LDK-ja krahason çmimet e vitit 2021 me ato aktuale: Gjithçka më shtrenjtë me Kurtin

Lidhja Demokratike e Kosovës ka krahasuar çmimet e disa artikujve ushqimor në vitin 2021 dhe 2024, duke thënë se gjithçka është më shtrenjtë gjatë Qeverisë Kurti, raporton Express.

LEXO EDHE:

• Bie çmimi i drurit dhe peletit, ky është çmimi i tyre
• Zbulohen dy ditët e javës kur çmimet e biletave të avionëve janë më të ulëta

Sipas infografikës së publikuar figuron se buka në vitin 2021 ka kushtuar 35 centë, e në këtë vit 52 centë, qumështi 88 centë e tash 1 euro e 21 centë, orizi 1 euro e 41 centë në vitin 2021 e 1 euro e 68 centë këtë vit.

Sheqeri figuron se nga 70 centë sa ka qenë në vitin 2021, tash kushton 1 euro e 25 centë, çmimi i miellit të grurit nga 52 centë në 79 dhe cmimi i druve nga 39 euro e 31 centë në 60 euro e 71 centë këtë vit.

Vuçiq e mohon sërish gjenocidin e Srebrenicës

Presidenti i Serbisë, Aleksandar Vuçiq, më 26 shtator e ka dekoruar ambasadoren e Hungarisë në Kombet e Bashkuara, Zuzana Horvat, me Urdhrin e flamurit serb të shkallës së parë.

LEXO EDHE:

• Thirrjet e ushtarëve amerikanë në West Point “Kosova, Kosova, Kosova”, reagon Vuçiq: Kjo s’është e këndëshme për ne serbët
• Derisa Vuçiq ishte në RTS, në ekranet televizive ‘ka dalë’ një mbishkrim që e ‘përshkruan’ presidentin serb

“Faleminderit që dëgjuat, kuptuat dhe përkrahët të drejtën e popullit serb për liri, pavarësi dhe të vërtetë”, ka shkruar Vuçiq në një postim në Instagram.

Santiana Maloku tha se falë 5 vakte të namazit, tregon kur e ka në plan të mbulohet!

Ish- banorja e Big Brother Vip Kosova, Santiana Maloku së fundi iu është përgjigjur pyetjeve të disa ndjekësve të saj në Instagram.

LEXO EDHE:

• I’u bë virale fotografia, reagon Santiana: I fali pesë vaktet, lidhja ime me Zotin…!
• Santiana poston në bikini, detaji me Noizyn merr vëmendje

Santi është pyetur për shumë gjëra rreth jetës së saj personale, shkruan IndeksOnline.

Derisa ka bërë me dije ditë më parë se është praktikuese e fesë islame, ajo me këtë rast edhe është pyetur nëse e ka ndërmend të mbulohet.

Përgjigjja e saj ka qenë kështu: “Jo deri qitash nuk e kom mendu, mendoj që është diqka që vjen vet”, ka shkruar Santi.

Poashtu ajo është pyetur se kur e ka në plan martesën, e që ka bërë me dije se po pret propozimin duket bërë me dije se tani është beqare.

U nda nga i dashuri, Santiana nuk po i ndal ndejat e alkoolin

‘Orhani’ ka humbur ende peshë, ja si duket sot

Fatmir Spahiu, i njohur për publikun si “Orhani”, është një aktor dhe komedian i dashur që ka lënë gjurmë të thella në botën e televizionit shqiptar.

LEXO EDHE:

• ‘Orhani’ shkrin me videon, shikoni se si i këndon ‘Hanifes’ në ‘mes’ të Italisë
• Aida Baraku pas shumë vitesh shfaqet në publik, ja si duket ajo sot

Me një karrierë të pasur dhe një stil të veçantë humoristik, ai është bërë një figurë e njohur dhe e dashur për shumë shqiptarë.

Një nga karakteristikat e tij më të spikatur është përdorimi i mediave sociale, veçanërisht Facebook-ut, ku ai ndan rregullisht mendime dhe përvoja nga jeta e përditshme.

Statuset e tij, të mbushura me humor dhe ironizim, shpesh tërheqin vëmendjen e ndjekësve, duke u bërë një burim gëzimi për ata që e ndjekin.

Së fundmi, Fatmiri ka bërë bujë në rrjetet sociale për shkak të transformimit të tij fizik. Ai ka humbur një sasi të konsiderueshme peshe dhe ka ndarë me ndjekësit e tij këtë arritje në mënyrën e tij karakteristike, me një dozë humori.

Në një nga postimet e tij të fundit, ai shkruan me ironinë e tij të njohur: “Me bo mi hjek edhe nja 10 kg, besoj qe duke ju falemnderu veshve, s’kam me ec ma per toke!”.

Kjo deklaratë, e cila ka bërë të qeshin shumë, tregon se si Fatmiri ka arritur të përballojë sfidat e humbjes së peshës me një qasje pozitive dhe argëtuese. Ai ka theksuar se përkushtimi ndaj shëndetit dhe pamjes së tij fizike ka ndikuar jo vetëm në aspektin estetik, por gjithashtu në mirëqenien e tij të përgjithshme.

Transformimi i Fatmirit është një frymëzim për shumë njerëz që përpiqen të arrijnë qëllime të ngjashme. Ai tregon se me përkushtim dhe durim, çdo njeri mund të arrijë një ndryshim pozitiv në jetën e tij. Kjo është një mesazh i rëndësishëm, sidomos në një kohë kur shumë individë përballen me sfida të ndryshme shëndetësore dhe emocionale.

Shiko foton:

Nuk është Lazarati: Në këtë fshat të Pejës u zbulua një parcelë me drogë

Prokuroria Themelore e Pejës ka njoftuar sot se ka sekuestruar mbi 1 ton drogë.

LEXO EDHE:

• Sot i jepet lamtumira e fundit të riut që vdiq në Gjermani
• Pas problemeve me bashkëshortin Teuta Selimi shihet krah për krahu me këtë personazh publik

Burime të Inddeksonline bëjnë të ditur se droga është kapur në një zonë malore të fshatit Kliçinë të Pejës.

Vlera e drogës është rreth 5 milionë euro dhe është ndër aksionet me të mëdha antidrogë nga paslufta.

“Dy vitet e fundit marrëdhëniet…”, mësohet arsyeja e ndarjes së Xhensilës dhe Besit

Ish-çifti i famshëm, Xhensila Myrtezaj dhe Bes Kallaku janë paraqitur dje në Gjykatën e Tiranës.

LEXO EDHE:

• Teksa flitet për ribashkim mes saj dhe Besit, Xhensila publikon këtë video
• Publikohen fotot/ Xhensila dhe Besi e nisin ditën në…

Këngëtarja dhe aktori i humorit kanë marrë vendimin për t’i dhënë fund marrëdhënies së tyre, ndërsa dokumentet e depozituara në gjykatë nga ana e Xhensila Myrtezajt, kanë zbuluar detaje nga ndarja e çiftit, prindër të dy fëmijëve.

Përmes dokumenteve në fjalë mësohet se ish-çifti prej rreth 1 viti nuk jetojnë së bashku. Në padi thuhet se martesa e tyre ka qenë harmonike, por në dy vitet e fundit marrëdhëniet në çift janë acaruar.

Gjithashtu thuhet se martesa ka mbetur formale, nuk funksionon më dhe ka humbur kuptimin e saj për të cilin është lidhur.

Shkak, sipas padisë, “kanë qenë keqkuptimet e vazhdueshme, të cilat edhe pse me përkushtim nga të dyja palët, nuk kanë gjetur gjuhën e përbashkët për zgjidhje përfundimtare”.

“Paditësja Xhensila Kallaku dhe i padituri Besart Kallaku, kanë lidhur martesë ndërmjet tyre, të cilën e kanë celebruar në datë 13.06.2018, siç vërtetohet edhe nga certifikata e martesës e lëshuar nga Zyra e Gjendjes Civile 381, Njësia Administrative nr. 9. Palët ndërgjyqëse janë njohur me dashuri.

Paditësja dhe i padituri janë njohur në një moshë shumë të re. Ata kanë ndërtuar marrëdhënien e tyre mbi baza të dashurisë dhe respektit reciprok. Palët ndërgjyqëse kanë filluar të bashkëjetojnë me njëri-tjetrin në vitin 2011, në banesën e prindërve të të paditurit.

Më datë 1 (një) Shtator të viti 2017 palët kanë realizuar martesën faktike. Pas celebrimit të dasmës së tyre, palët kanë filluar bashkëjetesën”, thuhet në padinë e depozituar në gjykatë.

Ndërsa vazhdon: “Marrëdhëniet bashkëshortore kanë qenë të mira dhe harmonike. Në dy vitet e fundit, marrëdhëniet në çift janë acaruar, shkak kanë qenë keqkuptimet e vazhdueshme, të cilat edhe pse me përkushtim nga të dyja palët, nuk kanë gjetur gjuhën e përbashkët për zgjidhje përfundimtare“.

“Çifti ka rreth një vit që nuk jetojnë më bashkë. Në kushtet që martesa ka mbetur formale nuk funksionon më, dhe ka humbur kuptimin e saj për të cilin është lidhur, paditësja i drejtohet Gjykatës me padi për zgjidhjen e kësaj martese dhe rregullimin e pasojave që vijnë prej saj”.

Xhensila Myrtezaj iu drejtua Gjykatës me padi për divorc, pas konfikteve me ish-partnerin e saj për pasurinë. Fillimisht dyshja tentuan t’i jepnin fund martesës me marrëveshje, por pas kërkesës së aktorit që këngëtarja të hiqte dorë nga pasuria u janë drejtuar dyerve të gjykatave.

Padia e parë e këngëtares për zgjidhjen e martesës u kthye mbrapsht nga Gjykata për shkak se nuk e kishte firmosur, por kishte autorizuar avokaten. Gjithashtu u kthye mbrapsht edhe padia e po ashtu për arsye procedurale i është kthyer edhe Bes Kallakut.

Këngëtarja dhe aktori e kanë ridorëzuar padinë të plotësuar sipas procedurave. Ndarja e çiftit të njohur, Bes Kallaku dhe Xhensila Myrtezaj, është prej kohësh në qendër të vëmendjes.

Burime nga gjykata e Tiranës bëjnë me dije detaje të tjera nga padia e këngëtares, e cila jo vetëm kërkon që divorci të kryhet pa faj, por, gjithashtu, kërkon lënie për edukim dhe rritje të fëmijëve si edhe pension ushqimor prej 150 mijë lekë të vjetra për dy të miturit.

Problemet e tyre kanë filluar që dy vite më parë, gati një vit është tentuar që t’i rregullojnë marrëdhëniet, por prej një viti nuk janë më bashkë.

Sot i jepet lamtumira e fundit të riut që vdiq në Gjermani

Familja Maloku ka njoftuar se sot varroset djali i tyre Trimi, i cili vdiq javën e kaluar në Gjermani.

LEXO EDHE:

• Lajm i hidhur: Vdes ish-ushtari i UÇK-së dhe polici i Kosovës
• Po shtohen paknaqësit brenda VV-së, edhe një deputete po i ‘ndan rrugët’ me Kurtin

Në njoftimin e familjes thuhet se lutjet do të bëhen në xhaminë e fshatit Maxhunaj, ndërsa varrimi i tij bëhet në fshatin Ropicë, në orën 14:00.

Njoftimi i plotë:

Me rastin e vdekjes së djalit, vëllaut, nipit tonë Leutrimit, ju njoftojm se varrimi i të ndjerit bëhet me daten 27. 09. 2024 pas faljes së namazit të drekës, në xhaminë e fshatit Maxhunaj, kurse në ora 14:00 bëhet varrimi i tij në varrezat e fshatit Ropicë.

Të pikëlluarit familja Maloku

Po shtohen paknaqësit brenda VV-së, edhe një deputete po i ‘ndan rrugët’ me Kurtin

Rrugën e Haki Abazit, Doarsa Kica-Xhelilit, Fatmir Humollit, Eman Rrahmanit dhe Visar Korenicës, mund ta ndjekë edhe një tjetër deputete në Vetëvendosje.

LEXO EDHE:

• Deputetët e larguar dhe ata të pakënaqur me VV-në, tregojnë nëse do të marrin pjesë në zgjedhjet e 9 shkurtit 2025
• Dy deputetë të Vetëvendosjes ulen pranë deputetëve të PDK-së

Drita Millaku ka konfirmuar se është e pakënaqur me partinë e Kurtit.

Në një prononcim për Indeksonline, Millaku ka lënë të hapur opsionin për largim nga Vetëvendosje.

“Çdo gjë së shpejti do të jetë mediatike. Nuk jam t’u u ngut për vendimin. Pakënaqësi ka pasur dhe ka prej fillimi mes nesh dhe Vetëvendosjes. Të rejat do t’i merni vesh pas pak ditësh”, ka thënë Millaku për Indeksonline.

Burime të Indeksonline bëjnë të ditur se brenda partisë ka pakënqësi edhe deputetja nga Vushtrria, Fjolla Ujkani.

Osmani ‘ul tonet’ kur pyetet për raportet me Kurtin: Të bëhemi sërish bashkë, t’i bashkojmë forcat

Presidentja e vendit, Vjosa Osmani, në një intervistë për Zërin e Amerikës, është pyetur ndër të tjera edhe për raportet me kryeministrin Albin Kurti, bashkërendimin me të, si dhe për shqetësimet ndërkombëtare. Osmani siç duket këtë herë vendosi që t’i ‘ulë’ pak tonet dhe bëri thirrje për ribashkim, raporton Gazeta Sinjali.

LEXO EDHE: 

• A do të kandidojë përsëri për Presidente, flet Vjosa Osmani
• “Nuk m’heqin qafe edhe aq lehtë”, “Kur u bashkuam i bonëm 440 mijë vota” – Kë e paralajmëroi Osmani?

Osmani tha se duhet të ketë bashkëpunim, ndonëse “jo domosdoshmërisht e kemi qasjen e njëjtë”, duke shtuar se insistimi i saj ka qenë që të gjitha veprimet të bëhen duke punuar edhe me aleatët.

“Natyrisht që jo vetëm këto shqetësime, por të gjitha çështjet i diskutojmë shumë hapur. Rolet tona në Kushtetutë janë të caktuar dhe të ndara, por megjithatë ekziston sistemi i “kontrollit dhe balancës”, sipas parimeve që vet Kushtetuta jonë i ka përqafuar. Mirëpo, është në interes të Republikës së Kosovës që ne të bashkëpunojmë, që ne të bashkërendohemi, gjithnjë duke e vënë si pikë udhërrëfyese interesin e qytetarëve tanë dhe interesin e Republikës së Kosovës, parime këto që edhe na kanë bërë bashkë në vitin 2021. Jo domosdoshmërisht e kemi qasjen e njëjtë, megjithatë sa i përket interesave afatgjata të shtetit tonë, sa i përket synimit final, ne nuk dallojmë.

E duam një Kosovë të fuqishme, sovrane në çdo cep të territorit, një Kosovë të integruar në familjen euro-atlantike, në mekanizmat nga të cilat përfitojnë qytetarët tanë, një Kosovë të zhvilluar ekonomikisht. Mbi të gjitha, një Kosovë ku sundon ligji e jo kriminelët. Prandaj në këtë aspekt jemi të pakompromis. Por, insistimi im i vazhdueshëm është që në mënyrë që të gjitha këto veprime që janë plotësisht legjitime dhe në përputhje me Kushtetutën të jenë me sukses më afatgjatë dhe më të qëndrueshme, duhet vazhdimisht të punojmë bashkë me aleatët tanë. Mos të harrojmë që aleanca me Shtetet e Bashkuara është ndër themelet e shtetit tonë. “

Në pyetjen se “Objektivin (me Kurtin) e keni të njëjtë por mënyra se si do shkoni deri atje, mund edhe ta ngadalësojë procesin…apo jo?

Osmani është përgjigjur “Ne duhet të bëjmë atë që në ShBA dhe në ushtri e quajnë “regroup” and “reorganize”. Pra, të bëhemi sërish bashkë, t’i bashkojmë forcat sepse interesi i Kosovës është përtej dallimeve që mund t’i kemi. Ne e shohim që në këtë moment kur ka luftëra në botë, Kosova nuk është top prioritet në botë, jemi pak për të qenë të ndarë.”

Lajm i hidhur: Vdes ish-ushtari i UÇK-së dhe polici i Kosovës

Familja Ademi nga Vushtrria ka marrë lajmin e hidhur për vdekjen e anëtarit të saj.

LEXO EDHE:

• Vendet që do të jenë pa rrymë sot
• Aksion i madh i Prokurorisë dhe Policisë, arrestohen tre persona, janë “peshqi të mëdhenjë”

Ish-ushtari i UÇK-së dhe polic i Kosovës nga fshati Skromë ka ndërruar jetë, shkruan Jepi zë.

I ndjeri ishte pensionuar vetëm vitin e kaluar nga uniforma e Policisë, dhe me gjithë këtë, ka ndërruar jetë brenda një viti.

Lajmin e ka bërë të ditur biri i tij përmes një postimi në rrjetet sociale, ndërsa varrimi do të mbahet nesër në fshatin Begaj.

Postimi i plotë:

Shok miq dhe dashmire, ju njoftojme se varrimi i babes tone Avdyl Sherif Ademi behet neser me 27.09.2024 pas namazit te xhumas, funerali niset nga xhamia karamanli!
Varrimi bëhet në varrezat e fshatit Begaj!

Allahu të shperblefte me Xhennet babi