KQZ nis rinumërimin e votave të 41 vendvotimeve në Drenas

Komisioni Qendror i Zgjedhjeve (KQZ) ka njoftuar se gjatë ditës së sotme, të martën, do të nisë procesi i rinumërimit të votave të 41 vendvotimeve në Komunën e Drenasit (Gllogocit), me kërkesë të Panelit Zgjedhor për Ankesa dhe Parashtresa (PZAP).

Sipas njoftimit zyrtar, rinumërimi do të fillojë në orën 14:00, në Qendrën e Numërimit dhe Rezultateve (QNR) në Prishtinë. Vendvotimet që do t’i nënshtrohen rinumërimit i përkasin zgjedhjeve për Kuvendin komunal të Drenasit, ku PZAP-ja ka kërkuar rishikim të procesit për të garantuar transparencë dhe saktësi të plotë në numërim.

Në njoftim thuhet se KQZ-ja po e ndjek me kujdes procesin dhe do të vazhdojë të informojë publikun në mënyrë të rregullt dhe transparente për çdo zhvillim të ri.

Ndërkohë, deri në orën 13:00 të ditës së sotme, janë përmbyllur verifikimet e rezultateve në 15 qendra komunale të numërimit, ndërsa procesi po vazhdon në dy komuna të tjera. Në Mitrovicën e Jugut, procesi nuk është duke vazhduar për arsye që tashmë janë bërë të njohura nga Prokuroria Themelore e Mitrovicës.

Lista e vendvotimeve që do të rinumërohen përfshin numrat: 0324/01, 0325/01, 0322/01, 0320/01, 0318/02, 0317/04, 0317/03, 0316/02, 0312/02, 0310/03, 0310/02, 0304/01, 0321/01, 0324/03, 0327/01, 0315/02, 0316/01, 0308/01, 0320/02, 0306/01, 0301/05, 0301/04, 0328/02, 0326/03, 0311/03, 0340/03, 0311/05, 0310/01, 0323/03, 0322/0, 0323/02, 0311/01, 0330/01, 0324/02, 0317/01, 0317/02, 0324/02, 0309/01, 0309/02, 0310/05 dhe 0313/01.

KQZ-ja thekson se ky proces do të zhvillohet nën mbikëqyrje të plotë dhe sipas standardeve ligjore, për të siguruar një rezultat përfundimtar të saktë për Drenasin.

Dënohet me 10 vjet burgim për krime lufte, ish-polici Shaqir Lutvija

Ish-polici Shaqir Lutvija është dënuar 10 vjet burgim për krime lufte në Prizren.

Vendimi është marrë të martën në Gjykatën Themelore në Prishtinë.

Në seancën fillestare të mbajtur më 17 shtator 2024, Lutvija u deklarua i pafajshëm për akuzën që i vihet në barrë.

Ndërkohë, Prokuroria Speciale e Kosovës ka mirëpritur aktgjykimin fajësues.

“Sipas aktakuzës së ngritur më 04 shtator 2024, Sh.L., në cilësinë e inspektorit dhe policit në Stacionin Policor në Prizren, individualisht dhe në bashkëkryerje me persona të tjerë të forcave policore serbe, gjatë viteve 1998-1999, ka ushtruar masat represive të vrasjes, arrestimit, rrahjes, maltretimit dhe trajtimit çnjerëzor ndaj civilëve shqiptarë”, thuhet në njoftimin e Prokurorisë.

Prokuroria Speciale e Republikës së Kosovës më 4 shtator 2024 ka ngritur aktakuzë kundër Shaqir Lutvijës, i cili akuzohet se në cilësinë e inspektorit dhe policit në Stacionin Policor në Prizren, individualisht dhe në bashkëkryerje me persona të tjerë të forcave policore serbe, gjatë periudhës kohore 1998-1999, në Prizren, gjatë kohës së luftës në Kosovë, ka ushtruar masat represive të vrasjes, arrestimit, rrahjes, maltretimit dhe trajtimit çnjerëzor.

Aktakuza thotë se sipas dëshmisë së dëshmitarëve: Murat Kabashi, Elmi Gashi, Sefer Ejupi, Vehbi Velija, Qemajl Kollari, Ukë Kolgeci, Haxhi Gashi, Safet Gashi, Hasan Shala dhe Arsim Zyba, i akuzuari Lutvija nga 28 shtatori 1998 deri më 7 tetor 1998, në bashkëkryerje me pjesëtarët e tjerë të forcave policore, kanë ndërmarr një fushatë për arrestimi e tyre në burgun e Prizrenit, në cilësinë e  popullatës civile të nacionalitetit shqiptar, në mesin e të cilëve ishin: R.J., dhe të lartcekurit.

Gjithnjë sipas aktakuzës, forcat serbe pas arrestimit i dërguan në Stacionin Policor në Prizren, me ç’rast i akuzuari Lutvija së bashku me të pandehurit e tjerë, në cilësinë e inspektorit të këtij stacioni, i morën në pyetje të dëmtuarit dhe gjatë procesit të marrjes në pyetje i kanë rrahur me boksa e shqelma, me mjete të tjera të forta dhe metoda të tjera të trajtimit çnjerëzor.

Në aktakuzë thuhet se Lutvija dhe të pandehurit tjerë, kanë përdorë mjete të rrymës elektrike, të cilat ua vendosnin në pjesën e duarve dhe në organe gjenitale, me ç‘rast si pasojë e kësaj R.J., kishte vdekur, kurse Murat Kabashi, Elmi Gashi, Sefer Ejupi, Vehbi Velija, Qemajl Kollari, Ukë Kolgeci, Haxhi Gashi, Safet Gashi, Hasan Shala dhe Arsim Zyba pësuan lëndime serioze trupore.

Me këtë, Lutvija po akuzohet se në bashkëkryerje ka kryer veprën penale “Krime lufte kundër popullatës civile” nga neni 142 lidhur me nenin 22 të Ligjit Penal të RSFJ-së.

Thaçi mezi mban të qeshurat me këtë përgjigje të Hillit

Ish-diplomati amerikan Christopher Hill, po vazhdon dëshminë e tij në Hagë.

Gjatë dëshmisë së tij, ai u pyet nga prokurori James Pache, për një takim ku ishte edhe Rexhep Selimi, dhe atij ia cituan një libër të Blerim Shalës.

Por, me këtë rast, Hill, tha se ishte cituar për diçka që nuk e ka thënë, e për çka u shpreh:

“Lufta e UÇK-së sikur e Peloponezit”, deklaroi ish-diplomati amerikan.

E dhimbshme: Ky është i riu që vdiq në aksidentin e rëndë

Një aksident trafiku ka ndodhur dje rreth orës 01:00 në Bresje të Fushë Kosovës

Lajmin e ka konfirmuar zëdhënësi i Policisë së Kosovës, Bajram Krasniqi.

Ai ka thënë se në atë aksident është përfshirë një veturë, një person ka pësuar lëndime dhe ekipi mjekësor ka konstatuar se i njëjti është pa shenja jete.

“Policia është marrë me procedurat në vend ngjarje”, ka thënë Krasniqi.

Viktima është, 30 vjeçari Mentor Zmajlaj nga Suhareka.

Ndërpritet sërish numërimi i votave në Mitrovicë

Është ndërprerë sërish numërimi i votave në Mitrovicë.

Ndërprerje të numërimit ka pasur edhe gjatë ditës së djeshme në Qendrën Komunale atje, pas dyshimeve për manipulime me vota. Rreth kësaj çështje u aktivizua edhe Prokuroria e Shtetit.

Derisa sot, Komisioni Qendror i Zgjedhjeve ka dalë sërish me sqarim, duke publikuar deklarimin e kompanisë sllovene e cila i ka shtypur fletëvotimet.

Dyshimet për blerje votash në Mitrovicë, a do të ketë rivotim në këtë komunë?

Deputeti i Partisë Demokratike të Kosovës, Përparim Gruda, pas dyshimeve të bazuara për cenimin e procesit zgjedhor në Mitrovicë, ka kërkuar që kjo komunë të shkojë në rivotim.

Ai në konferencën për media ka thënë se bartja e fletëvotimeve nga një vend në vendin tjetër bie ndesh me ligjin dhe me rregullat e KQZ-së.

“Jam këtu për të shprehur shqetësimet lidhur me dyshimet për procesin zgjedhor në Mitrovicë. Procesi është shënuar me presion të madh, me ndërhyrje në proces dhe institucionet shtetërore kanë ndërhyrë. Gjatë ditës së djeshme, komisionerët tanë kanë vërejtur parregullsi të rënda që janë gjetur në klasa të tjera, madje edhe në qendra të tjera të votimit. Pra, ka pasur bartje të fletëvotimeve nga një klasë në tjetrën dhe nga një shkollë në tjetrën. Menjëherë pas vërejtjes, janë lajmëruar organet kompetente. Si pasojë, procesi i votimit është ndërprerë. Bartja e fletëvotimeve nga një vend në vendin tjetër bie ndesh me ligjin dhe me rregullat e KQZ-së. Kodi që shërben në fletëvotime është për vendvotime dhe si mekanizëm i vërtetimit. Ky kod është një element themelor i integritetit zgjedhor. Pra, çështja nuk është vetëm një çështje teknike, por një çështje thelbësore që ndikon në sigurinë e votës. Rastet konkrete: Në shkollën “Avdullah Shabani” janë gjetur 3 fletëvotime që i takojnë një shkolle tjetër. Në shkollën “Migjeni” është gjetur një fletëvotim që i takon një klase tjetër. Është vërejtur që ka fletëvotime të shumta të bartura nga një klasë dhe nga një shkollë tjetër”, tha Gruda.

Ai ka theksuar dhe si fakt atë se Mitrovica ishte komuna e vetme ku pati më së shumti votimem e potencojnë se ky dështim i KQZ-së është më serioz si në rezultate, ashtu edhe në proces.

“Mitrovica është e vetmja komunë ku qytetarët dalin më së shumti në votime. Këtë herë, dështimi i KQZ-së është më serioz si në rezultate, ashtu edhe në proces. Këto janë shkelje të qarta të ligjit dhe ngrejnë dyshime të bazuara për lëndim të procesit zgjedhor dhe për aktivizim të “trenit bullgar”. Për ta vënë në funksion mjafton një fletëvotim, por janë gjetur disa fletëvotime”. Tha Gruda.

Ndonëse nga KQZ u tha se ka qenë një gabim teknik, ai tha se kjo më së paku ka rëndësi dhe se askush nuk mund të thirret mbi këtë

Kompania sllovene CETIS lëshon sqarim zyrtar për fletëvotimet në Mitrovicë

Kompania sllovene CETIS, e cila ka kryer shtypjen e fletëvotimeve për zgjedhjet lokale të vitit 2025, ka thënë se disa fletëvotime në komunat e Mitrovicës së Jugut dhe Gjakovës janë shtypur gabimisht.

Komisioni Qendror i Zgjedhjeve njofton se gjatë ditës së sotme ka pranuar sqarim zyrtar nga kompania sllovene CETIS për fletëvotimet në komunat e Mitrovicës së Jugut dhe Gjakovës.

Kompania e kontraktuar për shtypjen e fletëvotimeve për zgjedhjet lokale të vitit 2025, ka thënë në sqarim se bëhet fjalë për gabime gjatë shtypjes së fletëvotimeve.

CETIS tha në sqarim se ka kryer një hetim lidhur me rastin, i cili ka rezultuar në evidentimin e disa gabimeve në shtypje të disa fletëvotimeve në dy komuna.

Në njoftim thuhet se pas pranimit të fotografive që tregonin gabimin, kompania ka zhvilluar një hetim të plotë të procesit të prodhimit dhe përgatitjes së të dhënave. Hetimi ka zbuluar se problemi ka ndodhur vetëm në një nga katër kokat e printerit që shtyp numrin e vendvotimit, përderisa sistemi i kontrollit monitoron vetëm numrin serik (QR kodin), ndaj gabimi nuk është detektuar gjatë shtypjes.

CETIS thekson se merr plotësisht përgjegjësinë për këtë gabim teknik, duke nënvizuar se fletëvotimet përmbajnë elemente të shumta sigurie që e bëjnë të pamundur falsifikimin ose kopjimin e tyre. Kompania shpreh keqardhje të thellë për incidentin dhe konfirmon se mbetet në dispozicion të plotë të KQZ-së për çdo ndihmë në hetimin dhe verifikimin e fletëvotimeve për të sqaruar rrethanat e rastit.

Komisioni Qendror i Zgjedhjeve sqaron se për këtë përgjigje është njoftuar Prokuroria e Shtetit.

Njoftimi i plotë i kompanisë CETIS:

I/e nderuar Zotëri ose Zonjë,

Po ju shkruaj në emër të kompanisë CETIS në lidhje me pyetjet për printimin e fletëvotimeve për zgjedhjet lokale të Republikës së Kosovës, të mbajtura më 9 nëntor 2025, konkretisht në lidhje me numërimin e fletëvotimeve në komunat, Mitrovica Jugore dhe Gjakovë.

Për më shumë se 20 vjet, CETIS ka printuar fletëvotimet për zgjedhje presidenciale, parlamentare, evropiane, lokale, për kryetar komune, referendume dhe zgjedhje të tjera për vende të ndryshme anembanë botës, ndërsa që nga viti 2009 edhe për Kosovën. CETIS d.d., një nga kompanitë kryesore të zgjidhjeve të printimit të sigurt në Evropë, ofron dokumente udhëtimi, identifikimi dhe leje çarkullimi, si dhe zgjidhje gjithëpërfshirëse të gatshme për menaxhimin e identitetit dhe lëshimin e dokumenteve. Me mbi 200 vjet përvojë në printim, kompania jonë është një partner strategjik i besueshëm për kompanitë dhe qeveritë në të gjithë botën.

Pasi morëm fotografitë tuaja që tregojnë gabimin, ne kemi filluar menjëherë një hetim të plotë të të gjithë procesit të prodhimit dhe përgatitjes së të dhënave.

Për prodhimin e fletëvotimeve zgjedhore, ne përdorim pajisje të specializuara të printimit të kombinuara me teknologjinë me ngjyrë për printimin e të dhënave të ndryshueshme. Çdo kokë (pllakë) printimi është e lidhur me një njësi qendrore kontrolli që përpunon të dhënat nga baza e të dhënave. Pajisjet, të përdorura për këtë projekt, si për zgjedhjet parlamentare të këtij viti ashtu edhe për raundin e parë të zgjedhjeve lokale në Republikën e Kosovës , janë përdorur gjithashtu për shumicën e projekteve tona të fletëvotimeve zgjedhore.

Procesi ynë i prodhimit dhe kontrollit të cilësisë së fletëvotimeve kërkon verifikimin e numrit serik në çdo deng prej 50 fletëvotimesh. Çdo deng përfshin një kod QR për të siguruar që çdo qendër votimi të marrë sasinë dhe përmbajtjen e saktë të fletëvotimeve sipas planit të shpërndarjes. Përveç numrit serik, çdo fletëvotim përmban edhe numrin e qendrës së votimit. Këta dy elementë – numri serik (kodi QR) dhe numri i qendrës së votimit – shtypen nga koka/pllaka të veçanta ngjyre të pozicionuara në vende të ndryshme në fletëvotimin.

Hetimi ynë i brendshëm zbuloi se problemi i numërimit ndodhi ekskluzivisht në njërën nga katër kokat/pllakat e printerëve me ngjyrë, përgjegjëse për printimin e numrit të qendrës së votimit. Fatkeqësisht, ky gabim nuk mund të zbulohet gjatë printimit sepse i gjithë procesi i kontrollit bazohet në monitorimin e numrit serik. Nga një perspektivë teknike, kjo do të thotë që koka/pllaka e printimit, përgjegjëse për numrin e qendrës së votimit, ka pasur një keqfunksionim, gjë që nuk është zbuluar gjatë prodhimit.

Pavarësisht zbatimit të masave gjithëpërfshirëse të sigurisë dhe kontrolleve të rrepta bazuar në standardet më të larta të cilësisë dhe sigurisë, ne marrim përgjegjësi të plotë për këtë gabim, i cili në rrethana normale do të ishte pothuajse i pamundur të ndodhte. Fletët e votimit përfshijnë disa elementë sigurie që nuk mund të replikohen, prandaj besojmë se falsifikimi nuk mund të ketë qenë i mundur. Thellësisht na vjen keq që një incident i tillë ndodhi pavarësisht të gjitha masave parandaluese, përfshirë ekzaminimin personal nga ekipi juaj në ambientet tona të prodhimit.

Ne mbetemi në dispozicionin tuaj të plotë për të ofruar çdo ndihmë të nevojshme në hetimin dhe verifikimin e mëtejshëm të fletëve të votimit, me qëllim sqarimin e rrethanave të këtij incidenti.

Ju shprehim respektin tonë dhe presim me padurim zgjidhjen me sukses të kësaj çështjeje.

E dhimbshme: Ndërron jetë në moshë të re, Mentor Zmajlaj

Rrëmbimi i shtetasit kosovar nga xhandarmëria serbe, reagon ashpër Osmani: Serbia ka provokuar rëndë Kosovën…

Presidentja e Kosovës, Vjosa Osmani në Forumin “25 vjet nga kur gratë transformojnë paqen dhe sigurinë në Kosovë”, ka folur edhe për grabitjen e serbit në veri nga xhandarmëria e Serbisë.

Presidentja Osmani deklaroi se gjendja shëndetësore e tij është e rëndë. Madje, tha se familjarët e tij nuk janë lejuar që ta vizitojnë në spital.

“Serbia ka provokuar rëndë shtetin tonë. Informatat që i kemi për qytetarin tonë të plagosur brenda territorit tonë, janë se gjendja e tij është e rëndë, dhe se familjarët e tij nuk janë lejuar ta vizitojnë atë nga spitali ku gjendet aktualisht”, deklaroi ajo.

Ajo tha se Kosova është në koordinim me partnerët dhe duke monitoruar situatën, ngase plagosja dhe kidnapimi i Milan Vukashinoviq, ka ndodhur brenda territorit të Kosovës.

“Jemi në koordinim me partnerët tanë, dhe jemi duke monitoruar situatën sepse Serbia këtë kidnapim dhe plagosje të qytetarit e ka kryer brenda territorit tonë”.

Nura: Sjellja e dy përfaqësuesve të PDK-së në KQZ ka qenë për keqardhje dhe në kundërshtim me interesat e partisë

Kryetari i Skenderajt, Fadil Nura ka thënë se sjellja e dy përfaqësuesve aktual të PDK-së në KQZ ka qenë për keqardhje dhe në kundërshtim me interest e partisë.

Nura ka thënë se vend që të kotribuojnë në mbrotjen e qëndrimeve të PDK-së dhe të reagojnë ndaj fyerje dhe sulmeve të përsëritura nga përfaqësues të VV-së në mbledhjet e KQZ-së, këta anëtarë, sipas Nurës kanë dështuar të mbrojnë dinjitetin dhe qëndrimet politike të partisë.

“Sjellje të tilla dëmtojnë imazhin dhe besueshmërinë e Partisë Demokratike të Kosovës në një institucion të rëndësishëm siç është KQZ-ja”, shkruan ndër të tjera Nura.

PDK-ja në KQZ përfaqësohet nga Ilir Gashi dhe Arianit Elshani.