Vuçiq kërkoi kthimin e serbëve në polici dhe gjyqësi, i përgjigjet Presidentja

Presidentja Vjosa Osmani ka thënë kërkesat e presidentit serb, Aleksandër Vuçiq për kthimin e serbëve në institucionet e Republikës së Kosovës nuk janë të sinqerta, por si retorikë për ta hequr vëmendjen nga përpjekjet e Serbisë për destabilizim.

“Unë jam e bindur se kur Vuçiqi flet për rikthim të serbëve në polici, në gjyqësi, në parlament, ai në fakt po i prezanton këto vetëm si fjalë e si retorikë për ta hequr vëmendjen e botës demokratike nga ajo çfarë po ndodh në të vërtetë, e që janë përpjekjet e tij, qeverisë së tij, ushtrisë së tij në trajnimin e vazhdueshëm të forcave paramilitare të cilat kanë qëllim vetëm dhunën”, tha Osmani para mediave pas ceremonisë së hapjes së Qendrës Rajonale të Ekselencës për Gratë, Paqen dhe Sigurinë.

Tutje e para e shtetit theksoi se Kosova është e interesuar që serbët të jenë në institucione.

“Ne jemi të interesuar që serbët të jenë në institucione, gjë që ju takon edhe me Kushtetutë edhe me pako të Ahtisarit. Kosova është multietnike jo përse thotë Vuçiqi, por që u takon me Kushtetutë. Në asnjë moment nuk besoj që Vuçiqi e ka atë qëllim. Ai duket ser po punon vetëm në destabilizim të rajonit dhe kthim në vitet e 90-ta”, u shpreh Osmani.

Duke folur për dialogun në Bruksel, presidentja tha se Kosova ka treguar vazhdimisht përkushtim jo vetëm në zbatim të marrëveshjes të Brukselit, të cilat janë ligjërisht të zbatueshme po në të njëjtën kohë ka treguar përkushtim për paqe.

“Ky dialog ka kohë të gjatë që nuk po dëshmon se po organizohet në përputhje me parimin e barazisë së palëve. Në asnjë moment nuk shihet që të dy palët po trajtohen të barabarta. Në qoftë se dikush bën dialog për urën e Ibrit me Serbinë, kjo është shkelje e sovranitetit, Kushtetutës së Republikës së Kosovës, dhe në asnjë moment nuk është interes të Kosovës që kjo temë të jetë pjesë e dialogut me Serbinë”, tha ajo.

Sipas Osmanit, kjo temë patjetër duhet të diskutohet e të dialogohet me partnerët e sigurisë sepse, sipas saj, edhe vetë marrëveshjet e Brukselit e kërkojnë një gjë të tillë.

Tutje presidentja e vendit u shpreh se Kosova nuk ka pasur frikë nga Serbia as në vitet e 90-ta, kur Kosova nuk ka qenë shtet e që nuk ka pasur institucionet demokratike dhe të fuqishme që janë tani.

“Institucionet tona të sigurisë janë të gatshme që në çdo moment ta mbrojnë çdo cep të territorit të Kosovës dhe çdo qytetarë pavarësisht etnisë. Kosova ka katërfishim të prezencës së NATO-s në kufirin mes Kosovës dhe Serbisë, gjë që tregon edhe përkushtimin e forcave të NATO-s e partnerëve të Kosovës për ta mbrojtur paqen dhe sigurinë në Kosovë”, tha presidentja.

Tutje ajo tha se me prezencë të mjeteve ushtarake të cilat i shfrytëzon NATO-ja, me armatimin e blerë dhe me forcimin e çdo ditshëm e institucioneve të sigurisë, Kosova është shumë më e fortë seç ka qenë më parë.

Osmani u shpreh se mbi të gjitha është vendosmëria dhe vullneti i palëkundur i Republikës së Kosovës që me çdo çmim ta mbrojë territorin, shtetin, sovranitetin dhe pavarësinë, e cila është fituar me shumë sakrificë. /RTK/

Pa takim trilateral në Bruksel, ZKM njofton çfarë folën Bislimi e Lajçak, përmendet edhe Ura e Ibrit

Zëvendëskryeministri Besnik Bislim, u takua në Bruksel me Përfaqësuesin Special të BE-së, Miroslav Lajçak, në kuadër të takimeve të parapara të procesit të dialogut.

Takimi u zhvillua në formatin bilateral, teksa për mungesën e takimit trilateral, Zyra e Kryeministrit në njoftimin për takimin tha se ishte për shkak të refuzimit të Serbisë që të marrë pjesë në një takim të tillë.

“Nga ana e saj, Kosova përmes kryenegociatorit, ka pranuar të mbahet takimi trilateral, sipas agjendës së paracaktuar nga ndërmjetësuesi, ku temë e vetme e diskutimit parashihej të ishte rruga përpara e zbatimit të Marrëveshjes Bazike dhe Aneksit Implementues”, thuhet në takim.

Në takimin me emisarin Lajçak, u diskutua mbi planin e sekuencimit dhe zbatimin e marrëveshjeve.

“Zëvendëskryeministri shprehu përsëri angazhimin konstruktiv dhe aktiv të Kosovës në zbatimin e marrëveshjeve dhe rrugën përpara si dhe komentimet nga ana e saj të drafteve të sekuencimit, teksa Serbia nuk ka bërë asnjë hap drejt saj, e pikësëpari as nuk e ka pranuar marrëveshjen”.

Tema të diskutimit ishin edhe çështja e personave të zhdukur me dhunë, telekomunikimi, IBM-ja e liria e lëvizjes.

Rreth çështjes së personave të zhdukur me dhunë, zëvendëskryeministri ripërsëriti destruktivitetin e Serbisë, e cila qëllimshëm po e zvarrit procesin duke paraqitur kërkesa të reja edhe pas dakordimit final.

Mbi lirinë e lëvizjes, zëvendëskryeministri e informoi Lajçak mbi lehtësimin nga ana e Qeverisë të konvertimit të patentë-shoferëve për qytetarët e komunitetit serb dhe mbështetjes së tyre në këtë proces.

Sa i përket urës mbi lumin Ibër, ZKM tha se edhe për BE-në “është e qartë që nuk ka alternativë tjetër përpos hapjes së urës”.

Zëvendëskryeministri shtoi se edhe në Raportet e Komisionit Evropian që pas vitit 2014, BE-ja shprehet se ura duhet të hapet, pa vonesa të mëtejme. Ai tha se kjo çështje tashmë është trajtuar e dakorduar në Bruksel, në kuadër të procesit të dialogut, dhe se ajo duhet të hapet sipas marrëveshjes ekzistuese, ku edhe cilësohet si simbol i normalizimit.

Intervista e Kurtit për Al Jazeera-n thotë se e ka pranuar Asociacionin, por…

Kryeministri Albin Kurti e ka pohuar pranimin për zbatimin e Asociacionit të Komunave me Shumicë Serbe, por vetëm si “paketë”.

Në një intervistë për televizionin ndërkombëtar Al Jazeera, Kurti ka thënë se nuk është “kryeministër vetëm i shqiptarëve”, por i të gjithë komuniteteve etnike që jetojnë në Kosovë.

I pyetur nëse i ka thënë “po” apo “jo” Asociacionit…, shefi i Qeverisë së Kosovës tha se e ka pranuar themelimin e tij, por në paketën e Marrëveshjes së Ohrit.

“Natyrisht, Asociacioni i Komunave me Shumicë Serbe është diçka që e kam trashëguar nga paraardhësit e mi. Sidoqoftë, kjo është pjesë e Marrëveshjes Bazike tani. Neni 7 thotë se ‘Komuniteti serb duhet të ketë vetëmenaxhim’. Në anën tjetër, neni 10 thotë se “të gjitha marrëveshjet paraprake të nënshkruara duhet të zbatohen”. Pra, unë nuk po e mohoj atë, sidoqoftë vetëm si pjesë e një pakoje të normalizimit të marrëdhënieve mes Serbisë dhe Kosovës me njohje reciproke.”

“Nuk mund të zgjedhni nga 39 marrëveshjet paraprake, një që është e preferuara juaj, thuajse sikur të ishte një byfe suedeze, ku e zgjedhni ushqimin tuaj të preferuar, as ta vendosni para Marrëveshjes Bazike. Si paketë, unë thashë po”, tha ai.

Marrëveshja bazë, e cila përfshin edhe obligimin për themelimin e këtij asociacioni, është arritur në shkurt të vitit të kaluar, por nuk ka gjetur zbatim.

Kosova dhe Serbia janë në negociata për normalizimin e marrëdhënieve qysh në vitin 2011.

Punime në rrjet, zonat që do të ngelin pa rrymë nesër

Kompania për Distribuimin e Energjisë Elektrike në Kosovë (KEDS) ka njoftuar se të martën, më 17.09.2024, do të kryhen punime të domosdoshme për siguri të sistemit energjetik, shkruan Gazeta Imazhi.

Si rezultat, në disa lokalitete do të ketë ndërprerje të rrymës, më poshtë mund ta shihni orarin sipas rajoneve:

Orari sipas rajoneve të Kosovës:

Prishtinë

Punime të domosdoshme për siguri të sistemit

1.

Nga TS 35/10kV Koliqi do të ndërprehet:

Dalja 10kV Koliqi (kodi: 14016002) nga ora 10:30 deri 15:00

Vendet: Koliqi, Ballabani dhe Nishevci

Arsyeja: mirëmbajtje preventive – ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

2.

Nga NS 35/10kV Mazgiti do të ndërprehet:

Dalja 10kV Breznicë (kodi: 15019009) nga ora 09:00 deri 14:00

Vendet: Breznicë, Kozaricë dhe Barilevë.

Arsyeja: Mirëmbajtje preventive.

3.

Nga TS 35/10 kV Parku i Biznesit do të ndërprehet:

Dalja 10kV J09 PLASTIKA (kodi: 16023004) prej orës 10:30 deri në ora 13:00

Arsyeja: Ndërprerje për siguri, Kontrollimi i zbarrave në kthinë.

Pejë

Punime të domosdoshme për siguri të sistemit

1.

Nga TS 110/35/10[kV] Peja 1 do të ndërprehet:

LP 10kV Fusha e Pejës (kodi: 50000009) nga ora 10:30 deri 15:00

Vendet: Bajraktarët, Kulla e Ministrit, Treboviq, Qunguri, Elsa, Nabergjan, Lluga, LLabjan dhe Bllagaj

Arsyeja: mirëmbajtje preventive,  pastrimi i trasesë.

2.

Nga TS 110/10[kV] Klina do të ndërprehet:

Dalja 10kV Klinavci (kodi: 52000002) nga ora 11:00 deri 14:00

Vendet: Klinavc, Gjurgjevik i Vogël, Kërnicë, Shtupel, Bingjë, Grapc, Leskoc, Krushevë e Vogël, Radulloc, Pataqan, Zllakuqan, Krushev e madhe, Ranoc, Berkov dhe Rudicë.

Arsyeja: Mirëmbajtje preventive, ndërrim i shtyllave të thyera.

3.

Në TS 110/10(20)kV Peja 2

Nga  dalja 10 kV Leshani në stabiliment degëzues Sfërkë do të ndërprehen trafostacione:

TS 10/04kV Kushtrim Nitaj (kodi: 51000005006) prej orës 08:00 deri në ora 10:00

TS 10/04kV “Eling”- Panelat solare (kodi: 51000005007) prej orës 08:00 deri në ora 10:00

TS 10/04kV Ntsh Taka 2 (kodi: 51000005008) prej orës 08:00 deri në ora 10:00

TS 10/04kV Sferkë e Thatë 2 (kodi: 51000005009) prej orës 08:00 deri në ora 10:00

TS 10/04kV Sferkë e Thatë 1 (kodi: 51000005010) prej orës 08:00 deri në ora 10:00

TS 10/04kV Deponia (kodi: 51000005011) prej orës 08:00 deri në ora 10:00

Vendet: fshati sh Sfërkë, Deponia, N.t.sh Taka si dhe BRRE Eling Panelat Solare dhe Kushtrim Nitaj.

Arsyeja: Ndërprerje për siguri, ngritja e shtyllës dhe bartja.

Ferizaj

Punime të domosdoshme për siguri të sistemit

1.

Nga TS 110/35/10[kV] Lipjani  do të ndërprehet:

LP 10kV J03 – Drejtimi i Bablakut (kodi: 41000001) nga ora 09:30 deri 14:30

Vendet: Fshatrat: Bablak, Babush, Babush i Ri, Cërnillë, Kojskë, Magj.Ferizaj-Prishtinë (një pjesë), Mirash, Prelez i Muhaxherëve (një pjesë), Surqinë, Tërn, Rubofc dhe një pjesë e Trim (Tërni).

Arsyeja: Mirëmbajtje preventive, ndërrimi i shtyllave dhe ndërrimi i izolatorëve.

Mitrovicë

Punime të domosdoshme për siguri të sistemit

1.

Nga NS 110/10 kV Vushtrria 2 do të ndërprehet:

Dalja 10kV Novolani (kodi: 73000005) nga ora 10:30 deri 15:00

Vendet: Fshatrat: Bukosh, Dervar, Dolak, Druar, Kollë, Mihaliq, Novolan, Reznik, Shallc dhe Vërnicë.

Arsyeja: Mirëmbajtje preventive, pastrimi i trasesë dhe vendosja e shtyllave 10 [kV].

2.

Nga TS 110/10 kV Vushtrria 2 do të ndërprehet:

Dalja 10kV Stac. Hekurudhor (kodi: 73000004) nga ora 09:00 deri 14:00

Vendet: Shtitarica, Dalaku, Akrashticë, Pantinë, Bukosh, Taraxhë, Liqej, Balinc, Oshlan, Duboc, Galice, Beçiq dhe Brusnik.

Arsyeja: Mirëmbajtje preventive, kontrolli i trafove për vaj dhe pastrim trasesë, shtrëngim i përçuesve në Dolak.

3.

Në TS 110/10 kV Vushtrria 2

Nga dalja 10 kV Grupi i Bizneseve do të ndërprehen trafostacionet në stabiliment:

TS 10/04kV Studime 2 (kodi: 73000013011) prej orës 11:00 deri në ora 15:00

TS 10/04kV TS Muahrrem Zariqi (kodi: 73000013014) prej orës 11:00 deri në ora 15:00

TS 10/04kV TS “Ariani company” te moteli (kodi: 73000013037) prej orës 11:00 deri në ora 15:00

TS 10/04kV Moteli (kodi: 73000013029) prej orës 11:00 deri në ora 15:00

TS 10/04kV Rashicet (kodi: 73000013032) prej orës 11:00 deri në ora 15:00

TS 10/04kV ETC (kodi: 73000013034) prej orës 11:00 deri në ora 15:00

TS 10/04kV TSSH Zjarrfiksat (Studime) (kodi: 73000013031) prej orës 11:00 deri në ora 15:00

TS 10/04kV TSSH 2-Maji (kodi: 73000013035) prej orës 11:00 deri në ora 15:00

TS 10/04kV Studime (kodi: 73000013030) prej orës 11:00 deri në ora 15:00

TS 10/04kV Fabrika Ekstra (kodi: 73000013028) prej orës 11:00 deri në ora 15:00

TS 10/04kV Proex SH.P.K.Ylber Kuraja (kodi: 73000013027) prej orës 11:00 deri në ora 15:00

TS 10/04kV N.T.SH. “FLORENTI TRANS” (kodi: 73000013038) prej orës 11:00 deri në ora 15:00

TS 10/04kV TSB Ariani&Diari (kodi: 73000013041) prej orës 11:00 deri në ora 15:00

Vendet: Një pjesë e rrugës magjistrale Mitrovicë-Prishtinë dhe Studime e Ulët.

Arsyeja: Ndërprerje për siguri, Instalimi i Sistemit SCADA.

Gjakovë

Punime në projekte investive

1.

Nga  TS 110/35/10kV Rahoveci (H05) do të ndërprehet:

NS 35/10kV Malisheva (H07) dhe pa tension mbesin të gjitha daljet 10kV prej orës 09:00  deri në ora 17:00.

Vendet: rrugët: 603 Adem Jashari (një pjesë), 605 Rilindja Kombëtare (1 konsumator), 606 Pavarësia (1 konsumator), 610 Hisni Mazreku (1 konsumator), 603 Adem Jashari (1 konsumator), Imer Krasniqi (7 konsumatorë), 605 Hamdi Berisha (1 konsumator), 606 Pavarësia (1 konsumator), Spitali i Qytetit në rrugën 608 Hamdi Berisha, 535 Prof.Hamdi Berisha, 554 Uiliam Uoker, 601 Sheshi i Dëshmorëve, 602 Gjergj Kastrioti – Skendërbeu, 603 Adem Jashari, 604 Imer Krasniqi, 605 Rilindja Kombëtare, 606 Pavarësia, 608 Hamdi Berisha, 610 Hizri Mazreku, 611 Jahir Mazreku. 612 Viliam Voker. Fshatrat: Burim, Carallukë (një pjesë), Dardania, Gërmiz, Lubizhdë (1 konsumatorë) dhe Senik (1 konsumatorë), 605 Rilindja Kombëtare (1 konsumatorë), 608 Hamdi Berisha (1 konsumator), 605 Rilindja Kombëtare (3 konsumatorë), 608 Hamdi Berisha (1 konsumator), 557 Bedri Berisha (1 konsumator); fshatrat: Carallukë, Dragobil, Drenoc, Panorc, Shkarashnikë, Tërpezë e Poshtme, Vërmicë dhe Vërmicë e Malishevës, Bubël, Burim, Carallukë (3 konsumatorë), Damanek, Gurbardhë, Llapçevë, Lubizhdë, Lubizhdë e Malishevës, Lumnishtë, Mirushë, Mrasor, Panorc (një pjesë) dhe Turjakë, Balincë, Bardhë, Bellanicë, Javor, Lladroc, Lladroviç, Lubizhdë, Lluzhnic, Ngucat, Senik dhe Temeqinë, Astrazub, Dragobil, Drenoc, Guriq, Janqishtë, Kërvasari, Marali, Maxharrë, Pagarushë dhe Shkozë, Balincë, Bubavec, Drenoc, Gollubovc, Kijevë, Llazicë, Lubizhdë, Mleqan, Plloçicë, Polluzhë dhe Stapanicë, Banjë, Bellanicë dhe Gajrak.

Arsyeja: Projekte investive, instalimi i përçuesit ACCC në linjën 35 kV Rahovec – Malishevë si dhe ndërrimi i izolatorëve 35kV.

Gjilan

Punime të domosdoshme për siguri të sistemit

1.

Nga NS 35/10kV Artanë do të ndërprehet:

Dalja 10kV Bunjakët (kodi: 60024002) nga ora 10:30 deri 15:00

Vendet: Fshatrat: Bunjak (një pjesë) dhe Marevc.

Arsyeja: Mirëmbajtje preventive, pastrimi i trasesë.

2.

Nga TS 35/10 kV Kllokot do të ndërprehet:

Dalja 10 kV Pozhorani (kodi: 61065014) nga ora 10:00 deri 14:00

Vendet: Fshatrat: Fshati i Ri, Pozharan dhe Ramjan.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve, pastrimi i trasesë.

Konjufca: Pa VV-në në pushtet, veriu do të përfundonte në negociata

“Veriu i Kosovës do të kishte përfunduar në negociata, veçanarisht pas dorhëjeve të serbëve nga institucionet kosovare”, ka thënë kryetari i Kuvendit.

Sipas Konjufcës, Kosova kishte dy opsione, shtrirjen e sovranitetit dhe integritetit në atë pjesë të vendit ose dorëzimin.

Ai ka theksuar se opsioni i dorëzimit nuk ka qenë kurrë në konsideratë për Qeverinë e Kosovës.

“Juve ju kujtohet, ishte një bojkotim i orkestruar prej anës së policëve, kryetarëve të komunave edhe Kosova ishte para dy opsione. Unë jam i sigurt që po të kishte qenë opsioni i vjetër politik në Kosovë, do të kishim përfunduar në negociata, por kjo nuk ka qenë opsioni jonë, opsioni jonë është kushtetutshmëria me çdo kusht, qoftë edhe përmes përdorimit të organeve të sundimit të ligjit për të vendosur atje rendin dhe ligjin. Kosova do të përfundonte shumë keq nëse pas dhunës, pas kushtëzimeve dhe pas imponimeve, veriu i Kosovës do të përfundonte në negociata. Kjo nuk ka qenë opsion për Lëvizjen Vetëvendosje dhe për qeverisjen e Kosovës”, ka thënë Konjufca para medieve.

Konjufca ka komentuar edhe konferencën për medie të presidentit serb, Aleksandër Vuçiq, duke thënë se nuk i bëjnë përshtypje kërcënimet e tij.

Ai e ka konsideruar konferencën si një përpjekje për të ruajtur strukturat paralele që nuk ekzistojnë më dhe për ta kërcënuar Republikën e Kosovës.

“Tash Vuçiqi po tenton t’i ruaj ato, me i ruajt ato që nuk i ka më edhe faktikisht po kërcënon Republikën e Kosovës përmes konferencës së tij për shtyp, mirëpo ky është një kërcenim i cili me thënë të drejtën nuk na bën shumë përshtypje. Ne nuk frikësohemi, nuk shqetësohemi sepse në atë pjesë të vendit janë institucionet e Kosovës, janë institucionet e sigurisë, janë institucionet politike, janë komunat që funksionojnë edhe është shansa e humbur e qytetarëve që kanë mendime të tjera për me marr pjesë në procesin politik edhe me dashtë me qenë bashkëpjesëmarrës në procesin politik. Pas kësaj që ka ndodhur, vendi e ka marrë një drejtim të ri”, u shpreh Konjufca.

Mes të tjerash, Konjufca ka theksuar se Kosova është e fortë dhe e qëndrueshme, duke pasur në veri institucionet e saj të sigurta që funksionojnë normalisht.

Konjufca ka shtuar se ky është një proces i nevojshëm për forcimin e kushtetutshmërisë dhe të shtetësisë së Kosovës.

Kurti do më shumë vota se në vitin 2021: Rezultati duhet të përsëritet e të tejkalohet

Kryeministri i vendit, Albin Kurti, ka kërkuar më shumë mbështetje në zgjedhjet e reja sesa në ato të vitit 2021. Në fjalën e tij në tubimin me gratë e Vetëvendosjes, Kurti u tha atyre se rezultati “duhet të përsëritet e tejkalohet”.

Fjalimin e plotë e ka publikuar në Facebook vetë kryeministri, ku thekson se zgjedhjet parlamentare janë më 9 shkurt dhe kësisoj ka kohë mjaftueshëm për përgatitje.

Kurti: Jam krenar që udhëheq vendin më demokratik në rajon

Kryeministri i Kosovës, Albin Kurti, ka thënë se është krenar që udhëheq vendin më demokratik në rajon.

Të paktën, kështu ka shkruar ai në X, me rastin e Ditës Ndërkombëtare të Demokracisë.

“Si kryeministër i Republikës së Kosovës, jam krenar që udhëheq vendin më demokratik në rajonin tonë dhe një nga demokracitë me përparimin më të shpejtë në botë”, ka shkruar Kurti.

Po ashtu, i pari i qeverisë ka rikonfirmuar se Kosova qëndron krahë partnerëve demokratë dhe aleatëve në mbarë botën “për të punuar së bashku për të siguruar edhe një herë që qeveria e popullit, nga populli, për popullin, të mos humbasë nga dheu”.

E megjithatë, në Ditën Ndërkombëtare të Demokracisë këtë vit, Kurti thotë se “puna jonë është ende e paplotë. Le të kujtojmë se sa shumë kemi luftuar për të arritur në këtë pikë – dhe sa fort duhet të luftojmë ende për të mbrojtur demokracitë e botës nga kërcënimet binjake të autoritarizmit nga brenda, dhe agresionit nga jashtë”.

Hoti: Qeveria aktuale pa asnjë rezultat – është forcuar besimi në vlerat politike e tradicionale të LDK-së

Deputeti i Lidhjes Demokratike të Kosovës, Avdullah Hoti ka njoftuar se Kryesia e Degës së LDK-së në Rahovec ka nisur përgatitjet për zgjedhjet e 9 shkurtit.

Ai ka kritikuar Qeverinë Kurti, duke thënë se nuk ka asnjë rezultat, ndërsa shton se janë të vendosur e të përgatitur për të arritur tek secila familje për të kërkuar besimin për qeverisjen e ardhshme të Republikës së Kosovës.

Postimi i plotë:

Në Kryesinë e Degës së LDK-së biseduam për aktivitetet në muajt në vijim në përgatitje për procesin zgjedhor.

1. Kemi mbledhur energji të reja në degë, përfshirë kandidatin për deputet nga qytetit i Rahovecit, Enis M. Durguti

2. Është forcuar besimi në vlerat politike e tradicionale të LDK-së, në veçanti për shkak të qeverisjes aktuale pa asnjë rezultat, e cila e ka izoluar vendin, ka penguar zhvillimin ekonomik dhe ka bllokuar integrimin euro-atlantik të Kosovës.

3. Jemi të vendosur e të përgatitur për të arritur tek secila familje për të kërkuar besimin për qeverisjen e ardhshme të Republikës së Kosovës.

Vuçiq merr përgjigjen nga Qeveria e Kosovës pasi dje kërkoi mbajtjen e zgjedhjeve në veri

Presidenti i Serbisë, Aleksandër Vuçiq, të premten ka kërkuar që në Kosovë të mbahen zgjedhje të jashtëzakoshme në veri të Kosovës, kjo pasi kryetarët serbë ishin dorëhequr e më pas Lista Serbe i kishte bojkotuar zgjedhjet.

Në lidhje me këtë çështje ka folur Elbert Krasniqi, ministri i Administrimit të Pushtetit Lokal.

Ai ka thënë për mediumin “Arbëria”, se  zgjedhjet në katër komunat veriore mund të mbahen gjatë muajit prill të vitit 2025.

Por ai ka shtuar se meqë zgjedhjet lokale janë në tetor 2025, nuk sheh mundësi që ato të mbahen në prill.

“Që të jemi të qartë, zgjedhjet në katër komunat veriore mund të mbahen gjatë muajit prill të vitit 2025 por meqenëse kalendari për zgjedhjet lokale është i caktuar për muajin tetor të po këtij, viti atëherë nuk shoh mundësi që zgjedhjet në këto komuna të mbahen në muajin prill. Këtë e mundëson udhëzimi administrativ i Qeverisë”, ka thënë Krasniqi.

Po ashtu, Krasniqi ka folur edhe për Urën e Ibrit, ku ka thënë se “do të hapet vetëm në koordinim me KFOR-in”. /Gazeta Imazhi/

Kearns i kërkon qeverisë britanike të fokusohet urgjentisht tek Ballkani: Vuçiq po e përdor strategjinë e Putin për aneksimin e Veriut

Deputetja konservatore në Mbretërinë e Bashkuar, Alicia Kearns, ka reaguar pas masave që Serbia i shpalli si reagim ndaj veprimeve të Kosovës në Veri.

Presidenti i Serbisë, Aleksandër Vuçiq, të premten kërkoi që në pjesën veriore të Kosovës të kthehet “gjendja e mëparshme” duke kërkuar kthimin e policëve në detyrë, të gjyqtarëve e prokurorëve, pagesat me dinarë, lirimin e “të burgosurve politikë” siç i quajti ai serbët e burgosur për shkak të dhunës në Veri kur atje ishin vendosur barrikada.

Ai po ashtu kërkoi themelimin urgjent të Asociacionit, pa të cilin tha se s’ka bisedime.

Duke reaguar në “X”, depuetja britanike ka thënë se pas deklaratave të Vuçiqit, Qeveria e Mbretërisë së Bashkuar duhet të fokusohet urgjentisht në Ballkan.

Aja ka thënë se Vuçiq po e përdor taktikën e Vladimir Putinit duke shpallur plane për aneksimin e veriut të Kosovës.

Më tutje, ajo shtoi se ka kaluar gati një vit nga sulmi në Banjska dhe BE-ja akoma nuk ka sanksionuar Serbinë.

“Pas deklaratave të mbrëmshme të Presidentit Vuçiq, Qeveria e Mbretërisë së Bashkuar duhet të fokusohet urgjentisht në Ballkan”.

“Gati një vit pas sulmit në Banjskë ende nuk ka drejtësi, dhe pavarësisht përfshirjes së shtetit serb, ende nuk ka sanksione nga BE-ja (vetëm marrëveshje për litium dhe avionë). Vuçiq po ndjek strategjinë e Putinit, duke shpallur plane për aneksimin e veriut të Kosovës. Kosova është një shtet sovran”.

“Ballkani duhet të largohet nga pikëpamjet sektare, njerëzit e Kosovës së Veriut dhe serbët e Kosovës meritojnë më shumë, jo të përdoren si pengje dhe gurë shahu në ambiciet irredentiste”, ka shkruar ajo në X, të shtunën.