Pamje/ Ky është vendi ku u mbulua sot me borë deri në 40cm – s’kishte ndodhur qe 50 vjet

Disa qytete në Australinë lindore u mbuluan me shtresën më të trashë të borës në dekada, ndërsa moti i egër përfshiu zonën këtë fundjavë, duke shkaktuar përmbytje, duke bllokuar automjete dhe duke ndërprerë energjinë elektrike për mijëra shtëpi, thanë autoritetet.

Një front ajri i ftohtë ra solli rreth 40 cm borë në pjesë të veriut të Uellsit të Ri Jugor të shtunën, sasia më e madhe që nga mesi i viteve 1980, tha Miriam Bradbury, një meteorologe në zyrën e motit të Australisë, raporton Reuters, transmeton Klankosova.tv.

Borë ra edhe në zona të shtetit fqinj të Queensland për herë të parë në 10 vjet, tha ajo.

Bradbury tha se ndryshimi i klimës e ka bërë motin e Australisë më të paqëndrueshëm në vitet e fundit, por se kjo lloj ngjarjeje kishte ndodhur disa herë në të dhënat historike.

“Ajo që e bën këtë ngjarje të pazakontë është sasia e borës, por edhe përhapja e saj, duke mbuluar një pjesë mjaft të madhe të pllajave veriore”, tha ajo.

Me shirat e rrëmbyeshëm që godisnin zona të tjera, Shërbimi Shtetëror i Emergjencave të Uellsit të Ri Jugor tha se kishte reaguar në më shumë se 1,455 incidente. Tha se më shumë se 100 automjete ishin bllokuar nga bora, stuhitë kishin dëmtuar ndërtesa dhe kishte lëshuar disa paralajmërime të mëdha për përmbytje.

Dhjetëra mijëra shtëpi e kaluan natën pa energji elektrike, raportoi transmetuesi shtetëror Australian Broadcasting Corp.

Policia në Uellsin e Ri Jugor, shteti më i populluar i Australisë, tha se një makinë kishte ngecur në ujërat e përmbytjes të shtunën në mbrëmje dhe një pasagjere femër në të 20-at është zhdukur. Kërkimet po vazhdonin të dielën, thanë ata. /Klankosova.tv

Ymeri: Përmes Thaçit, Vetëvendosja po mundohet të fitojë politikisht

Në emisionin “VV Show”, analisti Visar Ymeri ka folur për perceptimet dhe reagimet lidhur me Gjykatën Speciale dhe procesin gjyqësor ndaj Hashim Thaçit. Ai tha se duhet bërë ndarja e qartë se çfarë është dhe çfarë nuk është kjo gjykatë.

“Gjykata Speciale nuk është gjykatë e cila merret me të gjitha rastet që ndodhin, në këtë drejtim duhet me bo këtë ndarje,” u shpreh Ymeri. Sipas tij, pritjet që janë krijuar për këtë institucion kanë qenë të pabazuara.

“Mendoj që kanë pas pritje nga Gjykata Speciale të pabazuara, unë i kuptoj familjarët të cilët presin që 25 vjet me ditë kush ua ka vra babën, vëllain, mirëpo qiky frustrim që vjen nga mos gjetja e akterëve nuk bën me u vesh dikujt pse ja ki inati,” theksoi ai.

Ai ka komentuar edhe reagimet që kanë ardhur nga eksponentë të Lëvizjes Vetëvendosje dhe mbështetësit e saj, duke i cilësuar si të natyrës politike dhe jo të lidhura me drejtësinë.

“I kam pa reagimet e një pjese të eksponentëve të Lëvizjes Vetëvendosje edhe përkrahësve të tyre, reagimet e tyre nuk kanë të bëjnë me procesin e drejtësisë. Është çështje politike,” tha Ymeri.

Sipas tij, qëllimi i këtyre reagimeve është përfitimi politik: “Reagimi i tyre është reagim nga paniku, ata dojnë me ju kallxu qytetarëve të Kosovës që Hashim Thaçi është i keq, a po ju kujtohet kush është ky, për me përfitu politikisht.”

Nëna e ish-presidentit Hashim Thaçi, feston sot ditëlindjen

Nëna Hyrë, e ëma e ish-presidentit Hashim Thaçit, feston sot ditëlindjen.

Ani pse djalin e saj e ka larg në këtë ditë të veçantë për të, urimet ndaj nënës Hyrë nuk i kursyen bashkëpartiakët e tij.

Kryetari i Drenasit, Ramiz Lladrovci ka uruar nënën Hyrë në ditëlindjen e saj, duke thënë se ajo po e feston edhe një ditëlindje në gjirin familjar pa birin e saj i cili ndodhet në betejën e fundit për Kosovën, në mbrojtje të drejtës tonë për liri.

“Nëna e liderit tonë të luftës dhe paqes, Hashim Thaçit, Nëna Hyrë e ka sot ditëlindjen. Ajo po e feston edhe një ditëlindje në gjirin familjar pa birin e saj i cili ndodhet në betejën e fundit për Kosovën, në mbrojtje të drejtës tonë për liri. Qofsh shekullore Nëna Hyrë!”, ka shkruar Lladrovci në Facebook.

Hasani thotë se presioni i ndërkombëtarëve për themelimin e Speciales ishte i papërballueshëm

Nait Hasani, deputeti i PDK-së, në emisionin “Info Magazine” të Klan Kosova, foli rreth krijimit të Gjykatës Speciale.

Hasani thotë se iu kërkuar të votonte këtë gjykatë, megjithëse sipas tij, ai kundërshtoi themelimin e një gjykate që do ta gjykonte Ushtrinë Çlirimtare të Kosovës.

Derisa, deputeti shtoi se themelimi i Speciales u bë nga një presion i përballueshëm i ndërkombëtarëve.

Ndër të tjera ai shton se punimet në Gjykatën Speciale në Hagë, është dashur të ndalen në momentin që u konstatua që nuk ka elemente të trafikimit të organeve, çështje për të cilën edhe u formua kjo gjykatë.

Sipas Hasanit, themelimi i Gjykatës Speciale ishte i përcaktuar, dhe ai qëllim sipas deputetit, ishte dënimi i Ushtrisë Çlirimtare të Kosovës.

“Të kthehesh 10 vjet prapa, është bukur shumë kohë, por ngjarjet të cilat i përjetojmë përditë, edhe në ditët e sotshme, janë aktualet, pikërisht para 10 vjetëve kur kanë filluar. Gjykata Speciale nuk ka filluar më 3 gusht 2015, por ka filluar nga 2011-ta. Atëherë nga raporti  i Dick Marttit. Tani ka nga Asambleja Parlamentare. Por nga viti 2014 e merr formën e prerë, ne nuk kemi gjetur elemente të trafikimit të organeve, por ka elemente për trajtimin jo të drejtë gjatë luftës. Këtu është dashur të kuptohej drejtë çështja atëherë, dhe të mbyllet. Sepse kërkesa ka qenë për trafikim organesh, sepse gjykatat tona kanë gjykuare mjaftueshëm për krime lufte. Por me presionin ndërkombëtarë, që ka qenë i jashtëzakonshëm, dhe ka qenë i papërballueshëm në kuptimin politik të kohës, dhe me premtimet që po ashtu se ne do të qëndrojmë me juve, në mbrojtje të vlerave, dhe nuk do të lejojmë keqpërdorimin e Ushtrisë Çlirimtare të Kosovës në bankën e akuzuarve, por që do të merret me çështjen e individëve, po kjo politikë ka qenë jo e drejtë, për shkak se është kërkuar drejtpërdrejt edhe nga unë që ta jap votën, pikërisht për Gjykatën. Në bisedë të drejtpërdrejtë me Hashimin, Kadrinë, brenda grupit, kam thënë ‘jo’, s’ka mundësi ta votoj një gjykatë që gjykon luftën tonë. Askund në botë nuk ka gjykata etnike, gjykata bëhen për krime lufte, pavarësisht etnitetit, gjuhës, fesë. Por te ne ishte e përcaktuar, Gjykatë Speciale për dënimin e Ushtrisë Çlirimtare të Kosovës”, deklaroi Hasani.

Deputeti i VV-së, Thaçi: Qysh ka fytyrë PDK-ja me marr pjesë në protestën e OVL-UÇK kur ka qenë shtysa kryesore për themelimin e Speciales

Deputeti i Vetëvendosjes, Halil Thaçi ka deklaruar për “Front Online” se Partia Demokratike po e politizon protestën e OVL-UCK të thirrur më 7 gusht për të kundërshtuar padrejtësitë që po u bëhen ish-krerëve në Hagë.

Thaçi thotë se PDK nuk e di a ka ‘fytyrë’ me marr pjesë në këtë protestë, pasi sipas tij, shtysa kryesore për themelimin e Gjykatës ka qenë kjo parti.

“Ka tendenca nga disa parti politike për ta politizuar këtë gjë, se di sa ka fytyrë PDK me marr pjesë në një protestë të tillë kur ka qenë iniciatorë dhe shtyse kryesore për themelimin e asaj Gjykatës. Protestat e tilla është mirë të mos politizohen siç dinë PDK me bërë një gjë të tillë, kur dikur i quanin tradhtar të kombit ata që nuk e votojnë Specialen e sot po e drejtojnë gishtin nga ne gjoja se nuk kemi bërë asgjë për Specialen. Ne si VV dhe kryetari i saj kemi protestuar për mos votimin e asaj Gjykate”, ka deklaruar Thaçi për “Front Online”.

Sherri mes thika në Vlorë, publikohen pamjet

Sipas njoftimit zyrtar, I. H., 32 vjeç, banues në Vlorë, u konfliktua për motive të dobëta në dy zona të qytetit: në lagjen “10 Korriku” dhe në lagjen “Pavarësia 2”, ku sulmoi me thikë dy shtetas.

Nga përplasja mbetën të lënduar shtetasit M. F., 39 vjeç dhe K. K., 32 vjeç, të cilët morën ndihmë mjekësore dhe ndodhen jashtë rrezikut për jetën. Edhe vetë autori, I. H., është trajtuar për dëmtime të marra gjatë konfliktit.

Siç duken nga pamjet e një nga dy konfliktet e regjistruara dje dy të rinjtë janë përleshur në trotuar jashtë një dyqani.

Në konflikt ndërhyn edhe një vajzë, e cila tenton të ‘shuajë’ sherrin. Por dy të rinjtë vazhdojë në grushtojnë njëri tjetrin, për pasojë vajza largohet dhe futet brenda në dyqan, ndërsa 32-vjeçari nxjerr thikën dhe plagos të riun.

Policia thotë se ngjarja u dokumentua plotësisht falë pamjeve filmike të siguruara nga vendi i ngjarjes. Në cilësinë e provës materiale u sekuestrua thika e përdorur nga autori gjatë sulmit.

Ndaj 32-vjeçarit rëndon akuza për “Plagosje e rëndë me dashje”, ndërsa materialet i janë referuar Prokurorisë së Vlorës, për veprime të mëtejshme ligjore.

PAMJE/ Mërgimtari përplaset me një polic të Kosovës dhe bën video: S’jom tu u ndi i sigurt, e mbyt njo tash këqyr mbytumni edhe mu

Në media është publikuar një video kur një mërgimar është përplasur me një polic të Kosovës, përcjell Demos.

Në video shihet mërgimtari teksa iu drejtohet policit se po e bën videon pasi nuk ndihet i sigurt.

“S’jom tu u ndi i sigurt, e mbyt njo tash këqyr mbytumni edhe mu”, dëgjohet teksa thotë ai.

Për më shumë ndiqeni videon:

Mos konstituimi i Kuvendit, cili do të jetë vendimi i Gjykatës?

Kosova po hyn në javën e rëndësishme të vendimit të Gjykatës Kushtetuese.

Kjo ndërlidhur me krizën politike dhe faktin që Kuvendi për muaj të tërë nuk arriti të konstituohet.

Afati deri kur pritet një vendim nga Kushtetuesja, është 8 gusht, pasi kjo ka qenë data e vendosur si masë e përkohshme.

Dikush e përmend si mundësi shkuarjen në zgjedhje, dikush një aktgjykim tjetër që lejon vetëm votimin e hapur, e kryetari i Nismës, Fatmir Limaj, pretendonte se afati 30-ditor nuk kishte nisur të rrjedhë pasi nuk ka pasur votim.

Megjithatë, përgjigja për këtë pritet së shpejti.

Albulena Haxhiu që është edhe kandidate për kryetare të Kuvendit, së voni, tha se zgjedhjet duket të jenë opsioni i vetëm në këtë situatë.

Gjykata Kushtetuese e Kosovës kishte shpallur vendimin e ri të saj i cili ua ndalon deputetëve të Legjislaturës së Nëntë të Kuvendit të Kosovës çdo vendim dhe veprim pas kalimit të afatit 30-ditor të saj, apo datës 26 korrik.

Kushtetuesja bëri të ditur se kjo masë e përkohshme ku deputetët nuk do të mund të marrin vendime apo veprime për konstituimin e Kuvendit, do të jetë në fuqi nga 27 korriku deri më 8 gusht.

Në vendimin e saj, Gjykata konsideronte se çdo vendim dhe veprim i ndërmarrë pas datës 26 korrik deri në vendimmarrjen e Gjykatës lidhur me kërkesat mund të shkaktojë dëme të pariparueshme për rendin kushtetues të Republikës së Kosovës dhe funksionimin e institucioneve kyçe në Republikën e Kosovës.

Tutje thuhet se Gjykata vlerëson se ekzistojnë rrethana të interesit publik e që përfshijnë rendin kushtetues të Republikës së Kosovës që ndërlidhen me themelimin e institucioneve shtetërorë pas zgjedhjeve për Kuvend.

“Prandaj, ndalimi i çdo vendimi dhe veprimi nga ana e deputetëve të zgjedhur të Kuvendit të Republikës së Kosovës pas 26 korrikut 2025 është në interes publik, i domosdoshëm për ruajtjen e rendit kushtetues dhe interesin më të mirë të Republikës së Kosovës dhe qytetarëve të saj”, thuhej në vendim.

Vendimi për masë të përkohshme është i ndërlidhur me rastin që e kanë dërguar deputetët e Lidhjes Demokratike të Kosovës (LDK) dhe Partisë Demokratike të Kosovës (PDK) ku kontestohet vendimi i Kuvendit për votimin e Komisionit për votim të fshehtë, në kuadër të vazhdimit të seancës konstituive të Legjislaturës së Nëntë të Kuvendit, të mbajtur sipas transkriptit të datës 29 qershor 2025.

Megjithatë Gjykata e nxori këtë vendim për masë të përkohshme “ex-officio”, pa qenë kërkesë e parashtruesve.

Në fillim të korrikut, PDK-ja i është drejtuar për vlerësim Gjykatës Kushtetuese, duke kontestuar kërkesën e Lëvizjes Vetëvendosje për propozime për anëtarë të Komisionit për votim të fshehtë; hedhjen në votim të këtij komisioni; vetë votimin e komisionit; si dhe ndërprerjen e seancës pas mosmiratimit të komisionit.

Po ashtu, LDK-ja i ka kërkuar Gjykatës Kushtetuese t’i sqarojë normat kushtetuese dhe të rregullores së punës së Kuvendit të Kosovës, në lidhje me vazhdimin e seancës konstituive nga 29 qershori, pas aktgjykimit të 26 qershorit. Kjo parti beson se vazhdimet e fundit të seancës konstituive janë bërë “në kundërshtim të plotë” me Kushtetutën e Kosovës, si dhe me konstatimet e aktgjykimit të Gjykatës Kushtetuese nga 26 qershori.

Rrahje mes udhëtarëve në Aeroportin e Prishtinës, tre të arrestuar

Një mosmarrëveshje e çastit, ka eskaluar në përplasje fizike mes disa personave.

Ngjarja ka ndodhur dje rreth orës 18:14, në Aeroportin Ndërkombëtar të Prishtinës.

Lidhur me rastin, janë arrestuar tre të dyshuar, njëri nga ta shtetas i Shqipërisë, njofton Policia.

“Të dyshuarit kanë pranuar tretman mjekësor . Dy si të dyshuar të tjerë pjesëmarrës në rast janë larguar nga vendi i ngjarjes me një veturë me targa të Shqipërisë. Pas intervistimit me vendim të prokurorit të njëjtit janë dërguar në mbajtje”, thuhet në njoftim transmeton Klankosova.tv.

Rasti është iniciuar si “Sulm”.

Djali e godet 7 herë me thikë nënën, 50-vjeçarja dërgohet në Spitalin e Traumës

Detaje të reja janë dhënë nga ngjarja e ndodhur të shtunën në Maqellarë të Dibrës ku djali plagosi rëndë me thikë nënën e tij.

Sipas mediave në Tiranë, mësohet se i biri 26-vjeçar Itles Sula ka plagosur nënën e tij disa herë me thikë, duke e dëmtuar rëndë.

Ngjarja ka ndodhur në banesën e tyre dhe e plagosura me iniciale N. S., është transportuar me urgjencë në Spitalin e Traumës, në gjendje kritike për jetën.

50-vjeçarja është drejtoreshë e shkollës 9-vjeçare në fshatin Pocest.

Itles Sula mësohet se kishte përfunduar studimet e larta, por ishte ende i papunë.

I riu mësohet se përballej prej kohësh me shenja të depresionit.