Në Beograd del lajmi se shqiptari nga Kosova ka marrë furnizimin e projektit gjigant Belgrade Waterfront!

Në Serbi po qarkullojnë lajme të forta se një biznesmen shqiptar nga Kosova është bërë një nga furnizuesit kryesor të xhamave për projektin e madh Belgrade Waterfront, përmes bashkëpunimit me kompaninë ndërkombëtare të njohur AGC Glass Europe. Ky zhvillim është parë me interes të madh, duke treguar ndikimin në rritje të bizneseve shqiptare në projekte ndërkombëtare dhe veçanërisht në sektorin e ndërtimit.

Belgrade Waterfront, një projekt monumental me një vlerë prej miliarda eurosh, ka për qëllim të transformojë përgjithmonë fytyrën e Beogradit, duke përfshirë ndërtesa rezidenciale luksoze, hapësira komerciale, qendra argëtimi dhe ambiente publike moderne. Ky projekt ambicioz kërkon furnizim të materialeve ndërtimore të cilësisë më të lartë, dhe pikërisht këtu roli i kompanisë AGC, një nga prodhuesit më të mëdhenj të xhamit në botë, është i domosdoshëm.

Bledian Ramadani, biznesmeni shqiptar nga Kosova dhe pronari i kompanisë Gitor Shpk, është ai që përflitet të jetë në qendër të këtij bashkëpunimi, duke përdorur lidhjet e tij me AGC Glass Europe për të siguruar furnizimin e xhamave për këtë projekt të përmasave të mëdha. Ramadani është një figurë e njohur në industrinë e xhamit, dhe më parë ka arritur të largojë konkurrentët e tij në Ballkan përmes lëvizjeve të zgjuara në treg, duke kontrolluar pjesë të rëndësishme të importit të xhamit në rajon.

Kjo marrëveshje e përfolur ka shkaktuar reagime të ndryshme në Serbi, ku disa media dhe analistë po shohin me habi ndikimin e një shqiptari nga Kosova në një projekt kaq të madh dhe simbolik për Beogradin. Megjithatë, cilësia dhe përvoja e AGC në prodhimin e xhamave, e kombinuar me ndikimin e Ramadanit në rajon, e bëjnë këtë bashkëpunim të natyrshëm.

Belgrade Waterfront përfaqëson një nga investimet më të mëdha urbanistike në Ballkan, dhe përfshirja e kompanisë AGC, në të cilën Ramadani ka ndikuar përmes lidhjeve të tij të fuqishme, është një tregues i rritjes së ndikimit të bizneseve shqiptare jashtë kufijve të Kosovës.

Ky bashkëpunim i ri mund të shërbejë si një shembull për zhvillime të tjera në të ardhmen, ku biznesmenët shqiptarë do të kenë një rol më të madh në tregjet rajonale dhe globale.

Vjen paralajmërimi nga infektologu: Mund të paraqiten probleme serioze nëse uji i Badocit përdoret për pije

Shkak i rritjes së nivelit të manganit, është rekomanduar që të mos përdoret për pije uji nga Liqeni i Badocit. Sipas infektologëve, aspekti shëndetësor i konsumatorëve do të përkeqësohet, nëse ky ujë përdoret për më shumë se një javë.

Siç ndodh rëndom kur ndërrohen stinët, është rritur vlera e manganit në Liqenin e Badocit.

Rrjedhimisht, Instituti Kombëtar i Shëndetësisë Publike, rekomandon që të mos përdoret për pije uji që vjen nga ky burim, duke treguar edhe hartën zonale

“Të dhënat e analizave të bëra dhe krahasimi i tyre me të dhënat e ditëve paraprake si dhe përvoja nga situata e vitit 2023, na tregojnë se gjatë kohëzgjatjes së këtij fenomeni, vlerat e manganit kanë tendencë të rritjes së vazhdueshme ditë pas dite, andaj IKSHPK për këtë periudhë rekomandon që uji të mos konsumohet për pije dhe të përdoret si ujë teknik për higjienë personale dhe ambientale.”, thuhet në njoftim.

Nga KRU Prishtina, thonë se kanë marrë masat e nevojshme reaguese për këto raste.

“Ne menjëherë i kemi marrë masat e duhura, do të bëjmë shpërlarjen e gypave magjistral, shpërlarjen e gypave të grupacioneve sekondare, në mënyrë që të sigurojmë ujë për pije për konsumatorët në këtë zonë që furnizohen me ujë nga Liqeni i Badocit”, ka thënë zëdhënsja e KRU Prishtina, Arjeta Mjeku.

Mirëpo, sipas Mjekut, konsumimi i këtij uji nuk është shumë i rrezikshëm.

“Në momentin që është shumë nivel i lartë i manganit, ne e ndërprejmë edhe prodhimin e ujit që të mos shpërndahet asnjë pikë ujë. Por, duhet ta rrisim vigjilencën, të jemi më të vëmendshëm që mos ta përdorim për pijë por vetëm për higjienë”, theksoi Mjeku.

Rrezik për konsumatorët sipas infektologut, Hamdi Ramadani, mund të jetë nëse uji me sasi të larta të manganit përdoret për disa ditë.

“Për pije nuk mund të përdoret për shkak se nëse përdoret për një kohë të gjatë, bie fjala për shtatë ditë, tetë ditë ose nëntë ditë, atëherë mund të paraqiten probleme mendoj serioze, nga aspekti i shenjave dhe simptomave klinike nga inde dhe organe qoftë nga sistemi nervor, gastrointensinal e të tjera”, ka thënë Ramadani.

Edhe vitin e kaluar, një situatë e tillë ishte shfaqur në Liqenin e Badocit./Tëvë1

Selmanaj: LDK-ja më e gatshme se kurrë për zgjedhjet e 9 shkurtit, tranzicionit politik po i vjen fundi

E rrallë: Një grua në Obiliq kapet me dy armë e municion

Posedimi i armëve është shndërruar në një dukuri mjaft shqetësuese në Kosovë. Pothuajse çdo ditë, Policia has në persona që posedojnë armë ilegale dhe sillen lirshëm me to. Jo rrallëherë të tilla raste zbulohen edhe pas kontrolleve në vendbanime të ndryshme. Kështu ndodhi të enjten në Obiliq, por si rrallëherë, kësaj radhe e dyshuar është një grua, raporton Gazeta Sinjali.  

E dyshuara për këtë rast është një 52-vjeçare, e cila u arrestua pasi u kap me dy armë dhe dhjetëra fishekë që i posedonte ilegalisht.

Sinjali mëson se gruaja e dyshuar u arrestua në shtëpinë e saj në fshatin Palaj të Obiliqt, pasi disa njësi policore intervenuan nën dyshimet për posedim të armëve të zjarrit.

Një armë iu sekuestrua menjëherë në vendin e ngjarjes e më pas u gjet edhe një armë tjetër, me rreth 30 fishekë.

Ndaj saj, Prokurori i Shtetit urdhëroi masën e ndalimit policor dhe inicimin e hetimit.

Por, arrestimi i saj u përcoll me rezistencë, jo nga e dyshuara, por nga vëllai i saj.

Të njëjtat burime kanë bërë me dije se vëllai i të dyshuarës ka tentuar që t’i dalë në mbrojtje motrës, duke e penguar Policinë, por që e pësoi edhe vet.

Për shkak të veprimeve të tij gjatë arrestimit të 52-vjeçares, i njëjti u prangos dhe u shoqërua në stacion policor për intervistim.

Prokurori ka urdhëruar që i dyshuari të dërgohet në mbajtje dhe të hapet rasti për veprën penale “Pengim i personit zyrtar gjatë kryerjes së detyrave zyrtare”.

Zbulohet data e saktë kur fillon “Big Brother Vip Kosova”

Fillimi i tetorit pritet ta sjellë edhe edicionin e tretë të “Big Brother Vip Kosova”.

LEXO EDHE:

Santiana sërish pjesë e “Bigut”, por tani si…

 

Burimet e revistës “Kosovarja”, bëjnë me dije që këtë vit ky spektakël do të filloi me 11 Tetor.

Këtë vit pritet që të jenë shumë banorë nga sfera të ndryshme.

Kujtojmë që edhe këtë vit “BBVK”,pritet të jetë nën moderimin e Alaudinit dhe Jonidës.

Merret vendimi për policin që plagosi nënën në Prishtinë

Inspektorati Policor i Kosovës ka rekomanduar suspendimin për dy zyrtarë policorë, në dy raste të ndryshme në Prishtinë dhe në Mitrovicë.

Lidhur me rastin e parë, policia ka pranuar informacione sot pas orës 12:00 për një plagosje me armë zjarri të ndodhur në rrugën “Mukadeze Lika” në Prishtinë.

Menjëherë pas marrjes së informatës policia ka dalë në vendin e ngjarjes  dhe ka ndërmarrë veprimet e nevojshme operative policore.

Pasi që në rast dyshohet se është përfshirë një zyrtar policor, janë njoftuar menjëherë edhe hetuesit e IPK-së të cilët kanë dalë në vendin e ngjarjes.

Bazuar në veprimet  fillestare hetimore në këtë rast është, lënduar një person nga shkrepja e armës.

E lënduara është dërguar për tretman mjekësor, ndërkohë që hetuesit e IPK-së në koordinim me prokurorinë dhe IPK-në pritet të ndërmarrin edhe shumë veprime hetimore.

Komandanti i ri i KFOR-it mbërrin në Kosovë

Komandanti i i ri i misionit të NATO-s në Kosovë, KFOR, ka mbërritur në Kosovë.

Bes Kallaku e bëri veprimin e papritur sot

Këngëtari i njohur, Bes Kallaku ditën e premte e ka shfrytëzuar jo si zakonisht.

Pas ndarjes nga Besi, Xhensila bën thuajse përditë këtë veprim

Ai ka zgjedhur të bëjë plazh, ani pse sot gjatë gjithë ditës pati reshje shiu. “Lavdi Zotit ..”, ka shkruar ai krahas videos së publikuar në Inststory.

Kujtojmë se Kallaku është në procedura të divorcit me këngëtaren Xhensia Myrtezaj me të cilen ka edhe dy fëmijë.

Paralajmërimet për përmbyjtje në Prishtinë, komuna merr këtë vendim

Reshjet e shiut dhe paralajmërimi për përmbytje të mundshme ka mobilizuar institucionet e sigurisë dhe emergjencave në kuadër të Komunës së Prishtinës.

Drejtori për Siguri dhe Emergjenca në Prishtinë, Lulzim Fushtica ka thënë se intensiteti i reshjeve po rritet dhe se presin të ketë raste të vërshimeve, por sipas tij janë bërë të gjitha përgatitjet e nevojshme në këtë drejtim.

Fushtica ka deklaruar se nga bisedat dhe informacionet që kanë nga Instituti Hidrometeorologjik i Kosovës sot, nesër dhe pasnesër parashihet të ketë të reshura intensive që kryesisht është paralajmëruar për pjesën perëndimore të Kosovës, por që do të përfshijë edhe pjesët tjera e edhe kryeqytetin, por në intensitet më të vogël.

“Shpresoj që nuk do të kemi raste si në Bosnje e Hercegovinë, ne kemi bërë të gjitha parapërgatitjet. Nga sot kemi funksionalizuar Shtabin Emergjent. Kam qenë në kontakt me të gjithë përfaqësuesit që janë pjesë e shtabit, i kemi dërguar instruksionet që t’i angazhojnë ekipet kujdestare që të jenë në kujdestari 24/7, por kur kemi rrebeshe të shiut për fat të keq askush nuk më të jetë i përgatitur në të tilla raste”, ka theksuar ai, për RTK.

Fushtica tha se Qendra Operative Emergjente funksionon 24 orë në 7 ditë të javës, e në të tilla raste shtohet edhe numri i zyrtarëve, prandaj ka bërë të ditur se të gjithë qytetarët mund të lajmërohen në numrat e kësaj qendre emergjente që janë 080012233 dhe 080012244 nëse kanë nevojë.

E dhimbshme: Ky është 64 vjeçari që vdiq në aksidentin e rëndë në autostradën “Ibrahim Rugova”

Një person ka humbur jetën si pasojë e një aksidenti në autostradën “Ibrahim Rugova” që ndodhi rreth një ore më parë, raporton Sinjali.

Në aksident janë përfshirë një veturë dhe një kamion, personi i lënduar nga ky aksident ishte transportuar me urgjencë për në spital, por sipas informacioneve të fundit nga Policia për Sinjalin, thuhet se ka ndërrua jetë.

Sinjali ka mësuar ekskluzivisht se viktima e këtij aksident tragjik është Sokol Thaçi rreth 64 vjeçar, i cili nuk arriti t’i mbijetonte plagëve të marra.

Rastin për Sinjalin e ka konfirmuar edhe zëdhënësi i Policisë, Bajram Krasniqi, ku tha se personi i lënduar nga ky aksident ka ndërruar jetë.

“Lidhur me informatën e parë për aksidentin në autostradë, tashmë nga njësia policore është pranuar informata se, ekipi mjekësor ka konstatuar se një person i përfshirë në aksident është pa shenja jete. Trupi i pajetë dërgohet në IML për obduksion”, tha Krasniqi për Sinjalin.