Abdixhiku prezanton aderimin e radhës, është një Gjeneral Major

Lidhja Demokratike e Kosovës e ka prezantuar aderimin e radhës, Gjeneral Major Gëzim Hazrollin.

Ish komandanti Brigadës 123 të UÇK-së ishte një nga të parët që udhëhoqi transformimin e TMK-së në FSK.

“Sot, Lidhja Demokratike e Kosovës mirëpret një nga figurat më të shquara të mbrojtjes sonë kombëtare: Gjeneral Major Gëzim Hazrollin – ushtarakun që në luftë udhëhoqi me guxim, në paqe shërbeu me përkushtim, dhe në shtet ndërtoi me urtësi.
Me mbi tre dekada uniformë, Hazrolli i bashkohet LDK-së jo vetëm si profesionist i rrallë, por si simbol i disiplinës, integritetit dhe karakterit që vendi ynë sot ka nevojë t’i rikthejë në qendër të jetës publike.

Në vitet vendimtare të çlirimit, si Komandant i Brigadës 123, të UÇK-së, ai ishte ndër njerëzit që mbajtën vijën e frontit – me përgjegjësi dhe me sakrificë. I qetë në vendimmarrje, i saktë në udhëheqje, i palëkundur në detyrë. Prej atyre burrave që i kanë dhënë peshë fjalës komandant.

Pas luftës, kur vendi kishte nevojë për themele të reja, Hazrolli ishte ndër të parët që vuri gurët e parë në ngritjen e Trupave të Mbrojtjes së Kosovës; dhe ndër të parët që udhëhoqi transformimin e tyre në Forcë të Sigurisë së Kosovës, për t’i dhënë Republikës një ushtri moderne, profesionale, të besueshme për aleatët tanë.
Nga viti 2009 deri në maj 2025, në pozitat më të larta drejtuese të FSK-së dhe Ministrisë së Mbrojtjes, ai ishte pjesë e çdo procesi kyç të modernizimit: ngritja e kapaciteteve luftarake, profesionalizimi i trupës, ndërtimi i standardeve që sot e lidhin ushtrinë tonë me partnerët euroatlantikë.

I formuar në institucionet strategjike më prestigjioze; Royal College of Defence Studies në Londër, Marshall Center në Garmisch, programet ekzekutive në Monterey, California; Gjenerali Hazrolli është ndër ekspertët më të plotë që ka prodhuar sistemi ynë i sigurisë.
Për shërbimin e tij, Republika e ka nderuar me Medaljen Presidenciale Ushtarake, Medaljen për Shërbime të Shquara, Medaljen e Karrierës – dekorata që mbahen pak, meritohen shumë dhe trashëgohen me krenari.

Sot, ardhja e tij në Lidhjen Demokratike të Kosovës përçon një mesazh të qartë:

njerëzit e shtetit po kthehen në politikë; njerëzit e përgjegjësisë po bashkohen në një projekt që synon rend, stabilitet dhe orientim të palëkundur euroatlantik.

Gjeneral Hazrolli i bashkohet LDK-së për një arsye të thjeshtë dhe të madhe: sepse Kosova ka nevojë për shtet, jo spektakël; për institucione të përgatitura, jo improvizim; për drejtim të qetë, të matur dhe të sigurt – jo aventurë politike.
Mirë se vjen, Gjeneral Gëzim Hazrolli.

Në këtë shtëpi politike, do të gjesh vlerat që i mbron prej tri dekadash: nderin, disiplinën, besën dhe përkushtimin ndaj Republikës.
Udhëtimi ynë për një Kosovë më të sigurt, më të fortë dhe më evropiane sot bëhet më i fuqishëm” shkruan Abdixhiku nw njoftim.

Dorëheqja e Xhafer Tahirit, dega e LDK-së me një veprim të papritur

Dega e LDK-së në Vushtrri ka dorëzuar sot në selinë qendrore të partisë një peticion me të cilin kërkohet të mos pranohet dorëheqja e Xhafer Tahirit nga pozita e kryetarit të Degës.

Peticioni, i cili mban 203 nënshkrime, është dorëzuar nga Sekretari i Degës, nënkryetarët dhe Sekretari Organizativ. Nënshkruesit përfshijnë themelues të Degës, asambleistë të zgjedhur, anëtarë të Kryesisë, kryetarë të nëndegëve, komisionerë, vëzhgues dhe aktivistë.

Sipas përfaqësuesve të Degës, iniciativa ka për qëllim ruajtjen e unitetit dhe vazhdimin e funksionimit të plotë të strukturës së LDK-së në Vushtrri.

Trafiku Urban me njoftim: Ja kur do të filloj qarkullimi i autobusëve

Ka vazhduar edhe sot protesta e punëtorëve të “Trafikut Urban” si dhe operatorëve privatë në kryeqytet.

Kryetari i Sindikatës së “Trafikut Urban”, Ilmi Gashi ka thënë se s’ka qarkullim të autobusëve në Prishtinë pa u alokuar paratë.

Sipas tij, Komuna i detyrohet “Trafikut Urban” 2.4 milionë euro. Ai gjithashtu i kërkoi falje qytetarëve për situatën e krijuar, por që siç tha kjo zgjedhje u është imponuar.

“Protesta vazhdon dhe sot edhe tutje deri në alokimin e mjeteve borxh që detyrohet Komuna të lshyjë borxhet ndaj ‘Trafikut urban’ dhe operatorëve privatë. Deri në këto momente, vendimi që është marrë ditën e enjte për bartjen e të hyrave vetjake për vitin 2024 në vitin 2025 që arrin vlera e asaj shume 28 milionë është dërguar nga Komuna te Ministria e Financave. Po presim nga Ministria e Financave për të kthyer këtë vendim me pozitivitet për ne gjë që i alokon ato mjete që është ai vendim. Komuna i detyrohet Trafikut Urban 2.4 milionë borxh. Shpresojmë që sot ose nesër mos po reflektojnë. Në momentin që alokohen paratë ne dalim në punë, gjysmë ore na duhet kohë për tu kthyer në normalitet. Sa të realizohet bartja ne fillojmë punën. Qytetarëve u kërkojmë falje. S’është bërë kjo me dashjen tonë, na është imponuar”, tha ai.

Baca Rifat Jashari sot feston ditëlindjen, ja sa vite mbushi

Rifat Jashari, figura publike shqiptare dhe patriark i familjes Jashari, vëllai i mbijetuar i komandantëve të Ushtrisë Çlirimtare të Kosovës, Adem Jashari dhe Hamëz Jashari, feston sot ditëlindjen.

Ai ka mbushur plot 79 vjet.

Këtë 1 dhjetor, ai pranoi urime të përzemërta si nga familja, ashtu edhe nga figura të njohura politike.

Jashari, ndër vite ka qenë zëri i luftës çlirimtare të Kosovës, të cilët iu vranë dhjetëra familjarë nga forcat e regjimit serb.

U ekzekutua me armë zjarri brenda veturës, publikohet fotoja e biznesmenit të njohur që u vra mbrëmjen e së dielës

Një ngjarje e rëndë ka ndodhur mbrëmjen e së dielës në Elbasan, ku u ekzekutua një person.

Viktima u identifikua si biznesmeni Edmond Hyka, i njohur edhe si Mondi Mëhalla.

Ai u qëllua menjëherë pasi doli nga biznesi i tij dhe u fut në makinë, aty ku u ekzekutua me dy plumba.

Automjeti i ekzekutuesve ishte një Audi ngjyrë e zezë dhe dyshohet se është larguar nga vendi i ngjarjes në aksin rrugor Elbasan-Librazhd.

Sipas informacioneve, 43-vjeçari që ngeli viktimë këtë mbrëmje kishte precedent penal në fushën e narkotikëve. /Top Channel/

Ndërron jetë ish-kryetari i komunës së Deçanit

Ka ndërruar jetë ish-kryetari i komunës së Deçanit, Mehmet Bojku.

I ndjeri ka ndërruar jetë në moshën 82 vjeçare.

Bojku ka qenë ish i burgosur politik kryetari i parë i zgjedhur me votë të lirë pas çlirimit, dhe kryetar i nderuar i LDK-së në Deçan.

Aksident i rëndë në Mynih, vetura ndahet në dysh, dy të vdekur

Dy burra u vranë dhe dy të tjerë u lënduan në një aksident të tmerrshëm me veturë në Mynih, kur një Porsche u përplas me një Renault, duke e prerë atë “në gjysmë”, raporton rosenheim24.de.

Sipas një raporti nga policia e Mynihut, aksidenti ndodhi në lagjen Milbertshofen të qytetit.

Porsche drejtohej nga një 19-vjeçar nga Mynihu, dhe një pasagjere femër 19-vjeçare ishte gjithashtu në veturë.

Renault, i drejtuar nga një burrë 27-vjeçar nga Augsburg, po vinte nga drejtimi i kundërt. Në Renault ndodheshin dy pasagjerë të tjerë – një burrë 48-vjeçar në ulësen e pasagjerit dhe një 21-vjeçar në ulëset e pasme.

 

Përplasja ndodhi kur shoferi i Renault, duke ndjekur dritën e gjelbër në semafor, filloi të kthehej majtas.

Në atë moment, Porsche që vinte përballë e përplasi atë. Përplasja ishte aq e fortë sa Porsche u përmbys.

Të gjithë u lënduan në aksident, përveç shoferit të Porsche.

Policia e trafikut të Mynihut ka nisur një hetim për të përcaktuar shkakun e saktë të këtij aksidenti tragjik. /Telegrafi/

Vrasja e biznesmenit shqiptar, ky dyshohet të jetë motivi

Edmond Mehalla është vrarë pranë biznesit të tij në daljen jugore të qytetit ndërsa dyshohet se kjo ngjarje e rëndë mund të këtë ndodhur për prishje pazaresh.

Kështu ka raportuar mediumi Euronews Albania në bazë të informacioneve të para, ndonëse Policia e Shqipërisë s’ka bërë të ditura motivet.

Policia atje ka bërë të ditur se ka vendosur postblloqe për të kapur autorët e dyshuar lidhur me krimin.

Sipas raportimit të mediave shqiptare, viktima dyshohet se u vra me tre plumba.

NEXT:

Pamje të rënda/ Vrasja e biznesmenit të njohur shqiptar, momenti kur familjarët e viktimës mbërrijnë në vendngjarje

Kunati i Albulena Haxhiut i zhgënjyer me koalicionin e VV-së, i jep epitete si meshavinë, zemlak, dimal, zef dhe kazan

Dardan Krasniqi, një nga aktivistët e parë të Lëvizjes VETËVENDOSJE! dhe kunati i ish-ministres dhe zyrtares së lartë të VV-së, Albulena Haxhiu, ka kritikuar ashpër koalicionin e VV-së për zgjedhjet e 28 Nëntorit.

TË NGJASHME:

Kunati i Albulena Haxhiut i reagon ashper Vjosa Osmanit: E vetmja bandë e rrezikshme në këtë vend është politika që e sundon Kosovën si bandë

Ai i ka dhënë koalicionit, i përbërë nga Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK), epitete si “Meshavina”, “Zemlakja”, “Dimali” dhe “Zefi”, duke e përmbledhur më tej këtë formacion politik me shprehjen “Kazani”.

Kritika e tij shpreh zhgënjimin ndaj koalicionit dhe duket si një distancim i hapur nga ky formacion politik.

POSTIMI I PLOTË:

 

A do t’i bashkohet LDK-së? Flet Visar Ymeri

Analisti politik Visar Ymeri ka sqaruar se nuk ka ndërmend të rikthehet në politikë apo të garojë në listat e ndonjë partie për zgjedhjet e ardhshme.

Ai tha se, megjithatë, një rikthim në të ardhmen nuk përjashtohet plotësisht.

Ai theksoi se ka marrëdhënie të mira me partitë kryesore në vend dhe se takimet me to janë pjesë e punës së tij si analist.

“Natyrisht që unë kam marrëdhënie të mira edhe me Lidhjen Demokratike të Kosovës, edhe me Partinë Demokratike të Kosovës, edhe me Aleancën për Ardhmërinë e Kosovës. Kam pas takime, kam takime dhe do të kem takime, sepse unë mendoj që është në interes të kësaj gjendjeje politike në të cilën jemi, dhe në punën që e bëjmë kemi interes me i taku partitë politike, me diskutu e me pa qysh e shohin ata të ardhmen e Kosovës”, u shpreh ai.

Ymeri kritikoi edhe qasjen negative që, sipas tij, po i bëhet takimeve politike dhe angazhimit publik të individëve.

“M’ka pengu dhe vazhdon me m’pengu ky lloj demonizimi që i bëhet takimeve, por edhe demonizimi që i bëhet angazhimit të njerëzve në politikën aktive. Njeriu ka të drejtë të plotë me shku në një parti politike dhe me dhënë kontribut atje”, theksoi Ymeri.