Qytetari alarmon me faturën: 715 euro rrymë për një market 170 metra

Rritja e çmimit të energjisë elektrike ka filluar të vë në pah efektet negative tek qytetarët.

Një person ka publikuar fotografinë e faturës së rrymës në rrjetet sociale, ku pretendon se ia kanë regjistruar 715 euro borxh për një lokal 170 metra katrorë, shkruan Insajderi.

Sipas tij, deri para një muaji, paguante energji 400-450 euro.

Shkrimi i plotë:

Si është e mundur me mbijetu me 715 euro rrymë?

Këtë muaj më ka ardhur fatura e rrymës 715 euro për një market prej 170 metrash katrorë. Deri para një muaji më ka ardhur nga 400 deri në 450 euro. Kjo rritje është e pakuptimtë dhe e papërballueshme për një biznes të vogël.

Na kanë zënë në gjumë si qytetarë të Kosovës. Sot, pasojat i ndjejmë ne – qytetarët dhe bizneset e vogla, por edhe ato të mëdha, sepse ky shtet mbahet nga bizneset private. Shtetërore nuk di çka ka që prodhon! Kjo qeveri nuk mendon për qytetarët, e më së paku për bizneset, prej të cilave vetë i merr të gjitha të hyrat dhe pagat.

Ky nuk është vetëm problem imi – është problem i të gjithëve!

Tërmet në Maqedoni të Veriut

Një tërmet me magnitudë sipas shkallës së Rihterit prej ML 2.4 ballë u regjistrua në orën 3 e 59 minuta të mëngjesit me epiqendër në Peshtani-Ohër-Strugë, rreth 115 kilometra në jugperëndim të Shkupit.

Observatori sizmologjik në Fakultetin e Shkencave natyrore- matematikore në Shkup kumtoi se, sipas të dhënave të deritashme, tërmeti u ndje në Ohër dhe zonën përreth me një intensitet prej III ballë sipas Shkallës evropiane makroseizmike, raporton Alsat M.

Nuk ka informacione për dëme materiale nga ky tërmet.

“Fituesja ka pasur telefon, fliste me familjen” – ish-banori zbulon çfarë ndodhte në BBVA

Ish-banori i “Big Brother VIP Albania”, Liam Mandiaro, ka ngritur akuza serioze për manipulim dhe mungesë transparence brenda formatit, duke aluduar se lojtarë të caktuar kanë pasur trajtim të privilegjuar gjatë qëndrimit në shtëpi.

Në një deklaratë të bërë publike, Liami u shpreh: “Fituesja ka pasur telefon në dhomën e rrëfimit dhe fliste me familjen.

Kjo deklaratë ka nxitur reagime të forta në rrjete sociale, pasi, pa përmendur emër, ai përdori fjalën “fituesja”, që shumica e ndjekësve e kanë lidhur me Egla Ceno, fituesen e edicionit të fundit të BBVIP.

Sipas Liamit, kjo përbën një avantazh të padrejtë, duke qenë se pjesëmarrësit e tjerë ndodheshin në izolim të plotë, siç kërkon formati.

“Ka pasur favorizime që kanë ndikuar drejtpërdrejt në rezultatin final,” tha ai.

Ndër të tjera, ish-banori shtoi se ka vënë re tabela me udhëzime në dhomën e rrëfimit, për të cilat u njoftua se “nuk janë për të”.

Kjo, sipas tij, shton dyshimet për ndërhyrje të mundshme në rrjedhën e lojës.

E dhimbshme: Vdes Besnik Klaiqi, ish-luftëtari i UÇK-së e ish i burgosuri politik

Ka vdekur ish-luftëtari i Ushtrisë Çlirimtare të Kosovës, Besnik Klaiqi, i cili njëherit ishte edhe i burgosur politik së bashku me Ukshin Hotin. Klaiqi ishte edhe njëri nga të mbijetuarit e masakrës në burgun e Dubravës.

Lajmin për vdekjen e tij e kanë bërë të ditur familjarët.

Të njëjtit njoftuan se i ndjeri vuante nga një sëmundje e rëndë tash e disa kohë.

“U shua para kohe nga kjo jetë, i dashuri shoku ynë Besnik Klaiqi, pas një sëmundjeje të rëndë dhe të papritur. Zemrat tona sot janë të thyera… sepse humbëm jo vetëm një mik, por një bashkë luftëtar që ndriçoi çdo rrugë ku kaloi gjatë përpjekjeve për liri e bashkim kombëtar”, thuhet në një njoftim.

Haxhiu tregon nëse VV mund të japë emër tjetër për kryeparlamentar

Deputetja e Vetëvendosjes, Albulena Haxhiu, e cila është edhe e propozuara e partisë së saj për kryeparlamentare, ka përsëritur atë që dje ta shefi i saj, Albin Kurti, që “opozita po  ia zgjat mandatin e Qeverisë Kurti”.

Ajo ka bërë përgjegjëse deputetët e partive të tjera për bllokadën në Kuvendin e Kosovës, duke insistuar sërish se tashmë çështja është të mungesa e votimit për Komisionin zgjedhor që do të mundësonte votimin e fshehtë dhe jo te mungesa e votave për të.

E pyetur nëse Vetëvendosje mund të japë një emër tjetër për kryerparlamentar, Haxhiu tha se për këtë flet partia, por se fillimisht duhet të formohet Komisioni.

“Sa herë të flisni për propozimin e Vetëvendosjes, ta merrni përgjigjen nga Lëvizja Vetëvendosje. Ajo e ka dhënë propozimin e saj dhe në këtë drejtim më s’po flasim më për emrin, por për Komisionin për votimin e fshehtë. Kushedi, ndoshta Vetëvendosja do ta ketë një qëndrim tjetër. Por, opozita s’po lejon as të shkojë te propozimi i radhës, por që është e rëndësishme që të vazhdojmë”.

Haxhiu pretendoi se për të dhe partinë e saj është i rëndësishëm konstituimi i Kuvendit të Kosovës dhe më pas krijimi i qeverisë së re meqë Vetëvendosje insiston se ka numrat për qeverinë.

“E rëndësishme është që të përmbyllet konstituimi i Kuvendit dhe të vazhdojmë me qeverinë e re. Kemi shumë punë për të bërë”.

Ajo tha se janë në pritje të vendimit të Gjykatës Kushtetuese rreth ndryshimit të procedurës – nga votim i hapur në të fshehur – çështje të cilën e ka dërguar AAK për vlerësim.

“Urojmë që të dalë sa më parë. Do ta respektojmë vendimin e GJykatës Kushtetuese, por s’mund ta respektojë vetëm një parti. Problemi kryesor është që opozita ka vendosur të vijë në seancë e të mos votojë. Veprim i papërgjegjshëm politik – është edhe shkelje e aktgjykimit të GJK, por edhe duke ardhë në seancë dhe duke mos votuar ky është qëndrim barrikadues”.

Dafina Zeqiri ndan lajmin e jetës: Po bëhem nënë

Këngëtarja, Dafina Zeqiri ka njoftuar se ka ardhur në jetë djali i saj.

“Shumë gati ta takoj djalin tim të vogël”, ka shkruar ajo në profilin e saj në Instagram.

 

 

“Mirëseerdhe në jetë, mbesa ime“, Dani bëhet gjysh

Ramadan Krasniqi – Dani, një nga emrat më të dashur të muzikës shqiptare, ka ndarë me publikun një moment të veçantë të jetës së tij personale: lindjen e mbesës së tij.

Vajza e tij, Fjanda Krasniqi, ka sjellë në jetë një vajzë të vogël, të cilën e pagëzuan me emrin Enda.

Dani, i prekur nga emocionet, ka postuar një fotografi në rrjetet sociale, ku shfaqet duke mbajtur në krahë mbesën e sapolindur, e cila është mbështjellë me një batanije të bardhë, simbol i dashurisë dhe ngrohtësisë familjare.

Në përshkrimin e imazhit, ai shkruante: “Mirë se erdhe në jetë, mbesa ime Enda”.

Ky është 48 vjeçari që vdiq në aksidentin mes një veture dhe një motoçiklete në Lipjan

Një aksident i rëndë trafiku ka ndodhur sot pasdite në Sllovi të Lipjanit, ku një motoçiklist u aksidentua me një automjet.

Drejtuesi i motoçikletës E.B., pësoi plagë të rënda trupore, të cilave nuk iu bëri ballë.

Rastin e ka konfirmuar edhe zëdhënësja e policisë për rajonin e Prishtinës, Flora Ahmeti.

Sot rreth orës 18:00 në fshatin Sllovi të Lipjanit, ka ndodhur një aksident trafiku ku janë përfshirë një automjet dhe një motoçikletë.

Po ashtu është publikuar fotoja e të ndjerit.

Piraj demanton lajmet për mishin me Salmonella: Jemi mashtruar nga kompania eksportuese

Kompania “Meka Halal Food”, e njohur për prodhimin dhe tregtimin e produkteve me certifikim “hallall” dhe cilësi të lartë, është përmendur në një raport të fundit të Agjencisë së Ushqimit dhe Veterinarisë, sipas të cilit në depon e saj janë gjetur mbi 20 mijë kilogramë mish pule të infektuar me bakterin Salmonella.

Sipas këtij raporti, mishi konsiderohet i papërshtatshëm për konsum dhe Agjencia ka urdhëruar kthimin ose asgjësimin e tij.

Pirro Piraj, djali i pronarit të kompanisë “Meka Halal Food”, në një prononcim për “Front Online” ka reaguar ashpër ndaj raportimeve që lidhen me mish pule të infektuar me salmonellë, të cilat u publikuan së fundmi nga disa media.

Ai i ka cilësuar këto lajme si të pavërteta dhe ka demantuar kategorikisht përfshirjen e kompanisë së tyre në këtë rast.

Piraj ka shpjeguar në detaje se si e është eliminuar mishi i infektuar nga kompania e tyre.

“Jemi mashtruar nga kompania. Ata nuk guxojnë të eksportojnë mall që është i infektuar me salmonell, në moment që vjen në kufi merren analizat prej agjencisë të ushqimit kur merret analiza malli shkarkohet tek ne në depo se analizën duhet me prit disa ditë dhe tek ne vendoset me një vend të veçantë dhe nuk përdoret deri të vjen vendimi i inspektoratit të AUV për me përdor këtë mall ose jo, në këtë rast ka dal që ky mall është i infektuar me salmonell”,deklaroi ai.

Ai thotë se sapo është konstatuar infektimi, kompania ka kërkuar asgjësimin e produktit, dhe pala tjetër ka kërkuar kthimin e tij.

“Ne kemi thirr kompaninë dhe kemi kërkuar që malli të asgjësohet se nuk përdoret, kompania ka thënë se duhet të kthehet malli e kemi njoftuar AUV ata e kanë parë mallin që është i ndarë veç e kanë inspektuar dhe kanë parë që nuk është përdorur ai mall. Ai mall është kthyer dhe nuk është përdoruar, ne jemi mashtruar nga kompania”, u shpreh Piraj për “Front Online”.

Tjetër aksident me fatalitet në Kosovë, vdes motoçiklisti

Një motoçiklist, E.B, ka vdekur si pasojë e një aksidenti që ka ndodhur në Sllovi të Lipjanit.

Lidhur me rastin, detaje  ka dhënë Flora Ahmeti, zëdhënëse e policisë për rajonin e Prishtinës.

Ahmeti deklaroi se vdekjen e viktimës e ka konstatuar ekipi mjekësor në vendin e ngjarjes.

“Sot rreth orës 18:00 në fshatin Sllovi të Lipjanit, ka ndodhur një aksident trafiku ku janë përfshirë një automjet dhe një motoçikletë. Si pasojë e aksidentit në vendin e ngjarjes ka humbur jetën ngasësi i motoçikletës. Vdekjen e viktimës mashkull, e ka konstatuar ekipi mjekësor në vendngjarje. Me rastin po merret njësiti i trafikut rajonal” deklaroi Ahmeti.