E quajti ‘gjeneral të vetëshpallur’, Haradinaj i përgjigjet Donika Gërvallës

Kryetari i AAK-së, Ramush Haradinaj, ka reaguar me ashpërsi ndaj deklaratave të ministres së Punëve të Jashtme, Donika Gërvallës, e cila në një tubim në Deçan i referohet disa figurave si “gjeneralë të vetëshpallur”.

Haradinaj, duke folur për KP, theksoi se gradën e tij e ka marrë nga NATO dhe që ajo iu dha nga një oficer gjerman, Klaus, në vendin ku është rritur Gërvalla.

“Ua kam hequr maskat edhe tash po iu prishën matematikat, po shohin se nuk e kanë punën mirë. Kuptohet, jam bërë nervoz, por detyra ime është kjo, unë jam opozitar, ka qenë detyra ime me iu hequr maskat – me ia qit ashtu si janë dhe po e shihni se çfarë janë. Hero janë dëshmorët e ata, për gjeneral, gradën e dytë e kam pikërisht prej NATO-s dhe atë prej një oficeri gjerman, atje ku është rritur kjo zonja, gjeneralit Klaus, ma ka dhënë me dorën e vet”, deklaroi Haradinaj.

Reagime kundër deklaratave të Gërvallës erdhën edhe nga Organizata e Veteranëve të Luftës së UÇK-së.

Në një deklaratë, organizata i bëri thirrje që të ndalen me fyerjet dhe veprimet keqdashëse kundër luftës çlirimtare dhe pjesëmarrësve të UÇK-së.

“Sepse një ditë, jo të largët, vet populli do t’u pështyjë surratin e do t’u hedh në kosha plehrash”, u theksua në deklaratë.

Më herët, gjatë një tubimi në Deçan, ministrja Gërvalla kishte thënë se Kosova nuk do të hyjë në NATO as me “gjeneralë të vetëshpallur” e as me një buxhet prej katër milionë euro në vit për ushtri, siç ishte rasti më parë./

Gjesti i dërgon mesazh me kode Xhenetës?

Gjesti është padyshim fenomeni momental i rrjeteve sociale dhe jo vetëm.

Një video tjetër e tij po bënë xhiron e rrjetit, video e cila sipas ndjekësve është për Xhenetën.

Ata janë shprehur poshtë videos se ai po i dërgon sinjale me kode asaj.

Si qëndron e vërteta e kësaj e di më së miri Gjesti.

Xumi Allushi ndez rrjetin me komentin që i bëri Xhenetes në instagram

Ish-banori i shtëpisë së “Big Brother VIP Albania 4”, Xum Allushi, është kthyer në një nga personazhet më të përfolur në rrjetet sociale, pas ngjarjeve të ndryshme që ndodhën brenda shtëpisë.

Xumi, i njohur për këngët e tij dhe karizmin, e ka shprehur hapur pëlqimin e tij për këngëtaren Egli Tako, por ndjenjat e tij nuk janë shpërblyer, pasi ajo e refuzoi. Kjo situatë ka nxitur shumë diskutime midis ndjekësve dhe fansave të show-t, duke e bërë Xumin një figurë edhe më të njohur në mediat sociale.

Pas përfundimit të edicionit të katërt të “Big Brother”, ku Xumi bëri disa miqësi dhe krijoi marrëdhënie interesante, ai ka bërë një koment të menjëhershëm dhe interesant për ish-banorën tjetër, Xheneta Fetahu. Xheneta, e cila zhvilloi një lidhje dashurie me Gjestin gjatë kohës në shtëpi, është një figurë tjetër që ka tërhequr vëmendjen e publikut.

Komenti i Xumit për Xhenetën ka qenë një zemër e kuqe në një postim të saj në Instagram. Sidoqoftë, ai e fshiu menjëherë këtë koment, duke lënë të mendosh se ndoshta kishte një arsye të veçantë pse e mori këtë vendim. Ky veprim ka nxitur thashetheme dhe spekulime në rrjetet sociale, duke u bërë një çështje e diskutuar gjerësisht nga tifozët e programit.

Xumi, duke qenë një personazh tepër i njohur, ka përfituar një numër të madh ndjekësish, e mes tyre është edhe Xheneta. Më shumë se kaq, ajo nuk ia ka kthyer mbrapsht ndjekjen, që ndoshta është një tregues i mundshëm se marrëdhëniet e tyre nuk janë aq të ngushta ose se ajo nuk ka interes për këto veprime.

Situata mes Xumit dhe Xhenetës është vetëm një nga shumë ngjarjet që kanë ndodhur gjatë këtij edicioni të “Big Brother”, i cili ka ofruar shumë emocione dhe drama që mbajnë publikun të lidhur nga fillimi deri në fund. Të gjithë janë të kureshtur për çfarë do të ndodhë më pas dhe nëse ky koment ka ndonjë ndikim në marrëdhëniet e tyre në të ardhmen.

Me këtë, Xumi ka arritur të rrisë popullaritetin e tij edhe më shumë, duke u bërë një nga figurat më të komentuarat në rrjetet sociale. Ai ka një stil të vecantë dhe një mënyrë të veçantë të shprehjes, duke e bërë atë më të tërheqshëm për adhuruesit e tij.

Më në fund, kjo situatë tregon sesi ndjenjat dhe marrëdhëniet evoluojnë përmes mediave sociale, ku çdo koment dhe çdo veprim mund të bëhet një temë diskutimi. Fansat presin me padurim zhvillimet e ardhshme nga dy personazhet, duke shpresuar për më shumë skena emocionuese dhe të papritura.

Brohoritje ‘Zdravo’, ‘Albin hajni’ dhe mjete piroteknike gjatë tubimit të Kurtit në Skenderaj

Lëvizja Vetëvendosje po mbante një tubim zgjedhor në Skenderaj, në kuadër të fushatës për zgjedhjet e 9 shkurtit.

Megjithatë, gjatë përpjekjeve të kryeministrit Albin Kurti për të hyrë në sallën ku do të mbahej tubimi, u hodhën fishekzjarre dhe mjete piroteknike në drejtim të tij.

Sipas pamjeve të publikuara në rrjetin social Facebook, mbrojtja e afërt e kryeministrit ka reaguar menjëherë, duke e mbuluar Kurtin dhe deputetët e tjerë të Vetëvendosjes me çadra për të siguruar sigurinë e tyre.

Nuk ka raporte për lëndime, por incidenti ka shkaktuar tension në vendndodhjen e tubimit.

Ndërkohë, para pak minutash, në afërsi të vendit ku po mbahej tubimi, janë dëgjuar dhjetëra simpatizantë të Partisë Demokratike të Kosovës (PDK) duke brohoritur “Na jena PDK, Thaçi – Thaçi” dhe “Albin hajni”.

Gjithashtu, janë dëgjuar edhe thirrjet “Zdravo”, të cilat lidhen me audio-incizimin e fundit të shefes së Grupit Parlamentar të Vetëvendosjes, Mimoza Kusari, me Milan Radoiçiq, një ngjarje që ka shkaktuar polemika të mëdha.

Lidhur me rastin ka reaguar ministri i Kulturës, Hajrulla Çeku.

“Disa qyqanë të orkestruar nga partia paskan tentu me e pengu tubimin e Vetëvendosjes në Skenderaj. Për çudi, komuna paralele e Serbisë atje nuk ju bënte fort përshtypje.
Harroni që na ndalni. Po thyejm bastione një nga një, cep më cep. Dje në Deçan, sot në Drenicë, e çdo ditë deri në 500 mijë zemrat e 9 shkurtit. Politika primitive nuk kalon”, shkroi Çeku.

Policia ndodhet në vendngjarje dhe po përcjellin me kujdes situatën./Telegrafi/

Fitorja e Drilonit, Xuxi: Ai ka qenë arrogant dhe …

Xuxi ka folur për herë të parë pas daljes nga Big Brother VIP Kosova 3.

Në emisionin “Kosova today”, ai tha se eksperiencën e tij brenda shtëpisë më të famshme në vend, nuk do ta harrojë kurrë.

Mes tjerash, artisti i cili shkoi deri në finale tha se fituesi i këtij edicioni, pra Driloni, ishte arrogant në raste të caktuara.

“Natyrisht, a e kanë votuar populli. Për mua është okej. Ai ka qenë arrogant në raste të caktuara ”, tha Xuxi kur u pyet nëse Driloni e ka merituar fitoren.

Rina feston sot ditëlindjen, ja sa vjeç mbushi këngëtarja

Këngëtarja e njohur, Rina Balaj është padyshim ndër emrat më të komentuar të estradës shqiptare

Sot ajo, po feston ditëlindjen, Rina ka mbushur plotë 26-vjeç, shkruan IndeksOnline.

Këngëtarja ka marr urime të shumta nga familjarët, miqtë e fansat.

Urime Rina!

Përgjigja dyshuese e Naim Murselit kur u pyet për shtëpinë dhe gjendjen e tij financiare

Nën masa të rrepta sigurie, para trupit  gjykues të Gjykatës Themelore në Prishtinë ka dalë Naim Murseli, Granit Plava, Kushtrim Kokalla dhe Tom Dodaj të cilët ngarkohen për rastin e vrasjes së Liridona Ademaj më 29 nëntor 2023.

Gjyqtarja fillimisht ka pyetur për të dhënat personale, Naim Murselin.

Gjyqtarja, Fatmire Dërmaku: Ku banoni?

Naim Murseli: Suedi, dhe Chelsey Point.

Gjykatësja: A keni numer të shtëpisë (në Prishtinë)?

Naim Murseli: Nuk më kujtohet…

Gjykatësja: Çka keni të kryer nga shkolla?

Naim Murseli: Kam të kryer shkollën e mesme.

Gjykatësja: Gjendja ekonomike: E dobët e mesme e mirë.

Naim Muresli: E mesme …

Ndryshe, seanca u shty për shkak se mbrojtësi i të akuzuarit Kushtrim Kokalla, avokati Ndrecë Dodaj, si dhe mbrojtësi i të akuzuarit Tom Dodaj, avokati Agron Kuçi deklaruan se nuk janë pajisur me të gjitha shkresat e lëndës

Nuk shkoi gjatë, ndodhi “puthja” e parë mes Gjestit dhe Eglit? (video)

Gjesti dhe Egli Tako jane tema me e perfolur në “BBV4” dhe ne rrjetet sociale. Ajo që duket me e afruar është Egli kundrejt këngetarit, i cili ka thënë që për momentin nuk ndjen asgjë.

Pavarsisht këtyre fjalëve të Gjestit, të dy banorët janë shumë të afërt dhe gjestet mes tyre nuk kanë munguar. Një ndër afrimet e shumta ishte dhe kjo puthje në buzë ditën e sotme, por me xham në mes.

A mund ta qujmë këtë si puthje të parë? Këtë vendoseni ju.

VIDEO

Gruaja që vdiq në aksidentin e mbrëmshëm ishte mësuese

E diela ishte e kobshme për familjen Gashi. Aksidenti tragjik në fshatin Çubrel, në rrugën magjistrale Mitrovicë – Pejë, ka marrë jetën e tre anëtarëve të familjes, Zarife Gashi, Agim Gashi dhe Gyltene Potoku-Gashi, raporton Gazeta Sinjali.

E ndjera Gyltenja, ishte mësuese për shumë vite dhe punonte në një çerdhe në Komunën e Pejës.

 

 

Ky rast tronditi gjithë vendin, ndërsa familjarët e viktimave kanë ndarë dhimbjen e tyre të thellë për këtë humbje të pazëvendësueshme.

Nga aksidenti mbetën të lënduar edhe pesë persona, katër prej tyre zyrtarë policorë.

Nis gjykimi | Gjyqtarja e pyet Naim Murselin a je i martuar, përgjigja e tij: Kam gruan e vrarë

Në Gjykatën Themelore në Prishtinë ka nisur shqyrtimi fillestar për rastin e vrasjes së Liridona Ademajt.

Të akuzuarit Naim Murseli, Granit Plava dhe Kushtrim Kokalla u paraqitën në seancë nën masa të rrepta sigurie.

Naim Murseli pasi u pyet nëse është i martuar, u përgjigj shkurt: Kam gruan e vrarë.

Në aktakuzën e Prokurorisë, thuhet se Murseli, Plava dhe Kokalla ishin dakorduar paraprakisht që vrasja të kryhej nga i akuzuari Plava me marrëveshje që Murseli t’ia paguante atij 30 mijë euro.

 

 

I gjithë plani për vrasjen e Liridonës, sipas dosjes, se u bë nga bashkëshorti i saj, tani i akuzuari Naim Murseli, si pasojë e çrregullimit të raporteve familjare e martesore, ku edhe lindi dëshira e tij për hakmarrje.

Në aktakuzë thuhet se fillimisht plani i ishte shpalosur Kokallës nga Murseli, por ai kishte refuzuar të gjente një mundësi për vrasjen e Liridonës, e më pas Kokalla kishte gjetur Plavën, me të cilin e kishte njoftuar Naimin.