Pasuria e Bedri Hamzës, tri banesa, shtëpi e garazhda

Kryetari i PDK-së, Bedri Hamza ka dorëzuar deklarimin e pasurisë së tij në Agjencinë për Parandalimin e Korrupsionit për vitin 2026.

Sipas deklarimit, Hamza nuk ka pasur ndryshime domethënëse nga viti paraprak, duke deklaruar pasuri të paluajtshme në vlerë prej 244 mijë e 700 euro.

Ai ka gjithsej tre banesa, tre garazhe, një shtëpi dhe një parcelë tokë tokë 1 hektarë, shkruan Telegrafi.

Banesat janë: 98.00 m2, 120.00 m2 dhe 60.00 m2. Ndërsa, garazhet: 16.00 m2, 30.00 m2 dhe 35.00 m2. E, shtëpia është 72.00 m2.Sipas këtij deklarimi, tre banesat janë të blera, dy garazhe janë të blera dhe një është e trashëguar, ndërsa shtëpia dhe toka janë të trashëguara.

Ndërsa, pasuri të luajtshme, ish-kryetari i Komunës së Mitrovicës ka mbi 3 mijë euro, ku përfshihen dy vetura: Renault dhe Audi.

Hamza ka rreth 13 mijë euro para të gatshme në banka komerciale së bashku me bashkëshorten dhe fëmijët.

Poashtu ai me familjen e ngushtë ka mbi 8 mijë euro detyrime financiare në formë kredie.

Bëhet e ditur se Hamza ushtron edhe profesionin e profesorit në kolegjin AAB që nga data 01.10.2017. /Telegrafi/

 

Pasuria e deklaruar e Vjosa Osmanit

Pasuria e deklaruar e Vjosa OsmanitIsh-presidentja Vjosa Osmani ka deklaruar si pronë të paluajtshme në emër të saj vetëm një tokë prej 5.10 ari në vlerë prej 35 mijë eurosh.

Në bashkëpronësi ajo ka deklaruar një shtëpi banimi prej 244 metrash katror bë vlerë 208 mijë euro.

Kurse në pronësi të bashkëshortit ka deklaruar një banesë në vlerë 59 mijë euro, një shtëpi në Australi në vlerë 170 mijë euro si dhe një shtëpi tjetër po në Australi në vlerë prej 510 mijë euro.

Para të gatshme Osmani ka deklaruar 3115 euro.

Të hyra vjetorë Osmani ka deklaruar mbi 10 mijë e 300 euro si mëditje si dhe pagë në vlerë prej mbi 33 mijë eurosh.

Deklarimi i pasurisë së Kurtit, Azemi: Çka bon ky njeri, a han bukë?

Anëtari i LDK-së, Visar Azemi, në emisionin “DPT te Fidani”, ka komentuar deklarimin e pasurisë së kryeministrit Albin Kurti, duke ngritur dyshime mbi shumën e raportuar në bankë.

Azemi ka theksuar se shuma prej 16 eurosh është e pazakontë dhe nuk pasqyron realitetin.

“Është e çuditshme. Njeriu menjëherë pyet: çka bën ky njeri? A ha bukë, a del diku pas punës, a i qet naftë veturës? A janë këto 16 euro të konservuara në bankë? Mua më duket fyese ndaj neve të tjerëve, sepse nuk është gjendja reale. Nuk mundet një kryeministër me jetu me 16 euro në bankë”, ka deklaruar ai.

Tutje, Azemi ka shtuar se pret më shumë transparencë.

“Besoj se do të duhej të ishte më i sinqertë dhe më burrëror. Agjencia Kundër Korrupsionit do të duhej ta hetojë këtë çështje”, është shprehur Azemi

Tragjedia në Ferizaj, policia tregon arsyet pse vdiq 15-vjeçari

Një ngjarje e rëndë ka ndodhur pasditen e së premtes në Ferizaj, ku një nxënës 15-vjeçar ka humbur jetën.

Për KosovaPress, zëdhënësi i Policisë për rajonin e Ferizajt, Kanun Veseli ka dhënë sqarime shtesë rreth këtij rasti.

Ai tha se sipas mjekut kujdestar, viktima është dërguar në këtë qendër pa shenja jete dhe në raportin me shkrim thuhet se viktima dyshohet të ketë pësuar arrest kardiak.

“Sipas mjekut kujdestar, viktima në Qendrën Emergjente në Ferizaj ka arritur pa shenja jete. Për këtë, ai ka lëshuar raport me shkrim, në të cilin konstatohet se viktima kishte pësuar arrest kardiak dhe është rekomanduar që trupi të dërgohet në Institutin e Mjekësisë Ligjore (IML) për kryerjen e autopsies”, tha ai për KosovaPress.

Me rekomandim të mjekut, trupi i pajetë është dërguar në Institutin e Mjekësisë Ligjore (IML) për kryerjen e autopsies.

Lidhur me rastin është njoftuar prokurori i shtetit, i cili ka autorizuar hetuesit rajonalë që të ndërmarrin të gjitha veprimet e nevojshme hetimore.

Me vendim të prokurorit, rasti është iniciuar si “Hetim mbi vdekjen”, ndërsa trupi i pajetë është dërguar për autopsi në IML në Prishtinë.

Bomba e madhe e verës: Barcelona dëshiron transferimin e Vedat Muriqit

Barcelona po shqyrton mundësinë e transferimit të Vedat Muriqit gjatë afatit kalimtar veror.

Klubi katalanas tashmë ka të qartë profilin e sulmuesit që kërkon për sezonin e ardhshëm. Objektivi kryesor mbetet një lojtar i nivelit të lartë, por nëse ky transferim nuk realizohet, Barça po përgatit alternativa më ekonomike.

Sipas raportimeve të fundit nga Spanja, Muriqi shihet si një opsion “low cost”, për shkak të përvojës së tij në La Liga dhe performancave të mira me Mallorcan në sezonin aktual.

Sulmuesi kosovar ka treguar se mund të jetë vendimtar, sidomos në lojën ajrore dhe në zonë, ku deri më tani ka shënuar 21 gola duke qenë golashenuesi i dytë më i mirë në La Liga aktualisht.

Ideja e Barcelonës është të ketë një sulmues alternativ që mund të ofrojë profil ndryshe nga titullarët, pa bërë një investim të madh financiar.

Mallorca ka venë një klauzolë prej 40 milionë euro për Vedat Muriqin, por mund të largohet edhe për një çmim më të ulët

Dy Mercedesë, banesa e kat shtëpie dhe kursime, Pasuria qindra mijëra eurosh e deputetes Edona Llalloshi

15 vjeçari ndërron jetë në orën e edukatës fizike

Një nxënës 15-vjeçar ka ndërruar jetë pas një rasti të ndodhur sot në shkollën e mesme “Kuvendi i Arbërit” në Ferizaj.

Lajmin e ka konfirmuar për Sinjalin zëdhënësi i Policisë për rajonin e Ferizajt, Kanun Veseli.

Sipas Policisë, më 17.04.2026, rreth orës 15:15, është pranuar informata se në shkollën e mesme “Kuvendi i Arbërit”, në rrugën “Brahim Ademi” në Ferizaj, një nxënës mashkull 15-vjeçar, në rrethana ende të panjohura, është rrëzuar pa ndjenja në sallën e edukatës fizike.

I njëjti është dërguar me urgjencë në Qendrën Emergjente në Ferizaj, ku, sipas mjekut kujdestar, pavarësisht trajtimit mjekësor, ka ndërruar jetë.

Lidhur me rastin janë njoftuar Njësia e Hetimeve e stacionit, hetuesit rajonalë dhe krimteknikët, të cilët kanë dalë në vendin e ngjarjes dhe kanë ndërmarrë veprimet e nevojshme hetimore.

Për rastin është njoftuar prokurori i shtetit, i cili ka urdhëruar që trupi i pajetë të dërgohet në Institutin e Mjekësisë Ligjore (IML) për obduksion.

Hetimet për rrethanat e ngjarjes janë duke vazhduar.

E rëndë: I riu Granit Sherifi vdiq tragjikisht në Podujevë

Një aksident i rëndë ndodhi mesditën e sotme në fshatin Revuç të Podujevës, ku ndërroi jetë pjesëtari i Policisë së Kosovës, Granit Sherifi.

Burime të IndeksOnline pohojnë se Sherifi, gardian në burgun e Dyzit, ishte duke punuar me traktor në momentin e aksidentit.

Burimet bëjnë me dije se Sherifi humbi kontrollin mbi traktor dhe u rrokullis. Fatkeqësisht, ai nuk iu bëri ballë plagëve të marra.

Ky është i riu që vdiq në Revuç të Podujevës

Ka ndërruar jetë Granit Sherifi nga fshati Revuç.

Lajmi u publikua në faqen e fshatit.

Për kohën e varrimit do të ju njoftojmë.

Tri shtëpi, tri banesa, një vilë, vetura, toka e truall/ Pasuria marramendëse e Ramush Haradinajt dhe Anitës

Kreu i AAK-së, Ramush Haradinaj, posedon pasuri marramendëse. Në deklrimin e tij pranë APK-së, Haradinaj ka deklruar pasuri milionëshe, disa nga to i ka deklruar si të tijat, derisa disa të tjera i ka të deklruara së bashku me bashkëshortën e tij, Anitën shkruan FrontOnline.

Në deklrimin e pasurisë së familjes Haradinaj, janë të deklaruara tri shtëpi, tri banesa, një vilë, toka e truall, që kapin vlerën prej rreth dy milion euro.