Merr tjetër kthesë drama Fero-Arbenita — deklarata e papritur e avokates së modeles

Drama mes Feronit Shabanit, dikur i njohur me emrin artistik ‘Fero’ dhe ish-gruas së tij, Arbenita Ismajlit, në lidhje me kujdestarinë e vajzës së tyre, duket se nuk ka marrë fund, pavarësisht se zhvillimet e fundit dhanë përshtypjen për të kundërtën.

Kanë kaluar veç pak ditë prej një deklarate publike të ish-reperit, përmes së cilës ai pretendonte se ka marrë kujdestarinë e vajzës.

Sipas asaj që la të kuptohej Fero, vajza do të qëndronte përgjatë javës me të, e në fundjavë me nënën e saj Arbenitën.

Një vendim në formën e tillë, natyrisht se gëzoi Feron pasi që ishte ky i fundit që pretendonte se Arbenita e ka marrë pa lejen dhe pa dijeninë e tij vajzën jashtë Kosovës, e madje hidhte edhe aludime të tjera se asaj ia kanë falsifikuar pasaportën, vetëm e vetëm që ai të ketë kontakt sa më pak me të.

“Jetoj që shumë kohë pa vajzën time.

Po më bëhet padrejtësi.

Vajza më është kidnapuar, ia kanë falsifikuar pasaportën – nuk e di ku është.

Një njeri i shkatërruar në një mijë mënyra”, deklaronte Shabani, para se të dilte me vendimin se ka fituar kujdestarinë e vajzës.

Por kjo çështje duket se nuk e ka marrë vulën përfundimtare. Kështu të paktën thuhet nga pala e Arbenitës.

Avokatja e saj, Blinera Osmani, në një prononcim për Telegrafin, ka thënë se nuk qëndron fakti se klientes së saj i është marrë kujdestaria e vajzës.

Kjo për shkak se siç thotë Osmani, është kundërshtuar vendimi për kërkesën për mbrojtje emergjente nga ana e Feronit Shabanit, andaj ende s’ka vendim të prerë për kontestin mes dy palëve.

“Kujdestaria ende nuk i është marrë klientes time sepse vendimi për kërkesën për mbrojtje emergjente që është bërë prej babait të vajzës është kundërshtuar, kështu që derisa nuk kemi një formë të vendimit të prerë nuk e konsiderojmë që është marrë kujdestaria e vajzës”, tha Osmani për Telegrafin.

Me fjalë të tjera, mbrojtja e modeles po pret vendimin e gjykatës mbi ankesën që kanë parashtruar për vendimin.

“Ne brenda afatit ligjor e kemi dërguar kundërshtimin tonë dhe testin brenda shtatë ditëve sipas afatit ligjor që përcakton ligji për të marrë vendim mbi ankesën tonë”, tha tutje avokatja Osmani.

Alba bën deklaratën e fortë: ”Është rritur numri i femrave të pandershme”

Deklarata e fortë dhe e pahijshme që bëri Alba Pollozhani për femrat bëri që panalistët e rubrikës “Trotuar” në E Diell, t’i kthehen kundër.

Në studio po trajtohej çështja se përse të rinjtë nuk martohen, dhe kësaj pyetje Alba u përgjigj duke thënë se “Meshkujt nuk kanë faj, pasi numri i femrave të pandershme është rritur akoma më shumë”.

Kjo deklaratë u kundërshtua nga të ftuarit në studio, ku Ronaldo Sharka i drejtoi pyetjen “Po ti sa besnike je?!”

“Ka diçka që duhet ta theksojmë, meshkujt sot e kësaj dite janë bërë më të pavendosur.

Por, nga njëra anë ata nuk kanë faj sepse edhe numri i femrave të pandershme është rritur akoma më shumë. E dyta është rritur numri i femrave që shkojnë në tendencën për tu bërë femrat pak si burrat. Më ketë idenë 50 me 50.

Pandershmëria për mua përfshin mungesë besnikërie. Femrat në përgjithësi e kanë minimizuar çështjen e besnikërisë.”, u shpreh Alba Pollozhani.

Mbani frymën, Festa Qoqaj nuk i lë vend imagjinatës, poston foto nga shtrati

Festa Qoqaj, një nga figurat më të njohura dhe të dashura në rrjetet sociale, ka risjellë me stil vëmendjen e ndjekësve të saj përmes një seti të ri fotografik të postuar në Instagram.

E shtrirë mbi shtrat dhe veshur me një fustan të bardhë që thekson linjat e saj trupore, ajo ka arritur të kombinojë elegancën me provokimin, duke lënë gjithnjë e më shumë hapësirë për interpretim dhe admirimin nga publiku.

Fustani i bardhë, me dizajn të thjeshtë dhe të rafinuar, i jep Festa-s një pamje të freskët dhe atraktive, duke theksuar në mënyrë të përsosur format e saj trupore.

Imazhet e saj janë një përzierje e stilit modern dhe klasikes, që e bëjnë atë një ikone të modës për shumë ndjekës.

Me çdo fotografi, ajo përcjell një mesazh fuqishëm të vetëbesimit dhe elegancës, duke e bërë të lehtë për të fituar simpati dhe admirimin e të gjithëve.

Ky postim ka rezultuar në një valë të madhe reagimesh pozitive, duke marrë mijëra pëlqime dhe komente entuziaste nga ndjekësit e saj.

Shiko foton:

Shkurte Gashi zbulon zënkën me Flori Mumajesin

Këngëtarja Shkurte Gashi ka dhënë një intervistë për Prive, aty ku u shfaq me burrin e saj, Albert Limanin si dhe fëmijët. Ajo rrëfeu mbi të qenit nënë, marrëdhënien me Albertin, shoqërinë me Shyhrete Behlulin, dhe jo vetëm.

Gashi zbuloi edhe një keqkuptim që i ka ndodhur me Flori Mumajesin, e që i kishte shkaktuar hatërmbetje prej anës së artistit nga Shqipëria.

“Ai njeri le që më po më mungon mu, po besoj po i mungon krejt Shqiptarisë. Besoj se ai është lodh dhe ka nevojë me pushu, uroj shumë shpejt rikthimin e tij. Pse jo të vazhdojmë aty ku e kemi lënë, unë kam shumë projekte te Flori.

Nuk kam pas kontakt prej ditëlindjes së Brunos, nuk jemi taku më, nuk ka ndonjë arsye të madhe. Unë nuk jam lajmëru për një rast familje që ai ka pas, unë nuk e kom ditë dhe të betohem që nuk e kam ditë. Unë nuk e kam telefonu, ka pasur hatërmbetje nga ana e tij.

Uroj që me qenë mirë, na mungon ai, muzika e tij. Ka lënë gjurmë shumë të mëdha në skenën shqiptare”

Festë në shtëpinë e Ermal Fejzullahut

Në shtëpinë e Ermal Fejzullahut sot ka festë!

Vajza e vogël e këngëtarit të njohur, Ana, ka ditëlindjen dhe urimet tashmë janë në radhë, shkruan IndeksOnline.

“Gëzuar ditëlindjen e vogla jonë! U bëfsh sa më e lumtur, e shëndetshme dhe plot dashuri në çdo ditë që kalon. Qoftë jeta jote e mbushur me buzëqeshje, ëndrra të bukura dhe përqafime të ngrohta. Të duam pa fund!” shkroi në Instagram Ariana, bashkëshortja e Ermalit.

“Urime ditëlindjen zemra e babit, Ana” shkroi Ermali në urimin e tij.

Ermali dhe Ariana janë prindër të pesë fëmijëve!

Adrola Dushi poston për herë të parë foto me Capital T?

Tash e një kohë të gjatë përflitet për një lidhje të mundshme mes Adrola Dushit dhe Capital T.

Pavarësisht spekulimeve në rrjet, dyshja nuk e konfirmuan asnjëherë direkt.

Por, Adrola ka publikuar një moment teksa shihet nën shoqërinë e një mashkulli,duke i mbajtur dhe dorën.

Për ndryshe Capital T në një intervistë ishte shprehur se femra me e bukur shqiptare është Adrola Dushi.

Gruaja e Albin Kurtit takohet me dy artistet e njohura shqiptare, publikohen fotot

Rita Augestad Knudsen bashkëshortja e kryeministrit të Kosovës Albin Kurti është parë mbrëmë në një event të organizuar në New York. Duket se Rita ka arritur në Shtete të Bashkuara të Amerikës (SHBA) para kryeministrit Kurti. Ku ky i fundit sipas njoftimit zyrtar sot është nisur për në SHBA.

Indeksonline sjell pamje ku ajo është fotografuar me dy arstistet shqiptare Emina Cunmulaj dhe Alketa Xhafa.

Ndodh e papritura në emision, aktorja kosovare e puth moderatorin

Të martën ka filluar emisioni më i ri në Kanal10 “Pa Protokoll” ku është diskutuar mbi çështjen e ndjeshme dhe shpesh të anashkaluar: “Paragjykimet ndaj artistëve”.

Aty të ftuarit ndanë përvojat e tyre personale dhe profesionale mbi ndikimin që kanë paragjykimet në krijimtarinë dhe zhvillimin e tyre.

 

 

Aktorja Gresa Gashi dhe këngëtari Labinot Rexha zhvilluan mes vete debat mbi ato që u prezantuan nga vet ata.

Tutje përderisa debati vazhdonte, Gresa Gashi në stilin e aktores ka puthur live në emisoion gazetarin Shëndrit Lumin.

Meritoni takohet me djalin, publikon momentin emocionues

Moderatori, Meriton Mjekiqi gjatë qëndrimit në ‘Big Brother VIP Albania’ rrëfej historinë e jetës së tij, duke treguar edhe lidhjen e veçantë që ka me djalin e tij, Loarin.

Duke e theksuar se takimet mes Meritonit dhe të birit janë të rralla pasi ai jeton jashtë vendit, më në fund moderatori ka publikuar një foto të veçantë.

Nën përqafimin e njëri tjetrit, babë e birë po e shijojnë këtë moment.

A mund ta merrni me mend sa vjeç është Tayna?

Doruntina Shala apo Tayna, ka lindur më 14 dhjetor 1996 dhe është një këngëtare/repiste nga qyteti i Prizrenit, por që jeton e vepron në Prishtinë.

Ajo është cilësuar si një ndër këngëtaret që ka bërë bujë dhe sukses për një kohë shumë të shkurtër në tregun e muzikës shqiptare.

Gjithmonë mjaft e kërkuar për të performuar në diskotekat më të famshme në gjithë trevat shqiptare, shkruan “Kosovarja”.

Si fillim Tayna ose Doruntina, ka filluar karrierën e muzikës duke kënduar kënge te këngëtareve mbare botërore. Ajo këndoi këngën e Beyonce “Ring the Alarm” dhe “The Worst” të Jhene Aiko.

Veç 27 vjeç dhe aktualisht po përjeton kulmin e karrierës së saj.