Dega e Lidhjes Demokratike të Kosovës (LDK) në Therandë ka bërë të ditur se, pas një procesi të gjerë konsultimesh me strukturat e partisë, ka vendosur të propozojë tre kandidatë për deputetë të Kuvendit të Kosovës për zgjedhjet parlamentare që do të mbahen më 7 qershor.

Blerim Kuqi pritet të jetë kandidat për deputet nga radhët e LDK-së në zgjedhjet parlamentare të 7 qershorit.

Ish-komandanti i Brigadës 123 dhe një nga figurat më të njohura politike nga Suhareka rikthehet sërish në garë, në një moment të rëndësishëm për skenën politike në vend.

Sipas njoftimit të degës, kandidatët e propozuar janë Nexhat Ramadani, Selman Kolgeci dhe Blerim Kuqi.

“Dega e LDK-së në Therandë, pas një procesi të gjerë konsultimesh me strukturat e saj, ka vendosur të propozojë tre kandidatë për deputet të Kuvendit të Republikës së Kosovës për zgjedhjet e 7 qershorit”, thuhet në njoftim.

Dega e LDK-së në Therandë ka shprehur optimizëm për garën zgjedhore.

“Të bashkuar dhe të vendosur për një rrugëtim të ri plot shpresë!”, thuhet në njoftimin e degës.