Kryeministri kanadez: Nëse Netanyahu hyn në Kanada, ai do të arrestohet

Kryeministri kanadez, Mark Carney, deklaroi se do të mbështeste vendimin e ish-kryeministrit Justin Trudeau për të arrestuar kryeministrin Benjamin Netanyahu nëse ai do të hynte në Kanada, në përputhje me urdhër-arrestin e Gjykatës Ndërkombëtare Penale.

Carney e bëri deklaratën gjatë një interviste me Mishal Husain në emisionin The Mishal Husain Show të Bloomberg, të transmetuar të dielën.

Kur u pyet drejtpërdrejt nëse do të ishte i përgatitur të arrestonte Netanyahun, Carney u përgjigj: “Po.”

Duke iu drejtuar të ardhmes së politikës kanadeze mbi shtetësinë palestineze, Carney tha: “Qëllimi përfundimtar është një shtet palestinez i lirë dhe i qëndrueshëm që jeton krah për krah në paqe dhe siguri me shtetin e Izraelit.”

Ai akuzoi qeverinë Netanyahu se po vepronte kundër këtij vizioni.

“Ne pamë se veprimet e qeverisë Netanyahu ishin të dizajnuara në mënyrë të qartë për t’i dhënë fund çdo mundësie për një shtet të Palestinës, në shkelje të Kartës së OKB-së dhe në kundërshtim me politikën e qeverisë kanadeze të çfarëdo lloji politik që nga viti 1947”, tha ai.

Komentet e Carney-t erdhën pas armëpushimit të fundit midis Izraelit dhe Hamasit, i ndërmjetësuar sipas kushteve të planit të paqes të Presidentit të SHBA-së Donald Trump.

10-vjeçari në Ferizaj e gjen kuletën me mbi 1 mijë euro në rrugë, e dorëzon në Polici

Një 10-vjeçar në Ferizaj e ka dorëzuar në polici një portofol me dokumente e para, që e kishte gjetur në rrugë.

Në njoftimin e Policisë thuhet se në portofol janë gjetur dokumente personale, si dhe 1130 euro, 20 franga zvicerane dhe 130 denarë maqedonas, shkruan Reporteri.net.

Pronari është identifikuar dhe është paraqitur në stacion.

” Pas verifikimit, policia ka arritur të identifikojë dhe të kontaktojë pronarin, B.B. nga Kaçaniku, i cili është paraqitur menjëherë në stacionin policor dhe ka konfirmuar se të gjitha sendet dhe paratë ishin të paprekura, të cilat i janë kthyer me procesverbal. Pronari ka shprehur mirënjohje dhe falënderim të sinqertë ndaj djaloshit dhe familjes së tij për gjestin e ndershëm, si dhe ndaj Policisë së Ferizajt për profesionalizmin dhe bashkëpunimin korrekt”, thuhet në njoftim.

Rënditja e partive për Asamble në Mitrovicë befasuese – kjo parti ka shkëputje të madhe

Rezultatet e QKN-së dhe QNR-së për Asamblenë e Mitrovicës tashmë janë numruar të gjitha.

Nga të dhënat e KQZ-së, del se Partia Demokratike e Kosovës mbetet e para me 40,27%, e pasuar me Vetëvendosjen me 7 mijë e 35 vota apo 22,87 për qind.

E treta është Guxo, ndërsa në vend të katërt Lidhja Demokratike e Kosovës.

Kujtojmë se kjo komunë ka shkuar në balotazh, ku më 9 nëntor për të partin e qytetit do të përballen Arian Tahiri i PDK-së me Faton Pecin e VV-së./Klankosova.tv

Pas trajtimit mjekësor, ‘merret ky vendim’ për Fatmir Shehollin

Fatmir Sheholli, i cili u arrestua nën dyshimin për spiunazh, është kthyer nga spitali në Qendrën e Paraburgimit në Gjilan. Kjo u konfirmua  nga zëdhënësi i Shërbimit Korrektues të Kosovës Florent Gashi.

“Pas disa ekzaminimeve dhe trajtimeve në spitalin e Gjilanit, ai është kthyer në Qendren e Paraburgimit”, deklaroi Gashi.

Sheholli, më 11 tetor kishte kërkuar ndihmë mjekësore dhe ishte hospitalizuar në spitalin e Gjilanit. Ndaj tij, është caktuar masa e paraburgimit prej një muaj nga Gjykata Themelore e Prishtinës.

S’ka bileta për ndeshjen Slloveni-Kosovë, shiten të gjitha

Federata e Futbollit e Sllovenisë, ka bërë të ditur të hënën se nuk ka më bileta të disponueshme për përballjen ndaj Kosovës, që zhvillohet më 15 nëntor.

Takimi, i vlefshëm për kualifikueset e Kampionatit Botëror 2026, do të luhet në Slloveni dhe interesimi për të ka qenë shumë i madh.

“Ndeshja kualifikuese mes Sllovenisë dhe Kosovës tashmë është e shitur plotësisht. Më pak se një muaj para zhvillimit të saj, të gjitha biletat janë shpërndarë”, thuhet në komunikatën e federatës sllovene.

Gjithashtu, sipas njoftimit zyrtar, hyrja në stadium do të jetë e kufizuar për tifozët që mbajnë simbolet e shteteve apo ekipeve të tjera, përveç sektorit të rezervuar për përkrahësit e Kosovës.

Kosova renditet e dyta në grupin B me 7 pikë, 3 pikë prapa Zvicrës dhe 4 pikë përpara Slovenisë. Pas kësaj Kosova do të pres edhe Suedinë me 18 nëntor në “Fadil Vokrri” për ndeshjen e fundit të grupit B.

Snapchat kthehet, por ka një kusht

Gjatë ditës së hënë, përdoruesit e Snapchat paraqitën më shumë se 22,000 raste problemi, ku shumë nuk mundën të hynin në llogaritë e tyre, të dërgonin mesazhe ose të ngarkonin aplikacionin.

Problemet duket se lidhen me një problem në Amazon Web Services, e cila ofron infrastrukturë që mbështet pjesën më të madhe të internetit modern, shkruan The Independent.

Snapchati është rikthyer, megjithatë raportohet se ka vendosur një kusht./

Veç edhe një kuti e diasporës e pa numëruar për Prishtinën – Ky kandidat dominon

Numërimi i votave të diasporës po shkon drejt fundit.

Sipas Komisionit Qendror të Zgjedhjeve, ka mbetur vetëm edhe një kuti pa numëruar nga votat me postë në Prishtinë.

Nga përditësimi i fundit del se kandidati i LDK-së njëherësh kryetari aktual i kryeqytetit, Përparim Rama, i ka marrë 476 vota nga bashkëatdhetarët apo 54.90 për qind, derisa kundërkandidati i tij nga LVV-ja Hajrulla Çeko, i ka 240 vota apo 27.68 për qind e votave, përcjell Periskopi.

Derisa ai i PDK-së Uran Ismaili, ka marrë 103 vota nga mërgimtarët apo 11.88 për qind të votave.

E ndërkaq tek rezultati i përgjithshëm kur janë numëruar 99.63 për qind e votave, Rama i ka 35 mijë e 430 vota, Çeko 34 mijë e 856 vota, Uran Ismaili 29 mijë e 71 vota.

Nëse e siguron vendin e dytë, këta janë rivalët e mundshëm të Kosovës në play-off

Uellsi, Çekia, Hungaria dhe skocia mund të jenë kundërshtarët e mundshëm të kombëtares së Kosovës në play-offin e kualifikimeve për Kupën e Botës.

Ja se si ndodh kjo?

Këto skuadra llogariten si kombëtare të projektuara për kualifikim nga vendet e dyta të fazës së grupeve – dhe secila prej tyre pritet të jenë në vazon e dytë të sistemit të play-offit, shkruan Paparaci.

Kosova, e cila tashmë i ka shanset më të mëdha për kualifikim si e dyta nga grupi i saj (Grupi B kualifikues për kupën e Botës), me koeficientin e saj do të renditej në vazon e tretë të 16 ekipeve në play off.

Kësisoj, Kosova me shumë gjasë nuk do të mund të ballafaqohej me shqipërinë në ndeshjen e parë, gjysmëfinale të play-offit. Shqipëria është e projektuar të jetë po ashtu në vazon e tretë të skuadrave në play-off. Por, kjo mund të ndryshojë pasi Shqipëria ka koeficient më të mirë sesa Kosova dhe ka gjasa të ngjitet në vazon e dytë.

Pra, nëse ndeshjet e muajit nëntor nuk ndryshojnë shumë sa i përket situatës në grupet kualifikuese, atëherë si Kosova, ashtu edhe Shqipëria, do të peshkonin njërën prej katër ekipeve: Uellsi, Çekia, Hungaria dhe Skocia.

Ndeshjet e play-offit të Kupës së Botës në UEFA luhen në sistem të gjysmëfinaleve dhe finaleve. Nga 16 ekipe, tetë ekipe nga play-offi i bashkohen tetë të tjerave që shkojnë direkt si vendet e para nga grupet.

Duelet e play-offit zhvillohen në fund të muajit mars.

Edhe Suedia, të cilën Kosova e mundi sot në udhëtim, e ka një vend në play-off të cilin e ka siguruar nga Liga e Kombeve. Por, meqë vjen nga ky format i UEFA-s, ajo do të ndodhet në vazon e katërt – që është vazo tepër e pafavorshme sepse do të peshkojë në short ekipet e vazos së parë, ku pritet pothuajse me 99% mundësi, të jetë Italia.

Kosova ka aktualisht 7 pikë në Grupin B kualifikues, katër më shumë sesa Sllovenia e vendit të dytë dhe ndohet në rrugë të duhur për sigurimin e play-offit.

Ja se si duken vazot e projektuara për play-off aktualisht:

 

Vesa feston kështu përvjetorin me Mirlindin

“Lumir Abdixhiku e ka aprovuar koalicionin LDK-VV në Vushtrri”

Avokati Besnik Berisha ka reaguar për koalicionin e arritur sot ndërmjet kandidatit të LDK-së për kryetar të Vushtrrisë, Xhafer Tahiri, dhe Lëvizjes Vetëvendosje, shkruan Insajderi

Berisha ka thënë se ky koalicion nuk ka ndodhur rastësisht. Sipas tij, është miratuar paraprakisht nga vet kryetari i Lidhjes Demokratike të Kosovës, Lumir Abdixhiku, ndonëse ky i fundit sot publikisht reagoi kundër marrëveshjes.

Sipas Berishës, marrëveshja është diskutuar, aprovuar dhe lejuar nga Abdixhiku deri në mbrëmjen e kaluar, kur “është kërkuar që të anulohet ose të mos realizohet publikisht”.

Për këtë, ai thotë se ka prova.

Statusi i plotë:

Edhe kete e boll

Me i ra pishman ka drejt secili, ama me iu servu te paverteta antareve te familjes eshte gjynah bre…!

Per mos me i hy ne hak askujt, po aq sa per ta thene te verteten e plote, edhe kur e verteta dhemb, koalicioni me VV ne Vushtrri nuk ka ndodhe rastesisht.

Ai eshte diskutuar, aprovuar dhe lejuar nga vet kryetari i LDK-se, Lumir Abdixhiku, deri mbreme, kur gjerat kane ndryshuar, e kur eshte kerku me anulu, ose jo publikisht me realizu.

Madje, nese duan me tregu drejt, ne kembim te asaj vote ne Vushtrri, eshte kerkuar perkrahje edhe ne Suhareke per Ardianin. Kjo perkrahje eshte siguru dhe keshtu eshte edhe per Suhareke, ndonese po perpiqen ta mbajne msheft. .

Per keto, dikush ka prova.

Po e mbylli me nje citat te kryetarit Abdixhiku, thene tek Leo ne Pressing :

” Tash, ne garen ne Vushtrri, ku LDK do te jete ne gare potencialisht me PDK-ne, eshte Vetevendosje ajo qe ben fituesin dhe njera prej partive duhet te beje marreveshje me Vetevendosjen per Vushtrrine”

Nejse… kaq sa per “rrugen pa busulle”

dhe per “konsistencen” qe shpesh i degjojme ne deklarata, por rralle i shohim ne veprim.