Magazine PRO

Numri i rasteve të dhunës në familje ka marrë përmasa shqetësuese në vendin tonë, pasi çdo ditë persona të ndryshëm përfundojnë në pranga si të dyshuar për dhunë ndaj familjarëve. Këto raste bëhen edhe më të rënda, kur viktima janë prindërit të cilët përjetojnë dhunë psikike e fizike nga fëmijët e tyre, raporton Gazeta Sinjali.

Një rast i tillë i dhunës në familje është denoncuar të dielën në Prishtinë, ku një grua ka raportuar se është dhunuar fizikisht nga djali i saj për shkak se nuk i ka dhënë para.

Burime të Sinjalit bëjnë me dije se më 22 qershor 2025, në Stacionin Policor Veriu në Prishtinë është paraqitur F.R, 68 vjeçare, e cila ka raportuar se djali i saj, B.R, 31 vjeçare, ka ushtruar dhunë ndaj saj në banesën e përbashkët në rrugën “Din Mehmeti”.

Sipas deklarimit të viktimës, i dyshuari fillimisht i kishte kërkuar para, por pasi ajo kishte refuzuar, ai kishte filluar ta sulmonte fizikisht. E tronditur dhe nën presion, ajo ishte detyruar të shkonte te komshija për të kërkuar para vetëm që ta qetësonte situatën.

Pas marrjes së dëshmisë dhe konsultës me Prokurorin Kujdestar, rasti është iniciuar si “Dhunë në familje”, ndërkohë që janë duke u ndërmarrë veprimet e mëtejshme ligjore për trajtimin e rastit.

Intervenimi ushtarak amerikan në Iran mori vëmendjen e akterëove kryesor në planet ditën e diel.

Kthimi i fokusit të superfuqisë botërore kah Lindja e Mesme zor se do të lë vend që ata të merren edhe me tensionet në Ballkan.

Involvimi i ShBA-së në luftën e Izraelit me Republikën Islamike do të ketë ndikim në Kosovë edhe në aspektin ekonomik.

Krizë pritet të ketë sidomos tek furnizimi me naftë.

Kështu pohojnë edhe nga Shoqata e Naftëtarëve, ku kryetari i saj, Fadil Berjani, tha se ka gjasa që çmimet e derivateve të rriten në mënyrë ekstreme.

“Me rastin e sulmnit ndaj Iranit nga SHBA-ja, ka gjasa që çmimet e derivateve të rriten në mënyrë ekstreme. Çdo eskalim i kësaj situate do të ndikoj shumë në rritje, ndërsa ndonjë marrëveshje me ndërmjetësues SHBA-në do ta qetësojë tregun e naftës”, ka thënë Berjani për KlanKosova.

Megjithatë, Berjani bëri thirrje që qytetarët mos të panikojnë meqë edhe në rajon Kosova dallohet sa i përket çmimeve më të arsyeshme.

Flakët kanë përfshirë pasditen e kësaj të diele apartamentin e ish-banores së Big Brother Vip, Franceska Muratit.

Burime për Iconstyle bëjnë me dije se banesa e Muratit, në një nga komplekset më “in” të momentit në Tiranë është përfshirë nga zjarri.

Pamjet e shpërndara në rrjet tregojnë flakët që kanë dalë në ballkonin e apartamentit dhe një tym të dendur që përhapet në katin përkatës. Lidhur me këtë ngjarje deri më tani nuk ka një reagim nga policia apo dhe nga vetë Françeska, ndërkohë që vlen të theksohet se fatmirësisht nuk ka pasur të lënduar.Zjarr ne apartamentin e Franceskes

Sakaq kujtojmë se për këtë pronë ish-banorja e Big Brother Vip kishte investuar një shumë prej rreth 500 mijë euro.

“Është zyrtare! Më në fund kam shtëpinë time të parë. Pas një kërkimi shumë të gjatë, mora një shtëpi në Tiranë. Mezi po pres të ndaj çdo hap të këtij rrugëtimi me ju,” shkruante ajo krah një videoje ku duket mjaft e lumtur me këtë blerje disa javë më parë.

Një ngjarje tragjike ndodhi sot në fshatin Shalë të Lipjanit, ku një person me inicialet B.M humbi jetën pas një vetaksidenti me skuter pranë shtëpisë së tij.

Viktima u dërgua në Qendrën e Mjekësisë Urgjente, ku u konstatua vdekja.

Policia dhe Prokuroria kanë nisur hetimet.

Ministria e Industrisë, Ndërmarrësisë dhe Tregtisë, ka njoftuar se do ta shtojë mbikëqyrjen në sektorin e derivateve të naftës, përmes Inspektoratit Qendror të Mbikëqyrjes së Tregut.

Ky veprim i MINT erdhi pas raportimeve për rritjen e çmimit të naftës, pasi SHBA sulmoi Iranin, i cili po konfliktuohet me Izraelin.

“Ministria e Industrisë, Ndërmarrësisë dhe Tregtisë ka për qëllim mbrojtjen e konsumatorit, rritjen e transparencës dhe mbrojtjen e konkurrencës, si dhe menjanimin e çrregullimeve në treg, përmes inspektimeve të tregut dhe rregullimit të çmimeve të produkteve të naftës.

Në këtë qëllim, Inspektorati Qendror i Mbikëqyrjes së Tregut, ka intensifikuar inspektimet në terren, ndaj operatorëve ekonomikë, që merren me tregtimin e derivateve të naftës në të gjithë vendin, gjatë gjithë javës e madje edhe sot me katër (4) ekipe”, thuhet në njoftimin e ministrisë.

“Inspektorati Qendror i Mbikëqyrjes së Tregut, sot do të sjell raportin përfundimtar të inspektimeve në terren ndaj operatorëve ekonomikë që merren me tregtimin e derivateve të naftës.

Ftojmë qytetarët që të raportojnë çdo parregullsi apo mashtrim të mundshëm, përmes kanaleve tona të komunikimit: Duke telefonuar në numrin pa pagesë: 0800 11000 apo përmes e-mailit zyrtar, Email: konsumatori@rks-gov.net”, apelon ministria.

Politikani serb Aleksandar Arsenijeviq, ka reaguar pasi ministri i Punëve të Brendshme, Xhelal Sveçla ka treguar se Policia e Kosovës në objektin e tij ka gjetur “armatim të mjaftueshëm sa për një njësit terrorist”.

Arsenijeviq ka thënë se kjo është “një përpjekje për ta hequr qafesh politikisht”.

Ai ka thënë se shtalla ku u gjetën armët ishte e hapur gjatë gjithë kohës, sipas tij nga tetori i vitit të kaluar, dhe se kali i tij ishte brenda qe 15 ditë.

Sipas tij, banorët e Vallaqit “raportuan lëvizje të dyshimta të fytyrave të panjohura” në polici muajin e kaluar.

Tutje, ai ka thënë se nuk e përjashton mundësinë që kjo lidhet edhe me zgjedhjet e ardhshme lokale.

Sveçla ka thënë se operacioni është ndihmuar nga AKI dhe Prokuroria, si dhe u monitorua nga KFOR’i dhe EULEX.

Një ngjarje tragjike ka ndodhur pasditen e sotme në fshatin Shalë të Drenasit, ku një burrë ka humbur jetën si pasojë e një vetaksidenti me skuter, raporton Gazeta Sinjali.

Burime të Sinjalit brenda Prokurorisë bëjnë me dije se viktima është identifikuar si Blerim Mejzinolli, i cili dyshohet se ka pësuar aksident fatal pranë shtëpisë së tij.

Rasti është raportuar fillimisht në Stacionin Policor në Drenas, ndërsa personi i pajetë është dërguar në Qendrën e Mjekësisë Urgjente në Komoran, ku mjeku kujdestar, ka konstatuar vdekjen e tij.

Njësiti i trafikut rajonal është vënë në dijeni për rastin dhe ka nisur procedurat për hetimin e shkaqeve që çuan në këtë tragjedi, thonë burimet e Sinjalit.

Policia ka dalë në vendin e ngjarjes dhe ka konfirmuar se viktima ishte duke drejtuar një skuter, kur për arsye ende të panjohura, ka humbur kontrollin dhe është vetaksidentuar. Në vendin e ngjarjes janë marrë veprimet e nevojshme hetimore.

Rasti është cilësuar si “Aksident trafiku me fatalitet” dhe me urdhër të prokurorit, pritet të kryhen procedurat përkatëse për hetimin e plotë të rrethanave.