Sonte me urgjencë nga Suedia në Big Brother do të vijë vëllai i Xhenetës – por a do të kërkojë nga ajo që ta lë shtëpinë?

Edhe pak orë na ndajnë që nga nisja e spektaklit ‘Prime’ të Big Brother VIP Kosova 3 të cilin nuk duhet ta humbisni.

Spektakli ‘Prime’, pritet që sonte të sjellë shumë surpriza e të papritura për miliona ndjekës të këtij formati televiziv e që është më i shikuari në trojet shqiptare që nga dita e nisjes së tij.

Sonte me urgjencë nga Suedia në Big Brother VIP Kosova do të vijë vëllai i Xhenetës – por a do të kërkojë ai që Xheneta të lë shtëpinë?

Po ashtu sonte në spektaklin ‘Prime’ do të vijë sërish gruaja e Mevlanit e cila ishte edhe në spektaklin e kaluar – çfarë do të sqarojë e çfarë ka për të thënë duhet të prisni edhe pak për ta marrë vesh.

Po ashtu debatet e tensionet nuk munguan mes banorëve gjatë kësaj jave në shtëpinë më të famshme në vend të cilat gjithashtu do të diskutohen sonte.

Prime do të nis nën prezantimin e nikoqirëve Alaudin Hamiti dhe Jonida Vokshi, teksa opinionet e tyre do t’i japin Olta Gixharri dhe Milaim Zeka.

Alaudin Hamiti lëshon deklaratën bombë pak para spektaklit te Big Brother

Sot është Prime, dhe të gjithë janë me sy nga ky spektakël me shumë drama dhe ngjarje të reja.

Alaudin Hamiti, prezantuesi në fjalë ka publikuar një instastory duke zbuluar disa detaje pak para Prime-it.

Ai u shpreh se ” Do te kemi nje reagim nga jasht per situata qe ka ndodh edhe brenda edhe jashte shtepise, kush ka me reagu kuptojeni,,,,”

Duket se ky i fundit po paralajmëron një Prime të gjatë dhe me shumë drama./Kosovarja/

Befason Gani Gërmia: Nuk kam qenë mirë emocionalisht…

Në një intervistë të sinqertë dhe të hapur për emisionin “Canapé”, Visar Dërmaku, i njohur nga publiku si Gani Gërmia, ka ndarë ndjesitë e tij pas përvojës së paharrueshme në “Big Brother VIP Kosova”.

I njohur për humorin e tij të shkëlqyer dhe energjinë pozitive që e karakterizonte në shtëpinë e Big Brother, Gani u bë një nga banorët më të dashur të sezonit të dytë.

Por pas gjithë kushteve të favorshme dhe dashurisë që mori nga publiku, ai zbuloi se kalimi nga jeta e mbushur me kamera dhe dinamika të përditshme brenda shtëpisë në jetën reale ishte një periudhë e vështirë për të.

“Pas daljes nga ‘Big Brother’, e vërteta është se nuk kam qenë në gjendje të mirë emocionale,” ka pranuar ai gjatë intervistës.

Gani e theksoi se, ndonëse popullariteti i tij arriti majat gjatë kohës që ishte në shfaqje, përballja me realitetin pas daljes ishte një sfidë e madhe për të.

Shiko videon:

Ledri tha se nuk i vjen keq për ndarjen, Sara bën veprimin e papritur

Edhe pse prej kohësh të ndarë, edhe pse Ledri i hoqi fotot nga rrjetet e tij sociale dhe këngën ku në videoklip ishte me Sarën, apo qarkulluan në rrjet edhe foto të tij me të dashurën e re, Sara Hoxha kishte vendosur që fotot me të në Instagram mos t’i hiqte, siç ndodh zakonshëm.

Por pas intervistës së dhënë nga Ledri në “Mirëmbrëma yje”, Sara ka vendosur që të gjitha fotot me Ledrin mos të jenë më në profilin e saj, pasi Ledri zbuloi shumë gjëra për marrëdhënien e tyre.

Gjatë bisedës, Ledri u kthye pas në kohë dhe kujtoi edhe ardhjen në jetë të Poit, duke zbuluar se shtatzënia ka ardhur në një moment që ata i kishin dhënë fund lidhjes së tyre prej 3 javësh.

Ledri tha se edhe pse ka patur dëshirë të ketë fëmijë, pasi në familjen e tij ai është djalë i vetëm, në ato momente nuk e ka pritur.

Reperi kujtoi se ka qenë periudhë pandemie, kur Sara e ka marrë në telefon dhe i ka treguar se do të bëhej baba, dhe pyetja e tij e parë ka qenë se nëse ajo do që ta mbajë atë fëmijë.

“E kena dashtë, por ka ardhur befas, bash në atë moment kur s’e kemi pritë. Në fakt me të kallxu drejtë, se din kërkush, por një ditë para se me ndodhë pandemia, na jena nda. Pastaj kur ka shku, janë bo dy-tre javë, veç kur po më thirrë në telefon, thash ‘hë, çka u bo tash’, edhe veç kur e ka nxjerrë ekon…

Se disha a jom në andërr, pyetja ime e parë ka qenë ‘a po don me majt’, Sara ishte shumë e lumtur, pastaj edhe unë kur vendosi me e majt…”, tha ndër të tjera Ledri.

Një deklaratë tjetër bombastike e tij ishte kur u pyet nëse i vjen keq për ndarjen, dhe ai tha se i vjen keq vetëm për Poin.

“As nuk jam ndalur të mendoj pse nuk funksionoi, as nuk dua të mendoj. Për ndarjen më vjen keq vetëm Poin, për gjë tjetër jo”, tha reperi, teksa shtoi, se ndoshta po të kishte qenë Sara pak më private do të ishin ende bashkë.

Në platformën eKosova shtohen edhe katër shërbime, kanë të bëjnë me…

Në platformën eKosova  ka lansuar edhe katër shërbime nga Ministri e Arsimit, Shkencës Teknologjisë dhe Inovacionit.

Në mesin e këtyre shërbimeve është edhe aplikimi për mbështetje financiare për studime master jashtë Kosovës.

Më poshtë i gjeni të plota shërbimet e reja që I janë shtuar kësaj platofme:

1.Mbështetje financiare për studentët në fushat e Shkencës, Teknologjisë, Inxhinierisë dhe Matematikës (STEM) të arsimit të lartë publik në Kosovë- https://ekosova.rks-gov.net/435;

2. Mbështetje financiare për studentët e komuniteteve Rom, Ashkali dhe Egjiptian për nivelin Bachelor 2024/2025- https://ekosova.rks-gov.net/434;
3. Aplikimi për mbështetje financiare për studime master jashtë Republikës së Kosovë- https://ekosova.rks-gov.net/408;
4. Bursa për studentët e nivelit bachelor dhe master dhe studentët me aftësi të kufizuara në Universitetet Publike të Republikës së Kosovës- https://ekosova.rks-gov.net/318;

Arbërie Nagavci merr vendim të ri për Doracakun e shumëpërfolur për edukimin seksual

Ministria e Arsimit, Shkencës, Teknologjisë dhe Inovacionit njofton se ka nxjerrë vendim për rishikimin e Doracakut për edukim seksual dhe shëndet riprodhues.

Për procesin e rishikimit ministria do të formojë një komision me ekspertët më të kualifikuar në vend.

“Të ftuar do të jenë të gjitha palët relevante, përfshirë Këshillin e Prindërve të Kosovës. Ky proces do të kryhet në mënyrë profesionale, etike e transparente dhe me tërë përkushtimin që kërkon ligji dhe detyra.
Duke marrë parasysh shqetësimet e prindërve në adresë të ministrisë, sqarojmë edhe një herë që nuk ka kurrikulë të veçantë për edukim seksual e as tekste shkollore ku fëmijët mësojnë për edukimin seksual. Edukimi seksual synon t’i pajisë fëmijët dhe të rinjtë me njohuri të bazuara në fakte shkencore rreth shëndetit seksual dhe riprodhues dhe u ndihmon të kuptojnë ndryshimet trupore që ndodhin gjatë zhvilimit.
Lidhur me doracakun për mësimdhënës, prej vitit 2019 janë trajnuar më shumë se 2500 mësimdhënës. Deri tani nuk ka pasur asnjë shqetësim nga asnjë palë, përfshirë ekspertët shëndetësorë, psikologët, mësimdhënësit, drejtorët e shkollave, drejtoritë Komunale apo palë të tjera në lidhje me përmbajtjen e doracakut. Pra, nga asnjë mësimdhënës nuk është ngritur kurrë më parë kjo temë.
Ministria e Arsimit kujdeset me të gjitha resurset njerëzore për mirëqenien e fëmijëve në vendin tonë. Ndaj këtë proces të rishikimit do ta kryejmë me përgjegjësinë më të lartë etike dhe profesionale. Ndërkohë, Ministria e Arsimit kërkon nga të gjithë të përmbahen prej gjuhës tejet të papërshtatshme që po përdoret ditët e fundit.
Po ashtu, njoftojmë mësimdhënësit dhe prindërit se doracaku do të largohet nga përdorimi dhe nga faqja zyrtare e MASHTI-t deri në përfundim të rishikimit nga komisioni me ekspertët më të mirë në vend dhe të gjitha palët kompetente që i japin siguri e qartësi këtij procesi. MASHTI-i është institucioni i vetëm kompetent me autoritetin ligjor për këtë çështje. Në këtë linjë, çdo vendim jokompetent nga institucionet komunale nuk prodhon asnjë efekt juridik.
Së bashku do të bëjmë më të mirën për fëmijët tanë” thuhet në njoftimin e MASHTI-t.

Ishte një nga sulmuesit më të mirë, ish-ylli Unitedit luan ndeshjen e parë si profesionist në tenis

E dhimbshme: I riu nga Kosova që humbi jetën në një aksident trafiku në Itali

Rilind Thaqi, 21-vjeçar nga Kosova, ka humbur jetën në një aksident trafiku derisa kthehej nga Jesolo, Venedik, me kushëririn e tij 24-vjeçar.

BMW-ja e drejtuar nga kushëriri humbi kontrollin në një kthesë dhe u përplas me një shtyllë, Rilindi, që ndodhej në vendin e pasagjerit, humbi jetën në vend.

Ky aksident vjen në një moment të vështirë për familjen e Rilindit, i cili priste me padurim të kthehej në shtëpi pas një viti për të kaluar Krishtlindjet me prindërit e tij në Kosovë.

Siç shkruan mediumi italian, Corriere, Rilindi kishte planifikuar të ndërtonte një jetë të re në Itali, duke arritur të sigurojë një punë të mirë si kopshtar në kampingun Union Lido në Ca’ di Valle dhe po punonte për të marrë lejen e drejtimit të makinës, si dhe për të blerë një shtëpi në Ca’ Savio.

Të afërmit dhe miqtë e përshkruajnë Rilindin si një djalë të dashur dhe me zemër të madhe, gjithmonë të buzëqeshur dhe të gatshëm për të ndihmuar.

“Një copë bukë. Gjithmonë me një buzëqeshje,” thotë kushëriri i tij Dini Paçarizi.

Rilindi ishte pasionant për futbollin dhe çdo fundjavë luante në Jesolo me miqtë e tij të rinj, një hobi që e mbante të lidhur me komunitetin.

Komuniteti shqiptar në Cavallino-Treporti, i cili përbëhet nga rreth 100 shqiptarë, është në zi për humbjen e tij.

Kryetarja e Bashkisë, Roberta Nesto, shprehu ngushëllime për familjen e tij, duke vlerësuar të rinjtë si Rilindi dhe kushëriri i tij për integrimin dhe kontributin që kanë dhënë në zonë.

Ky është banori më i ri i Big Brother Vip Kosova?

Pas daljes së Rrezartit edhe Besfortit, po pritet që në Big të hynë disa banorë të rinjë.

Një emër që po qarkullon në media, është Eduard Kuci, i cili ishte në formatin “Përputhen”.

Ai ka publikuar një instastory ku shihet shtëpia e Big Brother Vip Kosova.

Dhe gjithashtu një tjetër, me një përshkrim duke thënë “Gjejeni se kush u kthye në lojë, është koha për të bërë zhurmë..”

Reagon babai i të dyshuarit për vrasjen e dyfishtë në Klinë

Një vrasje e dyfisht me armë zjarri sot rreth orës 17:15, brenda një lokali në komunën e Klinës, tronditi vendit. Njëri nga të plagosurit humbi jetën në vendngjarje, kurse tjetri u dërgua pa shenja jete në Emergjencën e Spitalit të Pejës, raporton GazetaDemos.

Siç mësoi ekzkluzivisht Demos nga burimet e veta, njëri nga viktimat u godit me një plumb në pjesën e majtë të gjoksit, goditje të cilës i bëri ballë vetëm për pak minuta.

Të dy viktimat, siç njoftoi edhe prokurori i rastit nga vendi i ngjarjes, u takojnë moshave të reja. Ndërsa, GazetaDemos mësoi se bëhet fjalë për Albison Shlivova dhe Rexhep Shlivova, të cilët dyshohet se u privuan nga jeta nga i riu Jon Hoti.

Disa orë pas ngjarjes babai i të dyshuarit për vrasje ka vendosur në profilin e tij në “Facebook”, dy foto të errëta.

Rikujtojmë se i dyshuari për vrasjen e dyfishtë është dorëzuar në Polici.