“Edi Rama e urren Kosovën, do të fitojë Berisha”

Kreu i Partisë Demokristiane në Shqipëri, Nard Ndoka, ka thënë se zgjedhjet e së dielës do t’i fitojë Sali Berisha, dhe sipas tij, ai do të bëhet kryeministër i ri i Shqipërisë. Edhe pse nuk është në listën e të djathtëve, Ndoka ka thënë se është koha e fundit që të përfundojë sundimi i Partisë Socialiste.

Në një intervistë për Interaktiv Talks të gazetarit Xhemajl Rexha, Ndoka ka thënë madje se Edi Rama e urren Kosovën.

“Sali Berisha është i vetmi që e do me zemër Kosovën. Edi Rama nuk e do, madje ai e urren Kosovën, dhe u ka vënë kosovarëve dy pagesa”, ka thënë Ndoka.

Për më shumë ndiqeni videon:

Pa Feron, por me shumë hijeshi – Arbenita feston sot ditëlindjen, ja sa vjet mbushi modelja

Modelja e njohur, Arbenita Ismajli është mjaft aktive në rrjetet sociale, ku bën postime të ndryshme nga përditshmëria e saj.

Ajo sot po e feston ditëlindjen e 27-shtatë, raporton IndeksOnline.

Lajmin e ka bërë të ditur vet modelja, e cila ka publikuar disa fotografi ku shfaqet duke mbajtur në duar një ëmbëlsirë më urimin për ditëlindje.

E rregulluar bukur dhe e veshur me shumë stil, Arbenita po shkëlqen në këtë ditë të veçantë për të.

Vendimi i ZReE-së për shtrenjtimin e energjisë elektrike, vjen ky njoftim i rëndësishëm

Aleanca Kosovare e Bizneseve gjatë ditës së nesërme do të mbajë konferencë për media.

Sipas njoftimit është bërë e ditur se në këtë konferencë do të flitet për vendimin të ZRrE-së për shtrajtimin e energjisë elektrike e po ashtu për ndikimin e tij në sektorin privat.

Më herët Aleanca Kosovare e Bizneseve ka vlerësur se shtrenjtimi i energjisë elektrike 16 për qind nuk e arsyeton rritjen e çmimit të produkteve deri në 50 për qind, duke kritikuar keqpërdorimin e situatës.

Kryetari i AKB-së, Agim Shahini ishte shprehur se Kosova duhet të ketë më shumë prodhime vendore dhe të zvogëlojë varësinë nga importet.

Sipas njoftimit konferenca mbahet nga ora 12:00.

E rëndë: Ndërron jetë në moshë të re i riu nga Drenasi

Ka ndërruar jetë në moshë të re, Drilon Muleta nga Korrotica e Epërme e Drenasit

Lajmi u bë i ditur nga familja.

Njoftimi i plotë:

Njoftimi nga familja Muleta:

Me dhimbje të thellë njoftojmë miqtë, shokët dhe të gjithë dashamirët se sot humba më të dashurin tim, djalin tim të madh, Drilon Petrit Muleta.

Njëkohësisht ju njoftojmë se ceremonia e varrimit do të mbahet më 12.05.2025, në varrezat e fshatit Korroticë e Epërme.

Të pikëlluar: Familja Muleta

Ngushëllime!

Provokim i rëndë në zemër të Kosovës: Motoçiklistët serbë sfidojnë me flamuj dhe tre gishta!

Një incident me sfond provokues është regjistruar sot në rrugën Gjakovë–Prishtinë, ku një grup prej 10 motoçiklistësh, të pajisur me flamuj serbë, kanë defiluar nëpër qytete duke ngritur tre gishta – një simbol nacionalist serb – në drejtim të qytetarëve.

Burime të Gazetës Sinjali brenda Policisë bëjnë me dije se patrullat e Drejtoria Rajonale e Policisë Gjakovë janë angazhuar menjëherë pas marrjes së informacionit, ndërkohë që është njoftuar edhe Stacioni Policor në Klinë për të ngritur një pikë kontrolli.

Njësia e Reagimit të Shpejtë nga Gjakova ka ndjekur grupin e motoçiklistëve deri te udhëkryqi Gjakovë–Klinë–Prishtinë, por pavarësisht përpjekjeve për t’i ndaluar, 9 prej tyre kanë vazhduar drejt Prishtinës, duke mos respektuar urdhrin e ndaljes nga Policia. Ndërkohë, njëri nga ta është shkëputur nga grupi dhe ka vazhduar drejt Klinës.

Ngjarja ka shkaktuar reagime të qytetarëve për shkak të natyrës provokuese të sjelljes së tyre dhe simboleve të përdorura.

Policia e Kosovës është duke vazhduar hetimet për identifikimin dhe ndalimin e personave të përfshirë, ndërkohë që nuk dihet nëse ata kanë pasur ndonjë leje për këtë lloj defilimi apo ndonjë lidhje me ndonjë organizim zyrtar.

Albulena Haxhiu sot feston ditëlindjen, ja sa vite po bën gruaja më e votuar në vend

Sot, më 11 maj 2025, ish-Ministrja e Drejtësisë së Kosovës dhe kandidatja për kryeparlamentare Albulena Haxhiu, feston 38-vjetorin e lindjes.

Haxhiu është një nga figurat më të spikatura të politikës kosovare, e njohur për angazhimin e saj të palëkundur në çështjet e drejtësisë dhe të drejtave të njeriut.

E përfshirë në Lëvizjen Vetëvendosje që nga viti 2010, ajo ka shërbyer si deputete në Kuvendin e Kosovës për disa mandate dhe deri në zgjedhjet e fundit mbajti postin e Ministres së Drejtësisë. Në zgjedhjet e fundit, Haxhiu u rendit si gruaja më e votuar në vend, duke reflektuar besimin e madh që qytetarët kanë në të.

Me rastin e ditëlindjes, ajo është befasuar me një surprizë në zyrën e saj, ku ka marrë dhurata nga stafi, shkruan “Kosovarja”.

Në këtë ditë të veçantë, shumë qytetarë dhe kolegë politikë i kanë shprehur urimet e tyre, duke vlerësuar kontributin e saj të vazhdueshëm në ndërtimin e një shteti të së drejtës dhe të barazisë.

Dështim në Kuvend, festë në Vetëvendosje – Albulena s’fitoi votat, por mori tortën!

Çka po zihet mes Lumbardh Salihut dhe Erjola Doçit?

Lumbardh Salihu në lidhje dashurie me Erjola Doçin?

Një tjetër histori dashurie po përflitet në botën e showbizit shqiptar. Kësaj here, në qendër të vëmendjes janë dy emra të njohur të reality show-ve: fituesi i “Big Brother VIP Kosova 2” dhe ish-banorja e “Big Brother VIP Albania 3”, Erjola Doçi.

Sipas burimeve të emisionit “Prive”, dyshja dyshohet se janë në një lidhje dashurie, të cilën po e mbajnë të fshehtë nga publiku. Burimet pranë tyre kanë zbuluar se mes Erjolës dhe ish-fituesit të BBVK3 ka nisur një raport më shumë sesa shoqëror, ndonëse ata nuk kanë dalë publikisht si çift.

Të dy personazhet ishin kontraktuar për të bashkëpunuar në një projekt filmik, që do t’i shihte në role kryesore. Por, siç bëhet e ditur, Lumbardhi – fituesi i edicionit të tretë të BBVK Kosova – është tërhequr në momentet e fundit, për shkak të një mosmarrëveshjeje rreth pagesës. Megjithatë, afërsia e tyre gjatë përgatitjeve të projektit thuhet se ka ndikuar në afrimin mes tyre.

Ndërkohë, bukuroshja nga Kukësi, Erjola Doçi, vazhdon të jetë pjesë e ekranit si prezantuese në emisionin e njohur “E Diell” në Top Channel, ku ka fituar simpatinë e publikut me sharmin dhe spontanitetin e saj.

Nuk dihet nëse dyshja do ta bëjnë publike marrëdhënien në të ardhmen, por për momentin, zërat për një lidhje mes tyre po qarkullojnë me intensitet në mediat rozë. /Telegrafi/

Aida Doçi bëhet nënë për herë të dytë, zbulohet edhe gjinia e foshnjës

Këngëtarja e njohur nga Kosova, Aida Doci ka përjetuar një nga momentet më të lumtura të jetës së saj, është bërë nënë për herë të dytë.

Lajmin e ka bërë të ditur partneri i saj, Naseri, përmes një postimi emocionues në Instastory, duke shpërndarë foton e foshnjës së mbështjellë në rroba rozë dhe një kartelë nga spitali me të gjitha detajet e lindjes.

Vajza e tyre ka ardhur në jetë mëngjesin e sotëm.

Emrin që i kanë zgjedhur për vogëlushen është Mjalta.

Tension në koncertin e Gjestit, fituesit të Big Brother i ndodh e papritura në skenë

Reperi i njohur shqiptar, Gjesti, ishte natën e mbrëmshme i pranishëm në një nga klubet më të njohura të shqiptarëve në Linz, Austri, ku performoi për një audiencë të zjarrtë, të përbërë kryesisht nga të rinj dhe vajza që mbushën hapësirën plot entuziazëm.

Megjithatë, gjatë performancës ndodhi një moment i pazakontë që shkaktoi tension në skenë. DJ-i personal i Gjestit, Gimbo, vendosi në sfond këngën “U Halite”, një këngë që reperi nuk e ka interpretuar asnjëherë në koncertet e tij.

Arsyeja është emocionale: “U Halite” i kujton një periudhë të vështirë dhe depresive të jetës së tij, për të cilën ka folur publikisht gjatë pjesëmarrjes në Big Brother VIP Kosova dhe Albania.

Pasi u vu re nervozizmi i tij, Gjesti nuk reagoi në mënyrë të ashpër, por atmosfera u ndal për disa minuta. Pas qetësimit të situatës, DJ Gimbo vendosi super hitin e njohur të reperit, “HMM”, i cili ka arritur mbi 22 milion klikime në platformën YouTube.

Kjo riktheu menjëherë atmosferën festive, ndërsa publiku reagoi me brohoritje dhe energji pozitive.

 

 

Gjesti arriti ta tejkalojë me maturi këtë moment emocional dhe vazhdoi performancën me profesionalizëm, teksa po vazhdon të shijojë suksese të shumta pas përmbylljes me sukses të aventurës së tij në Big Brother VIP Albania 4. /Telegrafi/

VIDEO

‘S’ka qetësi në Kosovë’: Theren me thikë tre persona

Përleshjet në të cilat përfshihen qytetarët në vendin tonë janë goxha të shpeshta dhe kjo po konsiderohet edhe si cenim i sigurisë publike. Të tilla incidente ndodhin qoftë nëpër rrugë, kafeteri apo edhe në hapësira të tjera publike, raporton Gazeta Sinjali.

Një përleshje e dhunshme ka ndodhur në orët e para të mëngjesit të sotëm 2025 në qytetin ePodujevës, më saktësisht në rrugën “19 Qershori”, afër lokalit “Shisha Zone”, ku tre persona kanë mbetur të lënduar nga një mjet i mprehtë, mëson Gazeta Sinjali.

Sipas burimeve të Sinjalit, rasti është raportuar në polici rreth orës 00:41, dhe në vendin e ngjarjes kanë dalë njësitë e ndërhyrjes së shpejtë, të cilat kanë konfirmuar se në incident janë përfshirë: Z.L., 24 vjeçar, L.H., 28 vjeçar, dhe N.H., 27 vjeçar.

Të tre kanë marrë lëndime trupore nga therje me thikë, ndërsa arma e përdorur është sekuestruar nga policia në cilësinë e provës materiale.

Fillimisht, të lënduarit janë trajtuar në Emergjencën e Podujevës, ndërsa dy prej tyre janë transferuar në QKUK – Prishtinë, nën përcjellje policore për shkak të natyrës së plagëve.

Në cilësinë e të dyshuarve janë intervistuar Z.L. dhe N.H., ndërsa si dëshmitar është marrë në pyetje edhe H.H., 26 vjeçar. Me urdhër të Prokurores Kujdestare është inicuar rast penal ndaj Z.L. për “Lëndim i rëndë trupor” dhe “Mbajtje në pronësi, kontroll apo posedim të paautorizuar të armëve”, dhe i njëjti është ndaluar për 48 orë, duke u dërguar në Qendrën e Mbajtjes në Prishtinë.

Ndërkohë, ndaj N.H. është iniciuar rast për “Lëndim i lehtë trupor”, ndërsa hetimet janë duke vazhduar, pasi mbetet për t’u intervistuar edhe E.R. dhe A.H., të cilët dyshohet se kanë qenë të përfshirë në incident.