Ministria e Industrisë, Ndërmarrësisë, Tregtisë dhe Inovacionit ka njoftuar se çmimi tavan i lejuar për naftën sot është 1.89 euro për litër.
“Bazuar në vendimin e MINTI-t, të datës 05.04.2026 për çmimet maksimale të lejuara për derivatet e naftës për datën 08.04.2026: Nafta (dizel): 1.89 euro/litër; Benzina: 1.46 euro/litër; Gas: 0.77 euro/litër”.
Rritje rekorde e çmimeve të naftës në Kosovë pritet të marrë fund. Kjo pas zhvillimeve globale dhe një marrëveshje paqeje 2 javore mes SHBA-së dhe Iranit.
Kryetari i Shoqatës së Naftëtarëve të Kosovës, Fadil Berjani, në një prononcim për IndeksOnlinen ka theksuar se tashmë trendi i rënies ka nisur në tregjet ndërkombëtare.
“Sot çmimi në bursë është duke u ulur dhe kjo pritet të reflektohet shumë shpejt edhe në Kosovë”, ka deklaruar Berjani.
Aktualisht, çmimet në tregun vendor janë: dizeli 1.89 euro për litër, ndërsa benzina 1.46 euro për një litër.
Megjithatë, ai ka theksuar se nuk mund të jepen afate të sakta për uljen e çmimeve në tregun vendor.
“S’mundemi me paragjyku se kur do të ulen çmimet te ne, sepse krejt varet prej bursës”, është shprehur ai.
Sipas tij, ulja e çmimeve lidhet me zhvillimet ndërkombëtare dhe pritjet për marrëveshje që po ndikojnë në stabilizimin e tregut global të naftës.
Lehtësimi i tensioneve mes Shtetet e Bashkuara të Amerikës dhe Irani po konsiderohet një ndër faktorët kryesorë që po shtyn çmimet drejt rënies në bursat botërore.
Policia ka dhënë detaje të reja për vdekjen e 39-vjeçarit në Skenderaj. Sipas policisë, i riu ishte gjetur nga familjarët i asfiksuar pa shenja jete.
Sipas babait të viktimës, ai kishte të meta mendore. Trupi i pajetë është dërguar në Departamentin e Mjekësisë Ligjore për obduksion.
Ndërsa policia po heton shkaqet që kanë quar deri të vdekja, transmeton IndeksOnline.
“Ankuesi mashkull kosovar, të martën rreth orës 09:00, ka njoftuar policinë se është gjetur i asfiksuar pa shenja jete djali i tij (sipas ankuesit me të meta mendore). Në vendin e ngjarjes përveç njësive policore ka dalë edhe ekipi mjekësor dhe konstatuar se viktima kishte ndërruar jetë. Me urdhër të prokurorit trupi i pajetë është dërguar në IML për obduksion”, thuhet në raportin e policisë./
Pas javësh të tëra spekulimesh dhe misteri mbi gjendjen e tij shëndetësore, ushtria amerikane me anë të një postimi në X thotë se burime zyrtare nga Teherani kanë konfirmuar se lideri i ri suprem i Iranit, Mojtaba Khamenei, ka ndërruar jetë.
Sipas burimeve të para, Khamenei nuk ka arritur t’u mbijetonte plagëve të marra gjatë bombardimeve që goditën rezidencën e tij muajin e kaluar, sulm në të cilin mbeti i vrarë edhe babai i tij, Ali Khamenei.
Vdekja e tij pritet të shkaktojë një krizë të re legjitimiteti në Iran, pasi ai sapo ishte emëruar si pasardhës i babait të tij në krye të Republikës Islamike.
Presidenti amerikan, Donald Trump, tha se SHBA-ja ka pranuar një armëpushim dyjavor me Iranin, të ndërmjetësuar nga Pakistani, për t’u dhënë kohë palëve që të negociojnë një marrëveshje paqeje.
Për këtë, Trump ka thënë se kjo është “një ditë e madhe për Paqen Botërore!’’, raporton BBC.
Në postimin e tij në Truth Social, Trump ka thënë se është “një ditë e madhe për Paqen Botërore!”
“Irani dëshiron që kjo të ndodhë, u ka ardhur në majë të hundës! Po ashtu edhe të gjithëve të tjerëve!”
Ai vëren se SHBA do të jetë “duke ndihmuar me grumbullimin e trafikut në Ngushticën e Hormuzit”, duke vazhduar:
“Do të ketë shumë veprime pozitive! Do të bëhen para të mëdha. Irani mund të nisë procesin e rindërtimit. Ne do të furnizohemi me lloje të ndryshme mallrash dhe thjesht do të ‘qëndrojmë përreth’ për t’u siguruar që gjithçka shkon mirë. Ndihem i sigurt që ashtu do të ndodhë. Ashtu siç po përjetojmë në SHBA, kjo mund të jetë Epoka e Artë e Lindjes së Mesme!”
Çmimet e naftës kanë rënë pothuajse 15% dhe aksionet janë rritur ndjeshëm, pasi Donald Trump u tërhoq nga kërcënimi i tij për të bombarduar Iranin të martën në mbrëmje, dhe ministri i jashtëm i Iranit tha se kalimi nëpër ngushticën e Hormuzit do të lejohet për dy javët e ardhshme nën menaxhimin e ushtrisë së tij.
Lajmi i së martës u prit menjëherë nga tregjet, por rezultati i bisedimeve SHBA-Iran nuk është aspak i sigurt, dhe se si do të rihapet dhe menaxhohet ngushtica përtej periudhës dyjavore është ende për t’u përcaktuar.
Nafta bruto Brent ra me 14.4% në 93.48 dollarë, dhe kontratat e ardhshme për naftën bruto amerikane ranë me 14.7% në 96.27 dollarë për fuçi. Çmimet mbeten shumë më të larta se sa ishin në fillim të luftës, shkruan A2CNN.
Indeksi referues japonez Nikkei 225 fitoi 5% në tregtimin e hershëm, S+P/ASX 200 i Australisë u rrit me 2.6% dhe Kospi i Koresë së Jugut u rrit me 5.9%. Hang Seng i Hong Kongut u rrit me 2.6%, ndërsa Shanghai Composite u rrit me 1.7%.
Bashkësia Islame e Kosovës ka bërë të ditur se ka ndërruar jetë imami nga Suhareka, Shaban Shehu.
“Të Allahut jemi dhe tek Ai do të kthehemi”
Njoftojmë miqtë, kolegët dhe dashamirët, se më 6 prill 2026, në moshën 58 vjeçare ndërroi jetë imami i xhamisë së fshatit Vraniq të Suharekës, Shaban ef. Shehu.
Varrimi i rahmetliut do të bëhet sot, më 7 prill 2026, në varrezat e fshatit Vraniq, në orën 15:00.
Lusim Zotin e Madhëruar që ta ketë marrë rahmetliun me mëshirë dhe ta gradojë me Xhenetin Firdevs!
Presidenti i SHBA-së, Donald Trump, njoftoi në rrjetin e tij social Truth Social dhe i dërgoi një kërcënim Iranit.
“Një qytetërim i tërë do të vdesë sonte dhe nuk do të kthehet më kurrë. Nuk dua që të ndodhë, por ndoshta do të ndodhë. Megjithatë, tani që kemi një ndryshim të plotë dhe total të regjimit, në të cilin do të mbizotërojnë mendje të ndryshme, më të zgjuara dhe më pak të radikalizuara, ndoshta mund të ndodhë diçka e mirë revolucionare – kush e di? Do ta zbulojmë sonte, në një nga momentet më të rëndësishme në historinë e gjatë dhe komplekse të botës.”
“47 vjet zhvatje, korrupsion dhe vdekje më në fund do të marrin fund. Zoti i bekoftë njerëzit e mëdhenj të Iranit!” njoftoi Trump./Indeksonline/
Prania e opinionistëve Arbër Hajdari dhe Monika Kryemadhi i dha një tjetër atmosferë dasmës në Big Brother, por ishte një detaj i veçantë ai që tërhoqi më së shumti vëmendjen e publikut.
Nga pamjet dhe postimet që po qarkullojnë gjerësisht, ndjekësit kanë vënë re një moment të pazakontë mes Mirit dhe Arbër Hajdarit.
Edhe pse dyshja ka pasur përplasje të vazhdueshme dhe debate të forta që prej fillimit të këtij sezoni, duke qenë shpesh në anë të kundërta, duket se mbrëmjen e kaluar situata ka marrë një kthesë të papritur.
Sipas materialeve të shpërndara nga fansat e emisionit, janë ngritur dyshime për mungesë transparence nga ana e produksionit.
Pretendohet se Miri dhe Arbri janë pozicionuar në një pjesë të shtëpisë që nuk mbulohej plotësisht nga kamerat, një situatë që është komentuar si ‘transparencë zero’.
Më tej u tha se Arbri e mori Mirin dhe janë larguar së bashku drejt një ambienti tjetër, pa qenë e qartë se ku shkuan apo çfarë u diskutua mes tyre.
Mbetet për t’u parë nëse këto dyshime do të sqarohen gjatë spektaklit të së martës në BBVA.
Kryetari i Aleancës për Ardhmërinë e Kosovës, Ramush Haradinaj, ka reaguar lidhur me rastin e qytetarit Korab Bajgora, i cili përmes një videoje të publikuar në rrjetin social Facebook ka ofenduar dhe kërcënuar rëndë atë dhe familjen e tij.
Gjatë një interviste në Dukagjin, moderatori Ermal Panduri bëri të ditur se i dyshuari merret me shitjen e kollomoqit.
Duke komentuar rastin, Haradinaj u shpreh se kushdo që shkel ligjin do të përballet me pasojat.
“Kushdo, të gjithë do ta marrin ndëshkimin që u takon, qoftë nga ligji apo nga Zoti. Askush nuk është mbi këtë dhe”, deklaroi ai, transmeton Indeksonline.
Ndërkohë, Prokuroria Themelore në Pejë ka bërë kërkesë për caktimin e masës së paraburgimit ndaj Korab Bajgorës, nën dyshimin për veprën penale të kërcënimit ndaj ish-kryeministrit, njëherësh liderit të AAK-së, Ramush Haradinaj, dhe familjes së tij.
Rastin e ka konfirmuar zëdhënësi i Prokurorisë Themelore në Pejë, Shkodran Nikçi.
“Prokuroria Themelore në Pejë, Departamenti i Përgjithshëm, ka bërë kërkesë për caktimin e masës së paraburgimit për të dyshuarin K.B.”, deklaroi Nikçi.
Sipas informacioneve të fundit, Korab Bajgora aktualisht ndodhet i hospitalizuar dhe po trajtohet në Klinikën e Psikiatrisë. /Indeksonline/
