“Tensionet etnike në veri mund të shkaktojnë më shumë dhunë”

Tensionet e vazhdueshme etnike në veri të Kosovës mund të shkaktojnë një përsëritje të dhunës të para një viti në këtë zonë, kur katër persona vdiqën në një betejë me armë dhe kur paqeruajtësit e NATO-s u lënduan në përleshje, paralajmëroi të shtunën një zyrtar i lartë nga aleanca ushtarake, ka shkruar Reuters.

Kosova është kryesisht me shqiptarë etnikë, por rreth 50,000 serbë në veri e refuzojnë qeverinë e Prishtinës dhe e shohin Beogradin si kryeqytetin e tyre. Agjencia e lajmeve rikujton se Kosova shpalli pavarësinë në vitin 2008 një dekadë pas një kryengritjeje guerile.

Admirali i Marinës së SHBA-së Stuart B. Munsch, komandant i Komandës së Forcave të Përbashkëta Aleate Napoli – e cila mbikëqyr forcën paqeruajtëse të NATO-s në Kosovë – tha se aleanca mbetet e shqetësuar për rrezikun e dhunës së përsëritur në veriun e paqëndrueshëm.

“Retorika e nxehtë politike mund të frymëzojë disa forca joqeveritare për të kryer dhunë siç ndodhi vitin e kaluar”, u tha Munsch gazetarëve në Prishtinë.

“Nuk do të thosha se përfundimisht po vjen konflikti, mendoj se ka një rrezik të vazhdueshëm”, tha ai, duke iu referuar mungesës së progresit në bisedimet e ndërmjetësuara nga BE-ja ndërmjet Qeverisë së Kosovës dhe Serbisë.

Një oficer policie dhe tre persona të armatosur u vranë në shtator të vitit 2023 kur një grup sulmuesish të armatosur rëndë hynë nga Serbia dhe sulmuan policinë në fshatin Banjska.

Katër muaj më parë, më shumë se 90 ushtarë u plagosën kur protestuesit serbë sulmuan paqeruajtësit e NATO-s.

Kosova ka akuzuar Serbinë se qëndron pas sulmit në Banjska, por Beogradi i ka mohuar akuzat.

SHBA dhe Bashkimi Europian, aleatët kryesorë globalë të Kosovës, kanë kritikuar qeverinë e Prishtinës për ndërmarrjen e veprimeve të njëanshme në veri që mund të nxisin dhunë etnike dhe të rrezikojnë jetën e rreth 4,000 trupave të NATO-s në detyrë atje.

Kosova i refuzon kritikat e tilla dhe çështja ka tensionuar lidhjet e Prishtinës me mbështetësit e saj perëndimorë.

Si pjesë e dialogut të ndërmjetësuar nga BE, Kosova dhe Serbia kanë zhvilluar bisedime për më shumë se një dekadë për të normalizuar marrëdhëniet e tyre, por ka pasur pak përparim.

Ashtu si serbët që jetojnë në veri të Kosovës, edhe Beogradi e konsideron Kosovën si pjesë të Serbisë dhe refuzon ta njohë atë si shtet, përfundon Reuters.

Lirohet polici që u ndalua sot nga Serbia në Merdarë

Autoritetet e Serbisë sot e kanë ndaluar një pjesëtar të Policisë së Kosovës në pikën kufitare në Merdarë.

Sipas informacioneve të para, polici i ndaluar nga Serbia është pjesëtar i Njësisë së Reagimit të Shpejtë (NJRSH), i cili në të kaluarën ka qenë edhe pjesë e Ushtrisë Çlirimtare të Kosovës.

Sinjali mësoi se polici i ndaluar nga autoritetet serbe në Merdarë është Lumni Berisha.

Por sipas informacioneve të fundit që ka siguruar Sinjali, thuhet se polici Berisha tashmë është liruar në procedurë të rregullt dhe po vijon rrugëtimin e tij.

Ekskluzive: Ky është polici i Kosovës që u ndalua nga Serbia në Merdarë

Autoritetet e Serbisë sot e kanë ndaluar një pjesëtar të Policisë së Kosovës në pikën kufitare në Merdarë.

Sipas informacioneve të para, polici i ndaluar nga Serbia është pjesëtar i Njësisë së Reagimit të Shpejtë (NJRSH), i cili në të kaluarën ka qenë edhe pjesë e Ushtrisë Çlirimtare të Kosovës.

Sinjali mëson se polici i ndaluar nga autoritetet serbe në Merdarë është Lumni Berisha.

Aktualisht nuk dihet arsyeja e ndalimit të tij, por Sinjali do t’iu mbajë të informuar për detajet e rastit.

Kurti e Gërvalla, priten me nderime të larta nga mërgimtarët në Gjermani – PAMJE

Kryeministri Albin Kurti, bashkë me ministren e Punëve të Jashtme dhe Diasporës, Donika Gërvalla, janë mirëseardhur në Mynih të Gjermanisë, me pritje madhështore.

Gërvalla është ajo që ka ndarë disa foto nga kjo pritje, ku shihet numër i madh i mërgatës që kanë shkuar për t’i takuar krerët e shtetit të Kosovës.

Ministri Murati tregon sa është rritur rroga mesatare në Kosovë

Ministri i Financave, Punës dhe Transfereve ka bërë një postim pas publikimit të raportit “Niveli I Pagave në Kosovë” nga Agjencia e Statistikave të Kosovës, sipas të cilit paga mesatare bruto në Kosovë për vitin 2023 ishin 570 euro.

Murati ka thënë se rritja më e madhe e pagës mesatare ka ndodhur me Qeverinë Kurti, saktësisht 2023 dhe 2022.

“Paga mesatare bruto, për të gjithë të punësuarit në sektorin publik dhe privat, në 3 vitet e fundit është rritur për 104 euro, përderisa në qeverisjet e kaluara për 7 vite ishte rritur vetëm 94 euro. Rritja më e madhe e pagës mesatare ka ndodhur në vitet 2023 me 9.4% dhe 2022 me 7.6%, pra dy vitet e Qeverisë Kurti. Kjo demanton gjithë propagandën që kemi dëgjuar lart e poshtë nëpër studio televizive nga opozita, duke thënë se s’ka pasur rritje të pagave”, ka shkruar Murati.

Sipas tij, qeveritë e kaluara kanë rritur pagat në sektorin publik vetëm në kohë fushate zgjedhore.

“ Miti se me qeveritë e kaluara rriteshin pagat për të gjithë, bie përfundimisht. Përderisa është e vërtetë se në vite të caktuara kishte pasur rritje të pagave në sektorin publik me vendime në kohë fushate zgjedhore, të dhënat e dëshmojnë se kjo rritje ishte bërë në kurriz të sektorit privat. Kjo gjë shihet qartë në vitin 2014, kur pagat në sektorin publik ishin rritur me vendim qeveritar gjatë fushatës, mirëpo mesatarja në tërë ekonominë, përfshirë sektorin publik dhe privat, ishte rritur vetëm 4.4%”, ka shkruar tutje ai.

Telashet në FSK, Presidentja Osmani ndërrmer këtë veprim

Presidentja e Kosovës, Vjosa Osmani është e shqetësuar për situatën e krijuar sa i përket furnizimit me ushqim të ushtarëve të FSK-së.

Oka kërkuar takim për ta diskutuar këtë çështje edhe më në detaje me komandantin e FSK-së, Bashkim Jashari dhe ministrin e Mbrojtjes, Ejup Maqedonci.

Bekim Kupina, këshilltar për media në Presidencën e Kosovës, tha se Osmani ka kohë që ka bërë propozimin për program shtetëror për mbështetjen e shumëdimensionale të FSK-së.

 

 

“Mirëpo, ky program ka nevojë që të ketë mbështetje buxhetore në ligjin për buxhetin e Republikës së Kosovës, i cili propozohet nga Qeveria dhe miratohet në Parlament”, ka thënë Kupina

“Realizimi i këtij programi mbështetës, gjithashtu ndikon në fuqizimin e operacionalitetit të FSK-së, në kohën e tranzicionit e zhvillimit të saj me qëllim të realizimit të detyrave ligjore dhe misionit kushtetues të saj për mbrojtjen e integritetit territorial dhe sovranitetit shtetëror”, tha Kupina për Klan Kosova.

Programi 7-pikësh përfshinë këto elemente:

 

 

1. Pagesa e shtesave në paga për rrezikshmëri.
2. Pagesa e kujdestarisë dhe punës jashtë orarit.
3. Pagesa e mëditjeve për pjestarët e FSK-së gjatë shkollimit dhe trajnimit jashtë vendit (gjatë tërë periudhës së shkollimit apo trajnimit e jo vetëm për 1 muaj).
4. Sigurimi shëndetesor.
5. Funksionalizimi i spitalit ushtarak me shërbime të nivelit sekondar dhe tercial mjekësor.
6. Përmirësimi i cilësisë së ushqimit me standardet me të larta shëndetësore dhe sanitare.
7. Sigurimi i banimit të përballueshëm për ushtarakët dhe familjet e tyre.
8. Krijimi i fondit kreditues për ushtarakët.

Sonte përballja Zvicër-Serbi, fokusi kryesor Granit Xhaka

Sonte do të zhvillohet ndeshja e Ligës së Kombeve, që vë përballë Serbinë e Zvicrën në Leskovc.

Qysh kur u mor vesh se do të kemi një përballje të tillë, fokusi kryesor ka qenë te lojtari me prejardhje shqiptare, Granit Xhaka, për shkak të së kaluarës së tij në ndeshjet me Serbinë, ku kishte qenë protagonist kryesor në triumfet e Zvicrës.

Por, historia e Xhakës nuk fillon këtu.

Historia e Xhakës me Serbinë daton që nga koha kur babai i tij, Ragip Xhaka ishte burgosur për shkak të demonstratave të vitit 1986.

Ragip Xhaka si 22-vjeçar arrestohej e dënohej me 6 vite burgim nga autoritetet serbe.

E, pas këtij rasti, familja Xhaka emigruan jashtë vendit, për t’u vendosur në Zvicër, aty ku Graniti do të shkruante historinë.

Në konferencën e djeshme për shtyp, emri i Granit Xhakës po ashtu u përmend gjatë. Kjo ishte njëra ndër konferencat më të gjatë që Serbia i ka mbajtur ndonjëherë, shkaku i historisë së kësaj përballje.

Trajneri i Serbisë, Dragan Stojkovic e ka përsëritur edhe një herë se e çmon Granit Xhakën si lojtar, dhe e cilëson si lojtarin kryesor të Zvicrës.

Ai po ashtu shtoi se e vetmja gjë që e shqetëson rreth Granit Xhakës, është se ai është një lojtar i madh.

“Ajo që më shqetëson rreth Granit Xhakës është se ai është një lojtar i madh. Po, Xhaka do të jetë problem të shtunën, por do të jetë vetëm problem futbollistik për ne. Kam folur me lojtarët e mi për këtë dhe kam thënë se nuk duhet të ketë provokime nga ana jonë dhe shpresoj që e njëjta gjë të jetë edhe nga pala zvicerane”, ka thënë Dragan Stojkovic, trajner i Serbisë.

Xhaka, së bashku me Zvicrën ateruan mbrëmë në Serbi, derisa edhe në aeroport, Graniti ishte në qendër të vëmendjes të të gjithëve.

Para lojës së sontshme, Granit Xhaka po ashtu ka qenë prezent në shumicën e mediave online të Serbisë, me foton e tij që qëndronte në ballinat kryesore të mediumeve serbe, sa herë përmendej kombëtarja zvicerane.

Përpos Granit Xhakës, i ftuar te kombëtarja e Zvicrës për ndeshjen e sontme është edhe Andi Zeqiri, por me shumë gjasë, ai nuk do ta nisë nga fillimi.

Aksident tjetër i ‘frikshëm’ në hyrje të Prishtinës, vetura del nga rruga dhe godet disa të tjera

Një aksident trafiku ka ndodhur në orët e para të mengjesit në hyrje të Prishtinës.

Sipas pamjeve, një vetura ka dalur nga rruga ku ka goditur tri vetura të tjera, të cila kanë qenë të parkuara.

Ende nuk është bërë e ditur nëse ka persona të lënduar nga ky aksident.

Indeksonline ka kontaktuar policinë, por deri në publikim të këtij lajmi nuk ka ende detaje të tjera.

Më poshtë mund të shihni pamjet.

U dënua me burg, organizohet protestë për lirimin e Luiz Ejllit (Foto)

Mbështetësit e këngëtarit Luiz Ejlli nuk e kanë pritur aspak mirë vendimin e Prokurorisë për të dënuar artistin me një vit burg për falsifikim të dokumentave.

E duket se nuk do të qëndrojnë duar kryq pasi pak më parë kanë njoftuar se ditën e nesërme do të mbahet protestë për padrejtësitë që i bëhen këngëtarit.

Në postimin që është bërë menjëherë viral shkruhet:

“Të shtunën ka protest për Luanin Mbretin e Shqiptarëve duan ti ulin imazhin pasi mundi produksionin Luani Mbreti do mundi dhe gjykatat të gjith Shqiptarët në protest të shtunën ora 17:00 DREJTESI PER LUANIN”.

Kujtojmë se kjo nuk është hera e parë që publiku del në protestë për të mbështetur Luiz Ejllin.

Gjatë kohës kur këngëtari ishte pjesë e “Big Brother VIP Albania 2”, mbështetësit e tij protestuan ndaj produksionit për padrejtësitë që shpesh i bëheshin në lojë.

Shiko foto:

Kryeministri i serbisë: Kam frikë se të hënën Kurti do t’i sulmojë…

Kryeministri i Serbisë, Millosh Vuçeviq, ka thënë se ka frikë se më 14 tetor, kur do të mbahet Samiti i Procesit të Berlinit, “do të ketë provokime të reja” nga Kosova “kundër serbëve”.

Ai ka përmendur mundësinë e ndonjë sulmi ndaj “institucionet tona të përkohshme” në Kosovë.

“Kam frikë se të hënën do të shihni ndonjë provokim të ri nga Prishtina, sepse njerëzit që janë veteranë të atyre ngjarjeve më kanë treguar se sa herë ka pasur një takim në nivelin e planifikuar, na ka ndodhur diçka e keqe në Kosovë. Shpresoj që kjo nuk do të ndodhë, por jam i shqetësuar se Kurti do të bëjë diçka atë mëngjes, si të sulmojë institucionet tona të përkohshme apo komunat në sistemin serb”, tha kryeministri serb Vuçeviq në radiotelevizionin e Vojvodinës (RTV).

Ai deklaroi se në Berlin do të jetë edhe kryeministri i Kosovës, Albin Kurti, por se nuk do të ketë takim bilateral me të, por do të jetë në një format ku do të jenë bashkë.

“Ndoshta as ai dhe as unë nuk do të jemi shumë rehat, por ne nuk jemi zgjedhur për të qenë rehat, por për të mbrojtur interesat e vendit tonë. Është shumë më keq të mungosh dhe të merren vendime për ne pa ne”, u shpreh Vuçeviq.

Ndër të tjera, ai tha se “është në interesin tonë të ruajmë paqen dhe stabilitetin politik në rajon dhe që Serbia të zhvillohet në paqe”.

Vuçeviq theksoi se Procesi i Berlinit është i rëndësishëm për stabilitetin rajonal, dhe se i njëjti ka arritur rezultate që nuk duhen nënvlerësuar, me pak a shumë sukses.

I pyetur nëse pret presion edhe më të fortë në periudhën e ardhshme, Vuçeviq është përgjigjur se me siguri e pret atë, kryesisht rreth Kosovës.

“Nuk mendoj se do të ketë më pak presion në lidhje me vendosjen e sanksioneve ndaj Rusisë, por mendoj se të gjithë e kanë parë që ne nuk kemi ndërmend të heqim dorë nga politika jonë dhe se nuk do t’i vendosim ato. Besoj se jemi duke u përballur me shumë presione për Kosovën, dhe me këtë nuk po them se po ndodhin gjëra të këqija për Serbinë, vetëm po them se do të ketë presion”, tha Vuçeviq.

Samiti i Procesit të Berlinit do të mbahet këtë të hënë (14 tetor) dhe nikoqir do të jetë kancelari gjerman, Olaf Scholz.