Detaje të reja për konfliktin e armaťosur në Veternik – dihet identiteti i të plagosurit

Prokuroria Themelore në Prishtinë ka dhënë detaje lidhur me rastin e vrasjes në tentativë ku i plagosur ka mbetur Shkëlqim Kastrati, një ish i kërkuar ndërkombëtarisht.

Rasti ka ndodhur mbrëmjen e së martës rreth orës 23:30 në rrugën “Feriz Guri” në Prishtinë, ka treguar Prokuroria përmes një komunikate.

Sipas Prokurorisë, Kastrati ka pësuar lëndime trupore dhe është dërguar për mjekim në Qendrën Klinike Universitare.

Në komunikatë, Prokuroria ka bërë të ditur se ka identifikuar edhe të dyshuarin, N.B, ndaj të cilit rëndojnë akuzat për vrasje në tentativë.

“Me urdhër të Prokurorit të Shtetit, është kryer bastisja nga Policia e Kosovës, ku aty është gjetur një armë e gjatë, shtatë (7) gëzhoja dhe trembëdhjetë (13) fishekë, të cilat do të shërbejnë si prova materiale gjatë zhvillimit të procedurës hetimore. Ndërkohë, gjatë ekzaminimeve përkatëse, nga njësitet relevante, është konstatuar se në automjetin e viktimës, Sh.K. është gjetur dhe sekuestruar një (1) armë dhe dymbëdhjetë (12) fishekë”, thuhet mes të tjerash në komunikatë.

Kastrati dyshohet se është goditur në shpinë, teksa ka tentuar të largohet nga vendngjarja por ishte përplasur më pas me makinën e tij luksoze në një zonë në periferi të Prishtinës.

Kastrati, 30-vjeçar, i njohur me nofkën “Kimi” është emër i njohur për organet e sigurisë si në Kosovë ashtu edhe ndërkombëtarisht.

Kastrati ishte shpallur në kërkim nga Interpoli për veprën penale “Vrasje me dashje”.

Ai ishte arrestuar në gusht të vitit 2023 nga Policia e Kosovës, ndërsa ishte përfshirë dy vite më pas në një shkëmbim me armë zjarri në rrugën B.

Lushtaku paralajmëron: Jap dorëheqje nëse PDK bën koalicion me LVV-në

Kryetari i Skenderajt Sami Lushtaku në një bisedë telefonike për RTV21 ka deklaruar se nëse PDK arrinë marrëveshje bashkëpunimi me LVV-në Lushtaku jep dorëheqje nga pozita e kryetarit të degës në Skenderaj.

Lushtaku për RTV21 tha se PDK nuk do duhej të bashkëpunonte me një subjekt politik që gjuhën helmuese dhe degraduese e ka në rend të parë.

“Nëse Partia Demokratike e Kosovës arrin marrëveshje ose lidhë koalicion me LVV-në unë automatikisht jap dorëheqje nga pozita e kryetarit të degës në Skenderaj.

Ata e dijnë ma mirë janë kryesia e partisë por për mua është e pa pranueshme bashkëpunimi me një subjekt politik që gjuhën helmuese e ka në rend të parë…”.

Nura i PDK-së: PDK duhet të votojë çdo kandidat të LVV-së për kryeparlamentar

Anëtari i kryesisë së PDK-së, deputet i zgjedhur nga numërimet e deritanishme Jakup Nura, tha se partia e tij duhet është e gatshme për bashkëpunim sa i përket institucioneve të reja. Sipas tij PDK-ja duhet të votojë çdo kandidat të LVV-së për kryeparlamentar derisa sa i përket presidenti duhet bashkëpunim.

Nura tha për RTV21 se tri pozita shtetërore në asnjë rrethanë nuk duhet t’i takojnë LVV-së.

“Sa i përket ndërtimit të institucioneve PDK vazhdimisht ka treguar fleksibilitet dhe interesim për krijimin e tyre tani ne si subjekt politik do të koordinohemi dhe do veprojmë sipas rrethanave që do të krijohen dhe sipas ofertës së fituesit që do ta bëjë karshi partive opozitare. Edhe radhën e kaluar si mollë sherri apo si figurë që s’kemi mundur të gjejmë një kompromis ka qenë figura presidenti mendoj se presidenti edhe sikur PDK t’i fitojë 80% unë do votoja kundër që PDK-ja ta ketë edhe presidentin kjo vlen edhe për partinë që ka fituar shumicën LVV mendoj se pozita e presidenti ose tri pozitat kyçe në asnjë rrethanë s’duhet t’i takojnë një partie politike. Unë mendoj se çdo njërin që propozon LVV-ja, pozita e kryeparlamentarit ju takon partisë fituese dhe mendoj se PDK duhet t’i japë votë cilit do qoftë ai kandidat për pozitën e kryeparlamentarit mendoj se edhe qeveria do jetë Kurti ai që do vendos si do kombinojë qeverinë”, tha Nura për RTV21.

Ai nuk bëri të ditur nëse PDK-ja është për një kandidat konsesual apo partiak pro sipas tij, nëse presidenti do të jetë nga PDK-ja atëherë kandidati i saj do të ishte i denjë për atë pozitë.

“Çdo parti synon ta arrijë qëllimin e vet dhe ta ketë njeriun e saj në pozitat kyçe por edhe nëse do të jetë i PDK-së mendoj se ai me marrjen e asaj pozite të presidentit jam i bindur qe do luaj rolin e asnjanës”, tha Nura për RTV21.

Aksidenti i rëndë në Komoran, humb jetën një i mitur

Aksidenti i rëndë në rrugën Carralevë-Komoran mëngjesin e së martës përfundoi me fatalitet.

Një i mitur ka humbur jetën si pasojë e plagëve të marra në aksident. Lajmin e ka bërë të ditur për Gazetën Insajderi zëdhënësja e Policisë për rajonin e Prishtinës, Flora Ahmeti.

“Sot rreth orës 09:00, kemi pranuar informatën se në rrugën Carralevë-Komoran, ka ndodhur një aksident trafiku me pasoja fatale. Në këtë aksident ka qenë e përfshirë një automjet. Si pasojë e aksidentit ngasësi i automjetit nuk ka arritë të përballoj plagët, dhe i njëjti ka vdekur. Vdekja e viktimës (mashkull) i mitur është konstatuar nga ekipi mjekësor në QKUK. Me rastin po merret njësiti i trafikut rajonal”, ka thënë Ahmeti.

Vullnet Krasniqi për Albin Kurtin: Ka fitu jarani, krejt bashkë nuk po mujnë me mujtë

Gazetari Vullnet Krasniqi ka folur në lidhje me situatën politike në Kosovë pas zgjedhjeve të 7 qershorit.

Në Klan Kosova, Krasniqi ka vlerësuar se Kurti ka fituar dhe se e gjitha opozita bashkë nuk ka arritur ta mposhtë.

“Ka fitu jarani, ka marrë vota ma së shumti. Krejt bashkë nuk po mujnë me mujtë” – tha Krasniqi.

Votat e diasporës përmbysin llogaritë në PDK, kjo figurë e njohur mbetet pa mandat deputeti

Tani kur numërimi edhe i votave të diasporës po shkon drejt fundit, edhe ulëset e Kuvendit të Kosovës është bërë e qartë se kush do ti zë.

VV ka siguruar 53 ulëse, PDK 22, LDK 18 dhe AAK 7.

Këto ulëse të cilat janë shtuar për VV-në pas numërimit të votave me postë, numri i tyre është zvogëluar për partitë e tjera, e disa kandidatë për deputetë që kishin zënë ulëse me vota brenda Kosovës, tani janë jashtë Kuvendit.

Një ndër ta është edhe Bekim Haxhiu i PDK-së, i cili ka marrë 20 mijë e 241 vota por për shkak të kuotës gjinore mbetet jashtë Kuvendit.

E njëjta histori i kishte ndodhur atij edhe në zgjedhjet e 28 dhjetorit. Ai kishte mbetur jashtë Kuvendit pas numërimit të votave me postë, shkruan lajmi.net.

Ai kishte bërë atëherë ankesë në PZAP, me të cilën kishte kërkuar që të anulohen të gjitha fletëvotimet e pranuara me postë pas 29 dhjetorit 2025 dhe të përjashtojë nga numërimi të gjitha fletëvotimet e pranuara pas këtij afati, përfshirë ato të pranuara më 2 dhe 5 janar 2026 për Zgjedhjet e Parakohshme për Kuvend të Republikës së Kosovës, të mbajtura më 28 dhjetor 2025.

Këtë ankesë, PZAP e kishte hedhur si të pasafatshme.

Paneli kishte vlerësuar se ankesa është parashtruar pas afatit ligjor për paraqitjen e ankesës, sipas nenit 119, paragrafi 1 të Ligjit për Zgjedhjet e Përgjithshme, ku afati për dorëzimin e ankesës është 48 orë nga ndodhja e shkeljes së supozuar, dhe se ankesa është dorëzuar në PZAP më datë 11 janar, ndërsa shkelja e supozuar sipas ankuesit ka ndodhur më 2 dhe 5 janar.

Deputetët e PDK-së që do të hyjnë në Kuvend të Kosovës janë: Bedri Hamza, Përparim Gruda, Arian Tahiri, Uran Ismaili, Vlora Çitaku, Sala Jashari, Ganimete Musliu, Enver Hoxhaj, Arben Mustafa, Rrahman Rama, Mërgim Lushtaku, Elmi Reçica, Besa Kabashi Ramaj, Jakup Nura, Eman Rrahmani, Altin Krasniqi, Artan Behrami, Fadil Demaku, Blerta Deliu Kodra, Rrustem Mustafa, Eliza Hoxha dhe Ariana Musliu Shoshi.

Nis numërimi i votave me kusht, këto janë rezultatet e para

Komisioni Qendror i Zgjedhjeve ka bërë të ditur se në Qendrën e Numërimit dhe Rezultateve, ka nisur numërimi i votave me kusht.

Sipas përditësimeve të fundit në platformën e KQZ-së, deri më tani janë numëruar pesë nga 52 kutitë e vendndvotimeve.

Nga këto rezultate, VV renditet e para,  Aleanca e dyta, e treta LDK dhe PDK e katërta./Reporteri.net/

Nuk u mbijeton plagëve, vďes një grua pas aksidentit

Ka ndërruar jetë një nga katër të aksidentuarit në përplasjen e rëndë që ndodhi të hënën, në Klinë.

Burime të IndeksOnline pohojnë se bëhet fjalë për H.M., një grua që u lëndua rëndë.

Pavarësisht nënshtrimit të ndërhyrjes kirurgjike, viktima nuk iu bëri ballë plagëve të marra.

Në gjendje kritike vazhdon të jetë bashkëshorti i viktimës.

E kritikoi ashpër Albin Kurtin, Sali Rexhaj dështon keq – i merr veç 912 vota

Sali Rexhaj ishte një nga kandidatët më kritik të AAK në zgjedhjet e 7 qershorit.

Ai kritikonte kryesisht Albin Kurtin dhe VV, por herë pas here edhe Vjosa Osmanin e LDK.

Sidoqoftë, Rexhaj ka dështuar keq në garën për deputet, pasi ka marrë deri tani veç 912 vota.

Numërimi drejt fundit, këto janë mandatet aktuale të partive në Kuvend

Procesi i numërimit të votave për zgjedhjet e parakohshme të 7 qershorit po shkon drejt fundit.

Pas përfundimit të votave me postë, e mërkura pritet të shënojë fillimin e numërimit të votave me kusht, duke hapur kështu rrugën që Komisioni Qedror i Zgjedhjeve të planifikojë shpalljen e rezultateve përfundimtare.

Aktualisht, numërimi i votave me kusht ka shkuar në mbi 92% dhe kanë mbetur edhe pak kuti që të numërohen.

Ndërkohë, KQZ-ja ka njoftuar se do të nisë paralelisht edhe numërimin e votave me kusht, si dhe më pas edhe ato të personave me nevoja të veçanta.

Sipas rezultateve aktuale, Lëvizja Vetëvendosja ka siguruar 53 ulëse në Kuvendin e Kosovës, PDK-ja 22, LDK-ja 18, Aleanca 7 dhe pjesa tjetër e ulëseve prej 120 sosh, do të ndahet për komunitetet jo shumicë.

Por, nga numërimi i votave me postë dhe atyre me kusht dhe të personave me nevoja të veçanta, mund të ndryshojë edhe shpërndarja e mandateve në legjislativin e vendit.