Ndryshim drastik i motit – Parashikohen stuhi dhe erëra të fuqishme, qytetarët paralajmërohen për kujdes

Drejtoria për Siguri dhe Emergjenca në Kryeqytet ka lëshuar një njoftim urgjent për qytetarët lidhur me përkeqësimin e kushteve atmosferike në orët dhe ditët në vijim, shkruan Gazeta Sinjali.

Sipas parashikimeve meteorologjike, në disa zona të Prishtinës pritet të fryjnë erëra të fuqishme dhe të ketë mundësi për stuhi, që mund të paraqesin rrezik për sigurinë publike, sidomos në ambiente të hapura apo aty ku ndodhen objekte të paqëndrueshme.

Autoritetet u bëjnë thirrje qytetarëve që të tregojnë kujdes të shtuar, të shmangin qëndrimin afër pemëve, shtyllave elektrike dhe ndërtesave të larta gjatë periudhave me erë të fortë, si dhe të ndjekin udhëzimet zyrtare që mund të publikohen nga institucionet përkatëse në vijim.

Njoftimi i plotë:

Të dashur qytetarë të Kryeqytetit, Ju lutemi të tregoni kujdes të shtuar gjatë lëvizjes dhe qëndrimit në ambiente të hapura. Sipas parashikimeve meteorologjike, pritet përkeqësim i kushteve atmosferike, përfshirë erëra të forta dhe mundësi stuhish në disa zona. Këto kushte mund të paraqesin rrezik për sigurinë tuaj.

Këshillojmë të evitoni qëndrimin pranë pemëve, objekteve dhe strukturave jostabile që mund të rrezikojnë sigurinë tuaj.

Çdo rast ju lutemi të raportoni në Qendrën Operative Emergjente të Kryeqytetit në numrat kujdestarë:

0800 122 33 ose

0800 122 44

Qeveria Kurti merr një vendim të rëndësishëm, ndan katër milion euro…

Qeveria e Kosovës ka miratuar sot Propozim-vendimin për ndarjen e mjeteve buxhetore për zbatimin e masës 4.5 “Mbështetja e Mërgatës” në kuadër të Pakos së Ringjalljes Ekonomike.

Ministri në detyrë i Financave, Hekuran Murati, ka njoftuar se për këtë masë janë ndarë 4 milionë euro, që do të shfrytëzohen për mbulimin e policës së sigurimeve në kufi për mërgimtarët.

 

 

“Sot do të ndajmë vlerën prej 4 milionë euro për të mbuluar koston për policat e subvencionuara për mërgatën, të cilën përgjatë verës dhe pjesës tjetër të vitit vijnë dhe kthehen në atdhe”, tha Murati.

Deputetja e Nismës rrëzohet në shkallët e Kuvendit, Limaj e ndihmon të ngrihet

Deputetja e Nismës Socialdemokrate, Arbëresha Krasniqi, është rrëzuar nga shkallët teksa po zbriste për në hollin e Kuvendit.

Në pamjet e publikuara shihet se ajo ndihmohet nga bashkëpartiaku, Fatmir Limaj.

Aty shihet se në momentin e rrëzimit, e njëjta ishte me telefon në duar.

Albulena Haxhiu: Nëse s’i marr 61 vota në votim të fshehtë, tërhiqem

Kandidatja e VV-së për kryeparalamnetare, Albulena Haxhiu, në konferencën për media që po e mban bashkë me nënkryetarin e partisë, Glauk Konjufca, një ditë pasi Kushtetuesja vendosi për seancën konstituive të Kuvendit, ka deklaruar se

E ftoj opozitën të reflektojnë pas aktgjykimit të Gjykatës Kushtetuese, që nuk e ndalon votimin e fshehtë. Po të ishte aty, do të shkruhej. Me rastin e votimit të fshehtë, nëse unë si kandidate nuk i marr 61 vota, tërhiqem nga kandidatura.“, tha Haxhiu, transmeton Klankosova.tv

Kujtojmë se megjithatë, Kushtetuesja nuk ka vendosur për ligjshmërinë e refuzimit të votimit të fshehtë, një nga pikat kyç të ngërçit në Kuvend.

Kryeministri hungarez paralajmëron ndëshkime për pjesëmarrësit në marshimin në përkrahje të LGBTQ

Kryeministri hungarez Viktor Orban tha të premten se do të ketë “pasoja ligjore” për organizimin ose pjesëmarrjen në marshimin Budapest Pride, i cili është ndaluar nga policia për këtë fundjavë, shkruan Gazeta Sinjali.

Parlamenti i Hungarisë, ku partia e Orbanit, Fidesz, ka shumicën e madhe, miratoi në mars një ligj që i jep bazë ligjore policisë për të ndaluar marshimet LGBTQ me arsyetimin e mbrojtjes së fëmijëve, duke vënë kështu mbi të drejtën e tubimit.

Ligji gjithashtu lejon përdorimin e kamerave të njohjes së fytyrës për identifikimin dhe gjobitjen e pjesëmarrësve.

A do ta ndërrojë VV emrin e Albulena Haxhiut për kryekuvendare? – Përgjigjet Konjufca

Deputetët e Lëvizjes Vetëvendosje janë mbledhur sot në Kuvend pas vendimit të Gjykatës Kushtetuese, e cila ka caktuar afatin 30-ditor për konstituimin e legjislaturës së re.

Para mbledhjes, Glauk Konjufca u pyet nga gazetarët nëse do të ndryshojë emri i propozuar për kryetare të Kuvendit, që aktualisht është Albulena Haxhiu.

“Ju tregoj kur t’dalim”, u përgjigj shkurt Konjufca.

Vendimi i Kushtetueses për konstituimin e Kuvendit, Kurti merr këtë vendim

Në reagim ndaj aktgjykimit të Gjykatës Kushtetuese, kryeministri në detyrë, Albin Kurti ka ftuar të gjithë krerët e subjekteve politike në legjislaturën e nëntë për një takim të përbashkët, shkruan Gazeta Sinjali.

Takimi do të mbahet të shtunën në orën 16:00 dhe ka për qëllim të kërkojë konsensus për konstituimin e Kuvendit, duke theksuar se obligimi për këtë proces është përgjegjësi e të gjithë deputetëve dhe jo vetëm e subjektit të parë.

 

 

Shqipëria tronditet nga dy tërmete të njëpasnjëshme, epiqendra në Tiranë

Sot janë regjistruar dy lëkundje tërmeti me magnitudë 4 dhe 4.1 të shkallës Rihter në Shqipëri, shkruan Gazeta Sinjali.

Epiqendra e tyre ishte në Tiranë, pranë zonës së Kamzës, ku lëkundjet zgjatën disa sekonda, sipas raportimeve të A2 CNN.

Në ditët e fundit, vendi është goditur nga disa tërmete të tjera, të cilat fatmirësisht nuk kanë shkaktuar dëme në njerëz apo pronë. Autoritetet vazhdojnë të monitorojnë situatën dhe këshillojnë qytetarët për të qenë vigjilentë.

E dhimbshme: Leutrim Azemi nga Skenderaj viziton varrin e të dashurës së ndjerë, Blerta Rexha – lutet për shpirtin e saj

Një moment prekës dhe plot emocione është ndarë nga Leutrim Azemi, i riu nga Skenderaj, i cili ka vizituar varrin e të dashurës së tij, Blerta Rexha, e cila humbi jetën në një aksident tragjik ku ndodheshin së bashku.

Leutrimi ka publikuar fotografi ku shihet duke u lutur pranë varrit të Blertës, ndërsa postimin e ka shoqëruar edhe me një video me kujtime të paharruara nga momentet e tyre së bashku.

Në përshkrimin e ndjeshëm të postimit, ai shkruan:
“Me padurim e pres momentin kur Allahu një ditë të më dërgojë tek ti 💔”

“Çka ndodh nëse Kuvendi nuk konstituohet brenda këtij afati 30-ditor?“

Deputetja e Lidhjes Demokratike të Kosovës (LDK), Hykmete Bajrami, ka komentuar vendimin e fundit të Gjykatës Kushtetuese lidhur me krizën për konstituimin e Kuvendit të Kosovës, shkruan Gazeta Sinjali.

Ajo ka mirëpritur vendosjen e afatit 30-ditor për zgjedhjen e Kryetarit dhe Nënkryetarëve të Kuvendit, por njëkohësisht ka ngritur shqetësime për mungesën e qartësisë mbi pasojat nëse Kuvendi dështon të konstituohet brenda këtij afati.

“Më vjen mirë që Gjykata Kushtetuese e ka përcaktuar një afat kohor dhe tashmë e dimë, që ka një afat kohor… Nuk duke shumë e qartë, nga ajo që kam parë, se çfarë do të ndodhë nëse nuk bëhet brenda 30 ditëve”, tha Bajrami në emisionin Debat Plus.

Ajo theksoi se paqartësitë mbeten të mëdha, sidomos duke marrë parasysh numrin e lartë të vazhdimeve të seancës konstituive që nuk kanë prodhuar rezultat.

“Kur e dimë se më kënd kemi të bëjmë në Kuvend, kur e marrim faktin se nesër është vazhdimi i 39 i seancës konstituive, menjëherë pyetja e parë që i bërë vetes që a ka thënë Gjykata Kushtetuese çka ndodh, në fakt a ka dhënë përgjigje se çka ndodh nëse edhe brenda këtyre 30 ditëve ne nuk arrijmë ta zgjedhim kryetarin e Kuvendit. Po thuhet se duhet të ketë zgjedhje”, u shpreh ajo.

Bajrami tha gjithashtu se përgjegjësia për konstituimin e Kuvendit bie mbi partinë që ka të drejtën për të propozuar Kryetarin, duke theksuar nevojën për konsensus.

“Unë e pash që partia e parë nuk e ka vetëm të drejtën, e ka edhe përgjegjësinë për të ardhur deri te konsensusi për zgjedhjen e kryetarit të Kuvendit. Dmth normalisht obligohen të gjithë deputetët, por përgjegjësia kryesore edhe nga ajo çka lexuam është që partia që e ka të drejtën e ka edhe përgjegjësinë që të arrij konsensusin. Duhet ta gjej në figurë konsensuale, e pranueshme për pjesën më të madhe të deputetëve”, deklaroi Bajrami.