Pas zhvillimeve të fundit dhe publikimeve në media lidhur me sjelljet dhe veprimet e Drilonit, duket se Visar Braha, menaxher i fituesit te “BBVK”, është distancuar prej disa javësh.
Ai nuk ka publikuar asnjë postim në rrjetet sociale, gjë që ka ngritur dyshime për një prishje të mundshme të marrëdhënies mes tyre.
Në rrjetet sociale, ndjekësit kanë vënë re mungesën totale të reagimeve, përmendjeve apo mbështetjes nga ana e Visarit, ndryshe nga më parë kur të dy ishin shpesh të pranishëm së bashku në platformat publike.
Ky distancim i heshtur ka nxitur spekulime nëse rrugët mes Drilon Rames dhe menaxherit të tij janë ndarë, shkruan “Kosovarja”.
Nga ana e tij, Visar Braha duket i fokusuar në projekte të reja dhe deri më tani nuk ka dhënë asnjë koment lidhur me situatën, duke lënë të hapur dyshimet për shkëputje në bashkëpunim.