Në ditën kur vdiq Shpat Kasapi, banorët e BBVK 4 kërcyen e dëfryen me këngën e tij

Banorët e Big Brother VIP Kosova kanë festuar mbrëmjen e së mërkurës me muzikë, pije dhe atmosferë festive për nder të 28 Nëntorit – Ditës së Pavarësisë së Shqipërisë. Shtëpia u mbush me këngë patriotike dhe energji të lartë, ndërsa banorët kërcyen dhe festuan deri në orët e vona.

Megjithatë, një moment i kapur nga kamerat tërhoqi vëmendjen e fansave dhe shkaktoi reagime të përziera në rrjete sociale. Banorët u panë duke u argëtuar me këngën “Valle Kosovare”, një prej hiteve më të njohura të artistit të ndjerë Shpat Kasapi.

Ky moment u konsiderua i ndjeshëm, pasi ndodhi në të njëjtën ditë kur u konfirmua lajmi i rëndë për ndarjen nga jeta të këngëtarit 40-vjeçar, lajm që tronditi mbarë trevat shqiptare dhe komunitetin artistik. Shumë nga ndjekësit e programit e cilësuan të papërshtatshëm përdorimin e kësaj kënge në një atmosferë festive, duke theksuar se Shpati ishte një figurë shumë e dashur dhe respektuar në muzikën shqiptare.

VIDEO

Nga ana tjetër, një pjesë e fansave thanë se këndimi i këngës së tij mund të shihej edhe si homazh i pavetëdijshëm, pasi “Valle Kosovare” mbetet një simbol i gëzimit, kulturës dhe identitetit shqiptar.

Pavarësisht reagimeve të ndryshme, pamjet e mbrëmjes u bënë virale dhe ndezën diskutime për raportin mes festës dhe ndjeshmërisë ndaj ngjarjeve të trishta që prekën publikun.

“Albin BABA”, Kurti pritet me brohoritje në Kazermën “Adem Jashari” nga disa fëmijët – e pyesin: A po fitojmë pa balotazh?

Kryeministri në detyrë i Kosovë, Albin Kurti ka arritur në Kazermën “Adem Jashari” për nderë të “Ditës së Forcës”, atje ku janë hapur sot dyert për qytetarët.

Kurti teksa shoqërohej nga presidentja e vendit, Vjosa Osmani, ish-kryekuvendari Dimal Basha, si dhe ministri në detyrë i Mbrojtjes, Ejup Maqedonci, takoi ushtarët e FSK-së.

Megjithatë një takim të shkurtët e zhvilloi edhe nxënësit e disa shkollave të cilët e pritën me brohoritje “Albin BABA”, “A po fitojmë pa balotazh”.

Pamje nga GazetaDemos:

“E mora në telefon se ma ndjeu zemra, por nuk e hapi”, miku i ngushtë i Shpat Kasapit tregon momentet e fundit me të

Një nga miqtë më të ngushtë të këngëtarit Shpat Kasapi ka ndarë sot momentet e fundit me të para se i ndjeri të largohej drejt Italisë.

Meti Myrtezani ka treguar se e ka përcjellë Shpatin për në aeroport dhe më pas ka folur me të edhe disa herë të tjera gjatë ditës së djeshme, deri në telefonatën e fundit që ai i kishte bërë rreth orës 22:00 por që këngëtari nuk kishte mundur t’i përgjigjej.

“Kur e kam marrë nga shtëpia për në aeroport kemi biseduar për punë familjare, shkonte në Itali për djalin, vetë nuk ka pasur probleme shëndetësore. Biseda e fundit ka qenë dje në orën 20:00.

“Më tha, vëllai jem jam me grip, jam ftohur. Sa mbarova punë me djalin. Të premten më tha të shkoja në aeroport. E kam marrë nga ora 22:00 se ma ndjeu zemra por nuk ma hapi. Më mori kunati vet nga ora 1 dhe më tregoi. Tani jam rrugës për në Itali se nuk mund ta besoj akoma. Edhe kur ka firmosur për në Big Brother kemi qenë bashkë në Top Channel”, tha Meti.

Miku i tij i ngushtë ka treguar edhe momentin e vështirë kur i është dashur që lajmin ta ndajë edhe me familjarët e Shpatit, duke u shpreh se e kishte të pamundur dhe nuk e përballonte dot përgjegjësinë që kishte.

“Kam qenë në mëngjes për t’i treguar mamit të vet. Nuk dija si t’ia thoja, se përballoja dot. I kam tregu motrës së vetë por nuk ndenja dot më pastaj”, u shpreh miku i tij, Meti Myrtezani.

“Shpati ktheu sytë nga djali në momentet e fundit”, rrëfimi rrëqethës i mikut të artistit

Vdekja e papritur e Shpat Kasapit ka tronditur familjen dhe gjithë popullin shqiptar.

Ai dyshohet se vdiq pas një sulmi në zemër gjatë qëndrimit në Itali, bashkë me ish-gruan dhe djalin – të cilin e kuronin atje.

Për momentet e fundit të artistit ka për RTSH-në, miku i tij Marigleni.

Ai ka treguar se në momentin që ka ndërruar jetë, sipas informacioneve që ka marrë nga Selvije Jao, Shpati i ka kthyer sytë nga djali.

“Në momentin që ka ndërruar jetë në biseda që pata me Selvijen ka dashur të thotë dicka dhe i ka kthyer sytë nga djali. Shyqyr që ishin bashkë dhe e pa për herë të fundit djalin aty pranë”, tha ai.

Mblidhet qeveria në detyrë, 14 pika në rend të ditës

Qeveria në detyrë do të mblidhet sot.

Në njoftimin për media është bërë e ditur se mbledhja do të nisë në ora 12:00.

Në rend të ditës në mbledhjen e sotme janë gjithsej 14 pika.

Në mbledhjen e ekzekutivit sot pritet të shqyrtohen propozim-vendimet për disa shpronësime. Po ashtu sot kabineti qeveritar në detyrë pritet të shqyrtojë propozim-vendimin për ndarjen e mjeteve buxhetore në kategorinë e shpenzimeve “paga dhe shtesa” për nëntor 2025 për Ministrinë e Punëve të Brendshme.  /Reporteri.net/

“Hamdia” reagon pas fyerjeve ndaj bashkëshortes dhe djalit të tij 9-vjeçar: Falënderoj Allahun që nuk e kam takuar përballë …

Sipas postimit të Gashit, djali i tij 9-vjeçar kishte marrë pjesë në programin shkollor për 28 Nëntorin, ku performoi me sukses duke kënduar këngën “Mora fjalë” dhe duke veshur simbole kombëtare, shkruan Indeksonline.

Pas programit, djali dhe nëna e tij kaluan në shesh, ku sipas Gashit, djali i preku pa qëllim këmbën njërit prej kalimtarëve.

Ky person, sipas aktorit, reagoi me fyerje të rënda dhe ofendime ndaj familjes dhe besimit të tyre, duke përfshirë edhe deklarata islamofobike. Gashi shprehu tronditjen e tij dhe theksoi se nuk do të tolerojë urrejtje ndaj familjes së tij.

Postimi i plotë:

“Skandal në një ditë gëzimi

Sot djali im 9-vjeçar pati programin shkollor për 28 Nëntorin. I veshur me pantallona të zinjë dhe me bluzën me shqiponjën dykrenare në gjoks, ai shkëlqeu në skenë bashkë me shoqet dhe shokët e klasës duke kënduar “Mora fjalë”. Na emocionuan të gjithëve – mua, bashkëshorten dhe fëmijët.

Pas programit, bashkëshortja mori fëmijët dhe shkoi te takohej me motrën e saj në sheshin “Zahir Pajaziti”. Nili, i emocionuar e i gëzuar, duke ecur në shesh preku lehtë këmbën e një djali rreth të 30-ave. Një prekje e pafajshme e një fëmije 9-vjeçar, i shoqëruar me nënën e tij të mbuluar… dhe kjo mjaftoi që ky tip i sëmurë nga islamofobia të shpërthente në ofendime ndaj një nënë me dy fëmijë të vegjël.

E shau, e ofendoi në mënyrën më banale. Dhe kur pa që po injorohej, ai vazhdoi me fyerje që s’kanë vend në asnjë shoqëri: “Juve duhet me ja sh*** edhe Muhamedit edhe Jezusit.”

I befasuar dhe i tronditur, Nili mori telefonin e nënës dhe më thirri për të treguar çfarë kishte ndodhur.

Falenderoj Allahun që nuk e kam takuar unë përballë. Sot lajmet ndoshta do të raportonin për një Dardan që as familja, as shoqëria, as kush nuk e kishte njohur “ashtu”. I mbushur me mllef vendosa të shprehem publikisht.

Ky tip është produkt i narrativave të atyre gerrgjylave të moshuar të “Lëvizjes së Deçanit” dhe pseudo-profesorëve si Blerim Latifi, që ushqejnë kokat bosh me urrejtje ndaj muslimanëve. Por duhet ta kuptojnë një gjë: çdo mllef ka një kufi. E kur shperthen, le ta dinë këta islamofobë që, vallahi, në damarët tanë qarkullon gjaku i Shaban Polluzhës e Azem Galicës.

Një betim po ua bëj: nuk kam krenari më të madhe sesa me e mbrojt nderin dhe familjen time, me çdo çmim”./Indeksonline/

 

Ngjarje e rëndë në Zubin Potok, nga shpërthimi i një granate vdes një 56 vjeçar

Një person ka vdeskur pas shpërthimit të një granate dore në fshatin Popovicë të komunës së Zubin Potokut.

Lajmin për Gazetën Online Reporteri.net e ka konfirmuar shefi i operativës rajonale për Mitrovicën Veriore, Petrit Fejza.

Viktima është identifikuar me inicialet M.P., i lindur në vitin 1969.

“Me datë 26.11.2025 rreth orës 16:45 jemi njoftuar se ne fshatin Popovicë të Z.Potokut është një person i vdekur, deri te vdekja pas ekzaminimit të vendit të ngjarjes nga njësitet relevante të policisë ka ardh si pasoj e shpërthimit të një granate të dorës.”, tha ai.

Pas ekzaminimit të vendit të ngjarjes nga njësitet relevante policore, është konstatuar se vdekja ka ardhur si pasojë e shpërthimit të një granate dore.

Rasti është iniciuar si “Hetim mbi vdekjen”, ndërsa me urdhër të Prokurorit të Shtetit, trupi i pajetë i viktimës është dërguar për obduksion.

Isa Mustafa: Agim Veliut duhet t’i jepet shansi për deputet, ka ndikim të rëndësishëm në LDK në Podujevë

Ish-kryetari i Lidhjes Demokratike të Kosovës (LDK), Isa Mustafa, ka thënë në “Pressing” të T7 se Agim Veliut duhet t’i jepet shansi që të garojë në listën e LDK-së për deputet.

Ai ka thënë se Veliu do t’i ndihmonte në rritje degës së LDK-së në Podujevë.

“Unë mendoj që Agim Veliu ka një ndikim të rëndësishëm në LDK e Podujevës që mund t’i kontribuojë konsolidimit dhe rritjes së LDK-së në Podujevë, pa marrë parasysh që nuk është kryetar në atë degë”, ka thënë Mustafa

Agim Veliu tregon se a do të jetë kandidat i LDK-së për deputet

Ish-kryetari i Lidhjes Demokratike të Kosovës (LDK), Isa Mustafa, ka thënë në T7 se Agim Veliut duhet t’i jepet shansi që të garojë në listën e LDK-së për deputet.

“Unë mendoj që Agim Veliu ka një ndikim të rëndësishëm në LDK e Podujevës që mund t’i kontribuojë konsolidimit dhe rritjes së LDK-së në Podujevë, pa marrë parasysh që nuk është kryetar në atë degë”, ka thënë Mustafa.

E, GazetaDemos kontaktoi me Veliun ku e pyeti se a do jetë ai kandidat i kësaj partie për deputet të Kuvendit.

I njejti i tha “DEMOSIT” se kjo pyetje duhet ti drejtohet kryesisë së LDK-së dhe jo atij.

Tutje Veliu nuk tregoi se a është i gatshëm të pranojë të kandidojë për deputet nëse ia kërkon partia.

“Ishte i rënduar, e tregonte fytyra”, Ish missi zbulon takimin me Shpatin dy ditë më parë

Lajmi për ndarjen e parakohshme nga jeta të këngëtarit të dashur, Shpat Kasapi, në moshën 40-vjeçare, ka tronditur mbarë opinionin publik.

Ndërsa raportohet se artisti ka ndërruar jetë në Itali pas një ataku kardiak, një dëshmi e re hedh dritë mbi momentet e tij të fundit para udhëtimit.

Ish-missi Arbesa Rrahmani ka zbuluar përmes një postimi prekës se e ka parë Shpatin krejt rastësisht të hënën që lamë pas, në Aeroportin e Shkupit. Ky takim, që mbase përkon me nisjen e tij drejt Italisë, përshkruhet si një moment i trishtë ku këngëtari dukej i rënduar.

“Shpatin e pashë rastësisht të hënën në Aeroportin e Shkupit, te zona ku pihet duhani! Të gjithë e shikonin, ai nuk shikonte askënd, la një cigare në gjysmë dhe u largua,” – shkruan Arbesa.

Ajo thekson se gjendja e tij emocionale ishte e dukshme në fytyrë, një detaj që sot merr një kuptim tragjik.

“Më besoni që nuk ia thashë askujt që e pashë! Ishte i rënduar emocionalisht, e tregonte fytyra e tij. Nuk e besova aspak kur dëgjova lajmin e trishtë sot! Nuk ka dy ditë që e pashë me sy,” – përfundon ajo, duke e mbyllur me lutjen që ai të bëhet një engjëll i parajsës.