Kapitenia e Kosovës po shkëlqen në Bundesliga

Erëleta Memeti e ka vazhduar shkëlqimin në Bundesligën gjermane.

Kapitenia e Kosovës me Hoffenheimin të dielën gjatë ditës e fitoi thellë ndeshjen e xhiros së gjashtë, ndërsa kontribuoi me gol e asistim.

Hoffenheimi e mposhti Koelnin me rezultatin 3:0.

Memeti tre minuta pas pushimit shënoi për epërsinë 1:0.

Dy minuta më vonë, 25-vjeçarja u përfshi edhe në golin për 2:0. Por tani asistoi për bashkëlojtaren Selina Cerci.

Memeti luajti deri në minutën e 70-të.

Në edicionin aktual, Memeti ka tri gola e tri asistime në gjashtë ndeshje të luajtura.