Kurti: Rritja mesatare ekonomike 6%, prandaj s’ka protesta të qytetarëve, por vetëm ankesa të opozitarëve

Kryeministri në detyrë, Albin Kurti në seancën për buxhetin dhe marrëveshjet ndërkombëtare, ku nuk po marrin pjesë partitë tjera përveç VV-së, në fjalën e tij tha se janë katër Komisione parlamentare që janë të përhershme dhe janë kyçe për situatat e zakonshme apo jo të zakonshme, shkruan Reporteri.net.

Ai tha se gjendja tani është esenciale për Republikën e që temat esenciale përkojnë pikërisht me fushëveprimtarinë e këtyre Komisioneve, Buxheti për 2026, për RTk, për 2025 për Komunat, Plani i rritjes së BE-së dhe marrëveshjet ndërkombëtare me Bankën Botërore”.

Kryeministri në detyrë tha se buxheti për vitin 2025 është më i madhi ndonjëherë, ndërsa këtu përmendi shtesat për fëmijët e lehonat, pensionet si dhe pagën e 13, ndërsa shtoi se sa i përket RTK-së përgjegjës për financimin e këtij institucioni është Kuvendi si themelues i tij, dhe se qeveria ka dhënë një herë një “over draft” për RTK dhe nuk mund të jam një të tillë mbi të.

“Buxheti për vitin 2026 më i madhi ndonjëherë, në vlerë katër miliardë euro. Risi është dhënia e pagës së 13 për sektorin publik. Gjithashtu është i përfshirë edhe zbatimi i rritjes së pagës bazë me 0.5% për çdo vit pune. Buxheti që kemi sjell në Kuvend për 2026 përfshin edhe rritjen e pensioneve, shtesave për lehona, fëmijë, pagesa për të ri dhe gra në Super Puna,e shumë mbështetje tjera për familjet anë e mbanë Kosovës. Me këtë buxhet rritet mbështetja për barna esenciale dhe për Kulturën e Sportin, për bujqit dhe investime në infrastrukturë publike. Sigurohet qëndrueshmëria e shtetit dhe e zhvillimit të tij”, tha Kurti.

“RTK është në rend dite, është institucion publik i themeluar nga Kuvendi dhe Kuvendi është përgjegjës për financim. Buxheti për RTK nuk varet nga Qeveria. Interaksioni i vetëm i RTK është me Kuvendin. Te rasti i RTK kemi lidhje direkte të Komisionit për Buxhet me therasin e shtetit që ndodhet në kuadër të MF. Pra as nuk ka propozim e as miratim nga Qeveria. Krejt çka bëhet është brenda Kuvendit duke themeluar Komisionin për Buxhet”

“Nëse opozita paska brenda për qeverinë në detyrë kjo nuk ekziston për RTK-në pasi financimi nuk ka të bëjë me qeverinë”.

“Në gusht të këtij viti, në mungesë ne si qeveri morëm vendimin për zgjidhje të përkohshme, një “over draft”, e cila do të mbulonte nevojat deri në konstituimin e Kuvendit. Por tash Kuvendi është i konstitutuar dhe uk ka arsye të refuuzohet miratimi i buxhetit, ndërsa qeveria e ka të pamundur të pfrojë over draft mbi over draftin, kur vet Kuvendi refuzon të alokojë buxhetin”, tha Kurti.

Në fund, Kryeministri në detyrë para deputetëve të partisë që ai drejton, që janë dhe të vetmit në sallën e Kuvendit bashkë me atë të partisë “Guxo”, tha se në Kosovë nuk ka krizë ekonomike. Ai tha se rritja ekonomike mesatare është 6% dhe prandaj nuk ka protesta të qytetarëve siç tha ai, por vetëm ankesa të opozitarëve.

“Buxheti i vitit 2026 që ka propozuar Qeveria që është miratuar në mbledhjen tonë është i rëndësishem, pasi duhet që janari t’i gjejë të gjithë me paga e me rritje. Në Kosovë nuk ka krizë ekonomike, rritja ekonomike në çerekun e dytë sivjet ka qenë 4.58% të bruto produkttit vendor. Në këto katër vite sa isha KM e tash edhe sa jam në detyrë, asnjëherë rritja ekonomike ska qenë nën 4%, rritja mesatare ekonomike është 6%, ndaj s’ka protesta të qytetarëve, por vetëm ankesa të opozitarëve. Në Kosovë nuk ka krizë ekonoimike. Rrezikojmë të kemi krizë sociale nga kriza buxhetore për shkak të përdormeve të procedurave. Le të jemi në nivel përgjegjësisë që kemi si përfaqësues të popullit”, tha Kurti.

Haradinaj i reagon Vetëvendosjes: Ligjin dhe Kushtetutën e keni bërë leckë, shtetin e keni bërë lodër

Deputeti i AAK-së, Daut Haradinaj ka reaguar ndaj Vetëvendosjes duke akuzuar se po mblidhen në seancë për të votuar buxhet e marrëveshje me qëllim mbulimin e dështimeve politike.

Haradinaj, është shprehur se LVV, për katër vite “kanë bërë leckë ligjin dhe Kushtetutën”.

“Deri më sot, mbi 613 milionë euro janë pezulluar për Kosovën si pasojë e masave ndëshkuese të BE-së, fonde nga IPA dhe Korniza e Investimeve për Ballkanin Perëndimor (ËBIF), të cilat u shkaktuan nga veprimet e Qeverisë Kurti. Raportet me Amerikën, në pikën më të ulët.

Tani, të njëjtit që kanë vepruar jashtëligjshëm dhe kanë uzurpuar institucionet, me qëllim të mbulimit të dështimeve politike e qeverisëse, bëjnë thirrje që sërish, po aq jashtëligjshëm dhe kundër rendit kushtetues, të mblidhen e të votojnë buxhet e marrëveshje “në emër të interesave të Kosovës””, shkroi ai mes tjerash.

Postimi i plotë:

Deri më sot, mbi 613 milionë euro janë pezulluar për Kosovën si pasojë e masave ndëshkuese të BE-së, fonde nga IPA dhe Korniza e Investimeve për Ballkanin Perëndimor (ËBIF), të cilat u shkaktuan nga veprimet e Qeverisë Kurti. Raportet me Amerikën, në pikën më të ulët.

Tani, të njëjtit që kanë vepruar jashtëligjshëm dhe kanë uzurpuar institucionet, me qëllim të mbulimit të dështimeve politike e qeverisëse, bëjnë thirrje që sërish, po aq jashtëligjshëm dhe kundër rendit kushtetues, të mblidhen e të votojnë buxhet e marrëveshje “në emër të interesave të Kosovës”.

Por ku ka interes më madhor për Republikën e Kosovës sesa respektimi i ligjit dhe i Kushtetutës nga vetë “bartësit” e institucioneve?

Ku ka interes më madhor për Kosovën sesa mirëmbajtja, forcimi dhe avancimi i raporteve me SHBA-në, BE-në, aleatët tanë strategjikë?

Ligjin dhe Kushtetutën e keni bërë leckë, shtetin e keni bërë lodër, hipokrita.

Zemaj: Seanca sotme është në kundërshtim me rendin kushtetues, pjesë e lojërave politike të VV-së

Deputeti i LDK-së, Armend Zemaj ka thënë se seanca e sotme është në kundërshtim me rendin kushtetues, duke konfirmuar se LDK-ja nuk do të marrë pjesë.

Zemaj ka thënë se kjo seancë është pjesë e lojërave politike të VV-së.

“Sot po provohet ta quajmë treni i fundit, një seancë plotësisht në kundërshtim me rendin kushtetues vetëm që Kurti dhe VV-ja të zhveshet nga përgjegjësia e dështimit të saj. Kanë përfshirë projektbuxhetin, marrëveshje ndërkombëtare që kërkojnë proces të mirëfilltë e jo improvizime. LDK nuk merr pjesë në një proces kaq të papërgjegjshëm. VV-ja po tenton të përdorë institucionet si instrument i lojërave të tyre politike. E njëjta logjikë u pa edhe me mandatarin”, tha Zemaj.

Në seancë ka konfirmuar se nuk do të marrin pjesë as PDK, AAK dhe Nisma. /Reporteri.net/

Predhë anti tank dhe uniforma ushtarake serbe- Policia tregon çka gjeti në veri

Policia e Kosovës ka bërë të ditur se në një shtëpi të pabanuar në Jarinjë të Poshtme ka gjetur një predhë anti-tank dhe uniforma me emblema ushtarake serbe.

Përmes raportit ditor të së mërkurës, policia njofton se në lokacion s’ka hasur ndonjë të dyshuar dhe se shtëpia ishte e braktisur, shkruan Insajderi.

Rasti është nën hetime, sipas policisë.

Njoftimi i plotë:

MBAJTJE NË PRONËSI KONTROLL I PAAUTORIZUAR I ARMËS

Fsh. Jarinje e Poshtme 18.11.2025 – 19:30.  Njësiti policor gjatë patrullimit kishte vërejtur se një shtëpi e pabanuar kishte pasur të thyer-dëmtuar derën dhe kur kanë hyrë brenda kanë pa se kishte pas uniforma ushtarake dhe një predhë anti-tank. Njësitë relevante të policisë kanë dalë në vendin e ngjarjes dhe kanë konfiskuar një predhë anti-tank cal. 37 mm modeli M38 dhe uniforma ushtarake me emblema të ushtrisë Serbe si: një këmishë me mëngë të shkurta, dy xhaketa dimërore, një jakne ushtarake dhe një palë pantallona. Në atë lokacion nuk është hasur ndonjë person i dyshuar apo ndonjë dëshmitarë. Lidhur me rastin është informuar prokurori i cili e ka bërë cilësimin e rastit dhe vazhdon të hetohet.

Turbullirat në kanalin Ibër-Lepenc, këto janë komunat që do mbesin pa ujë

Kompania Rajonale e Ujësjellësit “Prishtina” ka njoftuar mbrëmë vonë se Impianti i Trajtimit të Ujit (ITU) në Shkabaj është nxjerrë jashtë funksionit përkohësisht, si pasojë e turbullirave shumë të larta në kanalin Ibër-Lepenc, të shkaktuara nga reshjet e dendura atmosferike të ditëve të fundit. Këto turbullira e bëjnë të pamundur procesin e trajtimit të ujit, duke ndikuar drejtpërdrejt në furnizim.

Si rezultat, disa zona mbesin pa ujë të pijshëm deri në përmirësimin e parametrave: Fushë Kosova, Drenasi, Obiliqi dhe një pjesë e lagjes Kalabria në Prishtinë

KRU “Prishtina” paralajmëron se reduktime dhe ndërprerje të furnizimit mund të shfaqen edhe në zona të tjera të kryeqytetit.

Nga kompania bëhet e ditur se ekipet janë në terren dhe po monitorojnë situatën në mënyrë të vazhdueshme. Furnizimi me ujë pritet të rikthehet sapo të stabilizohen parametrat në kanalin furnizues.

Mustafa: Ramush Haradinajt duhet t’ia dijë për nder krejt Kosova, e bindi SHBA-në për krijimin e ushtrisë- mua e Thaçin s’na lanë

Ish-kryeministri i Kosovës, Isa Mustafa, ka vlerësuar ish-kryeministrin Ramush Haradinaj për rolin e tij në krijimin e Ushtrisë së Kosovës, duke thënë se Haradinaj arriti të bindte SHBA-në për një proces që, sipas tij, ishte i parealizueshëm gjatë qeverisjes së tij dhe të Hashim Thaçit.

Në një intervistë për ATV, Mustafa deklaroi se “Ramush Haradinajt duhet t’ia di për nder krejt Kosova, as vetë se di si ka arritë t’i bind SHBA-të që të bëhet transformimi në ushtri…. S’kanë dashtë të dëgjojnë SHBA e as NATO që ne ta bëjmë ushtrinë pa ndryshim të Kushtetuës… etj.”

Ai kujtoi se gjatë kohës kur ai dhe Thaçi ishin në pushtet, krijimi i ushtrisë pa ndryshime kushtetuese hasi në kundërshtim të qartë nga aleatët ndërkombëtarë. Mustafa theksoi se pikërisht Haradinaj arriti ta çonte përpara procesin.

“Këtë punë e kreu Ramushi dhe ka merita të veçanta për këtë”, u shpreh ai.

Prebreza paralajmëron ndëshkime ligjore për zyrtarët e komunës së Fushë Kosovës: Në këto vërshime, askush nuk po iu përgjigjet qytetarëve për ndihmë

Kryetari në ardhje i Fushë Kosovës, i cili ka fituar garën në balotazh në këtë komunë, Valon Prebreza ka shkruar në lidhje me gjendjen pas vërshimeve në këtë komunë.

Ai ka thënë se duhet një reagim urgjent, pasi sipas tij askush nga zyrtarët e Komunës së Fushë Kosovës nuk po iu përgjigjen qytetarëve për të ndërmarrë veprime që u’a lehtësojnë situatën.

Ai ka paralajmëruar ndëshkime ligjore.

Postimi i plotë: 

REAGIM URGJENT!

Kjo është një papërgjegjsi totale e cila nuk do të kalojë pa ndëshkime ligjore.

Në këto momente të vështira nga kushtet atmosferike, shumë familje po ballafaqohen me probleme të mëdha dhe më vërshime.

Askush nga zyrtarët e Komunës së Fushë Kosovës nuk po i’u përgjigjen qytetarëve për të ndërmarrë veprime që u’a lehtësojnë situatën.

Me këtë rast apeloj tek të gjitha familjet për kujdes dhe nga operatorët e kontraktuar që të reagojnë menjëherë!

Kajtazi: VV veç nëse flet me Radoiçiqin se ndryshe s’ka kush ia bën votat

Gazetari Vehbi Kajtazi në Rubikon të Klan Kosova tha se deklarata e Bedri Hazmës sa u përket vijave të kuqe, po lexohet gabim.

“Unë mendoj se Hamza po flet për një proces pas zgjedhjeve që mund të mbahen tash. Bedri Hamza është politikan me shumë përvojë, prandaj Kurti nuk mund ta ketë përshtypjen e gabuar se merret vesh lehtë me të”, tha Kajtazi në Rubikon të Klan Kosovës.

Duke folur për mundësinë e një koalicioni PDK-LVV, Kajtazi tha se beson se kushdo që i jep shans Kurtit për të udhëhequr nga pozita e kryeministrit nuk ia do të mirën vendit, derisa shtoi se gjasat që Glauk Konjufca t’i sigurojë votat në seancën e nesërme janë minimale.

“Kisha pasë qejf me e pa Konjufcën kryeministër për shkak të respektit që e kam për të, është i ndershëm, për këtë arsye një qeveri e zotit Konjufca do të ishte interesante, por ku po do me i marrë votat? Veç nëse flasin me Milanin (Radoiçiqin) përndryshe nuk ka kush me ia ba”, tha Kajtazi.

Zhvillimet në kufirin Kosovë-serbi, reagon KFOR-i

Misioni Paqembajtës i NATO-s në Kosovë, KFOR-i, në një përgjigje me shkrim për Nacionale është deklaruar rreth disa zhvillimeve në kufirin Kosovë – Serbi, përçka Beogradi zyrtar me maçineri të tabloideve, portaleve dhe teevizioneve me frekuencë kombëtare e ka paraqitur për “sulm të armatosur shqiptar ndaj një baze ushtarake serbe” dhe e ka shpërndarë masivisht. Policia e Kosovës e ka demantuar menjëherë për dezinformatë ndërsa tregoi i vetmi rast i shënuar është arrestimi i katër personave gjuetarë, shtetas të Serbisë, të cilët ilegalisht kishin hyrë në territor të Kosovës. KFOR-i tha se po monitoron situtatën nga afër dhe “nuk pati rol në arrestime” ndërsa citoi hetimin që janë duke kryer autoritetet e Kosovës. Për këtë hetim, KFOR-i na tha se “është e rëndësishme që të ec para” dhe që, në ndërkohë, “të mos merren veprime dhe të mos bëhen deklarata që mund të çojnë në rritje të tensioneve të panevojshme”.

…

“KFOR-i po e monitoron situatën nga afër. Misioni ynë nuk ka mandat për zbatimin e ligjit dhe nuk kishte asnjë rol në arrestime. Policia e Kosovës dhe institucionet në Kosovë kanë nisur një hetim për çështjen. Prandaj, ju referojmë atyre për çdo koment. Është e rëndësishme që ky hetim të ecë përpara dhe të mos ndërmerren veprime dhe të mos bëhen deklarata që mund të çojnë në ndonjë rritje të panevojshme të tensioneve. Kjo është çelësi për të mbrojtur sigurinë në të gjithë Kosovën dhe stabilitetin rajonal. KFOR-i vazhdon të zbatojë mandatin e tij të gjatë të OKB-së, duke kontribuar në një mjedis të sigurt për të gjithë njerëzit që jetojnë në Kosovë, në koordinim të ngushtë me Policinë e Kosovës dhe Misionin e BE-së për Sundimin e Ligjit (EULEX), në rolet e tyre përkatëse si reagues të sigurisë”, tha KFOR për Nacionale.

Policia e Kosovës ka hedhur poshtë pretendimet e disa mediave serbe, sipas të cilave një “grup i armatosur shqiptarësh ka hapur zjarr ndaj pjesëtarëve të ushtrisë serbe pranë bazës ‘Debela Glava’”. Në një njoftim zyrtar të publikuar të hënën, institucioni i sigurisë i cilësoi këto raportime si “dezinformata, të pabazuara dhe që nuk korrespondojnë me asnjë informacion zyrtar apo ngjarje të verifikuar”.

Sipas Policisë së Republikës së Kosovës, të gjitha të dhënat operative dhe raportimet nga njësitë policore në terren tregojnë se “nuk është regjistruar asnjë incident i karakterit të pretenduar”. Policia e Kosovës tha se publikimi i lajmeve të pasakta “kontribuon në krijimin e perceptimeve të rreme dhe rritjen e tensioneve të panevojshme në zonat kufitare.”

Policia njoftoi se situata përgjatë vijës kufitare ka qenë e qetë dhe “plotësisht nën kontroll të autoriteteve”. Megjithatë, gjatë operacioneve rutinë, njësitë policore kanë arrestuar katër shtetas serbë të dyshuar për “kallim ilegal të vijës kufitare dhe armëmbajtje pa leje”. Të dyshuarit, të identifikuar si gjuetarë që kishin hyrë nga territori i Serbisë në Kosovë, janë dërguar në mbajtje me vendim të organeve kompetente të drejtësisë, ndërsa armët dhe municioni u konfiskuan.

Policia u bëri thirrje mediave që të mbështeten në burime të verifikuara dhe të shmangin publikimin e informacionit të pakonfirmuar, duke theksuar se lajme të tilla mund të ndikojnë negativisht në rendin dhe sigurinë publike.

“Policia e Kosovës mbetet e përkushtuar në garantimin e sigurisë së përgjithshme, zbatimin e ligjit dhe ruajtjen e rendit publik për të gjithë qytetarët e Republikës së Kosovës”, thuhet në njoftim.

A kanë ndryshuar mendje? LDK-ja tregon qëndrimin final për Konjufcën kryeministër

Të mërkuren pritet të hidhet në votim propozimi për formimin e Qeverisë së re të udhëhequr nga Glauk Konjufca.

Deputeti i LDK-së, Arben Gashi, deklaroi sonte në emisionin Politiko se partia e tij nuk do të japë votat për një Qeveri të udhëhequr nga Konjufca.

“LDK nuk e voton Qeverinë Konjufca,” theksoi Gashi, duke e bërë të qartë qëndrimin e subjektit të tij politik.

Ai gjithashtu kritikoi thirrjen e seancës së parë të parashikuar për buxhetin, duke e cilësuar atë shkelje të Kushtetutës.