Fituesi i Big Brother VIP Kosova 3, Drilon Rama, ka reaguar pas akuzave të Eduard Kuçit, ish-banor i këtij edicioni.
Ai tha se nuk e di se pse Edi është prekur kaq shumë dhe se mos kthimi i mesazheve nuk kishte të bënte me të.
“Nuk e di se pse është prek kaq shumë, unë dy dit nuk i kam kthy askujt mesazh as babit dhe as mamit. Telefonin e ka pas vëllai im dhe unë kam qëndruar me familjarë që janë në Kosovë”, u shpreh ai.
Edi ka hedhur akuza drejt Drilonit, duke thënë se ky i fundit nuk është treguar mirënjohës për krejt çka ka bërë ai për të.
Drilon Rama, fitues i edicionit të fundit të Big Brother VIP Kosova, ka bërë një thirrje për përkrahësit e tij që të mos ndërmarrin veprime kundër ish-shokut të tij të shtëpisë, Eduard Kuqi, raporton Demos.
Në live- in e tij Driloni ka theksuar se e di se çfarë fuqie kanë fansat e tij, por ka apeluar që të mos e “shkatërrojnë” Edin dhe të mos i besojnë gjithçka që thuhet.
Kjo thirrje vjen pasi duket se mes tyre ka pasur tensione pas përfundimit të spektaklit, edhe pse gjatë lojës ata kanë qenë miq të afërt.
Raporti mes Drilonit dhe Edit është vënë në pikëpyetje nga deklarata dhe reagimi i Edit pas përfundimit të spektaklit, dhe kjo ka shkaktuar ndarje edhe mes përkrahësve të tyre.
Shumë po përflitet për jetën personale të Gjestit, veçanërisht përgjatë qëndrimit të tij në shtëpinë e Big Brother VIP Albania.
Refuzimi i tij për të hedhur hapa me Eglin i rikujtoi shikuesve përmendjen e gjërave që ai ka lënë jashtë shtëpisë, brengë që e kishte që në BBVK.
E si rrufe në qiell të pastër, erdhi hipoteza e mundësisë që Gjesti ka qenë ose është i martuar jashtë.
Gjesti nuk ka qenë asnjëherë i martuar. Ai ka bashkëjetuar me vajzën e quajtur Diellza prej një kohe të gjatë.
“Gjesti dhe Diellza kanë bashkëjetuar 4 vjet. Ajo është nga Prishtina por nuk ka të bëjë botën e të famshmëve. Është përpjekur shumë për të mirën e Gjestit por ai ia ka kthyer shpesh me të keq. Jo, nuk kanë qenë të martuar. Vetëm bashkëjetesë’, u shpreh burimi për Prive.al.
Thuhet se ata kanë qenë bashkë deri para hyrjes së Gjestit në sezonin e tretë të BBVK. Përkundër grindjeve të vazhdueshme, gjërat mes tyre nuk kanë qenë krejtësisht të mbyllura në raportin mes tyre.
Gazetarja Klotilda Harka ka qenë e ftuar në emisionin “Live From Tirana” me Ronaldo Sharkën, ku ka diskutuar për disa nga lajmet më të bujshme lidhur me banorët e “Big Brother VIP 4”.
Ajo pati një deklaratë shumë të fortë për Gjestin ku nuk ngurroi të shprehë mendimin e saj mbi veprimet dhe sjelljen e tij, duke tërhequr vëmendjen e publikut dhe fansave të këtij formati.
Rikujtojmë që pak ditë më parë Gjesti iu drejtua Eglit se jashtë shtëpisë ka një grua tjetër dhe Klotilda e ka konfirmuar se Gjesti përpara se t hynte në “BBV” ka qenë i martuar.
A e mendon të vërtetë këtë pëlqimin e madh që ka Egli për Gjestin, apo të duket se po e përdor për lojë?
“Një farë tërheqje ajo e ka, edhe pse është kundërshtuar shumë nga banorët e tjerë. Patjetër që po e bën dhe për dronat, është një farë strategjie kjo. Egli është një vajzë e mprehtë, e ka kuptuar që Gjesti është i dashur për publikun jashtë. Të njëjtën gjë ka bërë dhe me ish-të dashurin e saj, Olsin.
Gjesti i tha: “Largohu se kam grua jashtë”. Nuk e di se për kë grua e ka, për Xhenetën apo për dikë tjetër. Se mendohet që Gjesti ka qenë i martuar që para se të hyjë në “Big Brother”. Këto fjalë kanë dalë nga burime të afërta, nga njerëz që e njohin nga afër atë. Kaq mund të them”, tha ajo.
Policia e Kosovës i ka shpallur në kërkim disa të rinjë, të dyshuar për vjedhje të rënda.
Njësiti i Hetimeve të Përgjithshme në Prishtinë, me autorizim nga Prokuroria Kompetente, ka shpallur një kërkesë për ndihmë nga qytetarët në identifikimin dhe ndalimin e tyre, si të dyshuar për krime të rënda, grabitje dhe vjedhje.
Policia ka publikuar fotografitë e të dyshuarve dhe kërkon bashkëpunimin e qytetarëve që mund të kenë informacion të vlefshëm për ta, transmeton IndeksOnline.
Çdo informacion që mund të çojë në identifikimin apo kapjen e këtyre individëve është i rëndësishëm dhe do të kontribuoni në ndihmën e drejtësisë.
Nëse keni informacion, mund të kontaktoni Policinë e Kosovës në numrin e urgjencës 192. Informacionet do të trajtohen me konfidencialitet të plotë. Bashkëpunimi i juaj është thelbësor për një Prishtinë më të sigurt.
Kryetari i AAK-së, Ramush Haradinaj, ka reaguar me ashpërsi ndaj deklaratave të ministres së Punëve të Jashtme, Donika Gërvallës, e cila në një tubim në Deçan i referohet disa figurave si “gjeneralë të vetëshpallur”.
Haradinaj, duke folur për KP, theksoi se gradën e tij e ka marrë nga NATO dhe që ajo iu dha nga një oficer gjerman, Klaus, në vendin ku është rritur Gërvalla.
“Ua kam hequr maskat edhe tash po iu prishën matematikat, po shohin se nuk e kanë punën mirë. Kuptohet, jam bërë nervoz, por detyra ime është kjo, unë jam opozitar, ka qenë detyra ime me iu hequr maskat – me ia qit ashtu si janë dhe po e shihni se çfarë janë. Hero janë dëshmorët e ata, për gjeneral, gradën e dytë e kam pikërisht prej NATO-s dhe atë prej një oficeri gjerman, atje ku është rritur kjo zonja, gjeneralit Klaus, ma ka dhënë me dorën e vet”, deklaroi Haradinaj.
Reagime kundër deklaratave të Gërvallës erdhën edhe nga Organizata e Veteranëve të Luftës së UÇK-së.
Në një deklaratë, organizata i bëri thirrje që të ndalen me fyerjet dhe veprimet keqdashëse kundër luftës çlirimtare dhe pjesëmarrësve të UÇK-së.
“Sepse një ditë, jo të largët, vet populli do t’u pështyjë surratin e do t’u hedh në kosha plehrash”, u theksua në deklaratë.
Më herët, gjatë një tubimi në Deçan, ministrja Gërvalla kishte thënë se Kosova nuk do të hyjë në NATO as me “gjeneralë të vetëshpallur” e as me një buxhet prej katër milionë euro në vit për ushtri, siç ishte rasti më parë./
Ish-banori i shtëpisë së “Big Brother VIP Albania 4”, Xum Allushi, është kthyer në një nga personazhet më të përfolur në rrjetet sociale, pas ngjarjeve të ndryshme që ndodhën brenda shtëpisë.
Xumi, i njohur për këngët e tij dhe karizmin, e ka shprehur hapur pëlqimin e tij për këngëtaren Egli Tako, por ndjenjat e tij nuk janë shpërblyer, pasi ajo e refuzoi. Kjo situatë ka nxitur shumë diskutime midis ndjekësve dhe fansave të show-t, duke e bërë Xumin një figurë edhe më të njohur në mediat sociale.
Pas përfundimit të edicionit të katërt të “Big Brother”, ku Xumi bëri disa miqësi dhe krijoi marrëdhënie interesante, ai ka bërë një koment të menjëhershëm dhe interesant për ish-banorën tjetër, Xheneta Fetahu. Xheneta, e cila zhvilloi një lidhje dashurie me Gjestin gjatë kohës në shtëpi, është një figurë tjetër që ka tërhequr vëmendjen e publikut.
Komenti i Xumit për Xhenetën ka qenë një zemër e kuqe në një postim të saj në Instagram. Sidoqoftë, ai e fshiu menjëherë këtë koment, duke lënë të mendosh se ndoshta kishte një arsye të veçantë pse e mori këtë vendim. Ky veprim ka nxitur thashetheme dhe spekulime në rrjetet sociale, duke u bërë një çështje e diskutuar gjerësisht nga tifozët e programit.
Xumi, duke qenë një personazh tepër i njohur, ka përfituar një numër të madh ndjekësish, e mes tyre është edhe Xheneta. Më shumë se kaq, ajo nuk ia ka kthyer mbrapsht ndjekjen, që ndoshta është një tregues i mundshëm se marrëdhëniet e tyre nuk janë aq të ngushta ose se ajo nuk ka interes për këto veprime.
Situata mes Xumit dhe Xhenetës është vetëm një nga shumë ngjarjet që kanë ndodhur gjatë këtij edicioni të “Big Brother”, i cili ka ofruar shumë emocione dhe drama që mbajnë publikun të lidhur nga fillimi deri në fund. Të gjithë janë të kureshtur për çfarë do të ndodhë më pas dhe nëse ky koment ka ndonjë ndikim në marrëdhëniet e tyre në të ardhmen.
Me këtë, Xumi ka arritur të rrisë popullaritetin e tij edhe më shumë, duke u bërë një nga figurat më të komentuarat në rrjetet sociale. Ai ka një stil të vecantë dhe një mënyrë të veçantë të shprehjes, duke e bërë atë më të tërheqshëm për adhuruesit e tij.
Më në fund, kjo situatë tregon sesi ndjenjat dhe marrëdhëniet evoluojnë përmes mediave sociale, ku çdo koment dhe çdo veprim mund të bëhet një temë diskutimi. Fansat presin me padurim zhvillimet e ardhshme nga dy personazhet, duke shpresuar për më shumë skena emocionuese dhe të papritura.
