Loreda Brati mbrëmë festojë ditëlindjen.
Ish- banorja e Big Brother Vip Albania, këtë ditë të veçantë e ka festuar mes më të miqve më të afërt të saj.
Pak më parë ajo ka shpërndarë pak imazhe nga festa, mbishkrimi në tortë ka bërë gjiron e rrjetit, që duket unik.
Pas përhapjes së një videoje në rrjetet sociale dhe portale, ku shihet ai duke u puthur me një vajzë, Drilon Rama ka reaguar ashpër përmes një postimi në Instastory. Në një sqarim të gjatë dhe të detajuar, ai mohon çdo lloj lidhjeje romantike me vajzën në fjalë, duke theksuar se mes tyre ka ekzistuar vetëm respekt dhe mirëkuptim, por kurrë diçka më shumë.
Ai u shpreh se videoja që po qarkullon është e vjetër dhe se vajza e ka përdorur për interesa personale. “Une kurrë s’jam marrë me famë, me show, a me bo zhurmë për qef t’njerzve,” shkruan ai, duke theksuar se kjo nuk është bota e tij dhe asnjëherë s’ka qenë.
Driloni nuk e la me kaq! Ai pati edhe një ‘goditje’ për Sarën
Duke marrë parasysh ndjekësit që i apasionuan pas vetes gjatë qëndrimit të tyre në Big Brother, të cilët me ngulm dëshironin një lidhje mes tyre, Driloni pati një koment për ta.
“Unë me atë personin që po mundoheni me m’lidh – kurrë s’kemi qenë bashkë,” shkruan Driloni, duke shtuar se nuk kanë pasur asnjë kontakt prej më shumë se dy muajsh dhe nuk kanë shkëmbyer asnjë mesazh.
Ai tha se po përpiqeni të krijoni një realitet që nuk ekziston. “Ju keni një film në kokë, e doni me çdo kusht me bo realitet,” thotë ai, duke u kërkuar ndjekësve të ndalen me spekulime dhe “budallaki”.
Ai nuk lë pa përmendur as “clown-at” që bëjnë intervista apo i shkruajnë mesazhe provokuese, duke thënë se nuk do t’i marrë kurrë seriozisht. “Unë luftoj për veti, kujdesna për karrierën teme,” deklaron prerazi.
Në fund, Driloni falënderon të gjithë ata që e kanë mbështetur që në ditën e parë dhe thekson se fokusi i tij janë vetja, familja, shqiptarët dhe ëndrrat e tij. Ai premton se do t’i bëjë ndjekësit krenarë dhe se do të vazhdojë të punojë për këtë.
Partia Demokratike e Kosovës ka mbajtur sot mbledhjen e rregullt të Kryesisë për të diskutuar zhvillimet e fundit politike, bllokadën institucionale, si dhe propozimet e iniciativat politike aktuale.
PDK vlerëson se vendi ndodhet në një krizë të thellë institucionale, si pasojë e sjelljes së papërgjegjshme politike të koalicionit që ka dalë i pari në zgjedhje, por i cili në mungesë të shumicës parlamentare po vazhdon ta mbajë peng Kosovën. Në këtë situatë, çdo iniciativë që synon zgjidhjen e bllokadës, meriton të dëgjohet dhe diskutohet.
Për këtë arsye që nga përfundimi i zgjedhjeve të 9 shkurtit, Partia Demokratike e Kosovës ka zhvilluar takime me të gjitha partitë politike parlamentare – përfshirë edhe Lëvizjen Vetëvendosje, ndonëse e konsiderojmë atë përgjegjëse kryesore për krizën aktuale.
“Ky angazhim është shprehje e bindjes sonë se dialogu dhe bashkëpunimi janë rruga e vetme për të dalë nga krizat politike dhe për të rikthyer normalitetin institucional. Andaj, sikur në të kaluarën, as sot dhe as në të ardhmen, ne nuk do të shmangemi nga çfarëdo takimi në interes të qytetarëve. Në këtë frymë, konsiderojmë se Presidentja e Republikës, si institucion mbi-partiak dhe me mandat legjitim, mund të ndërmarrë hapat e nevojshëm për thirrjen e një takimi me të gjitha subjektet politike parlamentare. Një tryezë gjithëpërfshirëse, mund të jetë hapi i duhur për gjetjen e rrugëdaljes nga kriza institucionale. PDK angazhohet dhe është e bindur se zgjidhja më e mirë për vendin është formimi i një qeverie të re, e përbërë nga partitë që në mandatin e kaluar kanë qenë në opozitë”, thuhet në njoftimin e PDK-së..
Në njoftim po ashtu thuhet se një qeveri që do të ndalte degradimin institucional, do ta nxirrte Kosovën nga izolimi ndërkombëtar dhe do të zbatonte politika zhvillimore për të gjithë qytetarët, pa dallim.
“Me një listë të dakorduar të prioriteteve shtetërore, të cilat do ta rikthenin Kosovën në rrugën e duhur të zhvillimit dhe të integrimit euroatlantik”, thuhet në njoftim.
Njëkohësisht, PDK i bën thirrje koalicionit VV – GUXO – Alternativa që të mos abuzojë edhe më tej me të drejtën kushtetuese për propozimin e kandidatit për Kryetar të Kuvendit, por, të pranojë realitetin politik dhe të reflektojë për të mos e mbajtur peng edhe më tutje shtetin për interesa të ngushta partiake.
“Kosova ka nevojë për institucione funksionale sa më parë. PDK mbetet e angazhuar për të dhënë kontributin e saj në një proces demokratik dhe kushtetues që çon drejt zgjidhjes. Kosova meriton ma shumë. Kosova mundet ma mir”, thuhet në njoftim.!
Ka nisur takimi i Partisë Demokratike të Kosovës, ku mes tjerash pritet që të diskutohet edhe propozimi i kreut të Lidhjes Demokratike të Kosovës, Lumir Abdixhiku për një qevei të tranzicionit.
Kyesia e PDK-së tashmë ka arritur në zyret e këtij subjekti politik, ndërsa Nacionale ka parë edhe rendin e ditës.
Aty thuhet shkurt: “Diskutim rreth aktualitetit politik”.
Theksojmë se deri më tani vetëm Partia Demokratike e Kosovës s’e ka dhënë qëndrimin mbi këtë ide, ndërsa pritet ta bëjë një gjë të tillë përmes një komunikate për media pas përfundimit të takimit.
Lëvizja Vetëvendosje në anën tjetër e ka refuzuar, kurse Aleanca për Ardhmërinë e Kosovës e ka mirëpritur këtë propozim.
Parlamenti Evropian ka miratuar rezolutën për Kosovën. Në këtë dokument kërkohet që dialogu me Serbinë të përmbyllje me një marrëveshje gjithëpërfshirëse.
Një marrëveshje ligjërisht obliguese – e bazuar në njohjen e ndërsjellë.
Në të njëjtin dokument, kërkohet edhe heqja e masave të Bashkimit Evropian ndaj Kosovës.
Thuhet se Kosova i ka përmbushur kriteret për këtë, shkruan RTK.
Autori i draftit, eurodeputeti Riho Terras, i ka quajtur këto masa të padrejta dhe të panevojshme që nga fillimi.
“Ne kërkojmë heqjen e menjëhershme të masave ndëshkuese të Bashkimit Evropian. Ato kanë qenë të padrejta dhe të panevojshme që nga fillimi. BE-ja financon shumë projekte dhe programe të dizajnuara për të mbështetur axhendën evropiane në Kosovë. Kjo është arsyeja pse duhet t’i shfuqizojmë masat dhe ta lëmë Kosovën të përparojë me fondet që ofrojmë”, tha Riho Terras, raportues për Kosovën në Parlamentin Evropian.
Rezoluta përshëndet aplikimin e Kosovës për anëtarësim në Bashkimin Evropian. Mbështet anëtarësimin në Këshillin e Evropës dhe Partneritetin për Paqe të NATO-s. U bëhet thirrje pesë shteteve të BE-së që ende nuk e kanë njohur Kosovën – që ta njohin pavarësinë e saj.
Në dokument shprehet shqetësim për situatën e sigurisë në veri të vendit, veçanërisht pas sulmit në Banjskë dhe incidentit në kanalin Ibër–Lepenc.
Parlamenti shpreh keqardhje që Serbia ende nuk i ka ndjekur penalisht autorët e sulmit terrorist në Banjskë, duke përfshirë edhe Millan Radoiçiqin.
Paralelisht, Parlamenti Evropian ka miratuar edhe një Rezolutë për Serbinë ku Serbia kritikohet për lidhjet me Rusinë dhe për përpjekjet për destabilizim të rajonit.
Kërkohet që ndihma financiare për Serbinë të rishqyrtohet – nëse ajo vazhdon bashkëpunimin me Rusinë.
“Deklaratat e udhëheqësve serbë në lidhje me angazhimin e tyre formal ndaj integrimit evropian tingëllojnë vërtet jo bindëse. Ndërsa po planifikohet një udhëtim në Moskë dhe marrëveshje të reja energjetike me Rusinë këtë javë, nuk ka në horizont reforma të nevojshme që janë thelbësore për një rrugë të suksesshme evropiane. Në fund të ditës, anëtarësimi në Bashkim është para së gjithash përgjegjësi e shtetit anëtar, jo një alibi për të shmangur përgjegjësinë e vet për problemet e vendit”, tha Tonino Picula, raportues për Serbinë në Parlamentin Evropian.
Rezoluta kritikon edhe të ashtuquajturën “politikë përkëdhelëse” të Komisionit Evropian ndaj Serbisë dhe i bën thirrje Komisionit që të flasë me një gjuhë më të qartë ndaj Beogradit zyrtar.
Pekini është bërë arenë e një përplasjeje të re diplomatike, pasi ambasada indiane në Kinë ka reaguar me tone të ashpra ndaj një raportimi të medias kineze Global Times, që citonte burime ushtarake pakistaneze për rrëzimin e një avioni indian.
Në raportin e publikuar nga Global Times, thuhet se: “Sipas burimeve ushtarake pakistaneze, Forcat Ajrore të Pakistanit (PAF) kanë rrëzuar një tjetër avion luftarak indian në përgjigje të sulmeve ajrore të kryera gjatë natës nga India në vende të shumta në Pakistan”.
Por ambasada indiane ka reaguar me një paralajmërim të qartë për mediat që shpërndajnë informacione të pakonfirmuara.
“Ne do t’ju rekomandonim të verifikoni faktet dhe të ekzaminoni burimet tuaja përpara se të përhapni këtë lloj dezinformimi”, është thënë në deklaratën e ambasadës indiane në rrjetin social X, ku nënvizohet mungesa e etikës në raportim.
Tutje, ambasada akuzon disa media për tendenca propagandistike pro-pakistaneze, duke shpërndarë informacion të rremë për të njollosur një operacion ushtarak indian të koduar “Operacioni Sindoor”.
“Disa media pro-pakistaneze po përhapin pretendime të pabaza për Operacionin Sindoor, duke u përpjekur të mashtrojnë publikun”, thuhet më tej në reagimin zyrtar.
Ambasada indiane e përmbyll deklaratën me një mesazh për integritetin gazetaresk.“Kur mediat ndajnë informacione të tilla pa verifikuar burimet, kjo pasqyron një mungesë serioze të përgjegjësisë dhe etikës gazetareske.”
Sipas burimeve ushtarake indiane, mbrëmjen e kaluar u realizuan një seri sulmesh ajrore ndaj nëntë lokacioneve në territorin e Pakistanit, pas një sulmi të mëhershëm në rajonin e Kashmirit ku u vranë 36 persona, një akt për të cilin India ka fajësuar Pakistanin
Gjesti ka nënshkruar kontratën e tij të re dhe do të jetë nën menaxhimin e SGM Management.
Lajmi është bërë i ditur përmes një njoftimi në Instagram nga vetë menaxheri i ri i Gjestit, Bonart Ajvazi, i cili tha se është shumë i lumtur që do të menaxhojë Gjestin dhe se janë të interesuar të shohin se çfarë mund të sjellë e ardhmja për ta.
Gjesti, pak ditë më parë lajmëroi se po vjen një epokë e re për të dhe duket se sezoni i verës do të jetë shumë premtues për të.
Gazetarja e Klan Kosovës, Gremisa Latifi, derisa ka qenë duke raportuar është penguar nga një person.
Aeroplani i presidentit serb Aleksandar Vuçiq, i cili ishte nisur drejt Moskës për të marrë pjesë në Paradën e Fitores, ka bërë një ulje emergjente në Azerbajxhan për shkak të operacioneve luftarake në hapësirën ajrore të Ukrainës, raportojnë mediat pro-qeveritare serbe, shkruan Gazeta Sinjali.
Sipas gazetës Informer, fluturimi i Vuçiqit nuk ka mundur të vazhdojë drejt territorit rus për shkak të rreziqeve të sigurisë, përfshirë efektet e sistemeve të mbrojtjes ajrore dhe mundësinë e përgjimit të avionit në zonën e konfliktit, shkruan Danas.
Më herët ishte raportuar se presidenti serb do të merrte pjesë në paradën përkujtimore të 80-vjetorit të fitores së Rusisë në Luftën e Dytë Botërore dhe do të takohej me presidentin rus Vladimir Putin.
Qeveria në detyrë ka zhvilluar mbledhje elektronike, në të cilën ka shqyrtuar dhe miratuar vendimin për aprovimin e Kërkesës së Ministrisë së Mbrojtjes për dërgimin e Kontingjentit të FSK-së në operacion humanitar në Republikën e Shqipërisë.
Nga vendimi i kësaj mbledhjeje të 259-të të Qeverisë, mjetet financiare për dërgimin e Kontingjentit të FSK-së në operacion humanitar, sigurohen nga Buxheti i Republikës së Kosovës.
Ministria e Mbrojtjes, mbi bazën e objektivave dhe planifikimeve strategjike për zgjerimin e kapaciteteve dhe vënies në detyrë të këtyre kapaciteteve është e përgatitur të mbështetës Shqipërinë me një Kontingjent për nevojë humanitare, përkatësisht operacionin humanitar kërkim shpëtim, në vendin e quajtur “Qafën e Burrelit”, Bashkia Klos.
Kjo mbështetje është në kuadër të partneritetit strategjik me shtetet mike e në veçanti me Shqipërinë, me këtë rast për mbështetje të autoriteteve të shtetit shqiptar
