Artistja dhe kandidatja për deputete nga radhët e Lidhjes Demokratike të Kosovës (LDK), Adelina Thaçi, ka thyer heshtjen përmes një reagimi publik në rrjetet e saj sociale pas përfundimit të procesit zgjedhor të 7 qershorit.

Me përfundimin e numërimit të votave, ajo nuk ka arritur të sigurojë votat e mjaftueshme për të zënë një ulëse në Kuvendin e Kosovës, prandaj Adelina ka zgjedhur të falënderojë me përulësi të gjithë ata që besuan tek ajo gjatë kësaj garë politike.

Përmes një mesazhi drejtuar miqve, mbështetësve dhe bashkëudhëtarëve të saj, Adelina u shpreh se çdo votë e marrë për të ka qenë përgjegjësi, respekt dhe motivim i madh për të vazhduar rrugëtimin. Ajo theksoi se ndihet krenare dhe plotësisht mirënjohëse për mbështetjen e jashtëzakonshme, duke shtuar se humbja e një mandati nuk nënkupton kurrsesi humbjen e idealit, të punës dhe të vlerave të përbashkëta.

Më tej, Adelina nënvizoi se rrugëtimet e rëndësishme në jetë dhe politikë nuk maten thjesht me rezultatin e një dite të vetme, por me gjurmët që lihen pas dhe me besimin që ndërtohet ndër vite me njerëzit. Ajo premtoi se do të vazhdojë të jetë zëri i qytetarëve, duke punuar me të njëjtin përkushtim dhe duke kontribuar në çdo hapësirë të mundshme për të mirën e vendit. Reagimin e saj ajo e mbylli me një falënderim të sinqertë për çdo fjalë të mirë dhe çdo zemër që i besoi në këtë sfidë të re. /Prive By Liberta Spahiu