Numërohen 30% të votave për deputet, në PDK vazhdojnë të prijnë figurat e reja

KQZ në faqen zyrtare ka procesuar 29,88% të votave të numëruara të kandidatëve për deputet. Në Partinë Demokratike të Kosovës, aktualisht Bedri Hamza ka marrë 45,619 vota.

Në vend të dytë është Arian Tahiri me 21,800 vota.

Me 20,221 vota në vend të tretë radhitet deri tani Përparim Gruda.

Uran Ismaili është i katërti me 15,963 vota, ndërsa në të pestin Sala Jashari me 14,474 vota. Pas saj, Vlora Çitaku me 12,767 vota.

Nga totali i votave, nga 2,557 vendvotime të numëruara, Lëvizja Vetëvendosje ka marrë 49.34%.

20.98% ka marrë Partia Demokratike e Kosovës, ndërsa Lidhja Demokratike e Kosovës 13.57%. Aleanca për Ardhmërinë e Kosovës ka marrë 5.66%.

Në zgjedhjet e 28 dhjetorit në Kosovë të drejtë vote patën 1 milion e 999 mijë e 204 qytetarë.

/Reporteri.net/

Rreth 30% të votave të numërura, ndryshon radhitja për deputetë – këta janë më të votuarit në VV tash për tash

Komisioni Qendror i Zgjedhjeve  po vazdhon numërimin e votave të kandidatëve për deputet.

Deri më tani janë numëruar 754 vendvotime, apo 29.49 për qind nga gjithsej 2,557 vendvotime në nivel vendi.

Sipas rezultateve të deritanishme për Lëvizjen VETËVENDOSJE!, kandidati Albin Kurti kryeson listën me 98,765 vota, i pasuar nga Glauk Konjufca me 76,873 vota.

Deri në këtë fazë të numërimit vërehen ndryshime në radhitjen e kandidatëve. Albulena Haxhiu nëkëtë fazë e ka kaluar Hekuran Muratin, duke u radhitur si e treta më e votuar.

Haxhiu aktualisht ka 39 mijë e 903 vota, e pasura nga Murati me 39 mijë e 579 vota

Donika Gërvalla-Schwarz  renditet si e pesta në listën e më të votuarve me  34 mijë e 991 vota, e pasuar nga Xhelal Sveçla me 31 mijë e 939 vota

Pas tij vjen Hajrulla Çeku me 29,816 vota, Avni Dehari me 26,210 vota, Mimoza Kusari-Lila me 24,334 vota dhe Ejup Maqedonci me 22,296 vota.

Në mesin e më të votuarve janë edhe Shqipe Mehmeti Selimi me 17 mijë e 810 vota.

Një prej më të votuarve është edhe djali i ideologut të çështjes kombëtare, Ukshin Hoti, Andini, i cili ka marrë 16 mijë e 171 vota.

Fitorja e Kurtit në zgjedhje, reagon Ambasada Amerikane

Ambasada e Shteteve të Bashkuara të Amerikës në Kosovë shpreson që të thellojë  partneritetin me Qeverinë e Kosovës përfshirë  edhe rifillimin e dialogut strategjik, i pezulluar prej gati katër muajsh për shkak të veprimeve të Qeverisë në detyrë.

Siç kishte thënë ShBA-ja veprimet e qeverisë kishin rritur tensionet dhe paqëndrueshmërinë duke vështirësuar bashkëpunimin në prioritetet e përbashkëta.

Ambasada tha për RTV21 se rifillimi i dialogut strategjik kërkon veprime nga Qeveria e Kosovës.

“Shpresojmë të thellojmë partneritetin tonë me qeverinë e Kosovës, duke përfshirë edhe rifillimin e dialogut tonë strategjik. Kjo do të kërkojë veprime nga Qeveria e Kosovës për të avancuar agjendën tonë të përbashkët të paqes rajonale, stabilitetit dhe prosperitetit të ndërsjellë ekonomik, tha për RTV21 një zëdhënës i ambasadës së ShBA-së në Prishtinë./RTV21/21Media

E trishtë: Digjet një shtëpi banimi, vdes fëmiju 1 vjeçar

Një zjarr ka përfshirë një shtëpi banimi në qendër të Prizrenit mëngjesin e sotëm, rreth orës 10:00, ku si pasojë ka humbur jetën një fëmijë rreth moshës një vjeç.

Sipas Policisë, dyshohet se vdekja ka ardhur si pasojë e thithjes së tymit, ndërsa tre fëmijë të tjerë janë shpëtuar dhe janë dërguar për trajtim mjekësor në Emergjencë, ku po marrin kujdesin e nevojshëm shëndetësor.

Njësitë emergjente kanë reaguar menjëherë dhe zjarri është lokalizuar pothuajse plotësisht. Shkaqet e zjarrit janë duke u hetuar nga organet kompetente.

Konfirmimi i policisë:

Sot, më datën 30.12.2025, rreth orës 10:00, është raportuar për një zjarr në një shtëpi banimi në qendër të qytetit të Prizrenit. Si pasojë e zjarrit, një fëmijë rreth moshës 1 vjeç ka humbur jetën, ku dyshohet se vdekja ka ardhur si pasojë e thithjes së tymit.

Tre fëmijë të tjerë janë shpëtuar dhe janë dërguar për trajtim mjekësor në Emergjencë, ku po marrin kujdesin e nevojshëm shëndetësor.

Njësitë emergjente kanë reaguar menjëherë dhe zjarri është lokalizuar pothuajse plotësisht. Ekipet përkatëse vazhdojnë të jenë në vendin e ngjarjes.

Shkaqet e zjarrit janë duke u hetuar nga organet kompetente dhe do të vërtetohen pas përfundimit të procedurave hetimore.

26% e votave të numëruara, këta janë kandidatët më të votuar deri më tani nëpër parti

Janë numëruar 26 për qind të votave për kandidatët për deputetë nga zgjedhjet parlamentare të 28 dhjetorit. Komisioni Qendror i Zgjedhjeve vazhdon të publikojë përditësimet.

Nga procesimi i 653 vendvotimeve, lideri i VV-së,  Albin Kurti deri tash ka marrë 88,730 vota.

Në listën e VV-së, Kurti pasohet nga Glauk Konjufca me 69,244 vota, Hekuran Murati  35,919 vota, Albulena Haxhiu 35,886 , Donika Gërvalla-Schëarz 31,384, Xhelal Sveçla 28,744, Hajrulla Çeku 26,694, Avni Dehari 23,547, Mimoza Kusari-Lila  21,430 e Ejup Maqedonci  20,020.

Ndërkaq te Partia Demokratike e Kosovës,  Bedri Hamza ka marrë 40,396 vota. Pas Hamzës, më i votuari deri tash është Arian Tahiri 19,460, ndërsa Përparim Gruda, Uran Ismaili, Sala Jashari, Vlora Çitaku, Arben Mustafa, Enver Hoxhaj e Rrahman Rama janë në top 10-she.

Te Lidhja Demokratike, që ka pësuar rënien më të madhe në këto zgjedhje, Lumir Abdixhiku  deri më tani ka marrë 19,179 vota, pasuar nga Hykmete Bajrami,  Ukë Rugova, Avdullah Hoti, Doarsa Kica-Xhelili, Kujtim Shala, Anton Quni, Armend Zemaj, Lutfi Haziri e Janina Ymeri. Te LDK-ja, emra të rinj në këtë top-dhjetëshe janë Ukë Rugova e Janina Ymeri.

Tek Aleanca për Ardhmërinë e Kosovës pas Ramush Haradinajt më së shumti vota ka marrë Daut Haradinaj, i ndjekur nga Besnik Tahiri, Bekë Berisha, Time Kadrijaj, Burim Ramadani, Agim Çeku, Arbër Tolaj, Arton Demhasaj e Albana Bytyqi. Në këtë parti pra pritet që deputet të rikthehet Besnik Tahiri.

Ndodh edhe kjo: Vajza rrah nënën e saj, e bën për spital

Një rast i dhunës në familje është raportuar të hënën në qytetin e Pejës.

Sipas policisë, një femër kosovare është arrestuar nën dyshimin se është përleshur me nënën e saj.

Viktima ka pranuar tretman mjekësor, ndërsa e dyshuara është intervistuar nga autoritetet kompetente.

Me vendim të prokurorit, ajo është liruar dhe rasti do të trajtohet në procedurë të rregullt.

Fitorja e Kurtit merr formë, disa parti konfirmojnë votën në Kuvend

Lëvizja “Vetëvendosje”, e cila udhëhiqet nga kryeministri në detyrë Albin Kurti, ka fituar zgjedhjet e jashtëzakonshme parlamentare të së dielës, duke iu ofruar 50 përqindëshit të rezultatit zgjedhor, shifër kjo më e lartë se sa bashkërisht Partia Demokratike e Kosovës (PDK), Lidhja Demokratike e Kosovës (LDK) dhe Aleanca për Ardhmërinë e Kosovës.

Sipas rezultateve prelimare në zgjedhjet e së dielës, partia e Kurtit ka fituar 56 mandate, ndërsa tri partitë tjera (PDK+LDK+AAK) kanë fituar rreth 45 mandate në legjislaturën e re. NISMA e Fatmir Limajt nuk e ka kaluar pragun zgjedhor prej 5%.

Përdallim nga zgjedhjet e 14 shkurtit të këtij viti, këtë herë LVV-ja lehtësisht mund ta formoj Qeverinë e re me mbështetjen e disa subjekteve politike nga radhët e komunitetit jo serb, raporton FrontOnline.

FrontOnline ka kontaktuar të hënën drejtuesit e disa partive nga radhët e komuniteteve joserbe, të cilat kanë shprehur gatishmëri për t’ia dhënë votat e tyre në Kuvend për formimin e Qeverisë “Kurti 3”.

Emilja Rexhepi, ish-nënkryetare e Kuvendit të Kosovës dhe përfaqësuese e komunitetit boshnjak, u shpreh se do të vazhdojnë bashkëpunimin me Albin Kurtin. Rexhepi ka qenë zv/kryeministre në Qeverinë “Kurti 2”.

“Ne kemi qenë partnerë të përhershëm të koalicionit që nga formimi i qeverisë Kurti 1 dhe do të vazhdojmë së bashku në qeverinë Kurti 3. Ne patjetër do të jemi pjesë e saj”, tha ajo për FrontOnline.

Rexhepi tha se është e kënaqur me rezultatin e Lëvizjes Vetëvendosje në këto zgjedhje, pasi sipas saj ky rezultat nuk lë hapësirë që të tjerët të kushtëzojnë formimin e institucioneve.

“Jam e kënaqur që VV-ja shënoi këtë fitore të madhe, që nuk ka shumë hapësirë ​​që individët të na kushtëzojnë për formimin e institucioneve”, tha Rexhepi.

Nenad Rashiq, nga Partia për Liri, Drejtësi dhe Mbijetesë, parti serbe në Kosovë, ka folur për Front Online në lidhje me mundësinë e bashkëpunimit me qeverinë e ardhshme “Kurti 3”.

Ai tha se do të bisedojë për mundësinë e koalicionit me Vetëvendosje dhe që gjasat janë shumë reale që të jenë pjesë e qeverisë së ardhshme.

“Ne kemi bashkëpunuar deri më tani, do të bisedojmë sa i përket mundësisë së bashkëpunimit me qeverinë e ardhshme, gjasat janë shumë reale që mund të jemi në koalicion me Vetëvendosjen”, tha Rashiq.

Kryetari i Partisë Demokratike Turke të Kosovës (KDTP), Fikrim Damka, ka konfirmuar për Front Online se partia e tij do ta mbështesë qeverinë Kurti 3 me dy vota.

“Ne kemi qenë në qeverinë 2 “Kurti 2” dhe sipas gjitha gjasave do t’i bëjmë edhe 2 vota për Kurti 3 dhe sa më shpejt të krijohen institucionet”, tha Damka për FrontOnline.

Artan Asllani, nga Partia e Ashkalinjëve për Integrim, në një prononcim për Front Online tha se partia e tij ka garuar për një vend të rezervuar dhe deri tani ka fituar ulësen në Kuvend. Sipas tij, votat e diasporës dhe me kusht do të vendosin fitoren ose humbjen e tyre.

“Ne garojmë për një vend të rezervuar dhe garën e kemi me një koalicion, i cili u formua prej tri subjekteve politike dhe sipas rezultatit ulësen e kemi fituar ne kundrejt koalicionit kështu qe rol të rëndësishëm luajnë votat e diasporës dhe votat me kusht, tash po presim rezultatin dhe këto e vulosin fitoren tonë apo edhe humbjen”, tha ai.

Asllani tha se do ta votojë Qeverinë “Kurti 3” dhe shtoi se kjo nuk diskutohet, pasi edhe sipas Kushtetutës duhet të jenë pjesë e pozitës dhe të marrin përgjegjësi në qeveri.

“Ne do ta votojmë qeverinë Kurti 3, nuk diskutohet kjo çështje, ne si komunitete edhe me kushtetutë duhet me qenë pjesë e pozitës duhet me qenë pjesë e ndërtimit të Qeverisë dhe me marrë përgjegjësi ne qeveri”, deklaroi Asllani.

Duda Balje “rrëzohet” në prag, mbetet jashtë Kuvendit!

Partia Bashkimi Social Demokrat i Duda Baljes nuk ka arritur të futet në Kuvend pasi mori 2569 vota, kurse ish-deputetja ka arritur të marrë 2213 vota.

Iniciativa e Adrijana Hoxhiq që thotë se përfaqëson komunitetin boshnjak ka arritur të futet për herë të parë në Kuvend dhe Hoxhiq ka fituar mandatin.

Lidhur me këtë çështje, Duda Balje ka parashtruar ankesë në PZAP dhe ka deklaruar se të njëjtën do ta dërgojë edhe në Gjykatë Supreme dhe në Kushtetuese.

Në krah Duda Baljes i kanë dalë edhe 50 organizata jo qeveritare boshnjake në Kosovë, të cilat thonë se nuk pranojnë si përfaqësues ata politikanë që u zgjodhën me vota të komuniteteve tjera.

Numërohen 100% e votave të rregullta, ja renditja e partive

Komisioni Qendror i Zgjedhjeve ka procesuar 100 për qind të rezultateve preliminare të zgjedhjeve të jashtëzakonshme.

Bazuar në këto rezultate, Lëvizja Vetëvendosje është fituese e zgjedhjeve të 28 dhjetorit, duke rrëmbyer 433 mijë e 394 vota(49,34%)

Partia Demokratike e Kosovës radhitet e dyta me 184 mijë e 318 vota.

Lidhja Demokratike e Kosovës nga ana tjetër ka siguruar 119 mijë e 201 vota.

 

 

Ndërkohë Aleanca për Ardhmërinë e Kosovës ka marr gjithsej 49 mijë e 698 vota.

Komuna e Prishtinës thërret seancë të jashtëzakonshme për nesër

Komuna e Prishtinës ka thirrur seancë të jashtëzakonshme për nesër.

Seanca është thirrur nga Kryesuesi i Kuvendit Komunal, Fehmi Kupina me inicimin e Kryetarit Përparim Rama.

Në rend dite është vetëm një pikë, propozim-vendimi për miratimin paraprak të listës së veçantë të pronave të paluajtshme të Komunës që planifikohen për dhënie në shfrytëzim në vitin 2026, shkruan Reporteri.net.

Seanca do të mbahet nga ora 11:00, në sallën e madhe të Kuvendit të Kryeqytetit./Reporteri.net