Rrahu nxënësin në shkollë, ndalohet për 48 orë mësuesi

Një mësues në Istog është ndaluar për 48 orë pasi ka ushtruar dhunë ndaj një nxënësi.

Ky ndalim vjen pasi prokuroria kishte nisur hetimet rreth një video të publikuar në rrjete sociale ku një mësimdhënës kishte rrahur nxënësin në shkollën “Avni Rrustemi”.

“Me urdhër të prokurorit të shtetit, një mësimdhënës në Istog është ndaluar për 48 orë për dhunën e ushtruar ndaj nxënësit për veprën penale “sulm ndaj viktimes se ndjeshme”, kakonfirmuar për Insajderin zëdhënësi Shkodran Nikqi.

Masa e përkohshme ndaj Kuvendit, Tahiri: Presidentja e ka mbyllur gojën

Ish-zëvendëskryeministrja e Kosovës, Edita Tahiri, ka komentuar masën e përkohshme të Kushtetueses për Kuvendin.

Ajo e ka kritikuar presidenten e Kosovës, Vjosa Osmani, për heshtjen ndaj këtij rasti.

Në profilin e saj në “Facebook”, Tahiri ka shkruar se e para e vendit duhet të reagojë.

“Gjykata kushtetuese prapë foli, prapë bllokoi Kuvendin – presidentja ka mbyllur gojën – kur do të flasë populli – populli është sovrani i takon ta marrë në dorë fatin e Kosovës përballë shkelësve të Kushtetutës”, ka shkruar Tahiri.

Plumbi qorr godet 62-vjeçarin në oborrin e shtëpisë në Vushtrri, policia në kërkim të autorit

Një ngjarje e rëndë ka ndodhur mbrëmë në fshatin Maxhunaj të Vushtrrisë, ku një burrë ka mbetur i plagosur nga një e shtënë me armë zjarri.

Sinjali mëson se viktima është Sh. Maxhuni, 62-vjeçar i cili ka deklaruar se rreth orës 20:25, përderisa po qëndronte në oborrin e shtëpisë së tij, ka dëgjuar një krismë dhe menjëherë ka ndjerë një goditje në këmbën e djathtë, sipër gjurit.

Ai ka treguar se nuk ka pasur probleme me askënd dhe se nuk dyshon në ndonjë person të caktuar. Deri më tani, Policia nuk ka identifikuar autorin e ngjarjes.

I plagosuri është dërguar për tretman mjekësor në emergjencën e Vushtrrisë, ku sipas mjekëve është në gjendje stabile dhe jashtë rrezikut për jetë.

Me urdhër të Prokurorit kujdestar, rasti është iniciuar si vepër penale “Shkaktim i rrezikut të përgjithshëm”, ndërsa hetimet për zbardhjen e rastit po vazhdojnë.

Kryeziu: Masa e përkohshme e Kushtetueses i ka efektet e pariparueshme

Ish-gjyqtari i Gjykatës Kushtetuese, Kadri Kryeziu, ka theksuar se vendimi i sotëm për vendosjen e masës së përkohshme ndaj Kuvendit të Kosovës ka impakt negativ.

Në emisionin “Edicioni Special” në Klan Kosova, ai ka deklaruar se dëmi nga ky vendim i fundit i Kushtetueses për vendin do të jetë i pariparueshëm.

“Unë këto i kam trajtuar në mënyrë shumë profesionale dhe të specializuar. Mund të them se masa e përkohshme, e cila është vendosur sot nga Gjykata Kushtetuese, prodhon efektet e pariparueshme për institucionet dhe për shoqërinë e Kosovës”.

“Kështu që, në këtë kontekst, unë konsideroj që gjyqtarët nuk kanë marrë parasysh interesin e madh kombëtar dhe shtetëror, dhe janë ngutur që të bëjnë një masë të përkohshme, efektet e së cilës janë të pariparueshme, jo vetëm për këtë legjislaturë, por edhe për legjislaturat tjera që vijnë me radhë në Parlamentin e Kosovës”, ka thënë Kryeziu.

 

 

Kryeziu ka sqaruar se cili është efekti kryesor më i pariparueshëm që ai e sheh: “Një përfaqësues i minoritetit serb mund të vendosë se kur të konstituohet parlamenti dhe kur të mos konstituohet parlamenti. Kjo quhet, në aspektin diplomatik dhe politik, ‘veto’, që nënkupton se një minoritet me një udhëzim administrativ ka mundësi çdo herë të bojkotojë ose të mos marrë pjesë në parlament, dhe në bazë të kësaj nuk mund të konstituohet Kuvendi i Kosovës pa qenë një minoritet serb.”

Ky është 43-vjeçari që humbi jetën në aksidentin në Malishevë

Një aksident i rëndë trafiku ka ndodhur sot rreth orës 15:50 në fshatin Astrazub të Malishevës, ku humbën jetën dy persona ndërsa u lënduan edhe dy të tjerë.

Burimet e IndeksOnline kanë bërë të ditur se personi që humbi jetën është, Masar Krasniqi .

Ndërsa viktima tjetër një femër mga familja Popaj.

Rasti është konfirmuar edhe nga zëdhënësi i policisë për rajonin e Gjakovës, Sheremet Elezi.

“Sot rreth orës 15:50, në fshatin Astrazub të Malishevës është raportuar një aksident trafiku në mes të dy automjeteve.

Në vendin e ngjarjes menjëherë kanë dalë njësitet e nevojshme policore dhe ekipi i ndihmës së shpejtë, ku nga personeli mjekësor është konstatuar vdekja e dy personave të rritur (një femër dhe një mashkull), ndërsa dy persona të tjerë janë dërguar për trajtim mjekësor.

Në konsultim me Prokurorin e Shtetit, trupat e viktimave dërgohen për ekzaminim mjeko-ligjor” deklaroi Elezi.

Kurtit nuk i pëlqen pyetja pse vajza e tij nuk shkollohet në Kosovë, i kthehet keq gazetares

Kryeministrit në detyrë, Albin Kurti nuk ka pëlqyer fare që ia bënë gazetarët gjatë përurimit të një çerdheje në Orllan të Podujevës

Ai u pyet aty se pse s’po e shkollon edhe vajzën e tij në Kosovë derisa po lavdëronte punën e tij në arsim.

“Në vazhdimësi po përkrahni projekte në arsim, a s’janë këto të mjaftueshme që edhe vajza juaj të shkollohet në Kosovë?”, ishte pyetja e gazetares së Klan Kosovës.

“Unë po ju falënderoj shumë që po i ndiqni këto investime që po i bëjmë ne këtu, dhe natyrisht që unë kujdesem për të gjithë fëmijët e Kosovës dhe po bëjmë atë që s’ka bërë asnjë qeveri para neve. Madje, të gjitha qeveritë marrë së bashku nuk mund të krahasohen me numrin e çerdheve që kemi hapur ne. Katër çerdhe për 18 vjet në njërën anë dhe në anën tjetër i kemi për vetëm katër vjet 65 çerdhe ose të ndërtuara ose në ndërtim e sipër”, tha Kurti.

Ndërkaq, ai iu hakmor asaj menjëherë.

“Sa i përket televizionit tuaj, besoj që ju duhet t’u thoni pronarëve që t’ia ktheni 62.6 milionë euro Telekomit të Kosovës”.

Ky televizion e transmeton ndeshjen Zvicër – Kosovë

Përfaqësuesja e Kosovës në futboll sot nis kualifikimet për Kampionatin Botëror 2026.

Në ndeshjen e parë, ”Dardanët” do të luajnë si mysafire e Zvicrës, shkruan IndeksOnline.

Ndeshja zhvillohet në stadiumin ”St. Jakob-Park” në Bazel, më fillim nga ora 20:45.

Stadiumi pritet të jetë i mbushur, pasi ka pasur interesim të madh nga tifozët kosovar që jetojnë në Zvicër.

E për të gjithë at që nuk mund të jenë prezent në stadium, ndeshjen mund ta ndiqni live përmes Radio Televizionit të Kosovës – RTK.

Publikohet formacioni zyrtar i ndeshjes Zvicër – Kosovë, befasi në 11shen e Dardanëve

Abdixhiku për vendimin e Kushtetueses: Padituria kushton, koha e shkatërruesve të shtetit po mbaron

Kryetari i LDK-së, Lumir Abdixhiku ka reaguar pas vendimit të Gjykatës Kushtetuese, e cila ka aprovuar kërkesën e dorëzuar nga Lista Serbe për vendosjen e një mase të përkohshme lidhur me zgjedhjen e nënkryetarit të Kuvendit nga komuniteti serb.

Kjo masë do të jetë në fuqi deri më 30 shtator 2025.

Abdixhiku parmes një postimi në Facebook, thotë se me një masë tjetër, bllokada po vazhdon, derisa shton se padituria kushton.

Postimi i plotë i Lumir Abdixhikut:

Masë tjetër, bllokadë tjetër. Padituria kushton.

Ja ku na ka sjellë popullizmi.

Një shtet i tërë i bllokuar, për një pozitë të parëndësishme partiake në Kuvendin e Kosovës.

Edhe 30 ditë të tjera të humbura – minimalisht. Tridhjetë ditë të tjera pa institucione funksionale, pa ligje që bëhen, pa projekte që ecin. Si po humbka Serbia kështu? Ne të bllokuar për një nënkryetar të parëndësishëm, e ata humbës disi?!

U thamë. Nuk dëgjuan.

U treguam. Nuk panë.

Kështu ndodhë kur shkatërruesit e shtetit, shkelësit e 48 herë Kushtetutës rresht, për synim nuk kanë atdheun, por kauzën elektorale për një votë a dy. Në mungesë të ideve, në mungesë të projekteve, në përballje me afera korruptive që bërtasin gjithandej hajni, vreri i tradhëtarëve e patriotëve në moçalin e madh të pështymave bëhet krejt i lehtë. Gojën plot Serbi – është lehtë. Punë për Kosovën është vështirë për ata që veç karrigën kanë synim.

LDK është e saktë sepse e kupton shtetin. Që nga shkurti e deri më sot, çdo pozicion i ynë politik kishte kuptim shtetar e kushtetues. Përballja me popullizmin nuk është e lehtë, por mbetet e paalternativë. Besimi ynë në Republikë e demokraci do të na udhëheqë.

Koha e shkatërruesve të shtetit duhet të mbarojë.

Koha e shkatërruesve të shtetit po mbaron.

ZRRE paralajmëron se çmimi i rrymës mund të rritet në këtë muaj

Zyra e Rregullatorit për Energji (ZRRE) nuk e përjashton mundësinë që deri të fund të vitit të bëjë sërish shqyrtimin e tarifave të reja të energjisë elektrike.

Sipas kryesuesit të Bordit të ZRRE-së, Ymer Fejzullahu shqyrtimi i tarifave mund të përfshirje ngritje apo edhe ulje të tarifave të energjisë elektrike varësisht nga kosto e sistemit.

“Ne mund të themi që ajo do të jetë shqyrtimi i ardhshëm tarifor në dhjetor… do ketë mundësi edhe të rritjes, por nuk përjashtohet mundësia edhe e zbritjes në rast kursimeve… jo domosdoshmërisht në mënyrë arbitrare të kemi rritje dhe zbritje ato varen nga kosto e sistemit”, deklaroi Fejzullahu.

Fejzullahu këto komente i bëri pas mbledhjes së Bordit të Zyrës së Rregullatorit për Energjisë.

Pamje nga aksidenti i rëndë ku humbën jetën dy persona një grua dhe një burrë

Dy personat e vdekur sot nga aksidenti në Astrazup të Malishevës janë një burrë dhe një grua.

Policia e Kosovës së bashku ekipin mjekësor kanë dalë në vendin e ngjarjes ku edhe konfirmohet që kanë vdekur dy persona të rritur, një burrë dhe një grua, ndërsa dy të tjerë janë dërguar për trajtim mjekësor.

“Sot rreth orës 15:50, në fshatin Astrazub të Malishevës (rruga Malishevë-Rahovec) është raportuar një aksident trafiku në mes të dy automjeteve. Në vendin e ngjarjes menjëherë kanë dalë njësitet e nevojshme policore dhe ekipi i ndihmës së shpejtë, ku nga personeli mjekësor është konstatuar vdekja e dy personave të rritur (një femër dhe një mashkull), ndërsa dy persona të tjerë janë dërguar për trajtim mjekësor”, ka konfirmuar Policia e Kosovës.

“Në konsultim me Prokurorin e Shtetit, trupat e viktimave dërgohen për ekzaminim mjeko-ligjor. Njësia Rajonale e Komunikacionit Rrugor, në koordinim me prokurorin e shtetit, janë duke ndërmarrë të gjitha veprimet e nevojshme hetimore për të zbardhur rrethanat që kanë dërguar deri te ky aksident”, shton tutje Policia.

Ndërkohë lexues të Gazetës Insajderi kanë dërguar pamje nga vendi i ngjarjes: