Leonora Jakupi opinioniste në ‘Big Brother VIP Kosova’?

Këngëtarja e njohur Leonora Jakupi duket se mund të shfaqet në një rol krejtësisht ndryshe nga çdo herë më parë.

Burime pranë produksionit kanë bërë të ditur se ndër emrat që po përmenden për rolin e opinionistes në edicionin e ri të “Big Brother VIP Kosova” është edhe ai i Leonora Jakupit.

Deri më tani, artistja nuk ka dhënë asnjë reagim publik lidhur me këtë situatë, shkruan “Kosovarja”.

Mbetet të shihet në ditët në vijim nëse Leonora do të jetë pjesë e panelit të opinionistëve të këtij spektakli të madh televiziv.

Menaxheri i Gjestit publikon këtë njoftim për këngëtarin

Menaxheri i Gjestit, Bonart Ajvazi, ka bërë një paraqitje të re në rrjetet sociale.

Këtë herë, Bonarti njoftoi se projekti muzikor i Gjestit, “Veshu ndrequ”, ka arritur plot 20 milionë klikime, një sukses i madh për artistin pejan.

Nga ana tjetër, këngëtari që fitoi zemrat e mijëra shqiptarëve pas pjesëmarrjes në Big Brother VIP Kosova dhe Big Brother VIP Albania, po kalon ditë të vështira bashkë me familjen

Tashmë janë bërë më shumë se tre javë, që nga vdekja tragjike e vëllait të tij, Eldionit, i cili humbi jetën pas një aksidenti në trafik.

Egli Tako merr surprizen e papritur në Top Chanel (Foto)

Këngëtarja e njohur, Egli Tako pak më parë ka bërë paraqitjen e radhës në rrjetet sociale.

Egli e cila po ushtron detyrën e prezantueses në Top Chanel, së fundmi ka marrë një befasi nga fansat e saj, transmeton IndeksOnline.

“Arsyeja pse nuk e ndjej kurrë lidhjen në punë jeni ju, krenaritë e mia”, ka shkruar Egli krahas kësaj fotografie.

Zbulohet: Kjo është gazetarja që do të jetë opinioniste e BBV

Është zbuluar tashmë se kush do të jetë opinionistja e parë në edicionin e katërt të “Big Brother VIP Kosova”.

Sipas Telegrafit këtë rol do ta marrë gazetarja dhe producentja e njohur shqiptare, Dalina Buzi.

Oferta për këtë pozicion i është bërë nga vetë Olsa Muhameti, producentja e spektaklit, e cila ka zgjedhur Buzin si një nga figurat që do të sjellë energji, profesionalizëm dhe analizë të thellë në diskutimet e netëve të spektaklit.

Sipas të njëjtave burime, Dalina Buzi e ka pranuar tashmë ftesën dhe është gati të ulet në kolltukun e kuq për të komentuar zhvillimet brenda shtëpisë më të famshme në vend.

“Big Brother VIP Kosova 4” pritet të nisë në fund të nëntorit, sipas planifikimeve të produksionit, dhe me këtë emër të konfirmuar, interesi për edicionin e ri është rritur ndjeshëm.

Dalina Buzi, e njohur për eksperiencën e saj të gjatë në media, ka përvojën e të qenurit në juri nga spektakli i kërcimit, Dancing With The Stars Albania, ku ajo ishte pjesë e panelit në edicionin e parë. 

Ndahen Leo dhe Lela?

Krizë mes Lelës dhe Leos?

Po, mesa duket lajmet se diçka nuk po shkon mes çiftit simpatik, Lela Seferi dhe Leonard Gashi, janë të vërteta.

Çifti që u njoh dhe filloi lidhje brenda shtëpisë së Big Brother VIP Kosova 3, kishte fituar shumë dashuri nga publiku, duke u cilësuar si një nga dyshet më të ëmbla e më të pëlqyera të edicionit.

Prej disa ditësh, në rrjetet sociale kanë munguar postimet e përbashkëta të tyre, gjë që ka ndezur menjëherë thashethemet për një ndarje të mundshme, veçanërisht mes fansave të cilëve s’iu ikë asgjë!

Vulën e këtyre dyshimeve ja ka vënë fshirja e fotove të përbashkëta nga të dy profilet e tyre në Instagram, duke e bërë pothuajse të qartë se marrëdhënia mes tyre nuk është në ditët më të mira.

Këtë herë, duket se situata është ndryshe. Asnjëri prej tyre nuk ka bërë ndonjë reagim zyrtar, por fshirja e fotove dhe heshtja e tyre flasin vetë.

Prive By Liberta Spahiu ka kontaktuar të dy protagonistët të cilët kanë zgjedhur heshtjen.

Megjithatë, kënga “Vuj” e Leos, ku në videoklip shfaqet edhe Lela, vazhdon të jetë ende në YouTube — ndoshta si kujtim i një periudhe të bukur që tashmë mund të ketë marrë fund

Pavarësisht fshirjes së postimeve, ata ende ndjekin njëri-tjetrin në Instagram, gjë që lë dyshime se ndarja ndoshta nuk është përfundimtare dhe mund të jetë vetëm një krizë momentale.

Por, nuk mungojnë as ata që mendojnë se e gjithë kjo mund të jenë një skenar për zhurmë.

A është kjo një lojë, krizë apo ndarje e vërtetë? Koha do të jetë treguesi më i mirë i kësaj pune, mirëpo, ku ka tym ka dhe zjarr!

“Big Brother Vip Kosova” po vjen, Olsa Muhameti ndan detajet e fundit…

“Big Brother Vip Kosova” do të nisë brenda pak ditësh.

Producentja e këtij spektakli televiziv, Olsa Muhameti me anë të një paraqitje ka zbuluar se përgatitjet e fundit po vazhdojnë, transmeton IndeksOnline.

Është përfolur për disa emra se do të jenë banorë të “BBVK”-së, por ende nuk ka ndonjë konfirmim zyrtar/ IndeksOnline/

E njihni?, sot është ndër artistet më të dashura shqiptare

Gili është një nga këngëtaret me të dashura për publikun shqiptar.

Me zërin e saj, ajo ka arritur që t’i mbijetojë kohës, duke vazhduar të jetë ende shumë e kërkuar nëpër mbrëmje e ahengje të ndryshme familjare, raporton IndeksOnline.

Gili se fundmi ka publikuar një fotografi të realizuar në vitin 1997 në Ulqin

Juliana Nura reagon pas publikimit të fotos me të arrestuarin për spiunazh, Fatmir Sheholli

Pas arrestimit të Fatmir Shehollit nga Policia e Kosovës nën dyshime për spiunazh, rrjetet sociale u mbushën me spekulime pasi në qarkullim doli një foto e tij me ish-banoren e Big Brother VIP Kosova, Juliana Nura.

Në imazhin që u bë viral, dyshja shihet buzëqeshur, çka mjaftoi që mediat dhe komentuesit të aludojnë për një lidhje apo njohje mes tyre. Por Juliana ka reaguar menjëherë për të sqaruar situatën dhe për t’i vënë pikë zërave që po qarkullojnë.

“Po shoh shumë spekulime me këtë foto. Fakt është që ky person ka kërkuar me ba një foto me mua siç bëj qindra foto në ditë me dashamirësit e mi që nga dita që kam dalë nga BBVK. Unë këtë person nuk e njoh dhe ju lutem me jetën profesionale apo personale të individit mos më përzieni”, ka shkruar ajo në InstaStory.

Reagimi i Julianës vjen pas arrestimit të Fatmir Shehollit më 9 tetor 2025 nga Policia e Kosovës, me asistencë të Agjencisë Kosovare për Inteligjencë dhe Prokurorisë Speciale. Ai dyshohet se ka bashkëpunuar me shërbimin sekret serb (BIA), duke u marrë me mbledhje informacionesh dhe dokumentesh që prekin sigurinë kombëtare të vendit.

Për momentin, Sheholli ndodhet nën masën e paraburgimit 30-ditor dhe po hetohet për veprën penale të spiunazhit.

Fjolla Morina prezanton të dashurin e ri (Foto)

Këngëtarja e njohur Fjolla Morina ka publikuar së fundmi disa fotografi të reja në rrjetet sociale, ku shfaqet në shoqërinë e të dashurit të saj të ri.

Megjithëse ndan momente të afërta me ndjekësit, ajo vazhdon të mbajë mister rreth identitetit të partnerit, duke mos zbuluar ende plotësisht fytyrën e tij, shkruan IndeksOnline.

Jozi përlot publikun me veprimin për vëllain e Gjestit në emision

Ish-banori i “Big Brother VIP”, Jozefin Marku, ka prekur publikun me një gjest human gjatë paraqitjes së tij në emisionin “Kosovë Show”.

Para se të fliste për eksperiencën e tij dhe raportet me banorët e tjerë të shtëpisë, ai kërkoi një minutë heshtje në nderim të vëllait të ndjerë të Gjestit, i cili humbi jetën tragjikisht pak javë më parë në një aksident me motor.

Ky veprim u konsiderua si një shenjë respekti dhe reflektimi, sidomos duke marrë parasysh se gjatë kohës që të dy ishin pjesë e “Big Brother VIP Albania”, Jozi dhe Gesti patën debata të forta dhe madje edhe incidenti fizik që bëri shumë bujë në rrjete sociale.

Megjithatë, Jozi u shpreh se ndjen keqardhje për gjithçka që ka ndodhur dhe se sot çdo konflikt i kaluar zbehet përballë një humbjeje kaq të madhe.

“Ngushëllimet më të sinqerta për familjen e Gjestit. Do të doja një minutë heshtje në nder të vëllait të tij,” tha ai me i prekur.