Egli Tako në Kosovë, takon prindërit e Gjestit?

Egli Tako surprizon ndjekësit me një vizitë të papritur në Prishtinë – fansat pyesin për arsyen e qëndrimit të saj në Kosovë.

Egli Tako, ish-banorja e njohur e reality show-t Big Brother, e cila prej daljes nga formati është kthyer në një figurë të dashur për publikun shqiptar, ka surprizuar ndjekësit e saj me një vizitë të papritur në Prishtinë, kryeqytetin e Kosovës.

Bukuroshja shqiptare ka ndarë me ndjekësit në rrjetet sociale një moment nga makina, përmes një postimi në Instagram Story, ku shihet e ulur në sediljen e shoferit.

Në këtë story, ajo ka vendosur mbishkrimin “Era Prishtinë”, një shprehje që është përdorur gjerësisht nga të rinjtë si simbol i freskisë, energjisë pozitive dhe atmosferës që ofron kryeqyteti kosovar.

Me këtë mbishkrim, Egli ka njoftuar në mënyrë të thjeshtë por efektive se ndodhet në Prishtinë, duke shkaktuar një valë reagimesh nga ndjekësit e saj të shumtë.

Ajo që ka tërhequr menjëherë vëmendjen është stili i saj modest por shumë elegant. E veshur me një veshje të kombinuar me kujdes, që ruan thjeshtësinë e përditshmërisë por edhe hijeshinë që e karakterizon, Egli është parë teksa pozon në veturë duke mbajtur syzet në dorë.

Edhe pse nuk ka përdorur aksesorë të shumtë apo ndonjë grim të rënduar, pamja e saj reflekton qartazi stilin modern dhe natyrën e saj të përmbajtur, që e ka bërë aq të dashur për publikun.

Ndërsa postimi është shfaqur pa praninë e partnerit të saj, Gesti Bajri – një tjetër figurë e njohur nga reality show-t dhe media rozë – ndjekësit kanë nisur menjëherë të spekulojnë nëse Egli ndodhet vetëm në Prishtinë apo në shoqërinë e tij.

Mungesa e ndonjë reference apo fotografie të përbashkët me Gesti-n ka lënë vend për diskutime dhe hipoteza të shumta, sidomos nga ndjekësit që i ndjekin nga afër zhvillimet në jetën e tyre personale.

Mister mbetet edhe arsyeja e vizitës së saj në Kosovë. Egli nuk ka ndarë asnjë informacion shtesë për qëllimin e udhëtimit të saj.

Kjo ka nxitur kureshtjen e fansave të cilët janë të etur për të ditur nëse ajo ndodhet në Prishtinë për ndonjë projekt profesional, për një bashkëpunim me ndonjë figurë publike të njohur në Kosovë, për një intervistë, pjesëmarrje në ndonjë emision televiziv, apo thjesht për pushim dhe eksplorim të kryeqytetit.

Vizitat e figurave të njohura shqiptare në Prishtinë janë kthyer tashmë në një trend, pasi qyteti është shndërruar në një qendër të rëndësishme kulturore, argëtimi dhe bashkëpunimesh artistike.

Shumë artistë, influencues dhe figura publike e vizitojnë shpesh Prishtinën për të marrë pjesë në projekte televizive, intervista, evente të modës apo për të ndjekur skenën e gjallë të muzikës dhe jetës së natës që ofron qyteti.

Për momentin, Egli nuk ka dhënë ndonjë deklaratë zyrtare lidhur me arsyen e vizitës së saj. Fansat dhe ndjekësit e saj në Instagram vazhdojnë të ndjekin me vëmendje postimet e saj të ardhshme, me shpresën se ajo do të ndajë më shumë detaje në ditët në vijim.

Nëse vizita e saj është thjesht personale apo lidhet me ndonjë angazhim profesional, mbetet për t’u parë. Ajo që dihet me siguri është se Egli Tako di gjithmonë si të tërheqë vëmendjen e publikut – qoftë me praninë e saj në media, me stilin e saj të veçantë, apo me misterin që shpesh e rrethon.

Fansat poashtu kanë aluduar se kjo ardhje e Eglit në Kosovë mund të jetë për t’u takuar me prindërit e Gjestit.

Se a është ky “look” për familjen e burrit, mbetet të shihet!

Ngërçi në Kuvend, Pacolli: Deputetët që bllokojnë punën s’duhet të paguhen

Kryetari i AKR-së, Behgjet Pacolli ka komentuar situatën aktuale politike në vend.

Nëpërmjet një postimi në Facebook, ai tha se ngrirja e punës po i shkakton jo vetëm pasoja politike e institucionale, por edhe dëme ekonomike të qëllimshme.

Ai shkruan se çdo seancë e dështuar kushton nga taksat tona.

“Është për të ardhur keq çfarë po ndodh në Kuvendin e Kosovës. Ngrirja e punës po i shkakton vendit jo vetëm pasoja politike e institucionale, por edhe dëme ekonomike të qëllimshme – çdo seancë e dështuar kushton nga taksat tona”, ka shkruar Pacolli, njofton Klankosova.tv.

Kreu I AKR-së, më tej shprehet se deputetët që bllokojnë punën nuk duhet të paguhen për këtë.

“Të fillojmë nga një kërkesë e thjeshtë dhe e drejtë: pa punë,( pa rezultat ) nuk ka meditje”, përfundoi Pacolli, njofton Klankosova.tv.

Festë në shtëpinë e Arbana Osmanit

Moderatorja e njohur nga Shqipëria, Arbana Osmani sot ka festë në familjen e saj.

Është bashkëshorti i saj, Eduard Grishaj ai ai cili feston ditëlindjen e radhës, shkruan IndeksOnline.

Me këtë rast, Arbana ka zgjedhur fjalët më të mira, për ta uruar atë për këtë ditë të veçantë.

“Ti më ndriçon botën Eduard Grishaj, urime ditëlindjen dashuri”, ka shkruar Osmani krahas kësaj fotografie.

Limaj paralajmëron zhvillime: A po shkojnë Nisma dhe VV drejt një marrëveshjeje?

Kryetari i Nismës Socialdemokrate, Fatmir Limaj, ka bërë një deklaratë para nisjes së seancës konstituive, duke theksuar se ditët e fundit ka pasur zhvillime interesante, shkruan Gazeta Sinjali.

“Ka lëvizje, të shohim se çfarë lëvizje. Nuk do të thotë se gjithmonë lëvizjet shkojnë në kahun e duhur, por të shohim,” tha Limaj shkurtimisht.

Asgjë e re, dështon përsëri konstituimi i Kuvendit

As në seancën e sotme, Kuvendi i Kosovës nuk ka arritur të zgjedhë kryetarin e ri, raporton Gazeta Imazhi.

Seanca e ardhshme është caktuar më 9 maj, nga ora 10:00.

Përshkallëzim i rrezikshëm mes Indisë dhe Pakistanit – Sulme, viktima dhe kërcënime për hakmarrje

Të paktën 19 persona kanë humbur jetën, përfshirë një fëmijë, pasi India ka ndërmarrë sulme ajrore në disa lokacione brenda territorit të Pakistanit herët në mëngjesin e së mërkurës.

Autoritetet indiane kanë deklaruar se cak i këtyre sulmeve ishin infrastrukturat që, sipas tyre, po përdoren nga militantët përgjegjës për masakrën e fundit ndaj turistëve në pjesën e Kashmirit të kontrolluar nga India.

Pakistani nuk ka qëndruar duarkryq,  sipas deklaratave zyrtare nga Islamabadi, forcat ajrore pakistaneze kanë rrëzuar disa avionë indianë që kishin depërtuar në hapësirën e tyre ajrore.

Dy prej këtyre avionëve kanë rënë në zona të banuara në Kashmirin e kontrolluar nga India, ku raportohen të paktën 7 civilë të vrarë nga bombardimet e mëvonshme të Pakistanit.

Kryeministri pakistanez, Shehbaz Sharif, ka dënuar ashpër sulmet e Indisë dhe ka paralajmëruar hakmarrje. “Ne nuk do të rrimë duarkryq. Çdo agresion do të marrë përgjigjen e merituar”, ka deklaruar ai.

Tensionet mes dy shteteve që posedojnë armë bërthamore janë rikthyer në nivel alarmant.

Aksion i madh i Policisë në veri

Policia e Kosovës po kryen aksion në tri lokacione në veri të Mitrovicës. Deri tani janë arrestuar dy persona. Aksioni është duke u zhvilluar ende.

 

 

 

Këtë e ka konfirmuar për Indeksonlinen, zëvendësdrejtori i Policisë së Kosovës për rajonin e Veriut, Veton Elshani.

“Aksionet  janë duke u zhvilluar në Mitrovicën e Veriut dhe në Zveçan për shkak të dyshimeve për posedim të armëve të paligjshme.

Aksioni tashmë ka përfunduar në një lokacion në të dy qytetet, ndërsa kërkimi në një lokacion tjetër në veri të Mitrovicës është ende duke vazhduar”, tha Elshani.

Tjetër ngjarje e rëndë në Kosovë: Nipi ther gjyshen me thikë

Një ngjarje e rëndë ka ndodhur dje në Podujevë.

Një i mitur ka sulmuar me thikë gjyshen e tij, duke i shkaktuar lëndime trupore.

Viktima ka pranuar trajtim mjekësor, ndërsa i dyshuari është arrestuar dhe me vendim të prokurorit është dërguar në mbajtje.

Vuçiq humb terren: Lideri që s’bind më askënd përveç vetes, SHBA e refuzon, BE e paralajmëron

Vizita e ndërprerë e presidentit të Serbisë, Aleksandar Vuçiq, në Shtetet e Bashkuara ka nxjerrë në pah krizën e thellë në politikën e jashtme të vendit. Pas një sëmundjeje të papritur gjatë qëndrimit të tij në SHBA, që çoi në anulimin e vizitës, janë ngritur dyshime dhe pyetje të shumta rreth motivave të udhëtimit dhe qëllimit të tij.

Përtej versionit zyrtar për sëmundjen, në opinionin serb ka spekulime se udhëtimi në SHBA mund të ketë qenë një dështim tërësisht i paplanifikuar.

Kjo vjen në një kohë kur Vuçiq kërkon të forcojë imazhin e tij ndërkombëtar në mes të tensioneve politike të brendshme.

Nga ana tjetër, pas dështimit të vizitës në SHBA, Vuçiq po përballet me presion nga Bashkimi Evropian dhe po spekulohet për anulimin e udhëtimit të tij në Moskë për Paradën e Fitores.

Reagimet e ashpra nga BE-ja dhe paralajmërimet për rrezikimin e rrugës evropiane të Serbisë kanë shtuar tensionet.

Në këtë kontekst, diplomacia e Vuçiqit duket gjithnjë e më shumë si një mjet për mbijetese politike, ndërsa përpjekjet e tij për të promovuar imazhin e një lideri global bëhen gjithnjë e më të dukshme.

Dikur “Vetëvendosje ishte opsioni i vetëm” – Tani Haki Abazi e akuzon Kurtin për bllokim dhe ego personale

Ish-deputeti i Lëvizjes “Vetëvendosje”, Haki Abazi, i cili ka qenë edhe zëvendëskryeministër i vendit, ka kritikuar ashpër “Vetëvendosjen” për bllokadën e Kuvendit.

Ai tha se kjo situatë pasqyron mendësinë e kryeministrit Albin Kurti, i cili sipas tij, nuk e sheh asnjë institucion tjetër më të rëndësishëm, siç thotë ai, se vetveten.

Abazi ka shtuar se për të realizuar objektivat e tij personale, Kurti ka bllokuar çdo mundësi për kompromis politik.

“Kjo është mendësia e Kurtit që asnjë institucion tjetër nuk është më i rëndësishëm se ai vet dhe për të arritur objektivat e tija personale që është një autizim politik e ka bllokuar çdo tentim racional për kompromis politik. Sa më shumë që kalon kohë që Kurti është direkt në politikë aq më shumë njerëz e kuptojnë se nuk e ka për interes të vendit”, ka deklaruar Abazi për “Front Online”.