“Valë njohjesh” për Palestinën: Edhe një shtet i fuqishëm e njeh zyrtarisht

Belgjika ka ndërmarrë hapa për të njohur shtetin e Palestinës, duke ndjekur vende të tjera, si Franca, Mbretëria e Bashkuar, Australia.

“Përmes kësaj iniciative, ne vazhdojmë të mbështesim të drejtën ndërkombëtare, në veçanti të drejtën e popujve për vetëvendosje”, tha të hënën kryeministri belg Bart de Vives në një konferencë në Nju Jork për të promovuar zgjidhjen me dy shtete, të thirrur nga Franca dhe Arabia Saudite.

Konferenca synonte t’u jepte një shtysë të re përpjekjeve diplomatike për të zgjidhur konfliktin në Lindjen e Mesme, në bazë të një zgjidhjeje me dy shtete – e cila parashikon që Izraeli dhe një shtet palestinez i pavarur dhe demokratik të jetojnë krah për krah në paqe.

“Zgjidhja me dy shtete nuk është e vdekur”, theksoi kryeministri belg. “Është e plagosur, por ringjallja e saj është e mundur dhe duhet të bëhet për të mirën e të dy popujve”, shtoi ai./

Aksidenti i rëndë me dy të vdekur në Klinë, mësohen detaje të reja, janë nga ky qytet

Një aksident i rëndë trafiku ka ndodhur sot në orën 05:00 të mëngjesit, ku kanë humbur jetën dy persona.

Viktimat janë nga Komuna e Deçanit.

Lajmin për Indeksonlinen e ka konfirmuar zëdhënësi i policisë për rajonin e Pejës, Fadil Gashi.

“Aksidenti ka ndodhur në ora 05:00 të mëngjesit, ku si pasojë mbetën dy persona të vdekur. Viktimat janë nga Deçani”, tha ai.

Trump: Përdorimi i Tylenol gjatë shtatzënisë rrezik për autizëm

Presidenti i Shteteve të Bashkuara, Donald J. Trump, në një deklaratë zyrtare nga Zyra Ovale, ka shprehur shqetësime lidhur me ndikimin e disa barnave dhe vaksinave në shëndetin e fëmijëve, duke veçuar përdorimin e Tylenol (acetaminofen) gjatë shtatzënisë si një faktor të mundshëm rreziku për zhvillimin e autizmit.

I shoqëruar nga Sekretari i Shëndetësisë dhe Shërbimeve Njerëzore, Robert F. Kennedy Jr., Presidenti Trump deklaroi se Departamenti i Shëndetësisë do të lëshojë udhëzime të reja për profesionistët e mjekësisë, duke i informuar ata mbi rreziqet e mundshme që lidhen me përdorimin e acetaminofenit gjatë shtatzënisë.

“Ka një lidhje të mundshme mes përdorimit të Tylenol nga gratë shtatzëna dhe rritjes së rasteve me autizëm tek fëmijët”, tha Presidenti Trump, duke theksuar nevojën për më shumë transparencë dhe kujdes në përshkrimin e medikamenteve për gratë shtatzëna.

Ai gjithashtu ngriti dyshime për efektet anësore të disa vaksinave dhe medikamenteve të tjera, duke përmendur komunitetin Amish si shembull.

“Në komunitetin Amish nuk kemi raste autizmi”, u shpreh Trump, duke nënkuptuar një lidhje të mundshme mes stilit të jetesës dhe mungesës së diagnostikimeve të këtij çrregullimi.

E rëndë: Vdesin dy persona në një aksident trafiku

Dy persona kanë mbetur të vdekur dhe dy të lënduar si pasojë e një aksidenti të ndodhur në rrugën Pejë-Prishtinë, konkretisht në Zajm të Klinës.

Aksidenti ka ndodhur rreth orës 5 të mëngjesit, ndërsa kanë qenë të përfshirë një kamion transportues, një kombi dhe një veturë.

Lajmin e ka konfirmuar zëdhënësi i policisë për rajonin e Pejës, Fadil Gashi.

“Vera u dorëzua, ftohti e kaplon rajonin, nga fundjava temperaturat bien e priten shumë reshje”

Meteorologu Mendim Rugova tha se nga fundi i javës, temperaturat pritet të biejnë ndjeshëm.

Ai thase sot dhe nesër temperaturat do të shkojnë deri në 30°C, ndërsa vranësirat pritet të vijnë fillimisht nga e mërkura.

“Vera po e çon flamurin e bardhë. Shkoi më. U dorëzu”, tha ai.

“Ftohti e kapë një pjesë të madhe të rajonit dhe të kontinentit evropian, dhe temperaturat po pritet të zbresin”, paralajmëroi Mendim Rugova.

Ai tha se “të mërkurën pak kalojnë vranësira, por nuk pritet mundësi për të reshura”.

“E të enjten aty-këtu mund të shfaqen pak të reshura. Prej të premtes, sidomos fundjava, do të ketë më shumë të reshura”,, tha ai në Gjesi.

Mendim Rugova tha se nuk pritet që temperaturat të kthehen të larta as javën e ardhshme. Ato, siç tha ai, do të mbesin rreth 18-19°C, me një rritje eventuale deri në 20-22°C.

Përparim Rama premton vazhdimin e sheshit deri te rrethi i flamurit: Siç e ka katedralja, edhe xhamia do ta ketë sheshin modern

Kryetari i Prishtinës, Përparim Rama, ka bërë të ditur se Xhamia e madhe në Prishtinë do ta ketë sheshin modern.

Ai tha se siç e ka Katedralja, njëjtë do ta ketë edhe xhamia.

“E kemi xhaminë e madhe, xhamia e Kosovës. Siç e ka sheshin katedralja, do ta ketë edhe xhamia. Do të shndërrohet në shesh deri te rrethi i Flamurit”, tha Rama në Pressing në T7

Çmimet e arit arritën nivele rekord

Çmimi i arit u rrit me 0.7% të hënën, duke arritur një nivel historik prej 3,719.95 dollarësh që nga ora 06:30 GMT, ndërsa tregjet presin më shumë ulje të normave nga Rezerva Federale.

Çmimi i arit luhatet midis 2,536.91 dhe 3,719.95 dollarësh gjatë vitit të kaluar. Ai është rritur me 40.7% gjatë 12 muajve të fundit.

Pas këmbënguljes së Presidentit të SHBA-së Donald Trump, Rezerva Federale e uli normën e saj të politikës me 25 pikë bazë javën e kaluar, transmeton AA.

Për takimet e Rezervës Federale në tetor dhe dhjetor, tregjet presin ulje të reja të normave.

Shifrat e dobëta të inflacionit dhe të dhënat në rritje të papunësisë, si dhe Trump, e shtyjnë Rezervën Federale të ulë normat.

Ikona e filmit Enver Petrovci varroset nesër në Prishtinë

Sot në moshën 71 vjeçare ka vdekur aktori i njohur, Enver Petrovci.

Ceremonia e varrimit të tij do të mbahet nesër me fillim nga ora 17:00 në varrezat e qytetit të Prishtinës.

Në njoftimin e Teatrit Kombëtar, bëhet e ditur se homazhet për Petrovcin bëhen nga ora 13:30 – 15:30.

Kurse, mbledhja komemorative bëhet me fillim nga ora 15:30.

Sinjali – aty ku e

Aksionet e Policisë nuk ndalen, bastisin…!

Njësia e hetimeve e stacionit policor në Shtërpcë bashkë me atë të stacionit “Qendra” në Prishtinë, kanë ndërmarrë veprime hetimore lidhur me dyshime për posedim të armëve në fshatin Brezovicë.

Sipas njoftimit të policisë, gjatë realizimit të hetimeve, është kryer kontroll në një vilë në Brezovicë, ku janë gjetur dhe sekuestruar:

Një pushkë automatike

Dy pushkë ajrore

Pesë karikatorë për pushkë automatike

Njëzetë e një copë fishekë të kalibrave të ndryshëm

Lidhur me veprimet policore është njoftuar prokurori i shtetit dhe rasti është iniciuar “Mbajtje në pronësi, kontroll ose posedim i paautorizuar i armëve” dhe është proceduar më tej sipas procedurave ligjore.

I dyshuari, në momentin e kontrollit, nuk është gjetur në vendngjarje dhe mbetet në kërkim nga policia.

Njohja e Kosovës nga Spanja, vjen lajmi i fundit

Ish-këshilltari i Partisë Laburiste në Mbretërinë e Bashkuar, Reg Pula, i ka kërkuar kryeministrit të Spanjës, Pedro Sanchez, që Madridi ta njohë Kosovën, ashtu siç bëri me Palestinën.

Ai në një shkrim në X, ku Sanchez mirëpriti njohjen e Palestinës nga Mbretëria e Bashkuar, Kanadaja dhe Australia, komentoi duke shkruar se njohja e Palestinës nga Spanja ua hapi rrugën shteteve të tjera.

“Megjithatë, mosnjohja nga e Kosovës nga Spanja forcon paqëndrueshmërinë në një pjesë tashmë të paqëndrueshme të Europës”.

“Nëse siguria e Europës do të jetë qendrore për strategjinë e Mbretërisë së Bashkuar, ajo duhet të kërkojë ta përfshijë Spanjën në këtë çështje”, shkroi Pula i cili është edhe drejtor i Rud Petersen, trupit evropian të komunikimeve strategjike.