Lladrovci reagon ndaj mospërfshirjes së Limajt në listë të PDK-së

Fatmir Limaj nuk do të jetë pjesë e listës së Partisë Demokratike të Kosovës për zgjedhjet e parakohshme të 7 qershorit.

Kryetari i PDK-së, Bedri Hamza, në konferencë për media pas mbledhjes së Kryesisë së PDK-së, të hënën ka dhënë disa arsye për këtë refuzim të kërkesës së Limajt për bashkëpunim.

Hamza ka thënë se e mirëpresin kontributin e Limajt dhe Nismës Socialdemokrate për Partinë Demokratike në zgjedhjet e 7 qershorit, por se kësaj here Limaj dhe asnjë nga anëtarët e Nismës, nuk do të jenë pjesë e listës së PDK-së për deputetë.

“E presim dhe e mirëpresim kontributin që do të japë Fatmir Limaj dhe Nisma Socialdemokrate. Kësaj radhe nuk do të jetë pjesë e listës së PDK-së”, ka thënë Hamza. “Sigurisht se z. Limaj në të ardhmen, në procese të rregullta të brendshme zgjedhore, është i mirëpritur të jetë pjesë e PDK-së. Sa i përket garimit në këtë listë, është qëndrim i përgjithshëm që fillimisht duhet të ndodhë një përkrahje për PDK-në, vullnet i mirë nga ana e Nismës Socialdemokrate, pastaj në zgjedhjet e ardhshme do t’i trajtojmë në mënyrë të duhur. Kësaj radhe Limaj s’do të jetë pjesë e listës së PDK-së”.

Sipas Hamzës, Limaj në letrën që ia ka dërguar PDK-së  për bashkëpunim nuk ka kërkuar që të jetë i përfshirë në listë.

Hamza ka thënë se një pjesë e madhe e kandidatëve që do të jenë në listë të PDK-së do të garojnë për herë të parë për deputetë.

Ndaj vendimit të kryesisë së PDK-së, ka reaguar kryetari i Drenasit, Ramiz Lladrovci. Vendimin e ka quajtur ripërsëritje të ndikimit, por pa dhënë emra.

“U ripërsërit modeli i ndikimit në Kryesinë e PDK-së. Kreatorët e kësaj fryme, nuk po i bëjnë shërbim Kosovës e as PDK-së. Për ta paraqitur Bedriun humbës dhe Fatmirin jomeritor në Listë, janë ata që nuk patën guxim të ballafaqohen me pozitën dhe qytetarin ndër vite. Anëtarësia e gjerë, simpatizantët dhe qytetarët, do të jenë në përkrahje të PDK-së, të heronjve tanë të luftës e paqes dhe të Bedri Hamzës!”, ka thënë Lladrovci në reagimin e tij në Facebook.

Hamza para mediave i është përgjigjur reagimit të kryetarit të Drenasit, Ramiz Lladrovci. Ai ka thënë se kryetari Lladrovci nuk është anëtar i Kryesisë, por vetëm i Këshillit.

“Kryetari Lladrovci është anëtar i Këshillit por nuk është anëtar i Kryesisë së Partisë Demokratike të Kosovës”, ka thënë Hamza.

Limaj i ka dërguar PDK-së kërkesë për bashkëpunim më 8 maj, një ditë pasi ka përfunduar afati i KQZ-së për paraqitje të subjekteve politike për pjesëmarrje në zgjedhje.

“Nisma Socialdemokrate dhe unë, si kryetar i saj, kemi shprehur vazhdimisht, si para këtyre zgjedhjeve ashtu edhe në vazhdimësi, gatishmërinë për bashkëpunim dhe bashkim politik në funksion të krijimit të një alternative të fuqishme dhe përfaqësuese për qytetarët e Republikës së Kosovës”, thuhet në letrën e Limajt ndër të tjera.

Nisma, kryetar i të cilës është Fatmir Limaj në zgjedhjet e 28 dhjetorit 2025 nuk ka arritur ta kalojë pragun zgjedhor, e në ato të shkurtit po të vitit 2025, në kolaicion me AAK-në, kanë fituar 8 ulëse – 5 AAK-ja dhe 3 Nisma.

Në fakt, Limaj ishte pjesë e PDK-së prej themelimit të kësaj partie, por më 2014 ai dhe disa funksionarë të tjerë të lartë janë larguar për të themeluar partinë Nisma.

Pas kësaj, jo rrallë herë udhëheqës dhe anëtarë të tjerë të dy partive kanë sulmuar njëri-tjetrin.

Hamza para mediave i është përgjigjur reagimit të kryetarit të Drenasit, Ramiz Lladrovci. Ai tha se kryetari Lladrovci nuk është anëtar i Kryesisë por vetëm i Këshillit.

“Kryetari Lladrovci është anëtar i Këshillit por nuk është anëtar i Kryesisë së Partisë Demokratike të Kosovës”, deklaroi Hamza pa e komentuar qëndrimin e Lladrovcit.

Musliu ankohet pse rruga mban emrin “Astrit dhe Arbënor Dehari”: Çfarë heroizmi kanë bo ata?

Ganimete Musliu, ish-deputete e PDK-së, ka folur në lidhje me një rrugë që mban emrin e dy aktivistëve të vdekur të VV-së, Astrit dhe Arbënor Dehari.

Musliu ka pyetur se pse kjo rrugë mban emrin e këtyre dy aktivistëve të VV-së.

“Çfarë heroizmi kanë bo ata” – ishte pyetja e Musliut.

LDK në Podujevë e propozi Agim Veliun për deputet, vjen reagimi i Abdixhikut

Agim Veliu përfshihet në listën e LDK-së

Në mbledhjen e mbajtur sot nga Kryesia e Degës së Lidhja Demokratike e Kosovës në Podujevë, janë votuar kandidatët për deputetë për zgjedhjet e 7 qershorit.

Kështu ka bërë të ditur kryetari i Degës së LDK-së në Podujevë, Ekrem Hyseni, përmes një postimi në facebook, ku ka theksuar rëndësinë e unitetit dhe bashkimit brenda subjektit politik.

Sipas Hysenit, me qëllim të unifikimit të strukturave dhe elektoratit të LDK-së, ai ka propozuar që pjesë e listës së kandidatëve për deputetë nga Llapi të jetë edhe Agim Veliu.

Përveç Veliut, në garën për deputetë nga Dega e LDK-së në Podujevë do të jenë edhe Arjeta Salihu Abazi, Alisa Jetullahu, Zaim Thaçi si dhe vetë Ekrem Hyseni.

“Në mbledhjen e sotme të Kryesisë së Degës së LDK-së në Podujevë, janë votuar njëzëri kandidatët për deputetë për zgjedhjet e 7 qershorit. Me qëllim të unifikimit të të gjithëve, si kryetar i Degës së LDK-së në Podujevë, kam propozuar që ndër kandidatët për deputet nga Llapi, të jetë edhe Agim Veliu, e në këtë garë po ashtu janë edhe katër kandidatë tjerë nga Dega jonë: Arjeta Salihu Abazi, Alisa Jetullahu, Zaim Thaçi dhe unë Ekrem Hyseni. Është momenti i të gjithë atyre që duan e që besojnë të kontribuojnë në këtë rrugëtim! Le të bashkohemi të gjithë, sepse LDK-ja është e të gjithëve!”, ka shkruar Hyseni./IndeksOnline/

PDK-ja refuzon rikthimin e Fatmir Limajt në parti

Partia Demokratike e Kosovës ka refuzuar kthimin e Fatmir Limajt dhe garimin në listën e kësaj partie për zgjedhjet e 7 qershorit.

Këtë e ka bërë të ditur kryetari i PDK-së, Bedri Hamza, pas mbledhjes së kryesisë së partisë.

Limaj i kishte shkruar javën që lamë pasë një letër Hamzës ku deklaronte se nëse nuk pranohej kthimi i tij në listën e PDK-së, ai nuk do të garojë në zgjedhjet e 7 qershorit.

Në letër Limaj shprehu gatishmërinë për bashkëpunim dhe bashkim politik, në atë që e ka quajtur lëvizje në “funksion të krijimit të një alternative të fuqishme dhe përfaqësuese për qytetarët e Republikës së Kosovës”.

“Ne besojmë se një bashkim i tillë nuk përfaqëson vetëm një marrëveshje politike apo elektorale, por edhe një frymë të bashkëpunimit ndërmjet njerëzve dhe strukturave që për vite të tëra kanë ndarë ideale, sakrificë dhe vizion të përbashkët për Kosovën”, ishte shprehur kreu i NISMA, Fatmir Limaj.

Vendos kryesia e PDK-së: Refuzohet kthimi i Fatmir Limajt

Partia Demokratike e Kosovës ka refuzuar kthimin e Fatmir Limajt dhe garimin në listën e kësaj partie për zgjedhjet e 7 qershorit.

Derisa mbledhja kryesisë së PDK-së po vazhdon Gazeta Infokus mëson nga burime brenda partisëse tashmë është vendosur që të refuzohet kërkesa që Limaj i bëri kryetarit të PDK-së, Bedri Hamza.

Limaj i kishte shkruar javën që lamë pasë një letër Hamzës ku deklaronte se nëse nuk pranohej kthimi i tij në listën e PDK-së, ai nuk do të garojë në zgjedhjet e 7 qershorit.

Në letër Limaj shprehu gatishmërinë për bashkëpunim dhe bashkim politik, në atë që e ka quajtur lëvizje në “funksion të krijimit të një alternative të fuqishme dhe përfaqësuese për qytetarët e Republikës së Kosovës”.

“Ne besojmë se një bashkim i tillë nuk përfaqëson vetëm një marrëveshje politike apo elektorale, por edhe një frymë të bashkëpunimit ndërmjet njerëzve dhe strukturave që për vite të tëra kanë ndarë ideale, sakrificë dhe vizion të përbashkët për Kosovën”, ishte shprehur kreu i NISMA, Fatmir Limaj

Nuk mori pjesë në tubimin e LDK-së, ky është reagimi i Hotit

Avdullah Hoti, ka bërë thirrje për mobilizim të diasporës para zgjedhjeve, duke e cilësuar mbështetjen e saj si vendimtare për rikthimin e përgjegjësisë shtetërore dhe orientimit të duhur politik

Hoti tha se diaspora ka qenë gjithmonë shtyllë e fuqishme e Kosovës dhe zëri i saj në botë, ndërsa ftoi mërgimtarët të regjistrohen për të votuar më 7 qershor dhe të bëhen pjesë e ndryshimit që, sipas tij, i duhet vendit.

Postimi i plotë:

Mbështetja masovike e diasporës është vendimtare për rikthimin e përgjegjësisë shtetërore dhe orientimit të duhur politik.
Diaspora ka qenë gjithmonë shtyllë e fuqishme e Kosovës dhe zëri ynë në botë.
LDK dhe vendi ka nevojë për angazhimin tuaj më shumë se kurrë.Prandaj, regjistrohuni për të votuar më 7 Qershor dhe bëhuni pjesë e ndryshimit që i duhet Kosovës.

Fatmir Limaj në PDK? Vjen lajmi i fundit nga kjo parti

Anëtari i kryesisë së PDK-së, Sokol Bashota ka treguar se në mbledhjen e kryesisë do të diskutohet aktualiteti politik në vend.

Bashota tha se për përfshirjen në listë të Fatmir Limaj do të diskutohet në kryesi, nëse propozohet nga kryetari i Partia Demokratike e Kosovës, Bedri Hamza.

“Tash e shohim se çka thotë kryetari i partisë, letrën që na ka shkruar, do të diskutojmë në kryesi”, tha Bashota shkurt para mediave.

LDK-ja rikthen Agim Veliun

Lidhja Demokratike e Kosovës, në emër të “bashkimit të madh të së djathtës”, pritet që sot të rikthejë edhe një figurë të njohur të kësaj partie, Agim Veliun.

Sipas burimeve të Gazetës Infokus brenda partisë, tashmë ka një dakordim mes kandidatit për kryeministër, Lumir Abdixhikut, dhe kandidates për presidente, njëherësh bartëse e listës, Vjosa Osmani, që Agim Veliu t’i ribashkohet LDK-së.

Sipas këtyre burimeve, oferta e bërë nga dy liderët mbetet tashmë në dorën e Agim Veliut, ndërsa LDK-ja është në pritje të konfirmimit të tij gjatë ditës së sotme.

Kjo përpjekje për “bashkimin e madh” të LDK-së vjen vetëm 24 orë para afatit zyrtar për dorëzimin e listave të kandidatëve në Komisionin Qendror të Zgjedhjeve.

Konfirmohet, Kosova luan dy ndeshje në qershor, një ndaj një kundërshtari të fortë