Bajqinovci: Krerët e LDK-së dhe PDK-së po më rivalizojnë me tubime, por s’kanë të pranishëm më shumë se unë

Deputeti i VV-së Mefail Bajqinovci ka thënë se krerët e LDK-së dhe PDK-së po e rivalizojnë atë sa i përket organizimit të tubimeve. Ndërsa ka thënë se ata nuk kanë të pranishëm më shumë se ai dhe se ata janë larg popullit.

Osmani dridh Vuçiqin në Samit, ky i fundit ndihet në siklet nga fjalimi i Presidentës

Presidenti serb, Aleksandar Vuçiq, siç merr vesh klankosova.tv, është ndjerë në siklet, nga fjalimi i presidentes Vjosa Osmani, kur iu drejtua të pranishmëve në Samitin Evropë-Juglindore në Dubrovnik.

Kjo meqë, presidentja Osmani, siç mëson mediumi ynë, ishte përballë presidentit serb, Vuçiq kur po deklaronte për krimin që shkaktoi Sllobodan Millosheviqi, ndaj shqiptarëve të Kosovës.

”Shumë prej nesh rreth kësaj tryeze e kujtojnë se si, në fillim të viteve nëntëdhjetë, pavarësisht luftërave të zhvilluara kundër Kroacisë dhe Sllovenisë, Millosheviçi ende quhej ‘paqebërës’ ose ‘njeriu pa të cilin paqja është e pamundur’”, tregojnë burimet e klankosova.tv, të ketë deklaruar presidentja në Samit.

Ajo tutje u ka theksuar liderëve rajonalë, se ishte pikërisht kjo qasje pajtuese ndaj agresorit që çoi në luftëra më të tmerrshme, fillimisht në Bosnje dhe Hercegovinë dhe më pas në Kosovë.

”Në fund, pajtimi me një autokrat u pagua me gjakun e mbi njëqind mijë civilëve të pafajshëm”, ka deklaruar ajo mëson ekskluzivish klankosova.tv.

”Megjithatë, edhe 25 vjet pas paqes në Ballkan, e arritur përmes ndërhyrjes së NATO-s, shohim forca të errëta nga e kaluara, të cilat duan të ndjekin modelet ruse të aneksimit, propagandës, dezinformimit dhe destabilizimit”.

”Nuk ka qenë kurr më e thjeshtë, sepse në fund të fundit duke luftuar për një Ukrainë të lirë, ne po luftojmë gjithashtu për paqen tonë dhe lirinë. Ne po luftojmë për një Evropë të lirë”, mësohet të jetë shprehur presidentja Vjosa Osmani, çka dhe duke shtuar këmbënguljen e Kosovës për t’u rreshtuar krah NATO-s, për ta sanksionuar Rusinë, siç mëson ekskluzivisht klankosova.tv, ka shkaktuar tensione në disponimin e Aleksandar Vuçiqit.

Tutje presidentja i ka konfirmuar presidentit ukrainas mbështetjen e Kosovës, duke i theksuar faktin se popolli ynë me historinë e tij të dhimbshme shtyen që të zgjas dorën e ndihmës.

Burime brenda Samitit, tregojnë se nga ky qëndrim i presidentes Vjosa Osmani, kishte ankesa e reagime të shumta.

Aplikacionet që harxhojnë më së shumti internet

Ministrja Haxhiu takon kryetaren e Speciales, ja çfarë diskutuan

Shiu përmbyt Shkodrën, vështirësohet qarkullimi

Reshjet e shiut të 24 orëve të fundit në Shkodër kanë përmbytur qendrën e qytetit.

Si pasojë e këtyre reshjeve intensive, janë shkaktuar probleme në qarkullimin e qytetareve dhe automjeteve.

Bëhet e ditur se është duke u punuar për t’u bërë i mundur normalizimin e situatës ndërsa sipas parashikimeve pritet që reshjet në Shkodër të ketë deri në orët e vona.

Ndryshe, kjo është hera e dytë që në pak kohë si pasojë e reshjeve, rrugët e qytetit të Shkodrës përmbyten.

E dhimbshme: Ndahet nga jeta infermierja e njohur

Infermierja e Qendrës Kryesore të Mjekësisë Familjare në Viti, Leonora Kurti është ndarë nga jeta sot, shkruan Gazeta Sinjali.

Lajmin e hidhur e ka dhënë drejtoresha e QKMF-së, Vjollca Kadolli.

Postimi i plotë:

Leonora, na lëndove të gjithëve sot!

Sapo mora lajmin e dhimbshëm që Leonora, infermierja jonë në QKMF Viti paska ndërru jetë.

Leonora, njeriu që aq shumë e ka dashtë jetën dhe me pozitivitetin e saj na ka mësu shpeshherë se si të pérballemi me sfidat, njeriu që na ka emocionu gjithmonë, sot na paska lënë.

Shpirti yt i bardhë u prehtë në paqe..

Do të na mungosh të gjithë stafit të QKMF.

Ngushëllime familjes dhe të gjithë atyre që e njohën!

TË NGJASHME:

E trishtë: Vdes profesori i njohur

E dhimbshme: Vdes vogëlushi nga Mitrovica

Ja çka premton Abdixhiku para asambleistve

Kryetari i Lidhjes Demokratike të Kosovës, LumirAbdixhiku, ka ripërsëritur zotimin e tij për rritjen e koeficientit të pagave.

Arrestohet politikani serb në veri

Politikani serb Aleksandar Arsenijeviq, është ndaluar për 48 orë nga Policia e Kosovës, nën dyshimin për veprën penale  ngacmim.

Zëvendësdrejtori i  Policisë së Kosovës për rajonin e veriut Veton Elshani,  ka thënë për Indeksonline se Arsenijeviq me urdhër të të Prokurorit është intervistuar dhe më pas është ndaluar për 48 orë. Elshani tha se Arsenijeviq e ka ngacmuar shefin e kabinetit të kryetarit të Komunës së Mitrovicës së Veriut, Visar Sylën, të cilit i ka fishkëllyer.

“Me urëdhër të prokurorit është bërë intervistimi  i Aleksandar Arsenijoviqit dhe  se pas intervistimit me urdhër të prokurorit është dërguar në mbajtje 48 orë për veprën ngacmim”, ka thënë Elshani.

Këta do të jenë banorët e Big Brother Vip Kosova?

Big Brother VIP Kosova 3 pritet që të fillojë brenda një kohe shumë të shkurtër.

E tashmë janë zbuluar disa detaje në lidhje me edicionin e sivjetmë, i cili nuk ka dyshim se do të jetë shumë interesant e me përplot befasi.

Edhe këtë vit, ky spektakël ka mbledhur figurat më të njohura nga bota e shoubizit shqiptar.

Media ka përmendur disa prej tyre, për të cilët aludohet se do të marrin pjesë, ani pse nuk ka asgjë të konfirmuar.

Veç Milaim Zekës në stolin e opinionistit do të jetë edhe ish-banorja e Big Brother VIP Albania, Einxhel Shkira.

Kurse, disa nga banorët më të spikatur janë: këngëtarja Rovena Stefa, Xuxi, gazetari Vullnet Krasniqi e Zoja Nushi.

Përveç tyne, konkurrentë të tjerë janë: Mevlan Shaba, Jehona Shaqiri, Burim Vatovci e Drenusha Latifi.

Kjo natyrisht nuk është lista e plotë dhe as e konfirmuar e banorëve që garojnë për çmimin e madh.

Këto janë 9 marrëveshjet e reja të CEFTA-s

Moment historik për bashkëpunimin ekonomik brenda CEFTA-s po konsiderohet dita e sotme, pasi Komiteti i Përbashkët i CEFTA-s miratoi 9 marrëveshje novatore të dizajnuara për të transformuar bashkëpunimin tregtar dhe ekonomik.

Siç thuhet në një komunikatë të CEFTA-s, këto marrëveshje premtojnë përfitime reale, të prekshme – thjeshtimin e operacioneve të biznesit, krijimin e mundësive të reja të punës dhe forcimin e mbrojtjes së konsumatorëve.

“Vetëm disa ditë përpara Procesit të Berlinit që feston 10-vjetorin e tij, CEFTA po hedh një hap vendimtar drejt realizimit të vizionit të një Tregu të Përbashkët Rajonal. Të ankoruara në rregullat dhe praktikat më të mira të BE-së, këto marrëveshje do t’i afrojnë tregjet e CEFTA-s me Tregun Unik të BE-së dhe do të zhbllokojnë potencialin e Planit të Ri të Rritjes së BE-së”, thuhet ndër të tjera në këtë komunikatë.

E Danijela Gaçeviq, Ushtruese e Detyrës së Drejtoreshës në Sekretariatin e CEFTA-s, u shpreh se CEFTA ka një rëndësi thelbësore për lëvizjen e lirë të mallrave dhe shërbimeve, duke nxitur rritjen ekonomike dhe integrimin.

Me këto vendime, ajo tha se “ne po krijojmë një hapësirë ​​ekonomike më të fortë, më të unifikuar ku bizneset mund të rriten më shpejt dhe konsumatorët mbrohen edhe kur bëjnë blerje përtej tregjeve të tyre lokale”.

“Ky është një moment i rëndësishëm për CEFTA-n pasi ne po i afrohemi harmonizimit të plotë me tregun e BE-së. Përfitimet do të ndihen në të gjithë CEFTA-n. Kompanitë e vogla dhe të mesme do të fuqizohen për të eksportuar dhe për të përdorur sa më mirë tregjet digjitale, ndërkohë që të gjithë ne do të përfitojmë nga më shumë zgjedhje, çmim dhe cilësi më të mirë dhe mbrojtje më të fuqishme të konsumatorit”, deklaroi Gaçeviq, raporton Klankosova.tv.

Pikat kryesore në 9 Marrëveshje:

1. Njohja e programeve të Operatorëve të Autorizuar Ekonomikë (OAE): Bizneset me përfitime doganore në tregjet e tyre vendase tani do t’i gëzojnë këto privilegje në të 7 tregjet e CEFTA-s. Kjo do të thotë procedura doganore më të shpejta dhe më efikase, duke çuar në kursime të konsiderueshme në kohë dhe kosto.
2. Lehtësimi i E-Commerce: Një kuadër i unifikuar do t’u mundësojë bizneseve të shesin në internet pa probleme në tregjet e CEFTA-s, duke e bërë më të lehtë për konsumatorët të blejnë pa kufizime. Për më tepër, kjo vendos standarde për të mbrojtur konsumatorët kur blejnë online.
3. Dorëzimi i pakove: Rregullat e reja thjeshtojnë dorëzimin e pakove ndërmjet palëve të CEFTA-s, duke rritur kontrollin rregullator duke futur standardet e BE-së për transparencën e çmimeve dhe cilësinë e shërbimit.
4. Parandalimi i gjeo-bllokimit të pajustifikuar: Këto rregulla sigurojnë që dyqanet online nuk mund të bllokojnë aksesin në faqet e internetit, produktet ose shërbimet bazuar në vendndodhjen dhe origjinën e një konsumatori, duke lejuar blerje të pakufizuara nëpër tregjet e CEFTA-s.
5. Aspekte të lidhura me tregtinë e të drejtave të pronësisë intelektuale (IPR): Standardet e harmonizuara të IPR do të mbrojnë si bizneset ashtu edhe konsumatorët nga mallrat e falsifikuara, duke nxitur inovacionin dhe duke mbrojtur tregun CEFTA.
6. Krijimi i një Sistemi Elektronik për Menaxhimin e Riskut: Shkëmbimi elektronik i të dhënave do të fuqizojë doganat që të synojnë dërgesat me rrezik të lartë në mënyrë më efektive, duke përmirësuar sigurinë tregtare dhe duke përshpejtuar lëvizjen e mallrave.
7. Lehtësimi i tregtisë së shërbimeve nga agjencitë e udhëtimit dhe operatorët turistikë: Agjencitë e udhëtimit dhe operatorët turistikë do të kenë akses më të lehtë në të gjitha tregjet e CEFTA-s, duke krijuar mundësi të reja për rritje dhe duke tërhequr më shumë turistë në rajon.
8. Mekanizmi i Zgjidhjes së Mosmarrëveshjeve (Protokolli Shtesë 7): Një mekanizëm i ri për zgjidhjen e mosmarrëveshjeve tregtare do të garantojë drejtësi dhe transparencë, duke rritur besimin e biznesit në zbatimin e rregullave të CEFTA-s për lehtësimin e tregtisë.
9. Lehtësimi i Sigurimit të Përgjegjësisë ndaj Palëve të Treta (Rekomandim): Proceset e thjeshtuara të sigurimit motorik do t’i lejojnë udhëtarët të lëvizin pa shqetësime nëpër CEFTA, pa shqetësime për mbulimin e sigurimit.

“Përveç kësaj, Komiteti i Përbashkët i CEFTA-s ka miratuar tre vendime që synojnë reformimin e punëve të brendshme. Këto reforma prezantojnë Rregullore të reja të Procedurës për Komitetin e Përbashkët, përditësojnë Vendimin që rregullon operacionet e Sekretariatit dhe krijojnë organe të reja për të mbikëqyrur bashkëpunimin në fushat në zhvillim si shpërndarja e pakove, të drejtat e pronësisë intelektuale dhe kualifikimet profesionale”, ka thënë CEFTA në këtë komunikatë.