Thellohet aleanca VV-AAK për balotazhin, zyrtarizohet një tjetër koalicion mes tyre

Lëvizja Vetëvendosje dhe Aleanca për Ardhmërinë e Kosovës kanë thelluar bashkëpunimin për raundin e dytë të zgjedhjeve lokale.

Dy subjektet politike të cilat shkëmbejnë akuza të ashpra ndaj njëra-tjetrës në nivel qëndror, kanë lidhur koalicion për balotazhin e zgjedhjeve lokale në Komunën e Vitisë.

Në balotazh, AAK-ja do ta mbështesë kandidatin e Vetëvendosjes, Arsim Ademin, kundrejt Sokol Halitit të LDK-së.

Marrëveshja për bashkëqeverisje mes LVV-së dhe AAK-së është nënshkruar mëngjesin e sotëm, ka bërë të ditur kryetari i Degës së AAK-së në Viti, Labinot Bislimi.

“Sot në mëngjes nënshkruam marrëveshjen e koalicionit në nivel të degëve dhe i zgjatem dorën njëri-tjetrit me kandidatin për kryetar, z. Arsim Ademi”, shkroi Bislimi në një postim në Facebook të premten.

“Ky koalicion është rrjedhojë e natyrshme e situatës dhe e vet pozicionimit tonë karshi të keqes së komunës së Vitisë që me emër thërrasim Sokol Haliti”, tha Bislimi.

Bislimi tha se Dega e AAK-së në Viti “nuk ka qëndruar asnjëherë indiferente ndajë proceseve dhe nuk ka pasur asnjëherë pozicion neutral përballë të keqes”.

Lëvizja Vetëvendosje dhe AAK-ja, deri më sot kishin lidhur marrëveshje koalicioni edhe në Fushë Kosovë, Junik dhe Prizren.

I dyshuari për vrasjen e dyfishtë në Gollubovc, u kap në këtë shtëpi të pabanuar

Në orët e hershme të mëngjesit të sotëm, rreth orës 06:30, policia ka arritur ta kapë Astrit Isufin, i cili dyshohet për vrasjen e dyfishtë të ndodhur të enjten në Gollubovc të Malishevës.

Isufi është gjetur nga zyrtarët policorë teksa fshihej në një shtëpi të pabanuar në fshatin Pllaçicë, jo larg vendit të ngjarjes.

Në momentin e kapjes, Isufi ishte i lënduar. Menjëherë pas arrestimit, atij iu ofrua ndihmë e parë mjekësore në Qendrën Kryesore të Mjekësisë Familjare në Malishevë, ndërsa më pas u dërgua për trajtim të mëtejmë në Qendrën Klinike Universitare të Kosovës.

Ky ishte vendi ku u fsheh Astrit Isufi – dhëndërri që i la të vdekur dy miqtë e tij

Pas kërkimeve intensive gjatë ditës së djeshme, e edhe natës së mbrëmshme, Policia e Kosovës ka arritur ta arrestojë të dyshuarin, Astrit Isufi, për krimin e rëndë që tronditi gjithë vendin, pasi la të vdekur nga arma e zjarrit dy vëllëzërit e bashkëshortes së tij, Driton Morina e Naim Morina, raporton GazetaDemos.

Me kapjen e tij, në pah kanë dalë edhe detaje të reja rreth rastit. Siç bëhet e ditur në konfirmimin e Policisë, i njëjti u kap në një shtëpi të pabanuar, sot rreth orë 06:30 në fshatin Plloqicë.

Pas arrestimit, është vërejtur se i njëjti është i plagosur me çrast u dërguar në Qendrën e Mjekësisë Familjare në Malishevë, ku mori ndihmën e parë mjekësore.

Teksa, për trajtim më të thelluar mjekësor, Isufi u dërgua më pas në Qendrën Klinike Universitre të Kosovës.

Prokuroria bëri të ditur se rreth rastit janë duke u marr veprimet e nevojshme, teksa brenda afatit të paraparë ligjor, ndaj të dyshuarit A.I., do të paraqitet kërkesa për caktimin e masës së paraburgimit në Gjykatën kompetente.

“Prokuroria Themelore në Gjakovë, njofton opinionin publik, se lidhur me rastin e vrasjes së dyfishtë të ndodhur në fshatin Golluboc, Komuna e Malishevës, është arrestuar personi i dyshuar A.I., i cili më parë kishte qenë në arrati.

Lidhur me rastin, Policia e Kosovës, në koordinim të plotë me Prokurorin e Shtetit, është duke ndërmarrë të gjitha veprimet e nevojshme.

Brenda afatit të paraparë ligjor, ndaj të dyshuarit A.I., do të paraqitet kërkesa për caktimin e masës së paraburgimit në Gjykatën kompetente”, thuhet në njoftim.

Aksion i madh i Policisë, arrestohen tre persona, kapen armë, granata dore

Një aksion i madh policor është zhvilluar në dy fshatra të Deçanit, Drenoc dhe Isniq gjatë së cilit janë prangosur tre persona.

Tek pronat e të dyshuarve janë kapur armë, granata dore e narkotikë.

“Më 06.11.2025 Njësitë e DHTN-Pejë në bashkëpunim me Prokurorinë Themelore Pejë, kanë kryer bastisje në pronat e tre të dyshuarve meshkuj kosovarë ku janë gjetur dhe sekuestruar: 161.9 gramë substancë që dyshohet të jetë narkotike e llojit marihuanë, një armë AK 47, një armë e gjatë gjysmë automatike, një pushkë ajrore (jofunksionale) dy granata dore, 236 fishekë kalibrash të ndryshëm, pjesë dhe pajisje optike për armë, dy bajoneta, 2 peshore elektrike për matjen e narkotikëve, qese të ndryshme për paketim të narkotikëve, 3 telefona celularë etj”.

“Tre të dyshuarit janë arrestuar dhe pas intervistimit me vendim të prokurorit dy nga ta janë dërguar në mbajtje, ndërsa një është liruar në procedurë të rregullt”, thuhet në raportin 24-orësh të policisë

Astrit Isufi është i plagosur, u transferua në QKUK

Pas disa orësh kërkim intensiv, Policia e Kosovës ka arritur ta arrestojë të arratisurin e dyshuar për vrasjen e dy vëllezërve Morina, dje në Gullbovc të Malishevës, dhëndërrin e tyre, A.I, raporton GazetaDemos.

Lajmin e ka konfirmuar zëdhënësi i Policisë për rajonin e Gjakovës, Lumni Graishta, i cili ndër tjera njoftoi se i dyshuari ka marrë trajtim mjekësor në QMF-në e Malishevës, për shkak se kishte mbetur i plagosur gjatë përleshjes.

Pas trajtimit në QMF, i njëjti është dërguar në QKUK, për shkak të lëndimit.

“Po. Sot rreth orë 06:30 është arrestuar në fshatin Plloqicë. I dyshuari është i plagosur dhe pas ndihmës së parë në QKMF Malishevë i njëjti është transferuar në QKUK për trajtim të mëtutjeshëm”, thuhet në njoftim.

Përveç Policisë, me njoftim zyrtar ka dalë edhe Prokuroria.

Siç bëhet e ditur rreth rastit janë duke u marr veprimet e nevojshme, teksa brenda afatit të paraparë ligjor, ndaj të dyshuarit A.I., do të paraqitet kërkesa për caktimin e masës së paraburgimit në Gjykatën kompetente.

Njoftimi i Prokurorisë:

Prokuroria Themelore në Gjakovë, njofton opinionin publik, se lidhur me rastin e vrasjes së dyfishtë të ndodhur në fshatin Golluboc, Komuna e Malishevës, është arrestuar personi i dyshuar A.I., i cili më parë kishte qenë në arrati.

Lidhur me rastin, Policia e Kosovës, në koordinim të plotë me Prokurorin e Shtetit, është duke ndërmarrë të gjitha veprimet e nevojshme.

Brenda afatit të paraparë ligjor, ndaj të dyshuarit A.I., do të paraqitet kërkesa për caktimin e masës së paraburgimit në Gjykatën kompetente.

Detaje të reja: I dyshuari për vrasjen e dy vëllezërve u kap i plagosur

Pas një operacioni intensiv kërkimor që zgjati gjatë natës, Policia e Kosovës ka arritur të kapë Astrit Isufin , i dyshuari për vrasjen e rëndë të Naim Morinës dhe Driton Morinës në fshatin Golluboc të Malishevës.

Si ndodhi vrasja?

Më 06.11.2025, rreth orës 11:25, njësitë e hetimeve rajonale, kanë dalë në vendin e ngjarjes, ku dy vëllezërit Morina ishin qëlluar për vdekje para shtëpisë së tyre.

Trupat e pajetë, fillimisht të vendosur në QMF Kijevë, janë tërhequr nga mjekësia ligjore dhe dërguar për autopsi në IML Prishtinë, me urdhër të Prokurorit të Shtetit.

Operacioni i kërkimit

Pavarësisht kontrolleve intensive, gjatë ditës së djeshme nuk është arritur të lokalizohet i dyshuari Astrit Isufi.

Rasti kishte implikuar edhe një motiv të rënduar familjar, pasi viktimat ishin vëllezër, ndërsa bashkëshortja e të dyshuarit është motra e tyre.

Kapja e të dyshuarit – i plagosur

Sot, më 07.11.2025, rreth orës 06:24, një zyrtar policor ka njoftuar se ka ndalur Astrit Isufin në fshatin Plloqicë, ku i njëjti është gjetur i plagosur, dyshohet nga armë zjarri

Njësitë policore dhe një ekip mjekësor i QKMF-së kanë dalë menjëherë në vendngjarje, kanë marrë të dyshuarin dhe e kanë transportuar në QKMF Malishevë, ku po i jepet ndihma e parë.

Policia po siguron vendin dhe të dyshuarin deri në stabilizim të gjendjes së tij.

Veprimet e mëtejshme

Prokuroria dhe njësitë relevante janë njoftuar, ndërsa priten detaje të tjera në lidhje me rrethanat e arrestimit, plagosjen dhe procedurat e mëtutjeshme.

Hetimet po vazhdojnë.

Sinjali do të sjellë informacione të reja sapo të konfirmohen.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Arrestohet i dyshuari për krimin e dyfishtë në Golluboc

Prokuroria Themelore në Gjakovë, njofton opinionin publik, se lidhur me rastin e vrasjes së dyfishtë të ndodhur në fshatin Golluboc, Komuna e Malishevës, është arrestuar personi i dyshuar A.I., i cili më parë kishte qenë në arrati.

Lidhur me rastin, Policia e Kosovës, në koordinim të plotë me Prokurorin e Shtetit, është duke ndërmarrë të gjitha veprimet e nevojshme.

 

 

Brenda afatit të paraparë ligjor, ndaj të dyshuarit A.I., do të paraqitet kërkesa për caktimin e masës së paraburgimit në Gjykatën kompetente.

Sot do të varroset 25-vjeçarja nga Gjakova që vdiq tragjikisht

Të premten e 7 nëntorit varroset Daorsa Spahija, 25-vjeçarja nga Gjakova që vdiq mbrëmë në Tetovë të Maqedonisë së Veriut.

Këtë e kanë bërë të ditur familjaret e së ndjerës, derisa njoftuan se varrimi do të bëhet në varrezat e qytetit të Gjakovës me fillim nga ora 14:00, transmeton Klankosova.tv.

25-vjeçarja ishte studente e nivelit master në Tetovë, derisa ende mbeten të paqarta rrethanat e vdekjes së saj.

Prokuroria Themelore në Tetovë ka njoftuar se janë intensifikuar hetimet dhe do të ndërmerren të gjitha masat deri në zbardhjen e plotë të rastit, ku shtuan se të dhënat e para nuk japin indikacione për vepër penale.

Nga ana tjetër, gazetarja Liridona Vejseli ka thënë se viktima kishte pasur vazhdimisht presion fizik dhe psikik nga i dashuri i saj.

Deputeti i VV-së: PDK e LDK gati i kanë bashkuar zyrat, Limajn e kanë bërë zëdhënës

Anëtari i Lëvizjes Vetëvendosje, Alban Bajrami ka thënë se propozimi i Glauk Konjufcës për kryeministër, ka qenë kompromis që e kanë bërë për formimin e një qeverie deri në pranverë dhe për ta votuar buxhetin e vitin 2026.

Ai ka thënë se ata kanë mundur të mos japin emrin e dytë dhe vendi të shkojë në zgjedhje, që sipas tij në këtë kohë ku siç ka thënë ai PDK e LDK vet “gati sa nuk i kanë bashkuar zyrat”, LVV-së i konvenojnë zgjedhjet

“Përtej secilës parti politike Glauk Konjufca, është më unifikuesi dhe propozimi është i thjesht, kjo është një solucion deri në zgjedhjet e radhës që vijnë për shkak të presidentit. Tregon një karakter tepër altruist të Albin Kurtit. Kemi mundur të mos dërgojmë mandatar tjetër dhe vendi të shkojë në zgjedhje dhe të rrezikohej buxheti 2026. Ne kemi dhënë këtë si opsion i cili është i dhimbshëm për neve, për shkak se në këtë pozicion ku PDK –ja e LDK-ja gati sa nuk i kanë bashkuar zyrat, për neve është e favorshme për me shkua në zgjedhje. Kurrë nuk ka qenë më e qartë për popullin që PDK-ja e LDK-janë të njëjtë”, ka thënë Bajrami në emisionin “InfoNata” në Tëvë1.

Ai ka thënë se opozita nuk është pa përgjegjësi për situatën aktuale, pasi sipas tij janë barrikaduar dhe kanë krijuar zëdhënsin e ri, Fatmir Limajn.

Opozita janë barrikaduar edhe e kanë krijuar edhe zëdhënësin e tyre, Fatmir Limajn që po thotë tash se opozita duhet me shkua krejt bashkë në zgjedhje. Na po lutemi që ata me shku krejt bashkë,qysh u kanë ajo shprehje e Glauk Konjufcës, ‘për dore ata krejt bashkë i mundim të gjithë’”, ka thënë Bajrami.

Arbër Rexhaj lavdëron Albin Kurtin: E do Kosovën më shumë se veten

Deputeti i VV-së thekson se përkushtimi i Kurtit për vendin siguron fitore për Kosovën.

Deputeti i Vetëvendosjes, Arbër Rexhaj, ka vlerësuar publikisht udhëheqësin e partisë, Albin Kurti, duke thënë se ai e do Kosovën më shumë se veten. Sipas Rexhajt, kjo pasqyron përkushtimin e Kurtit për të vendosur interesin e vendit mbi interesin personal.

“Prandaj, kështu veç Kosova fiton,” ka theksuar Rexhaj, duke shtuar se vendosmëria e liderit të VV-së garanton përparim dhe stabilitet për qytetarët e vendit. Deklarata e tij vjen në një kohë kur çështjet e zhvillimit dhe politikave qeverisëse janë në fokus të opinionit publik, duke nxjerrë në pah figurën e Kurtit si një lider që prioritizon shtetin mbi gjithçka tjetër.