Reagon avokati i FFK-së pas vendimit të UEFA-s: Nuk do të ndalemi me kaq

Avokati i Federatës së Futbollit të Kosovës, Taulant Hodaj ka reaguar pas vendimit të UEFA-s, ku ndeshja mes Rumanisë dhe Kosovës u vendos me rezultat zyrtar 3-0.

Ndeshja ishte ndërprerë në minutën e 90-të, kur rezultat ishte 0-0, ndërsa në kor filluar thirrjet “Serbi, Serbi” nga tifozët rumunë.

Avokati i Federatës së Futbollit të Kosovës, Taulant Hodaj, është i bindur se Gjykata e Arbitrazhit Sportiv (CAS) me seli në Llozanë, do ta kthej në favor të Kosovës vendimin e UEFA-s.

“Federata e Futbollit e Rumanisë dënohet për thirrje raciste, ksenefobe, diskriminuese, mesazhe politike dhe sjellje të tjera të papranueshme. UEFA ka marrë një vendim duke dënuar Federatën Rumune të Futbollit me një gjobë qindra mijëra eurosh dhe një ndeshje pa tifozë, për shkak të sjelljeve, raciste, ksenofobe, politike, diskriminuese dhe të papranueshme të tifozëve, ekipit dhe zyrtarëve të saj gjatë ndeshjes kundër Kosovës. Ky vendim po ashtu ka vendosur që rezultati i ndeshjes të jetë 3:0 në favor të Rumanisë. Kjo pjesë e vendimit së bashku me disa shkelje tjera të Rumanisë që ende nuk janë marrë parasysh konsideroj që mund të ndryshojnë në CAS, Lozanë në favor të Kosovës sepse kemi një numër të madh të shkeljeve dhe dënimet tashmë të vërtetuara ndaj Federatës Rumune që duhet të konstatojnë ndërprerjen e ndeshjes e jo veprimi i futbollistëve të Kosovës”, ka shkruan Hodaj në “Facebook”.

Më tutje avokati i FFK-së insiston se Kosova ka argumente të mjaftueshme për ta fituar rastin në CAS.

“Ka qenë shumë sfiduese situate pas ndërprerjes së lojës, por fakti që lojtarët tanë patën të drejtë në veprimet e tyre dhe thirrjet ‘Kosova është Serbi’ dhe ‘Serbia, Serbia’ u dënuan nga UEFA, e në anën tjetër bërja e shqiponjës me duar nuk u dënua, më bëjnë të ndihem mirë për këtë pjesë sepse shumica e pikave të ankesës të përgatitur nga ekipi ligjor i FFK-së është miratuar”.

“Ankesa je FFK-së, e cila përfshinte prova të qarta dhe argumente të pakundërshtueshme, ka luajtur një rol kyç në vënien para përgjegjësisë të palës rumune për gjuhën raciste, të urrejtjes dhe sjelljet diskriminuese. Në të ardhmen duhet të vazhdojmë aktivisht të ankohemi dhe kërkojmë që UEFA të mos lejoj racizmin në fushat e futbollit në asnjë rrethanë”, deklaroi Hodaj.

Sipas Hodajt vendimi i UEFA-s do të ndryshojë dhe në të ardhmen të ketë dënime më të ashpra ndaj Federatës Rumune dhe Federatave tjetër që sipas tij bëjnë thirrje anti-Kosovë.

Shkoj tek psikologu çdo fundjavë” – Vullneti flet me Anisën për jetën jashtë BBVK (VIDEO)

Dy banorët e shtëpisë më të famshme në vend, Vullneti dhe Anisa kanë diskutuar për rutinën e tyre jashtë shtëpisë.

Vullneti po i tregonte Anisës, për jetën që bën jashtë dhe si i shkon një ditë e tij normale, transmeton Klankosova.tv.

Më shume pyetje nga Anisa, Vullneti nuk hezitoi të flas për jetën jashtë Big-ut.

“Kam psikolog, dhe shkoj çdo fundjavë. Aty shprehem edhe për shkak nga presioni që më vjen, shumicën prej tyre smund ti flas me askënd përveç psikologut, psh nëse dikush më kërcënon”, u shpreh Vullneti.

Tutje, dyshja diskutuan edhe për dinamikat dhe zhvillimet brenda shtëpisë, teksa Vullneti tregoi edhe pse u fut brenda Big-ut.

“Kam një projekt gati për një emision lidhet me fushatën zgjedhore”, tha ai.

Për më shumë detaje nga biseda e dyshes, klikoni videon në linkun më poshtë.

Për më shumë detaje nga biseda e dyshes, klikoni videon në linkun më poshtë.

Vëllai i Liridona Ademajt tregon se ku ndodhën fëmijët e viktimës: Janë të brengosur që ishin në veturë dhe që babai i tyre u përfshi

Leonard Ademaj ka thënë se ngritja e një aktakuze më shpejtë për vrasjen e motrës së tij, Liridona Ademaj dhe dënimi maksimal sipas ligjit në fuqi është lehtësim për familjen.

Ai ka thënë se janë në kontakt të vazhdueshëm me prokurorinë për ngritje të aktakuzës, por siç tha ai ka ende afat ligjor për këtë.

“Tash po bëhet 1 vit që nga vrasja e Liridona Ademaj. Ne si familje jemi në kontakt të vazhdueshëm me prokurorin për aq sa ata po munden të na gjejnë kohë, edhe pse ne do të kishim dashur që të takohemi më shpesh. Sidoqoftë, vrasja e Liridones është një ndër rastet me të rënda qe ka ndodhur vendit tonë, si për nga natyra e viktimës ashtu edhe për nga veprimet kriminale e dinake ndaj një burri kundër një nëne para fëmijëve të tyre. E kuptojmë që prokuroria duhet të përgatisë aktakuzën sipas ligjit dhe në mënyrë profesionale dhe për këtë ka afat ende në bazë të ligjit. Por ngritja e një aktakuze sa më shpejtë dhe dënimi maksimal që parasheh Kodi Penal i RKS është një lehtësim për ne si familje dhe për gjithë popullin sakrifikues e dashamirës të Kosovën”, ka thënë ai.

Ademaj më tej, ka thënë se vrasja është e qartë se ka ndodhur në bashkëkryerje dhe se ishte e planifikuar nga Naim Murseli.

“Vrasja e Liridona Ademaj ka ndodhur në bashkëkryerje duke u planifikuar, duke u gjetur ekzekutori, duke blerë armën dhe se bashku te 3 duke organizuar dhe ekzekutuar vrasjen e gruas së bashkëkryesit Naim Murseli, sipas porosisë së tij në mënyrë shumë dinake. Pra, është bërë tërësisht e qartë se Naimi ka kërkuar nga Kushtrimi që t’i ndihmojë ta vrasë Liridonën duke i dhënë mbështetje në planifikim e organizim të vrasjes duke i gjetur një personi që e njeh se mund ta kryej këtë punë. Kushtrimi i kishte gjetur dorasin Granit Plava si personin adekuat sipas Kushtrimit.

Sipas planifikimit të tyre i kishin kërkuar Granitit të ekzekutonte planin, i cili në natën kritike, sipas koordinimit, Granit Plava e ekzekuton motrën tonë duke e mbajtur shtrëngueshëm për krahu Naimi, në veture ne prezence te dy fëmijëve të mitur. Është e paparamendueshme se si është ndjerë motra ime (e tradhtuar dhe e pambrojtur nga personi që duhet ta mbronte)  në atë moment kur vetura i është ndalur me dinakëri kinse si rezultat i një hajni, e ku papritur është shtrënguar për krahu nga vetë burri i saj”, ka thënë ai.

Tutje, vëllai i Liridonës ka thënë se familja dhe fëmijët po e vuajnë shumë mungesën e saj, i cili tregojë se janë në kontakt të vazhdueshëm më fëmijët.

Ai ka thënë se fëmijët i brengosë më së shumti fakti se ishin ne veturë dhe se si babai i tyre e shtrëngoj krahun e nënës e tyre në momentin kritik qe vrasja te kryhet sa me lehtë.

“Krahas mungesës deri në amshim që do të kemi, kjo është gjëja që edhe ne si familje e edhe fëmijët po e vuajnë më shumë. Jemi në kontakt të vazhdueshëm edhe me fëmijët të cilët gjendën nën kujdesin e socialit dhe organeve kompetente në Suedi të cilët i falënderojmë për angazhimin e tyre. Fëmijët i brengosë më së shumti fakti se ishin ne veturë dhe se si babai i tyre e shtrëngoj krahun e nënës e tyre në momentin kritik qe vrasja te kryhet sa me lehtë. Falënderojmë të gjithë për ngushëllimet, bashkëndjerjen e dhimbjes dhe solidarizimin me ne si familje dhe rastet e ngjajshme në Kosovë, që shpresojmë të mos përsëritën kurrë”, ka thënë ai për tëvë1.

Ndryshe, Liridona u vra me armë zjarri në rrugën “Dalip Alshiqi” në Prishtinë.

Lidhur me vrasjen e Liridona Ademajt deri tani janë arrestuar tre persona, në mesin e tyre është edhe bashkëshorti i saj, Naim Murseli.

Stuhia “Kaitano” nga nesër prekë edhe Kosovën, paralajmërohen reshje bore për 2-3 orë

Dita e enjte mund të zbardhë me borë. Kështu ka paralajmëruar meteorologu Mendim Rugova.

Ai thotë se përsëri nga e premtja mund të ketë ngritje të temperaturave dhe rritje të intervaleve kohore me diell.

“Po na vjen tash një ciklon i ri prej Atlantikut, do të depertojë deri mbi Ballkan që është emëruar si stuhia “Kaitano” sipas Agjencionit Meterologjik Spanjoll”, tha ai.

Rugova tha se gjatë orëve të mbrëmjes të ditës së premte sërish parashihet që reshjet e borës të kthehen, e pastaj ditën e shtunë ato pushojnë.

“Pastaj kemi sërish kthjellim të motit nga dita e diel”, tha ai në Klan Kosova.

UEFA vendosi në favor të Rumanisë, vjen reagimi i FFK-së

Ka ardhur reagimi i parë nga Federata e Futbollit të Kosovës, pas vendimit të UEFA-s, ku i dha Rumanisë fitoren në tavolinë, me rezultat 3-0.

Ish-ushtruesi i detyrës së sekretarit të Përgjithshëm të FFK-së, Taulant Hodaj, përmes një statusi, ka paralajmëruar padi në CAS, shkruan IndeksOnline.

Ai shpreson që CAS të ndryshoj vendimin, pasi kanë prova të mjaftueshme të cilat i kanë dorëzuar në UEFA.

Federata e Futbollit e Rumanisë dënohet për thirrje raciste, ksenefobe, diskrimunese, mesazhe politike dhe sjellje të tjera të papranueshme. UEFA ka marrë një vendim duke dënuar Federatën Rumune të Futbollit me një gjobë qindra mijra eurosh dhe një ndeshje pa tifozë, për shkak të sjelljeve, raciste, ksenofobe, politike, diskriminuese dhe të papranueshme të tifozëve, ekipit dhe zyrtarëve të të saj gjatë ndeshjes kundër Kosovës.
Ky vendim poashtu ka vendosur që rezultati i ndeshjes të jetë 3:0 në favor të Rumanisë. Kjo pjesë e vendimit së bashku me disa shkelje tjera të Rumanisë që ende nuk janë marrë parasysh konsideroj që mund të ndryshojnë në CAS, Lozanë në favor të Kosovës sepse kemi një numër të madh të shkeljeve dhe dënimet tashmë të vërtetuara ndaj Federatës Rumune që duhet të konstatojnë ndërprerjen e ndeshjes e jo veprimi i futbollistëve të Kosovës. Ka qenë shumë sfiduese situate pas ndëprerjes së lojës, por fakti që lojtarët tanë patën të drejtë në veprimet e tyre dhe thirrjet “Kosova është Serbi” dhe “Serbia Serbia” u dënuan nga UEFA, e në anën tjetër bërja e shqiponjës me duar nuk u dënua, më bëjnë të ndihem mirë për këtë pjesë sepse shumica e pikave të ankesës të përgatitur nga ekipi ligjor I FFK-së është miratuar. Ankesa je FFK-së, e cila përfshinte prova të qarta dhe argumente të pakundërshtueshme, ka luajtur një rol kyç në vënien para përgjegjësisë të palës rumune për gjuhën raciste, të urrejtjes dhe sjelljet diskriminuese. Në të ardhmen duhet të vazhdojmë aktivisht të ankohemi dhe kërkojme që UEFA të mos lejoj racizimin në fushat e futbollit në asnjë rrethanë. Ky vendim është vetëm një betejë për futbollin kosovar, por edhe një shembull që drejtësia mund të arrihet përmes përkushtimit të futbollistëve, angazhimit dhe përgatitjes profesionale të ekipit ligjor. Unë si avokat dhe zyra ime ligjore Hodaj & Partners, Law Firm, jemi të lumtur që me përkushtim dhe ekspertizë ligjore arritëm të dëshmojmë se e drejta dhe dinjiteti i Kosovës dhe sportistëve kosovarë do të mbrohen në çdo instancë ndërkombëtare. Këto dënime ndaj Rumanisë përforcojnë rëndësinë e luftës kundër diskriminimit dhe racizmit në futboll dhe kudo tjetër. Për pjesën tjetër të vendimit rreth rezultatit do të bëjmë të pamundurën që edhe rezultati i ndeshjes të ndryshoj dhe të ashpërosohen dënimet ndaj Federatës Rumune dhe kujdo tjetër që tenton me bë një gjë të till në raport Kosovën dhe futbollistët e saj.

Ndahet nga jeta polici nga Klina, ishte ish-pjesëtar i UÇK-së

Ka ndërruar jetë zyrtari i Policisë nga Klina, Deli Tigani.

Lajmi është bërë i ditur nga familjarët e tij, përmes postimeve në rrjete sociale.

I ndjeri ka qenë edhe pjesëtar i Ushtrisë Çlirimtare të Kosovës.

Me fjalë prekëse për vdekjen e zyrtarit policor, ka reaguar një nga miqtë e tij, i cili ka treguar për virtytet me të cilat cilësohej Tigani.

“Deliu qysh në rini na u bashku në aksionet tona kundër regjimit serb. E kishim gjithëher në mbështetje të çdo aksioni. U dallua në luftën e UÇK-së edhe në liri në detyra të rëndësishme në Polici të Kosovës. Prehu në tokën e Kosovës që nuk kurseve asgjë për ta parë të lirë dhe prosperuar”, ka shkruar Abaz Foniqi.

Valë e re me të reshura shiu e bore në pjesë të ndryshme të Evropës, përfshinë edhe Kosovën

Cikloni i parë i fuqishëm, i shoqëruar me masa të ftohta me origjinë polare, ka sjellur reshje të dendura shiu dhe bore në shumë pjesë të Evropës, e po ashtu edhe erëra të forta.

Cikloni i dytë, i cili gjindet në Oqeanin Atlantik, gradualisht do të shtrihet të enjten dhe të premten në pjesë të ndryshme të Evropës, përfshirë edhe vendin tonë, duke sjellur reshje të dendura shiu e bore si dhe erëra mjaft të forta.

Reshjet e borës priten edhe në ato vende të cilat nuk janë shumë të zakonshme, e njëra ndër to është edhe qyteti i Parisit.

Reshje bore priten edhe në gjithë Zvicrën, në shumë vende të Austrisë, në pjesën jugore të Gjermanisë, në Hungari, Slloveni, Kroaci, Bosnje dhe Hercegovinë, Mal të Zi, Serbi, Kosovë, në Shqipëri në zonat malore, pjesë të Maqedonisë së Veriut dhe kështu duke vazhduar drejt lindjes së kontinentit gjatë fundjavës, përfshirë edhe Turqinë me reshje të dendura bore në shumë zona. /MeteoKosova/

A iu ndërrua me të vërtetë Xhenetës ‘Kutia e Fatit’ gjatë Prime-it, dalin pamjet

Produksioni i Big Brother VIP Kosova ka reaguar ndaj komenteve të shumta që kanë qarkulluar në rrjetet sociale se bileta e fatit të Xhenetës u ndërrua gjatë spektaklit të së hënës.

Pamjet e publikuara për herë të parë vërtetojnë se bileta e fatit të Xhenetës nuk ka pësuar asnjë ndryshim gjatë spektaklit të së hënës, kur ajo u eliminua nga “Big Brother VIP Kosova” pas një përballje direkte me Drenushën në televotim./Arbresh.info

Incidentet dhe thirrjet raciste nga tifozët rumunë në ndeshjën Rumani-Kosovë, UEFA merr vendimin e papritur

UEFA e ka marrë sot vendimin për ndeshjen e ndërprerë mes Rumanisë dhe Kosovës.

Shtëpia e futbollit evropian vendosi që këtë ndeshje ta regjistrojë me rezultat zyrtar, 3:0 për rumunët pas mbledhjes së Komisionit Disiplinor të saj, shkruan “Gazeta Express”.

Shtëpia e futbollit evropian e pa fajtore palën kosovare për tërheqje nga loja në minutat shtesë dhe për mosbindje të urdhrit të referit për t’u rikthyer në fushën e blertë.

Gjithashtu, dy Kombëtaret u gjobitën për ato që ndodhën të premten mbrëma në stadiumin “National Arena” në Bukuresht.

UEFA vendosi ta gjobisë Federatën e Futbollit të Kosovës me 6,000 euro për sjellje të pahijshme të ekipit kombëtar.

Federata Rumune e Futbollit mori gjoba të shumta, respektivisht 128 mijë euro, dhe u dënua me një ndeshje pa praninë e shikuesve si vendëse për shkak të thirrjeve raciste apo diskriminuese të tifozëve të saj.

Gjithçka eskaloi në minutat shtesë të ndeshjes kur pas një zënke mes futbollistëve të të dyja ekipeve, nisën thirrjet raciste nga ana e tifozëve rumunë ndaj futbollistëve të Kosovës, me ç’rast këta të fundit u larguan nga fusha dhe nuk pranuan të ktheheshin më, ndërsa gjyqtari i dha fund ndeshjen me vetëm rumunët në fushën e blertë. /Gazeta Express/

 

 

Aksident në mes të dy veturave te konviktet, bllokohet rruga në drejtim të ‘Bregut të Diellit’

Një aksident trafiku ka ndodhur para pak çastesh te semaforat afër konvikteve të studentëve.

Në aksident janë përfshirë dy vetura, njëra e tipit BMV dhe tjetra Mercedes, raporton Gazeta10.

Përveq dëmeve materiale nuk raportohet për të lënduar.

Si pasojë e këtij aksidenti rruga në drejtim të Bregut të Diellit është bllokuar tërsisht.

Policia ende nuk ka dal në vendin e ngjarjes./Gazeta10