Paralajmërimi se Prokuroria po përgaditet për dënimin e krerëve të UÇK-së janë alarm për drejtësinë dhe shtetin

Organizata e Veteranëve të Luftës së Ushtrisë Çlirimtare të Kosovës ka reaguar ashpër pas paralajmërimeve të fundit të bëra publike nga ekipi mbrojtës i Jakup Krasniqit, duke i cilësuar ato si një sinjal të rëndë dhe alarmues për drejtësinë dhe vetë shtetin e Kosovës.

Sipas kësaj organizate, deklaratat e ekipit mbrojtës që paralajmërojnë përgatitjen e dënimeve të tjera nga Prokuroria në Hagë kundër krerëve të UÇK-së, forcojnë bindjen se procesi gjyqësor ndaj tyre nuk ka si qëllim zbardhjen e së vërtetës, por ndëshkimin politik të figurave udhëheqëse të luftës çlirimtare.

“Janë bërë katër vjet e gjysmë që nga momenti kur krerët dhe pjesëtarët e UÇK-së po mbahen në paraburgim në Hagë, në rrethana që çdo ditë më shumë dëshmojnë karakterin e padrejtë dhe të njëanshëm të këtij procesi”, thuhet në reagimin e OVL-së.

Duke përmendur dënimet ndaj Sali Mustafës dhe Pjetër Shalës si shembuj të vendimeve të padrejta, organizata thotë se këto procese janë bërë në emër të drejtësisë, por në fakt synojnë të godasin legjitimitetin e luftës çlirimtare dhe të dëmtojnë shtetësinë e Kosovës.

“Luftëtarët e lirisë që sot ndodhen pas grilave janë burra që kontribuuan në çlirimin e vendit dhe themelimin e shtetit të Kosovës. Në vend që të nderohen, ata po përballen me një proces që më shumë ngjan me ndëshkim politik sesa me drejtësi ndërkombëtare”, vijon reagimi.

OVL e UÇK-së thekson se Gjykata në Hagë nuk ka për qëllim vetëm ndjekjen e individëve të caktuar, por, sipas saj, po tenton të minojë legjitimitetin e UÇK-së dhe përmes saj edhe vetë shtetësinë e Kosovës.

Në përfundim, organizata u bën thirrje institucioneve të Republikës së Kosovës që të mos heshtin përballë zhvillimeve në këtë proces dhe të ndërmarrin hapa të qarta për të mbrojtur të vërtetën e luftës çlirimtare dhe për të kërkuar drejtësi reale.

“Heshtja institucionale në këto rrethana është e papranueshme. Është detyrë shtetërore dhe kombëtare të mbrohet e vërteta e luftës sonë”, thuhet në reagim.

Koalicioni me VV-në? Deklarohen nga PDK-ja

Deputeti i Partisë Demokratike të Kosovës, Abelard Tahiri, në FRONTAL në T7 ka hedhur poshtë çdo mundësi për një koalicion të mundshëm mes kësaj partie dhe Lëvizjes Vetëvendosje, shkruan Gazeta Express.

Tahiri ka deklaruar se PDK është e bindur që me VV-në s’mund ta bëjnë Kosovën më mirë.

Ai ka thënë edhe se këtë parti s’mund t’i rrisësh as pagat, as pensionet e s’mund t’i largosh sanksionet.

‘‘Jemi të bindur që me VV-në në koalicion nuk mund të bëjmë këtë vend më mirë. 2 vjet që jemi nën sanksione të BE-së, dallimet në qeverisje i kemi jashtëzakonisht të mëdhaja. Përgjigjja jonë është e prerë JO, jemi të interesuar që VV-në me dërguar në opozitë. Me VV s’mundesh as mi rritë pagat, as pensionet as s’mundesh me i hjek sanksionet, qysh me qeverisë me ta?’’, ka thënë ai.

Pas skandalit, Jozi sërish vjen me një mesazh për Gjestin

Pas një kohe, Jozefin Marku ‘është bërë i gjallë’ me postime në llogarinë e tij në Instagram.

Me anë të një video në Instastory, ai ka zgjedhur ta përqojë një mesazh duke përdorur një këngë të reperit të njohur shqiptar, Unikkatil.

Në story-n e shpërndarë, Jozi ka ndarë vargjet e këngës “Caku i arritun”, duke lënë të nënkuptohet mesazhin që ai nuk do të ndalet, e as të harrohet si disa me kohë.

“Unë su nala dost ja për cka vazhdova, du me lan ni shenjë qe yje ekzistova, jo si shumica që harrohen me kohë,” ishte një pjesë e këngës së ndarë nga Jozi.

Ky mesazh i Jozit ka marrrë vëmendjen e mënjehershme, dhe është nënkuptuar nga ndjekësit si thumb i drejtëpërdrejtë ndaj Gjestit.

Incidenti skandaloz në AIP, dy zyrtare të shtetit u rrahën mes vete për një burrë

Një histori tipike për skenar telenovelash spanjolle ka eskaluar në rrahje mes dy zyrtareve të shtetit, brenda një institucioni po ashtu shtetëror të Kosovës. Incidenti i dhunës fizike ka ndodhur dje paradite në Agjencinë për Informim dhe Privatësi.

Gazeta online Reporteri.net merr vesh se dy zyrtare shtetërore janë rrahur dje mes vete. Dyshimet janë se gjithçka ndodhi për një burrë, që po ashtu sipas informacioneve është zyrtar shtetëror në një ministri tjetër.

Gjithçka nisi kur njëra prej tyre, zyrtare e një Ministrie shkoi në vendin e punës së tjetër, në AIP, dhe e sulmoi atë fizikisht.

Incidentin e ka konfirmuar edhe Policia e Kosovës, që rastin po e trajtojnë si “sulm ndaj personit zyrtar”.

“Më datë 30.04.2025, rreth orës 10:15 është pranuar informata për një sulm fizik në rrugën “Zenel Salihu” në Prishtinë. Policia ka dalë në vendin e ngjarjes, ka intervistuar palët e përfshira, dhe dyshimet janë ngritur se ngjarja ka rrjedhur si pasojë e një mosmarrëveshje të mëhershme që palët kishin mes vete. Me rekomandimin e prokurorit të shtetit është iniciuar një hetim në drejtim të veprës penale “Sulm ndaj personit zyrtar” dhe hetimi vijon në procedurë të rregullt”, ka konfirmuar për gazetën Reporteri.net, zëdhënësi Agron Borovci.

Gazeta Online Reporteri.net, të enjten, ka provuar të kontaktojë përmes telefoni me Drejtoreshën e Përgjithshme të AIP, Lumnije Demi, për ta konfirmuar rastin, mirëpo e njëjta s’është përgjigjur në thirrjen e mediumit.

Mediumi ka dërguar pyetje edhe në adresë të AIP, që drejtohet nga Krenare Sogojeva Dërmaku, por deri në momentin e publikimit të tekstit s’ka marrë përgjigje, duke pasur parasysh se dita e sotme është ditë pushimi.

Ish-banorja e “Big Brother Albania” dhunon vajzën e mitur në një market

Disa pamje shqetësuese janë bërë publike në media, ku protagoniste ka qenë ish-banorja e “Big Brother”, Genta Gjalpi, e cila tashmë është kthyer në një personazh TikTok-u.

Në një video të publikuar nga JOQ, Genta shfaqet duke pasur një sjellje të papërshtatshme ndaj një fëmije të mitur në një ambient publik, konkretisht në një market.

Sipas denoncuesve, vajza e vogël që shfaqet në video është e bija e partnerit të Genta Gjalpit.

Ish-banorja e “Big Brother”, shihet duke e kapur fëmijën nga flokët, duke u rrëzuar gjatë ndjekjes së saj dhe më pas duke e tërhequr nga rrobat me forcë, për ta nxjerrë jashtë ambientit.

Ngjarja ka ndodhur në një supermarket në një kompleks në zonën e Yzberishtit në kryeqytet, ku banon edhe vetë Genta me partnerin e saj prej më shumë se 1 viti.

Kjo sjellje ka shkaktuar reagime të forta në rrjetet sociale, ku shumë qytetarë e kanë konsideruar aktin si të papranueshëm, sidomos duke marrë parasysh që ndodhi në një vend publik dhe para syve të njerëzve të tjerë.

Gërvalla akuzon PDK-në, LDK-në e AAK-në për “unitet të plotë” me Listën Serbe

Pasi u dështoi propozimi që votimi për kryeparlamentar në Kuvend të bëhet në mënyrë të fshehtë, deputetja Donika Gërvalla, i ka quajtur “humbës” partitë tjera.

Ajo ka akuzuar PDK-në, LDK-në, AAK-në për bllokadë, duke përmendur këtu edhe Listën Serbe.

“Bllokada vazhdon. PDK, LDK, AAK dhe Lista Serbe, të gjithë së bashku, kundër votimit të fshehtë për Kryetar të Kuvendit, si mundësi për zhbllokim të proceseve. Mes tyre dhe Listës Serbe unitet i plotë, ndaj deputetëve të tyre mosbesim total. Humbës të dobët”, ka shkruar Gërvalla.

Dorëheqje e papritur në SHBA?

Këshilltari Kombëtar i Sigurisë i SHBA-ve, Mike Waltz, ka dhënë dorëheqjen nga pozita e tij, sipas raporteve nga mediat ndërkombëtare.

Po ashtu, zv/këshilltari i tij, Alex Wong, do të largohet nga posti i tij, thonë këto raporte, transmeton klankosova.tv.

Shtëpia e Bardhë ka deklaruar se nuk do të japë komentime lidhur me burimet anonime.

Ky zhvillim ndodh disa javë pasi Waltz mori përgjegjësinë për një bisedë grupi ku zyrtarë të lartë kishin planifikuar sulme ushtarake në Jemen, në praninë e një gazetari që ishte shtuar aksidentalisht në bisedë.

Ky është largimi i parë i një anëtari të rëndësishëm të administratës gjatë mandatit të dytë të Trump-it.

Violetë Kukaj feston ditëlindjen, surpriza më e ëmbël erdhi nga fëmijët!

Këngëtarja e dashur e muzikës popullore shqiptare, Violeta Kukaj, ka festuar sot ditëlindjen e saj të 56-të.

Artistja, e cila prej vitesh ka qenë pjesë e pandashme e skenës muzikore, është befasuar në mënyrën më të bukur nga fëmijët e saj, shkruan Indeksonline.

Ata i kanë përgatitur një tortë, duke e surprizuar me një gjest të ngrohtë dhe plot dashuri.

Ky moment emocional është ndarë edhe në rrjete sociale, ku Violeta është shfaqur e lumtur dhe mirënjohëse për surprizën dhe dashurinë që ka marrë.

Vjen paralajmërimi: Prokuroria e Hagës po përgatitet për dënimin e krerëve të UÇK-së

Insistimi i Prokurorisë së Hagës që krerët e UÇK-së të mos lirohen nga paraburgimi, ka shtuar reagimin e ashpër të mbrojtjes.

Në parashtresën e fundit, avokatja e Jakup Krasniqit, përmend dënimin e ish-krerëve të UÇK-së.

Në këtë dokument, thuhet se me zhvillimin e fundit, bie ndesh edhe prezumimi i pafajësisë, dhe minimi i të drejtave të njeriut.

“Jakup Krasniqi tashmë ka pësuar katër vjet e gjashtë muaj ndalim. Ky privim i zgjatur i lirisë peshon rëndë kundër ndalimit të vazhduar, sidomos pas së drejtës themelore për të qenë i pafajshëm i supozuar dhe gjatësisë së jashtëzakonshme të kohës të cilën ai tashmë e ka vuajtur pa dënim. Ndalimi është përjashtimi, jo rregulla, dhe duhet të jetë masë e zgjedhjes së fundit. Ndalimi i vazhduar i z. Krasniqi në këto rrethana mund të perceptohet si dënim preliminar, që bie ndesh me prezumimin e pafajësisë dhe do t’i minojë mu të drejtat që e formojnë themelin e një gjykimi të drejtë”, thuhet në parashtresën e mbrojtjes së Jakup Krasniqit të cilën e ka parë Nacionale.

Dënimi i mundshëm dhe minimi i të drejtave të njeriut ka ardhur si rezultat i refuzimit për lirim të përkohshëm.

Sipas avokates, paraburgimi tashmë është krejtësisht i panevojshëm pasi dëshmitarët dhe provat e Prokurorisë së Hagës kanë përfunduar.

“Rrethanat tani kanë ndryshuar thelbësisht. Prokuroria ka thirrur dëshmitarin e saj të fundit dhe arsyetimi kryesor për vazhdimin e paraburgimit – domethënë, rreziku që Z. Krasniqi mund të ndërhyjë te dëshmitarët e Prokurorisë – nuk ekziston më në asnjë formë konkrete ose të besueshme. Nuk ka dëshmitarë të tjerë për të ndikuar. Çdo pretendim se Z. Krasniqi mund të pengojë procedurat duke ndërhyrë te dëshmitarët që kanë dëshmuar tashmë, ose në ndonjë çështje që do të ngrihet nga Mbrojtësi i Viktimave, është tërësisht spekulativ, i mungon çdo bazë faktike dhe është i pamjaftueshëm për të justifikuar privimin e tij nga liria e tij më tej. Mbështetja e vazhdueshme në hamendësime të këtij lloji do të ishte joproporcionale dhe e pajustifikueshme”, thuhet më tutje në parashtrimin e mbrojtjes së Jakup Krasniqit.

Mbrojtja përmend edhe sfidat e Jakup Krasniqit në paraburgim, përfshirë moshën e shtyrë.

“Rrethanat personale të Z. Krasniqi kanë evoluar ndjeshëm dhe meritojnë konsideratë të dhembshur. Së pari, ai tani është 74 vjeç dhe [I REDAKTUAR] në katër vjet e gjysmë të fundit, [I REDAKTUAR]. 2 Paneli është në dijeni të [I REDAKTUAR]. Kohët e fundit, [I REDAKTUAR]. 4 [I REDAKTUAR] nuk janë thjesht ndihmëse – ato shkojnë në zemër të [I REDAKTUAR] për të marrë pjesë në mënyrë kuptimplote në mbrojtjen e tij, veçanërisht në kushtet e paraburgimit të zgjatur. Që nga fillimi i paraburgimit të tij kanë lindur dy nipër e mbesa. Z. Krasniqi tani kërkon të kthehet në familjen e tij me dinjitet dhe të kalojë kohë kuptimplote me familjen e tij në rritje – një nxitje që vetëm sa forcon motivimin e tij për t’iu përmbajtur çdo kushti që Paneli mund të vendosë”, thuhet më tutje.

Mbrojtja e Kadri Veselit ka insistuar se Prokuroria e Hagës po synon në çdo formë që t’i mbajë në paraburgim të akuzuarit, dhe kjo përbën shkelje.

Mbrojtja e Jakup Krasniqit ka propozuar 7 masa konkrete të cilat Krasniqi është i gatshëm t’i zbatojë në arrest shtëpiak, vetëm që të lirohet dhe të qëndrojë pranë familjes.

Kundërshtime në pretendimet e Prokurorisë së Hagës ka pasur edhe mbrojtja e Rexhep Selimit. Sipas avokatëve, Prokuroria nuk ka arritur të vërtetojë që Rexhep Selimi mund të arratiset, ose ka synim të ndikojë në prova dhe dëshmitarë.

Të gjitha ekipet mbrojtëse, njëzëri, kritikojnë faktin se pavarësisht që kanë përfunduar dëshmitarët e Prokurorisë dhe janë dorëzuar të gjitha provat, klientët e tyre nuk po lirohen

“U kry çdo sen”, Egli e pranon ndarjen nga Gjesti

Pas një rrugëtimi të bujshëm në edicionin më të fundit të “Big Brother VIP Albania”, ku arriti deri në finale duke fituar zemrat e publikut me karakterin e saj të çiltër, batutat e natyrshme dhe momentet e ndjera, këngëtarja Egli Tako po shfaqet sërish në qendër të vëmendjes.

Kësaj here, ajo është e ftuara speciale në episodin e radhës të spektaklit të humorit “Portokalli”, që është xhiruar ditën e mërkurë dhe pritet të transmetohet në ekranin e Top Channel të dielën në mbrëmje.

Pjesëmarrja e saj në këtë program vjen në një moment kur emri i Eglit është kthyer në një ndër më të lakuarit në media dhe rrjetet sociale, jo vetëm për pjesëmarrjen e saj të suksesshme në BBVA, por edhe për raportet personale që kanë ngjallur interes të madh tek publiku.

Në intervistën e realizuar në kuadër të “Portokalli”, Egli është përballur me një seri pyetjesh që kanë prekur jo vetëm jetën e saj artistike dhe rrugëtimin në skenë, por edhe aspektet më intime të përvojës së saj brenda shtëpisë më të famshme në Shqipëri

Një intervistë që kalon kufijtë e zakonshëm

Në një atmosferë të mbushur me të qeshura, batuta spontane dhe provokime të vogla me stilin karakteristik të aktorëve të “Portokalli”, Egli u shfaq e qetë dhe e vendosur, duke ruajtur balancën mes diplomacisë dhe sinqeritetit.

Ajo nuk nguroi të komentojë edhe mbi marrëdhënien e përfolur me banorin tjetër të BBVA, Gjestin, me të cilin pati një lidhje të dukshme afërsie gjatë qëndrimit në shtëpi, që për shumë ndjekës u interpretua si diçka më shumë sesa një miqësi e thjeshtë.

Në një nga momentet më të komentuara të intervistës, një nga aktorët e “Portokalli”-s e pyeti troç: “A bërë gjë me Gjestin?”, duke i lënë të pranishmit në pritje të një përgjigjeje të zakonshme, ose ndoshta një shmangie të mençur.

Por Egli befasoi të gjithë me një përgjigje të drejtpërdrejtë dhe plot siguri: “U kry çdo sen” – një deklaratë që menjëherë ndezi reagime dhe do të mbetet padyshim një nga frazat më të cituara në ditët në vijim.

Ky moment, edhe pse i shoqëruar me të qeshura nga publiku dhe aktorët, ishte një sinjal i qartë se Egli nuk ka ndërmend të fshehë apo mohojë eksperiencat e saj, pavarësisht ndjeshmërisë së temës.

Në vend që të mbulojë situatën me eufemizma apo të anashkalojë pyetjet me përgjigje të përgjithshme, ajo zgjodhi të jetë e hapur, duke fituar edhe më shumë respekt nga një pjesë e audiencës që vlerëson sinqeritetin dhe autenticitetin.

Koment mbi zërat për një lidhje të re jashtë BBVA

Përveç çështjes së marrëdhënies me Gjestin, Egli u pyet gjithashtu edhe për një tjetër thashethem që ka qarkulluar së fundmi në rrjetet sociale dhe disa portale rozë: lidhja e mundshme me trajnerin e fitnesit, Marion. Lidhja e supozuar ka marrë hov pas daljes së saj nga shtëpia e BBVA, duke ngjallur dyshime për një raport të ri në jetën e saj private.

Kur u përball me këtë temë, Egli reagoi me humor dhe shprehje karakteristike, duke e relativizuar gjithë situatën dhe duke vendosur në qendër të përgjigjes vetveten si një grua që e ka për zemër të mos etiketohet në mënyrë të shpejtuar për çdo marrëdhënie apo kontakt.

Ajo tha me të qeshur:
“Atje brenda gjithë shokët që kisha mi bëtë për burra, po dhe jashtë nuk po më lini rehat. Lëri burrat me gratë tyre në shtëpi dhe mua me këtë burrin në tentativë që kam”.

Përmes kësaj deklarate, Egli nuk vetëm që mohoi kategorikisht një lidhje të konfirmuar me Marionin, por në të njëjtën kohë theksoi vështirësinë me të cilën përballen personazhet publikë në ruajtjen e privatësisë. Ajo përdori ironinë si armë për të shfryrë presionin e spekulimeve, ndërsa nuk e mohoi faktin që mund të ketë dikë që i intereson, por pa dhënë më shumë detaje.

Rikthimi në skenë dhe planet për të ardhmen

Gjatë bisedës me aktorët e “Portokalli”, Egli foli edhe për planet e saj në muzikë dhe dëshirën për të vazhduar karrierën artistike në një nivel më të lartë pas përfundimit të BBVA.

Ajo zbuloi se ka në punë disa projekte muzikore, ndër të cilat një këngë e re që pritet të lançohet gjatë muajve të verës. Përveç kësaj, Egli shprehu interes për të eksploruar edhe formate të tjera televizive dhe projekte skenike, duke e konsideruar këtë moment si një rilindje në jetën e saj publike.

Përfundimisht, paraqitja e saj në “Portokalli” konfirmon se Egli Tako nuk është më thjesht një konkurrente e suksesshme në një reality show, por një figurë publike që di të përdorë vëmendjen në mënyrë inteligjente, duke e kthyer çdo pyetje të sikletshme në një mundësi për të treguar personalitetin e saj.