”, tha ai.

Ai ka treguar gjithashtu se kishte komunikime me disa deputetë që nuk ishin të informuar për zhvillimet dhe që shprehnin mbështetje për Osmanin.

Megjithatë, ai u shpreh i habitur që disa prej tyre më pas dolën publikisht me qëndrime kundër saj.

“Shumë më kanë thirrur çka po bëhet, as ata nuk kanë qenë të informuar çka po bëhet, “a po bëhet Vjosa, mirë është me shku Vjosa”, shumë deputetë 3-4 e di që kam komunikuar edhe përmes telefonit. Ata po ndihen shumë keq, por tash po çuditem kur të njëjtit po dalin e po bëjnë video kundër Vjosës”, tha ai.

Në fund, Avdyli theksoi se, sipas tij, në vitin 2021 ishte Vjosa Osmani ajo që ndikoi në ardhjen e Albin Kurti në postin e kryeministrit.

“Vjosa Osmani e ka bërë kryeministër Albin Kurtin, jo Albin Kurti, Vjosa Osmanin, po flasim për vitin 2021”,  u shpreh ai.